# ﺭﺟﻞ _ ﺗﺤﺖ _ ﺍﻟﺤﻈﺮ
# ﺍﻟﺤﻠﻘﺔ _ ﺍﻟﺮﺍﺑﻌﺔ _ ﻭﺛﻤﺎﻧﻮﻥ
# ﻟﻠﻜﺎﺗﺒﺔ _ ﺭﻳﻢ _ ﻣﺤﻢﺩ
# ﻻﻳﻚ _ ﻛﻮﻣﻨﺖ
ﺳﺎﺭﻩ :: ﺑﺎﻫﻲ
ﻭﻳﻦ ﻧﺴﻜﻨﻮ ﻓﻲ ﺷﻘﺘﻨﺎ ﺯﻣﺎﻥ ﻭﻻ ﺷﻦ ﻧﺎﻭﻱ
ﻭﺳﻴﻢ : ﺧﺎﻃﺮﻱ ﻧﺴﻜﻦ ﻓﻴﻬﺎ ﻭﻧﻜﻤﻞ . ﻓﻴﻬﺎ ﺣﻴﺎﺗﻲ . ﺑﺲ ﺻﻌﺐ ﻧﻘﺪﺭﻭ . ﻧﺴﻜﻨﻮ ﻓﻴﻬﺎ ﻏﺸﺎﻥ ﻫﻜﻲ ﺑﻨﺸﺮﻱ ﺷﻘﺔ ﺑﺮﺍ
ﺳﺎﺭﻩ :: ﺍﻫﺎ ﺻﺢ ﺣﻮﺵ ﺭﺍﺟﻞ . ﺍﻣﻚ ﺻﻌﺐ . ﺗﺴﻜﻦ ﻓﻴﻪ
ﺑﺎﻳﺨﻪ ﺭﺍﺟﻞ ﺑﺮﺍﻧﻲ
ﻭﺳﻴﻢ ::
ﻻﻻ ﻣﺶ ﺯﻱ ﻣﺎﺣﻠﻠﺘﻲ ﻭﻓﻜﺮﺗﻲ ﻻ ﺍﻣﻲ ﻭﻻ ﻋﻤﻲ ﺭﺍﺡ ﻳﻄﻠﻘﻮﻧﻲ ﻋﻤﻲ ﻣﺤﻤﻮﺩ ﺍﻧﺴﺎﻥ ﻃﻴﺐ ﻭﺣﻨﻮﻥ . ﻭﻗﺎﻟﻬﺎ ﻟﻴﺎ ﺣﻮﺵ ﺍﻣﻚ ﻭﺍﻧﺎ ﺯﻱ ﺑﺎﺗﻚ ﺗﻔﻜﺮﺵ ﺗﻄﻠﻊ ﺑﺮﺍ ﺍﻟﺤﻮﺵ
ﺑﺲ ﺍﻧﺎ ﻣﺴﺘﺜﻘﻠﻬﺎ ﻧﻘﻌﺪ ﻋﻨﺪﻩ ﺍﻟﻨﺎﺱ ﺷﻦ ﻳﻘﻮﻟﻮ
ﻭﻓِﻲ ﻧﻔﺲ ﺍﻟﻮﻗﺖ : ﺍﻟﺸﻘﻪ ﻣﻌﺶ ﺗﺴﺪﻧﺎ
ﺩﺍﺭ ﺑﺲ ﻫﻲ ﻭﻧﺤﻦ ﺗﻮﺍ ﺍﺭﺑﻊ ﺃﻧﻔﺎﺭ ﻭﻗﺮﻳﺐ ﺑﻨﻘﻌﺪﻭ . ﺛﻤﺎﻧﻴﻪ
ﺳﺎﺭﻩ : ﺛﻤﺎﻧﻴﻪ . ﻛﻴﻒ ﺑﺴﻢ ﺍﻟﻠﻪ ﻛﻴﻒ ﺟﻮ ﻫﺬﻭﻡ
ﻭﺳﻴﻢ :: ﻛﻴﻒ ﻣﺎﺟﻮ . ﺧﻮﺗﻬﻢ ﻣﻦ ﺭﻗﺪﺕ ﻫﻞ ﺍﻟﺼﺪﺭ .
ﺳﺎﺭﻩ :: ﺧﻼﺹ ﺑﻄﻞ ﺳﺨﺎﻓﻪ
ﻭﺳﻴﻢ :: ﻋﻨﺠﺪ ﺗﺘﺤﺸﻤﻲ ﻣﻨﻲ ﺗﻲ ﻧﺴﻴﺘﻲ ﻟﻴﺎﻟﻴﻨﺎ ﺍﻧﺎ ﻣﺘﺬﻛﺮ ﺑﺎﻟﺘﻔﺼﻴﻞ .
ﺳﺎﺭﻩ : ﻭﺳﻴﻢ ﺧﻼﺹ ﻋﺎﺩ
ﻭﺳﻴﻢ : ﺣﻼﺹ ﺍﻭﻛﻲ . ﺑﺲ ﺍﻟﺜﻤﺎﻧﻴﻪ ﺑﻨﻘﻌﺪﻭ ﻛﻴﻴﻴﻴﻴﻴﻒ . ﺑﺎﻟﻌﻘﻞ
ﻳﺎﺑﺸﻪ ﺍﻧﺘﻲ ﺑﺘﺤﻤﻠﻲ ﻭﺗﺠﻴﺒﻲ ﺗﻮﻡ
ﺳﺎﺭﻩ :: ﺭﺍﻩ ﺗﻘﻌﺪ ﻣﺼﺪﻕ ﺍﻧﻲ ﻗﻄﻮﺳﻪ ﺑﺎﻟﺼﺢ . ﻻ ﺣﺒﻴﺒﻲ . ﺍﻟﻤﺮﻩ ﺍﻟﺠﺎﻳﻪ ﻧﺠﻴﺐ ﺑﺲ ﻋﻴﻞ ﺍﻭ ﺑﻨﺖ
ﻭﺳﻴﻢ :: ﺗﻲ ﺟﻴﺒﻲ ﺟﺘﻲ ﻓﺎﺭ . ﺍﻟﻤﻬﻢ ﺗﺮﺩﻳﻠﻲ
ﺧﻄﺮﻫﺎ ﻋﻠﻲ ﺍﻟﻔﺎﺭ
ﺷﻦ ﺻﺎﺭﻓﻴﻪ ﻣﻌﺶ ﺣﻠﻤﺘﻲ ﺑﻔﺌﺮﺍﻥ ﻭﺣﻨﺸﻪ ﻫﻬﻬﻬﻬﻪ
ﺳﺎﺭﻩ :: ﻻ ﺍﻟﺤﻤﺪﺍﻟﻠﻪ . ﻣﺘﺮﻳﺤﻪ ﻣﻦ ﺍﻭﻝ ﻣﺘﻌﻤﺪﺍ ﻃﻠﻖ ﺍﺧﺘﻚ ﻭﺍﻧﺎ ﺍﻃﻠﻘﺖ
ﻭﺳﻴﻢ : ﻗﻮﻟﻴﻬﺎ ﻟَﻴﺶ ﻣﺘﺤﺸﻤﻪ ﻣﻦ ﺍﻭﻝ ﻣﺎﺑﻌﺪﺗﻲ ﻋﻦ ﻋﻴﻠﺘﻨﺎ
ﺳﺎﺭﻩ : ﺳﺤﺮ . ﻗﺎﻟﺘﻠﻲ ﻋﻔﺎﻑ ﺗﻌﺒﺎﻧﻪ ﺑﻜﻞ .
ﻭﺳﺒﻢ :: ﺍﻟﻠﻬﻢ ﺍﺣﻔﻈﻨﺎ . ﻋﻨﺪﻫﺎ
ﺳﺎﺭﻩ :: ﻳﻤﻬﻞ ﻭﻻ ﻳﻬﻤﻞ
ﻭﺳﻴﻢ : ﻋﻴﻮﻧﻲ ﻏﻴﺮﻱ ﺍﻟﺴﻴﺮﻩ
ﺑﺎﻫﻲ ﻗﻮﻟﻴﻠﻲ ﻋﻨﺪﻛﺶ ﺷﺮﻭﻁ ﻭﻻ ﺍﻱ ﻃﻠﺒﺎﺕ
ﺳﺎﺭﻩ :: ﻻ ﻣﻌﻨﺪﻳﺶ
ﻭﺳﻴﻢ : ﻏﺮﻳﺐ
ﺳﺎﺭﻩ : ﺷﻦ ﺍﻟﻐﺮﻳﺐ
ﻭﺳﻴﻢ :: ﻳﻌﻨﻲ . ﺍﻧﺎ ﻣﺪﺭﺗﺶ ﻓﻴﻚ ﺷﻮﻳﻪ ﻭﺍﻟﻄﺒﻴﻌﻲ ﻗﺒﻞ ﺗﺮﺩﻱ ﺗﺤﻄﻲ ﺷﺮﻭﻁ ﻋﻠّﻴﺎ
ﺳﺎﺭﻩ : ﻻﻧﻲ ﻣﺸﻔﺘﺶ ﻣﻨﻚ ﺣﺎﺟﻪ ﺷﻴﻨﻪ ﻋﺸﺖ ﻣﻌﺎﻙ ﺳﻨﻪ ﻛﺎﻣﻠﻪ ﻭﻋﻤﺮﻙ ﻣﺎ ﻗﻴﺪﺗﻨﻲ ﻭﻻ ﺯﻋﻠﺘﻨﻲ ﻭﻻ ﺣﺮﻣﺘﻨﻲ ﻣﻦ ﺣﺎﺟﻪ
ﺍﻧﺎ ﺍﺻﻼ ﺍﻃﻠﻘﺖ ﻭﻣﺶ ﻓﻲ ﺑﺎﻟﻲ ﺍﻱ ﺫﻛﺮﻩ ﺷﻴﻨﻪ ﻣﻨﻚ
ﻟﻮﻻ ﺑﺲ . ﺍﻟﻠﻲ ﺻﺎﺭ .
ﻭﺳﻴﻢ : ﺍﻟﺘﺴﺮﻉ ﻃﺒﻌﻲ ﺍﻟﻐﺒﻲ
ﺍﻃﻤﻨﻲ . ﺍﻧﺎ ﻓﻌﻼ ﺗﻐﻴﺮﺕ ﻭﺗﻮﺍ ﻧﺒﻲ ﻧﻌﺪ ﻟﻼﻟﻒ ﻗﺒﻞ ﺍﻱ ﺗﺼﺮﻑ ﺍﻭ ﻗﺮﺍﺭ ﺑﻨﺎﺧﺪﻩ
ﺧﺪﻳﺖ ﺩﺭﺱ ﻣﻦ ﻳﻠﻲ ﺻﺎﺭ ﺍﻧﺎ ﺍﺳﻒ ﻭﻟﻴﻦ ﻧﻤﻮﺕ ﻭﺍﻧﺎ ﻧﺘﺄﺳﻒ ﻣﻨﻚ
ﺳﺎﺭﻩ : ﻏﻴﺮﺕ ﺍﻟﻤﻮﺿﻮﻉ
ﻭﺑﺤﺘﺖ ﻓﻲ ﺍﻟﺪﺑﻠﻪ ﻭﻗﺘﻠﻪ
ﺗﻬﺒﻞ ﺍﻟﺪﺑﻠﻪ ﺫﻭﻗﻚ
ﻭﺳﻴﻢ : ﺗﻐﻴﺮﻱ ﻓﻲ ﺍﻟﻤﻮﺿﻮﻉ
ﺳﺎﺭﻩ :: ﺍﻧﺖ ﺟﺒﺖ ﺳﻴﺮﺓ ﺣﺎﺟﻪ ﺗﺰﻋﻞ ﻓﻴﺎ
ﻭﺳﻴﻢ :: ﺭﺑﻲ ﻳﻄﻮﻝ ﻓﻲ ﻋﻤﺮﻱ ﻋﺸﺎﻧﻚ ﻛﻮﻳﺲ ﻫﻜﻲ
ﺳﺎﺭﻩ : ﺍﻣﻴﻦ ﻳﺎﺍﺍﺍﺍﺍﺭﺏ
ﺟﻤﻴﻠﻪ : ﺧﻼﺹ ﻫﻲ . ﺧﻮﺩ ﺑﻌﻀﻚ . ﻭﺭﻭﺡ .
ﻭﺳﻴﻢ : ﻣﺰﻟﻨﺎ ﻧﺤﻜﻮ ﻓﻲ ﺣﺎﺟﺎﺕ ﻧﺘﻔﺎﻫﻤﻮ ﻓﻴﻬﻦ
ﺟﻤﻴﻠﻪ : ﺑﻜﺮﺍ ﺍﺳﺘﺄﺫﻥ ﻣﻦ ﺧﻮﺗﻬﺎ . ﻭﻣﺮﺣﺒﺘﻴﻦ ﺑﻴﻚ ﺗﻮﺍ ﺧﻼﺹ ﻫﻲ ﺭﻭﺡ
ﻧﺎﺩﻳﻪ ﻓﻬﻤﻴﻪ
ﺳﺎﺭﻩ :: ﻣﺎﻣﺎ ﺷﻮﻳﻪ ﺑﺲ ﺗﻮﺍ ﻳﺮﻭﺡ
ﻧﺎﺩﻳﻪ :: ﻻﻩ ﺷﻮﻳﻪ ﺗﻮﺍ ﻳﺮﻭﺡ
ﻓﻬﻤﻲ ﺑﻨﺘﻚ ﻳﺎﺟﻤﻴﻠﻪ ﻫﻬﻬﻬﻬﻬﻪ
ﺟﻤﻴﻠﻪ :: ﺑﻨﺘﻲ ﺗﺮﻛﺐ ﺳﻴﺎﺭﺗﻬﺎ ﻫﻲ ﻧﺮﻭﺣﻮ
ﻭﺍﻧﺖ ﺍﻟﺤﻘﻨﺎ
ﻧﺎﺩﻳﻪ :: ﺳﺎﺭﻩ ﻭﻟﺪﻱ ﻣﺼﺪﻗﺖ . ﻟﻘﻴﺘﻪ ﻭﻣﺶ ﺣﺎﺑﻪ ﻳﻐﻴﺐ ﻋﻠّﻴﺎ ﺳﺎﻋﻪ ﺍﺭﺟﻮﻙ ﻗﺪﺭﻱ ﺍﻟﺸﻲ ﻫﺬﺍ
ﻭﺳﻴﻢ : ﻣﺰﻟﺘﻲ ﻣﺘﻌﺮﻓﻴﺶ ﺳﺎﺭﻩ ﻳﺎﺍﻣﻲ .
ﺍﻃﻤﻨﻲ .
ﺳﺎﺭﻩ :: ﺭﺑﻲ ﻳﺨﻠﻴﻜﻢ ﻟﺒﻌﻀﻜﻢ ﻭﻭﺳﻴﻢ ﺟﺎﻭﺑﻚ ﺍﻧﺎ ﺗﺮﺑﻴﺔ ﺟﻤﻴﻠﻪ .
ﻭﻣﺴﺘﺤﻴﻞ ﻧﺪﻳﺮ ﺷﻲ ﺷﻴﻦ
ﺟﻤﻴﻠﻪ :: ﺣﺒﻴﺒﺘﻲ ﺭﺑﻲ ﻳﻬﻨﻴﻚ
ﻧﺎﺩﻳﻪ :: ﺭﺑﻲ ﻳﺤﻔﻈﻬﺎ ﻭﻧﻌﻢ ﺍﻟﺘﺮﺑﻴﻪ
ﻭﻓِﻲ ﺷﻲ ﺛﺎﻧﻲ
ﺍﻧﺎ ﻧﺎﺧﺪ ﺍﻟﺪﻭﺭ ﺍﻷﺭﺿﻲ ﻭﺍﻧﺘﻢ ﺗﻮﺍ ﻋﻴﻠﻪ ﻭﺷﻘﺔ ﺯﻣﺎﻥ ﻣﻌﺶ ﺗﺴﺪ ﻭﺗﻄﻠﻌﻮ ﺗﺴﻜﻨﻮ . ﺑﺮﺍ ﻫُﺬِّﻱ ﻣﺎﻧﺒﻴﻬﺎ
ﺍﻧﺘﻢ ﺍﻟﺪﻭﺭ ﺍﻟﻌﻠﻮﻱ ﻛﻠﻪ ﻟﻜﻢ . ﻣﻦ ﺑﻜﺮﺍ ﺧﻮﺩﻩ ﻭﻏﻴﺮﻩ ﻭﺩﻳﺮﻩ ﺯﻱ ﻣﺄﺳﺎﺭﻩ ﺗﺤﺐ .
ﻭﺳﻴﻢ :: ﺭﺑﻲ ﻳﺨﻠﻴﻚ . ﻟﻴﺎ ﺍﻧﺘﻲ ﻭﻋﻤﻲ ﻭﻳﻔﺮﺣﻜﻢ ﺑﺮﻭﺍﻥ
ﺳﺎﺭﻩ : ﺍﻧﺎ ﻧﺴﻜﻦ ﻓﻲ ﺍﻟﺪﻭﺭ ﺍﻟﻌﻠﻮﻱ ﺍﻧﺎ ﻋﻤﺮﻱ ﻣﺎﺭﻛﺒﺖ ﺍﻟﺪﺭﻭﺝ ﻧﻌﺮﻓﺶ ﺷﻜﻠﻪ
ﻭﺳﻴﻢ :: ﺳﺒﺤﺎﻥ ﺍﻟﻠﻪ . ﺍﻟﺪﻧﻴﺎ ﺩﻭﺍﺭﻩ .
ﻭﺍﻟﻈﻠﻢ . ﻋﻤﺮﻩ ﻣﺎﻳﺪﻭﻡ
<<<>~
ﺟﻨﻴﻠﻪ :: ﻣﻦ ﺍﻟﻠﻲ ﺟﺎﻙ ﻳﺎﻋﻤﺎﺩ
ﻋﻤﺎﺩ : ﺭﺟﺎﻟﻪ ﻣﻦ ﻃﺮﻑ ﻭﺳﻴﻢ .
ﻣﺤﺎﻭﻟﻪ ﻣﻨﻪ ﻳﺮﺩ ﺳﺎﺭﻩ
ﺟﻤﻴﻠﻪ : ﻭﺍﻧﺖ ﺷﻦ ﺭﺩﻳﺖ ﻋﻠﻴﻬﻢ
ﻋﻼﺀ :: ﻣﻔﻴﻬﺎﺵ ﻣﺎﻳﺮﺩ ﺳﺎﺭﻩ ﻗﺎﻟﺖ ﻗﺮﺍﺭﻫﺎ ﻣﻦ ﺯﻣﺎﻥ
ﻋﻤﺎﺩ : ﻗﺘﻠﻬﻢ . ﻣﻔﺶ ﻧﺼﻴﺐ ﻭﺑﻴﻨﺎ ﺑﺲ ﺍﻟﻌﻴﺎﻝ
ﺳﺎﺭﻩ :: ﺑﺤﺘﺖ ﻓﻴﻪ ﻭﻋﻴﻨﻲ ﺩﻣﻌﺖ
ﻋﻼﺀ : ﺗﻮﺍ ﺍﻛﻴﺪ ﻭﺻﻠﻪ ﺭﺩﻧﺎ . ﺍﻧﺎ ﺣﻜﻴﺖ ﻣﻊ ﻣﺮﻭﺍﻥ ﻭﻗﺘﻠﻪ .
ﻗﻮﻟﻪ ﺣﻼﺹ ﺻﻜﺮ ﺍﻟﺴﻴﺮﻩ ﻭﻣﻌﺶ ﺗﺤﺎﻭﻝ . ﻟﻮ ﺗﻘﻌﺪ ﺍﺧﺮ ﺭﺍﺟﻞ ﻓﻲ ﺍﻟﺪﻧﻴﺎ ﻣﻨﻌﻄﻮﻛﺶ ﺑﻨﺘﻨﺎ . ﺗﻲ ﻣﺼﺪﻗﻨﺎ ﺗﻔﻜﻴﻨﺎ ﻣﻦ ﻫﻞ ﺍﻟﻌﻴﻠﻪ . ﻫﺒﺎﻝ ﻧﺮﺩﻭ ﺍﻟﻌﻼﻗﺎﺕ ﻣﻌﺎﻫﻢ
ﺣﻤﻴﻠﻪ :: ﻟَﻴﺶ ﺗﺤﻜﻲ ﻫﻚ ﺑﺎﻱ ﺣﻖ ﺗﺤﻜﻲ ﺑﻠﺴﺎﻥ ﺍﺧﺘﻚ
ﺳﺎﺭﻩ ﺗﺒﻲ ﺍﻟﺮﺩﻩ ﻭﻣﺤﺪ ﻳﺤﻘﻠﻪ ﻳﻘﺮﺭ ﻋﻠﻴﻬﺎ
ﻋﻤﺎﺩ : ﻻﻻ ﺳﺎﺭﻩ ﻣﻦ ﻳﻮﻣﻬﺎ ﻋﺎﻗﻠﻪ ﻭﺗﺤﺴﺒﻬﺎ ﺻﺢ ﻫﻞ ﺍﻟﻌﻴﻠﻪ ﻣﻌﺶ ﻧﺒﻮﻫﻢ
ﺟﻤﻴﻠﻪ :: ﺍﻟﻌﻴﻠﻪ ﺍﻧﺖ ﺍﻟﻠﻲ . ﻋﺮﻓﺘﻨﺎ ﻋﻠﻴﻬﺎ . ﻭﻗﻌﺪ ﻓﻲ ﺑﻴﻨﺎ ﻋﻴﺎﻝ
ﻭﺣﺒﻴﻨﺎ ﻭﻻ ﻛﺮﻫﻨﺎ ﻫﻞ ﻋﻴﺎﻝ ﺍﺧﺘﻚ ﻭﺍﻟﺮﺍﺟﻞ . ﻣﻠﺶ ﺫﻧﺐ . ﻳﺒﻲ ﺍﺧﺘﻚ ﻭﺍﺧﺘﻚ . ﺗﺒﻴﻪ
ﺳﺎﺭﻩ :: ﺻﺒﻴﺖ ﺑﺴﺮﻋﻪ ﻭﺧﺸﻴﺖ ﺍﻟﺪﺍﺭ .
ﻧﻌﻤﻪ : ﺳﺎﺭﻩ ﺍﻧﺘﻲ ﺗﺒﻜﻲ
ﺳﺎﺭﻩ :: ﻧﻌﻤﻪ ﺍﺣﻜﻲ ﻣﻊ ﻋﻤﺎﺩ ﺍﻧﺎ ﻣﻮﺍﻓﻘﻪ ﻭﻭﺳﻴﻢ ﺍﻟﻴﻮﻡ ﻟﺒﺴﻨﻲ ﺍﻟﺪﺑﻠﻪ
ﻧﻌﻤﻪ : ﺗﺮﺍ ﺗﺮﺍ ﻭﺭﻳﻨﻲ . ﻫﺎﺍﺍﻱ ﻃﺢ ﺳﻌﺪﻙ ﻣﻦ ﻭﺭﺃﻳﺎ ﻳﺎﻓﺮﺧﻪ
ﺳﺎﺭﻩ :: ﻣﺎﻣﺎ ﺗﻌﺮﻑ
ﻧﻌﻤﻪ : ﻣﺘﺨﻔﻴﺶ ﺳﺎﺭﻩ ﺧﻮﺗﻚ ﺧﺪﻭ ﻓﻜﺮﺓ ﺑﺲ ﻋﻠﻲ ﺍﻧﻚ ﺭﺍﻓﻀﻪ
ﺍﻧﺘﻲ ﺍﻛﺜﺮ ﻣﻦ ﻣﺮﻩ ﺣﺴﺴﺘﻴﻬﻢ ﺍﻧﻚ ﻣﻌﺶ ﺗﺒﻴﻪ
ﺗﻮﺍ ﺳﻴﺒﺖ ﺍﻣﻚ ﺗﺤﻜﻲ ﻣﻌﺎﻫﻢ ﻭﺗﻮﺍ ﻳﻘﺘﻨﻌﻮ ﺗﺨﺎﻓﻴﺶ
ﺑﺲ ﺷﻦ ﺳﺮ ﺍﻟﺘﻐﻴﻴﺮ .
ﺳﺎﺭﻩ : ﺍﻧﻲ ﻣﻌﺶ ﻗﺎﺩﺭﻩ ﻧﻜﺎﺑﺮ . ﻧﺤﺒﻪ ﻳﺎﻧﻌﻤﻪ
ﺗﻌﺒﺖ ﻣﻦ ﻏﻴﺮﻩ
ﻧﻌﻤﻪ :: ﻭﻋﻤﺮﻙ ﻣﺎﻧﺴﻴﺘﻴﻪ ﻭﻻ ﺗﻘﺪﺭﻱ ﺗﻨﺴﻴﻪ ﻭﺗﻌﻴﺸﻲ ﻣﻦ ﻏﻴﺮﻩ
ﻣﺪﺭﺗﻴﺶ ﻫﻚ . ﻋﻠﻲ ﻣﺤﻤﺪ .
ﺑﺴﺮﻋﻪ . ﺧﺪﺍ ﻣﻜﺎﻧﻪ ﻭﺗﺤﺠﺠﺘﻲ ﺑﺎﻟﺪِّﻳﻦ ﻭﺍﻟﺸﺮﻑ ﻭﺍﻻﺧﻼﻕ . ﺍﻧﻚ ﻣﻌﺶ ﺑﺘﻔﻜﺮﻱ . ﻓﻴﻪ
ﻭﺗﺎﺭﻳﺘﻪ . ﻛﺎﻥ ﻣﺤﻤﺪ ﻣﺮﺍﻫﻘﻪ ﻭﺍﻧﺘﻲ ﻋﻤﺮﻙ ﻣﺎﺣﺒﻴﺘﻴﻪ
ﺳﺎﺭﻩ : ﻫﺰﻳﺖ ﺭﺍﺳﻲ
ﺻﺢ . ﻣﺤﻤﺪ ﻣﺮﺍﻫﻘﺘﻲ . ﺍﻭﻝ ﺷﺨﺺ ﻓﺘﺤﺖ ﻋﻴﻮﻧﻲ ﻋﻠﻴﻪ
ﺑﺲ ﻭﺳﻴﻢ ﺍﻭﻝ ﺷﺨﺺ ﺣﺒﻴﺘﻪ ﺑﺼﺪﻕ
ﻋﺸﺖ ﻣﻌﺎﻩ ﺣﺎﺟﺎﺕ ﻇﺮﻭﻑ ﻏﺮﻳﺒﻪ ﻛﺎﻥ ﺭﺍﺟﻞ ﻣﻌﺎﻳﺎ
ﻛﺎﻥ ﺻﺪﺭ ﺣﻨﻮﻥ ﻟﻴﺎ . ﻛﺎﻥ ﻣﺘﺤﻤﻠﻨﻲ ﻭﻣﻮﺳﻊ ﺑﺎﻟﻪ ﻣﻌﺎﻳﺎ
ﻛﺎﻥ ﻣﺪﻟﻌﻨﻲ
ﻛﺎﻥ ﺍﻻﺏ ﻳﺎﻧﻌﻤﻪ ﺍﻟﻠﻲ ﻓﻘﺪﺗﻪ .
ﺧﺼﻮﻭﻭﻭﺻﺎ ﺍﻭﻝ ﺣﻀﻦ ﻣﻨﻪ . ﻣﺴﺘﺤﻴﻞ . ﻧﻨﺴﺎﻩ
ﺑﺠﺪ . ﻳﻮﻣﻬﺎ ﻛﺎﻥ ﺻﺪﺭﻩ ﻓﻴﻪ ﺣﺎﺟﻪ ﻏﺮﻳﺒﻪ ﺑﻜﻴﻴﻴﻴﻴﻴﺖ ﻋﻠﻴﻪ
ﻭﻛﻨﺖ ﻣﺮﺍﻳﻔﻪ ﻭﻣﻘﻬﻮﺭﻩ ﻋﺎﻱ ﻣﺤﻤﺪ . ﺍﻟﺒﻜﻴﻪ ﻫُﺬِّﻱ . ﻧﺘﺬﻛﺮ ﻛﺎﻧﺖ ﻓﺸﺖ ﻃﺎﻗﻪ . ﻭﻛﺒﺖ ﻭﺗﺮﻳﺤﺖ ﺑﻌﺪﻫﺎ
ﻭﻛﺎﻧﺖ ﻓﻴﻬﺎ ﺟﺎﺫﺑﻴﻪ . ﺗﺨﻠﻴﻨﻲ . ﻧﺘﻤﻨﻲ ﻛﻞ ﻳﻮﻡ ﻧﻌﺎﻭﺩﻫﺎ
ﻧﻌﻤﻪ : ﺭﺑﻲ ﻳﺘﻤﻤﻢ ﻋﻠﻲ ﺧﻴﺮ .
ﺍﻟﺒﺎﺏ ﻳﺪﻕ
ﺳﺎﺭﻩ :: ﻣﻦ
ﻋﻤﺎﺩ : ﺍﻧﺎ ﻋﻤﺎﺩ ﻧﺨﺶ
ﺳﺎﺭﻩ :: ﻣﺴﺤﺖ ﺩﻣﻮﻋﻲ . ﻭﻗﻌﺪﺕ .
ﺗﻔﻀﻞ ﻋﻤﺎﺩ ﺗﻌﺎﻝ
ﻋﻤﺎﺩ :: ﻛﻨﻚ ﺧﺸﻴﺘﻲ ﻭﺳﻴﺒﺘﻴﻨﺎ
ﺳﺎﺭﻩ :: ﻧﺎﻋﺴﻪ . ﺑﺲ . ﻭﻭﺭﺍﻳﺎ ﻋﻤﻞ ﺍﻟﺼﺒﺦ ﺑﺪﺭﻱ
ﻋﻤﺎﺩ :: ﻭﻻ ﻛﻨﺘﻲ ﺗﺒﻜﻲ ﻋﻴﻮﻧﻚ ﺣﻤﺮ
ﺳﺎﺭﻩ :: ﻻ ﻧﺒﻜﻴﺶ ﻗﺘﻠﻚ ﺑﺲ ﻧﺎﻋﺴﻪ
ﻋﻤﺎﺩ : ﺍﻫﺎﺍﺍﺍ
ﺍﻣﻲ . ﻗﺎﻟﺖ ﺍﻧﺖ ﺯﻋﻠﺖ ﺍﺧﺘﻚ ﻭﻫﻲ ﻣﻮﺍﻓﻘﻪ ﺗﺮﺩ
ﺳﺎﺭﻩ :: ﻃﺒﺴﺖ ﺭﺍﺳﻲ
ﻋﻤﺎﺩ :: ﺭﺩﻱ ﻋﻠّﻴﺎ ﺳﺎﺭﻩ
ﺍﻟﻨﺎﺱ ﺗﺒﻲ ﺍﻟﺮﺩ
ﻣﻨﺪﻳﺮﻫﺎﺵ ﻳﺎﺳﺎﺭﻩ ﺍﻧﺎ ﻧﺮﺩ ﺑﺪﻭﻥ ﻧﺎﺧﺪ ﺭﺍﻳﻚ
ﻭﺗﻮﺍ ﻧﺒﻲ ﺭﺍﻳﻚ . ﺷﻨﻮ ﻳﺎﺧﻴﺘﻲ . ﻣﻮﺍﻓﻘﻪ ﺗﺮﺩﻱ ﻭﻻ ﻋﻠﻲ ﻗﺮﺍﺭﻙ
ﺳﺎﺭﻩ :: ﻣﺒﻴﺘﺶ ﻧﺮﺩ ﻭﻗﻌﺪﺕ ﺳﺎﻛﺘﻪ
ﻋﻤﺎﺩ :: ﺷﻨﻮ ﺳﺎﺭﻩ ﻋﻄﻴﻨﺎ ﻗﺮﺍﺭ
ﺷﻦ ﻧﺮﺩ ﻋﻠﻲ ﺍﻟﻨﺎﺱ
ﺳﺎﺭﻩ :: ﺍﻟﻠﻲ ﺗﺸﻮﻓﻪ ﻣﻨﺎﺳﺐ . ﻟﻴﺎ ﺩﻳﺮﻩ
ﻋﻤﺎﺩ :: ﺍﻟﻠﻲ ﻧﺸﻮﻓﻪ ﻣﻨﺎﺳﺐ
ﻫﻬﻬﻬﻪ
ﻧﻌﻤﻪ : ﻣﻜﺴﻮﻓﻪ ﻳﺎﻋﻤﺎﺩ ﺣﻼﺹ ﺍﻃﻠﻊ ﺍﻟﺠﻮﺍﺏ ﻭﺍﺿﺢ
ﻋﻤﺎﺩ :: ﺻﺒﻴﺖ ﺣﺒﻴﺘﻬﺎ ﻋﻠﻲ ﺭﺍﺳﻬﺎ
ﺭﺑﻲ ﻳﺘﻤﻤﻠﻚ ﻋﻠﻲ ﺧﻴﺮ
~<~<~
ﺭﺗﺪﻩ :: ﺑﺪﺍ ﻓﻴﺎ ﺍﻻﻟﻢ . ﻣﺤﻤﺪ ﻣﺶ ﻗﺎﻋﺪ ﺑﻄﻨﻲ ﻭﻇﻬﺮﻱ ﻣﻌﺶ ﻗﺎﺩﺭﻩ . ﻳﺎﺭﺑﻲ ﺗﻐﻄﻴﻪ ﻣﻘﻄﻮﻋﻪ ﻣﺶ ﻭﻗﺘﻬﺎ ﺗﻮﺍ .
ﻗﻌﺪﺕ ﺳﺎﻋﺎﺕ . ﻭﺍﻧﺎ ﻋﻠﻲ ﻓﺮﺍﺷﻲ ﻧﺘﺄﻟﻢ . ﻭﺍﻻﻟﻢ ﺯﺍﺩ ﻣﻌﺶ ﻗﺎﺩﺭﻩ ﻧﺒﻲ ﻧﺘﺤﺮﻙ ﻧﺒﻲ ﺣﺪ ﻳﺴﺎﻋﺪﻧﻲ
ﻣﻦ ﻛﺜﺮﺓ ﺍﻻﻟﻢ ﻗﻌﺪﺕ ﻧﺤﺎﻭﻝ ﻧﺮﻓﻊ ﺭﻭﺣﻲ . ﻧﻌﻴﻂ ﻭﻧﺘﻨﻔﺲ ﺑﺼﻌﻮﺑﻪ . ﻭﻧﺤﺎﻭﻝ ﻧﻨﺰﻝ . ﺻﺒﻴﺖ . ﻭﺗﺤﺮﻛﺖ . ﻭﻃﺤﺖ ﻭﺭﺩﻳﺖ ﺻﺒﻴﺖ ﺍﻟﻢ ﻭﻋﻴﺎﻁ ﻣﻌﺶ ﻗﺪﺭﺕ ﻭﺻﻠﺖ ﻟﺒﺎﺏ ﺍﻟﺸﻘﻪ
ﻧﺴﺮﻳﻦ : ﺻﻮﺕ ﻋﻴﺎﻁ ﺗﺴﻤﻌﻮ
ﺍﺳﻤﺎﺀ :: ﺍﻟﺼﻮﺕ ﻣﻦ ﺷﻘﺔ ﻣﺤﻤﺪ .
ﻧﺴﺮﻳﻦ :: ﺻﻮﺕ ﺭﻧﺪﻩ ﻫﺬﺍ ﻳﺎﻣﺎﻣﺎ . ﻣﺸﻴﻨﺎ ﻧﺠﺮﻭ ﻧﺨﺒﻄﻮ ﻭﻧﺴﻤﻌﻮ ﻓﻲ ﻋﻴﺎﻁ
ﺭﻧﺪﻩ :: ﻓﺘﺤﺖ ﺍﻟﺒﺎﺏ
ﺍﺳﻤﺎﺀ . :: ﻣﺎﺷﺎﺀﺍﻟﻠﻪ ﺗﻤﺸﻲ ﻳﺎﺭﻧﺪﻩ .
ﻧﺴﺮﻳﻦ :: ﺍﻟﺒﻨﺖ ﺑﺘﻄﻴﺢ ﻳﺎﻣﺎﻣﺎ ﺍﻣﺴﻜﻴﻬﺎ ﻣﺶ ﻭﻗﺖ ﻛﻼﻡ
ﺭﺗﺪﻩ : ﻭﻻﺩﻩ ﺧﺎﺳﻪ . ﺧﻼﺹ ﺍﻟﺒﻨﺖ ﻧﺰﻟﺖ .
ﻧﺴﺮﻳﻦ :: ﺭﻧﻴﺘﻲ ﻋﻠﻲ ﻣﺤﻤﺬ
ﺭﻧﺪﻩ :: ﻟﻴﺒﻴﺎﻧﺎ ﻣﻘﻄﻮﻋﻪ .
ﺍﺳﻤﺎﺀ : ﺑﺴﺮﻋﻪ ﺷﻮﻓﻲ ﻋﻠﻲ
ﻧﺴﺮﻳﻦ :: ﺭﻛﺒﺖ ﺑﺴﺮﻋﻪ .
ﻧﺠﻮﻱ :: ﻣﺶ ﻗﺎﻋﺪ . ﺷﻦ ﺍﻧﺪﻳﺮﻭ .
ﻭﺍﻟﺘﻐﻄﻴﻪ ﻣﻘﻄﻮﻋﻪ
ﺗﺴﺮﻳﻦ :: ﺻﻮﺕ ﻣﺎﻣﺎ ﺗﻌﻴﻂ .
ﻧﺠﻮﻱ :: ﻧﺰﻟﻨﺎ ﻧﺠﺮﻭ
ﺍﺳﻤﺎﺀ : ﺗﺤﻤﻠﻲ ﻳﺎﺭﻧﺪﻩ ﺍﻣﺴﻜﻲ ﺭﻭﺣﻚ ﺗﻮﺍ ﻧﻄﻠﻊ ﻟﺠﻠﺮﺗﻨﺎ . ﺗﻮﺻﻠﻨﺎ
ﻧﺠﻮﻱ :: ﻛﻨﺖ ﻣﺘﻔﻘﻪ ﻣﻊ ﻭﺳﻴﻢ ﻳﺠﻴﻨﻲ ﻓﻲ ﻭﻗﺖ ﻫﺬﺍ ﺩﺭﺱ
ﻭﺳﻴﻢ :: ﺍﻭﻭﻑ ﻣﻔﺶ ﺗﻐﻄﻴﻪ ﻧﻨﺰﻝ . ﻧﺮﻥ ﻳﻌﻨﻲ
ﺍﺳﻤﺎﺀ :: ﻧﺠﻮﻱ ﺧﻮﻙ ﺟﺎ . ﺧﻠﻴﻪ ﻳﺸﻴﻠﻨﺎ .
ﺭﻧﺪﻩ :: ﻻﻻ ﻧﺒﻴﺶ ﻓﻀﻴﺤﻪ .
ﻧﺠﻮﻱ : ﺃﺳﻜﺘﻲ . ﻣﺶ ﻭﻗﺖ ﺣﺸﻤﻚ .
ﻃﻠﻌﺖ ﻟﻮﺳﻴﻢ . ﻭﻗﺎﻟﻲ ﻃﻠﻌﻴﻬﺎ ﻧﺸﻴﻠﻬﺎ
~<~>~
ﻣﺤﻤﺪ :: ﻛﻨﺖ ﻓﻲ ﺍﻟﻌﻤﻞ ﻭﻋﻨﺪﻱ ﺷﻐﻞ ﻭﺍﺟﺪ ﻣﻔﻄﻨﺘﺶ ﺍﻟﺘﻐﻄﻴﻪ ﻣﻘﻄﻮﻋﻪ .
ﻭﺳﻴﻢ :: ﺷﻠﺘﻬﻢ . ﻭﻋﺮﻓﺖ ﺍﻧﻬﺎ ﺟﺎﺑﺖ
ﺧﺪﻳﺖ ﺷﻜﻮﻻﻃﻪ ﻭﺧﺸﺒﺖ ﻣﺤﻞ
ﺍﻟﺴﻼﻡ ﻋﻠﻴﻜﻢ .
ﻣﺤﻤﺪ : ﺍﻭﻭﻭ ﻭﺳﻴﻢ
ﻭﻋﻠﻴﻜﻢ ﺍﻟﺴﻼﻡ ﻣﺮﺣﺒﺎ
ﻭﺳﻴﻢ : ﺗﻔﻀﻞ ﺣﻠﻲ
ﻣﺤﻤﺪ : ﺻﺤﻴﺖ . ﺑﺲ ﺷﻦ ﺍﻟﻤﻨﺎﺳﺒﻪ .
ﻭﺳﻴﻢ :: ﺍﻟﺴﺒﺐ ﺍﻻﻭﻝ ﺍﻟﺠﻤﻌﻪ ﺩﻓﻊ ﺳﺎﺭﻩ ﻭﺍﻟﻔﺎﺗﺤﻪ
ﻣﺤﻤﺪ : ﻣﺎﺷﺎﺀﺍﻟﻠﻪ ﻣﺒﺎﺭﻙ . ﺭﺑﻲ ﻳﺘﻤﻢ ﻋﻠﻲ ﺧﻴﺮ
ﻭﺳﻴﻢ :: ﺍﻟﺴﺒﺐ ﺍﻟﺜﺎﻧﻲ
ﻣﻔﺮﻭﺽ ﻣﻨﻚ ﺍﻧﺖ ﺍﻟﺘﺤﻼﻳﻪ
ﻣﺒﺮﻭﻙ . ﺃﻣﻴﺮﺗﻚ ﺷﺮﻓﺖ ﻟﻠﺪﻧﻴﺎ
ﻣﺤﻤﺪ : ﺍﻣﻴﺮﻩ ﻣﻦ
ﻭﺳﻴﻢ :: ﻫﻬﻬﻬﻪ ﺗﻲ ﺑﻨﻮﺗﻚ .
ﻣﺤﻤﺪ : ﺗﻲ ﻣﺰﺍﻝ ﻣﻮﻋﺪﻫﺎ . ﻋﻬﻬﻬﻬﻪ ﺑﺲ ﻻﺣﻖ ﻧﺤﻠﻴﻚ
ﻭﺳﺒﻢ :: ﺑﺠﺪ ﻧﺤﻜﻲ . ﺭﻧﺪﻩ ﺟﺎﺑﺖ .
ﻣﺤﻤﺪ : ﺗﻲ ﻛﻴﻴﻴﻒ ﻣﺪﻭﺧﻨﻴﺶ ﻋﺎﺩ
ﻭﺳﻴﻢ :: ﺍﻟﺘﻐﻄﻴﻪ ﻣﻘﻄﻮﻋﻪ . ﻭ
ﺍﻧﺎ ﻛﻨﺖ ﺟﺎﻱ ﻟﻨﺠﻮﻱ ﻭﺍﺳﻌﻔﺘﻬﺎ .
ﻣﺒﺎﺭﻙ ﻣﺎﺟﺪ ﻋَﻠِﻴﻚ
ﻣﺤﻤﺪ : ﺣﻄﻴﺖ ﻳﺪﻱ ﻋﺎﻱ ﺭﺍﺳﻲ
ﺣﻤﺎﺭ ﻛﻴﻒ ﻣﺤﺎﻭﻟﺘﺶ ﻧﺮﻥ ﻋﻠﻴﻬﺎ ﺑﺎﺵ ﻧﻌﺮﻑ ﻗﺼﺔ ﺍﻟﺘﻐﻄﻴﻪ . ﻭﺳﻴﻢ :: ﺑﻄﻞ ﺗﺤﺎﺳﺐ ﺭﻭﺣﻚ ﻭﻋﺪﻱ ﻟﺤﻖ ﻋﻠﻲ ﻣﺮﺍﺗﻚ ﻭﺑﻨﺘﻚ
ﺍﻩ . ﺧﻄﺮﻫﺎ ﺍﻟﺴﺒﺐ ﺍﻟﺜﺎﻟﺚ
ﺭﻧﺪﻩ ﻃﻠﻌﺖ ﺗﻤﺸﻲ ﻋﻠﻲ ﺭﺟﻠﻴﻬﺎ ﻟﻠﻤﺴﺘﺸﻔﻲ
ﻣﺤﻤﺪ : ﻓﺘﺤﺖ ﻋﻴﻮﻧﻲ
ﻗﻮﻝ ﺍﻟﺼﺪﻕ .
ﻭﺳﻴﻢ :: ﻣﺒﺮﻭﻙ ﺑﺠﺪ ﺭﻧﺪﻩ ﺗﻤﺸﻲ
ﻣﺤﻤﺪ :: ﺍﻟﺨﻤﺪﺍﻟﻠﻪ ﻳﺎﺭﺏ ﺍﻟﺤﻤﺪﺍﻟﻠﻪ
ﻭﺳﻴﻢ :: ﻗﺮﺑﺖ . ﻣﻨﻪ ﺣﻀﻨﺘﻪ
ﻣﺤﻤﺪ :: ﺧﺒﻄﺘﻪ ﻋﻠﻲ ﻛﺘﻔﻪ ﻭﻗﺘﻠﻪ ﻣﻮﻗﻔﻚ ﻫﺬﺍ ﻋﻤﺮﻱ ﻣﺎﺭﺍﺡ ﻧﻨﺴﺎﻩ ﻟﻚ ﺷﻜﺮﺍ ﻭﻭﻭﻭﻭﻭﺍﺟﺪ
ﻭﺳﻴﻢ : ﺍﻟﻌﻔﻮ . ﺗﻘﺒﻠﻨﻲ ﺻﺪﻳﻖ ﺑﺲ
ﻣﺤﻤﺪ :: ﻭﺃﺥ ﻋﺰﻳﺰ . ﻣﻨﻮﺭ ﻭﺳﻴﻢ
ﻭﺳﻴﻢ : ﺷﻨﻮ ﻣﺶ ﻣﺘﺸﻮﻕ ﺗﺸﻮﻑ ﺑﻨﺘﻚ
ﻣﺤﻤﺪ :: ﻣﺴﻜّﺖ ﻣﻔﺘﺎﺣﻲ ﻳﻲ ﺻﺎﺡ . ﻧﻌﺪﻱ ﺑﺴﺮﻋﻪ ﺍﻧﺎ
ﺍﺳﻤﻊ ﺻﻜﺮ . ﺍﻟﻤﺤﻞ . ﻭﻃﻔﻲ ﺍﻻﺿﺎﺀﻩ ﻭﺍﻟﺘﻜﻴﻴﻒ
ﺭﺳﻴﻢ :: ﺗﻲ ﺍﺻﺒﺮ . ﺗﻌﺎﺍﺍﺍﺍﺍﺍﻝ
ﻣﺮﻋﻮﺵ . ﻣﺶ ﻫﻜﻲ ﻋﺎﺩ
~<~><
ﻣﺤﻤﺪ . ﻭﺻﻠﺖ ﺍﻟﻤﺴﺘﺸﻔﻲ ﺧﺸﻴﺖ ﻟﻠﻐﺮﻓﻪ
ﺭﻧﺪﻩ : ﻓﺘﺢ ﺍﻟﺒﺎﺏ
ﺍﺑﺘﺴﻤﺖ .
ﻣﺤﻤﺪ :: ﺍﻟﺨﻤﺪﺍﻟﻠﻪ ﻋﻠﻲ ﺳﻼﻣﺘﻚ
ﺭﻧﺪﻩ :: ﻣﺪﻳﺘﻠﻪ ﺍﻟﺒﻨﺖ .
ﺍﻟﻠﻪ ﻳﺴﻠﻤﻚ ﻭﺑﺨﻠﻴﻚ . ﻟﻨﺎ
ﻣﺤﻤﺪ :: ﻭﻳﺨﻠﻴﻜﻢ ﻟﻴﺎ
ﺳﺒﺤﺎﻥ ﺍﻟﻠﻪ ﻧﺴﺨﺖ ﻋﻤﺘﻲ ﺍﻟﻠﻪ ﻳﺮﺣﻤﻬﺎ . ﻓﻴﻬﺎ ﻣﻨﻬﺎ ﻭﺍﺟﺪ
ﺍﻣﻲ ﺷﻦ ﺭﺍﻳﻚ
ﺍﺳﻤﺎﺀ : ﻧﺴﺨﺘﻬﺎ ﺳﺒﺤﺎﻥ ﺍﻟﻠﻪ
ﺭﻧﺪﻩ : ﺍﻟﻠﻪ ﻳﺮﺣﻤﻬﺎ
ﺍﺳﻤﺎﺀ : ﺷﻦ ﻧﺎﻭﻳﻴﻦ ﺗﺴﻤﻮﻫﺎ
ﺭﻧﺪﻩ : . ﺳﻮﻣﻪ
ﺣﻤﺎﺩﻱ ﺑﻨﺴﻤﻴﻬﺎ ﺍﺳﻤﺎﺀ .
ﺍﺳﻤﺎﺀ : ﺗﺴﻤﻴﻬﺎ ﻋﻠﻴﺎ
ﺭﺗﺪﻩ : ﺣﻠﻮ ﺍﺳﻢ ﺍﺳﻤﺎﺀ
ﻣﺤﻤﺪ :: ﺧﻼﺹ ﻳﺎﺍﻣﻲ ﺳﻤﻴﻨﺎﻫﺎ . ﺍﺳﻤﺎﺀ
ﻧﺒﻴﻬﺎ ﺩﻟﻮﻋﺘﻚ ﻫُﺬِّﻱ
ﺍﺳﻤﺎﺀ ::
ﻻﺣﺒﻴﺒﺘﻲ ﺍﻟﺤﻖ ﺣﻖ
ﺑﺎﺭﻙ ﺍﻟﻠﻪ ﻓﻴﻚ ﻛﻠﻚ ﺫﻭﻕ ﺑﺲ ﺍﻧﺎ ﻧﻘﻮﻟﻚ
ﺳﻤﻴﻬﺎ ﻣﺮﻳﻢ ﻋﻠﻲ ﺍﻣﻚ ﻭﻳﺎﺭﺏ ﻣﺮﻳﻢ ﺍﻟﺼﻐﻴﺮﻩ ﺍﻃﻮﻝ ﻋﻤﺮ
ﻭﻫﺬﻱ ﺍﻭﻝ ﺣﻔﻴﺪﻩ . ﻭﺍﻟﻐﻼ ﻛﻠﻪ ﻟﻬﺎ
ﺭﻧﺪﻩ : ﺭﺑﻲ ﻳﺠﺒﺮ . ﺑﺨﺎﻃﺮﻙ . ﻭﻳﺨﻠﻴﻚ ﻟﻴﺎ ﻳﺎﺭﺏ
ﻣﺤﻤﺬ : ﺍﻭﻭﻭﻭ ﺍﻣﻲ ﺣﻀﻨﺖ ﺭﻧﺪﻩ ﻫُﺬِّﻱ ﻣﻌﺠﺰﻩ ﺗﺎﺭﻳﺨﻴﻪ ﻭﻻﺯﻡ ﺗﻮﺛﻖ
ﺭﻧﺪﻩ :: ﺗﻲ ﺑﻄﻞ ﻋﺎﺩ
ﺍﺳﻤﺎﺀ :: ﺍﻟﻠﻲ ﻳﺒﻲ ﺗﻮﺛﻴﻖ
ﻃﻠﻌﺖ ﺭﻧﺪﻩ ﻋﻠّﻴﺎ ﻭﺍﻗﻔﻪ ﻋﻠﻲ ﺭﺟﻠﻴﻬﺎ
ﻣﺤﻤﺪ :: ﺍﻟﺤﻤﺪﺍﻟﻠﻪ ﻳﺎﺭﺏ
ﻣﺒﺮﻭﻙ ﺭﻧﺪﻭﺷﻪ
ﺭﻧﺪﻩ : ﺍﺗﺎﺭﻱ . ﻛﺎﻥ ﻓﻌﻼ ﺧﻮﻑ ﻭﺩﻟﻊ ﻣﻨﻲ ﻭﻟﻤﺎ ﺟﻴﺖ ﻟﻠﺠﺪ ﻗﺪﺭﺗﺶ ﻧﺘﺤﻤّﻞ ﻭﻗﺎﻭﻣﺖ
ﻣﺤﻤﺪ :: ﺍﻟﺤﻤﺪﺍﻟﻠﻪ
ﺍﻧﺎ . ﻧﺒﻲ ﻧﺬﺑﺢ ﻧﺎﻗﻪ . ﻋﻠﻲ ﺟﻴﺖ ﻣﺮﻳﻢ ﻭﻧﺼﺪﻗﻬﺎ . ﻋﻠﻲ ﺍﻟﻔﻘﺮﺍﺀ
ﻭﻧﺎﻗﻪ ﻋﻠﻲ ﺳﻼﻣﺘﻚ . ﻭﻧﺪﻳﺮ ﻋﺸﺎﺀ . ﻛﺒﻴﺮ . ﻭﺣﻔﻠﻪ ﻧﻌﺒﺮ ﻓﻴﻬﺎ ﻋﻦ ﻓﺮﺣﺘﻲ ﺑﺴﻼﻣﺘﻚ
<>~<~
ﺳﺎﺭﻩ :: ﺗﻬﺒﻞ ﻣﺎﺷﺎﺀﺍﻟﻠﻪ ﺗﺘﺮﺑﺎ ﻓﻲ ﻋﺰﻛﻢ
ﺭﻧﺪﻩ : ﺗﺴﻠﻤﻲ ﻳﺎﺭﺏ
ﺧﻮﻳﻠﻪ ﻟَﻴﺶ ﻣﺼﻜﺮﻩ ﻋﻠﻴﻬﺎ ﺣﺮﺍﻡ . ﺗﻜﺴﺮﻭ ﻋﻈﺎﻣﻪ
ﺟﻤﻴﻠﻪ :: ﺍﻟﻘﻤﺎﻁ . ﻛﻮﻳﺲ ﺑﺎﻟﻌﻜﺲ . ﻟﻠﻌﻈﺎﻡ
ﺍﻫﻢ ﻋﻴﺎﻝ ﺳﺎﺭﻩ ﻳﺎﻣﺎ ﻗﻤﻄﺖ ﻭﺗﻮﺍ ﺻﺤﺘﻬﻢ ﻣﺎﺷﺎﺀﺍﻟﻠﻪ
ﺍﺳﻤﺎﺀ : ﻳﻲ ﻛﺎﻥ ﺗﺸﻮﻓﻲ ﺍﻟﻬﺒﻞ ﺑﻮﻫﺎ ﻳﺪﺧﻞ ﻓﻲ ﻛﻞ ﺣﺎﺟﻪ ﻭﻳﺘﺮﻋﺶ ﻳﺤﺴﺲ ﻓﻴﺎ ﺑﻨﻘﺘﻠﻬﺎ ﺍﻟﺒﻨﺖ
ﻣﺤﻤﺪ : ﺍﻫﺎ ﺭﻳﺎ ﻭﺳﻜﻴﻨﻪ . ﺍﻧﺘﻦ ﺗﻲ ﺑﺸﻮﻳﻪ ﻋﻠﻲ ﺑﻨﺘﻲ
ﺍﺳﻤﺎﺀ : ﺭﺍﻫﻮ ﻧﺤﻠﻒ . ﻣﻌﺪ ﻧﻘﺮﺑﻬﺎ
ﺭﻧﺪﻩ : ﻻﻻ ﺑﻘﺼﺪﺵ
ﻋﻤﻴﻤﻪ ﺍﻧﺖ ﺍﻟﺒﺮﻛﻪ ﻧﺴﺘﻐﻨﻮﺵ ﻋﻨﻚ
ﺟﻨﻴﻠﻪ :: ﺭﻳﺘﻮ ﺍﻟﻠﺴﺎﻥ .
ﺳﺎﺭﻩ :: ﺑﺎﻫﻲ ﺍﻧﺎ ﻓﺎﺗﺤﺘﻲ ﺍﻟﺠﻤﻌﻪ ﺷﻦ ﻧﺎﻭﻳﻴﻦ . ﺍﺩﻳﺮﻭ
ﻟﻠﺮﺟﺎﻟﻪ
ﺍﻩ ﻣﺤﻤﺪ ﻧﺒﻲ ﻣﻨﻚ ﺑﻮﻛﺴﺎﺕ ﺻﻐﻴﺮﻩ ﺧﺸﺒﻴﻪ
ﻣﺎﻣﺎ ﻧﺤﻄﻮ ﻓﻴﻬﻦ ﺳﻮﺍﻙ ﻭﻋﻄﺮ ﻣﻦ ﻋﺒﺪﺍﻟﺼﻤﺪ ﻭﺳﺒﺤﻪ ﻭﺗﻤﺮ . ﻣﺤﺸﻲ .
ﻣﺤﻤﺪ :: ﻧﺰﻟﺖ ﺭﺍﺳﻲ . ﻭﺍﺑﺘﺴﻤﺖ
ﻓﻲ ﻋﻘﻠﻲ ﺳﺒﺤﺎﻥ ﺍﻟﻠﻪ ﺍﻧﺎ ﻧﻮﻓﺮ . ﺣﺎﺟﺎﺕ ﻋﻘﺪ ﻗﺮﺍﻧﻬﺎ .
ﻭﺗﻮﺍ ﻫﻲ ﻣﺎﺳﻜﻪ ﺑﻨﺘﻲ ﻭﺗﻠﻌﺐ ﺑﻴﻬﺎ ﻭﺍﻧﺎ ﻣﺎﺳﻚ ﻋﻴﺎﻟﻬﺎ
ﻭﺭﻧﺪﻩ ﺍﻟﻠﻲ ﻛﺎﻧﺖ ﺣﻠﻘﺔ ﺍﻟﻮﺻﻞ ﺑﻴﻨﺎ ﺗﻮﺍ ﻣﺮﺍﺗﻲ
ﻭﺍﻡ ﺑﻨﺘﻲ
ﺳﺒﺨﺎﻥ ﺍﻟﻠﻪ ﻋﻠﻲ ﺍﻟﻨﺼﻴﺐ ﻭﺳﺒﺤﺎﻥ . ﺍﻟﻠﻪ ﻋﻠﻲ ﺍﻟﻘﺪﺭ ﻭﻣﺎ ﻳﺨﺒﻲ ًﺳﺒﺤﺎﻥ ﺍﻟﻠﻪ ﻋﻠﻲ ﺍﻟﻘﻠﻮﺏ ﻗﺎﺩﺭ ﺭﺑﻲ . ﻳﺨﻠﺼﻨﺎ ﻣﻦ ﺣﺐ ﺟﺮﻳﻨﺎ ﻭﺭﺍﻩ . ﺑﺤﺐ ﺟﺪﻳﺪ . ﺟﺮﺍ ﻭﺭﺍﻧﺎ
ﺍﻟﺤﻤﺪﺍﻟﻠﻪ ﺍﻧﺎ ﺭﺍﺿﻲ ﻳﺎﺭﺏ ﻧﺸﻜﺮﻙ ﻭﻧﺤﻤﺪﻙ
<<><><><
ﺑﻌﺪ ﻣﺮﻭﺭ ﺍﻳﺎﻡ
ﻧﻌﻤﻪ :: ﻓﺎﻃﻤﻪ ﺭﺩ ﺑﺎﻟﻚ . ﻣﻦ ﻳﻮﺳﻒ ﺍﻧﺎ ﻃﺎﻟﻌﻪ ﻟﻠﺴﻮﻕ ﻣﻊ ﺳﺎﺭﻩ
ﻟﻮ ﺭﻭﺡ ﻋﻤﺎﺩ . ﻗﻮﻟﻴﻠﻪ ﺍﻟﻤﺪﺍﻡ ﻓﻲ ﺍﻟﺨﻤﺎﻡ . ﻭﺭﻧﻲ ﻋﻠّﻴﺎ ﺗﻮﺍ ﻧﺠﻲ ﻭﻗﺘﻲ
~~><
ﻧﺠﺎﺡ : ﻃﺒﻌﺎ ﺳﺎﺭﻩ ﺍﻟﻌﺮﻭﺱ ﻃﺎﻟﻌﻪ ﺍﺩﺑﺶ ﺻﺢ
ﻓﺎﻃﻤﻪ : ﺍﻫﺎ ﻋﺮﺳﻬﺎ ﻫﻲ ﻭﻋﺼﺎﻡ ﺑﻌﺪ ﺷﻬﺮﻳﻦ
ﻧﺠﺎﺡ : ﺗﺎﺭﻳﺦ ﺯﻭﺍﺟﻬﻢ ﺍﻻﻭﻝ ﺻﺎﺭ
ﻓﺎﻃﻤﻪ :: ﺍﻧﺎ ﻣﻌﺶ ﺩﺧﻠﻨﻲ ﺑﺴﺎﺭﻩ ﻭﻧﻌﻤﻪ ﻭﻋﻤﺎﺩ
ﺍﻧﺎ ﻧﺒﻲ ﺍﻟﻠﻲ ﺍﺗﻔﻘﻨﺎ ﻋﻠﻴﻪ . ﺧﻼﺹ ﻣﻌﺶ ﺑﻨﺼﺒﺮ ﻋَﻠِﻴﻚ
ﻧﺠﺎﺡ : ﺍﻫﺪﻱ ﺍﻫﺪﻱ
ﻛﻞ ﺷﻲ ﺧﻼﺹ ﺑﻴﻨﺘﻬﻲ
ﺗﻮﺍ ﺍﻧﺎ ﻧﺎﺧﺪ ﺍﻟﻌﻴﻞ ﻭﻧﺮﻣﻴﻪ ﻓﻲ ﺍﻱ ﺷﺎﺭﻉ ﺑﻌﻴﺪ . ﻭﺍﻧﺘﻲ ﺩﻳﺮﻱ ﺭﻭﺣﻚ ﺳﻬﻴﺘﻲ ﻫﺮﺏ ﻣﻨﻚ
ﻭﻟﻤﺎ ﻳﺴﺎﻝ ﻋﺎﻱ ﻧﻌﻤﻪ ﻗﻮﻟﻲ ﺍﻟﺼﺪﻕ ﺷﻦ ﻗﺎﻟﺘﻠﻚ ﻫﻲ ﻗﻮﻟﻲ
ﻭﻟﻤﺎ ﺗﺮﻭﺡ ﻃﺒﻌﺎ ﺑﺘﻼﻗﻲ . ﺍﻟﻄﻼﻕ ﻳﺮﺍﺟﻲ ﻓﻴﻬﺎ
~,><
ﻋﻤﺎﺩ : ﺍﻟﺤﻴﻮﺍﻧﻪ
ﻧﻌﻤﻪ : ﻋﻤﺎﺩ ﻫُﺬِّﻱ ﺗﺮﻛﺐ ﻭﺗﺠﻮﻝ ﻓﻲ ﺣﻮﺷﻲ . ﺧﻠﻴﻨﻲ ﻧﺨﺶ ﻧﻄﺮﺩﻫﺎ
ﻋﻤﺎﺩ : ﺧﻠﻴﻬﺎ ﻳﺎﻧﻌﻤﻪ . ﻧﺒﻲ ﻧﺸﻮﻑ ﺷﻦ ﺍﺩﻳﺮ .
ﺷﻨﻮ ﻋﺼﺎﻡ ﺭﻧﻴﺖ ﻋﻠﻲ ﺧﻮﺗﻬﺎ
ﻋﺼﺎﻡ :: ﻛﻠﻤﺘﻬﻢ . ﻓﻲ ﺍﻟﻄﺮﻳﻖ
ﻧﺠﺎﺡ :: ﺧﺸﻴﺖ . ﻟﻠﺪﺍﺭ . ﺻﺒﻴﺖ .
ﻗﺮﻳﺐ ﺭﺍﺩﻩ . ﻗﺮﻳﺐ ﺭﺍﺩﻩ ﻭﺑﻘﻮﺓ .
ﻭﻧﻌﻤﻪ ﺑﺘﻜﻮﻥ . ﻫﻲ ﺧﺪﺍﻣﺘﻲ ﺑﺪﻝ ﻓﺎﻃﻤﻪ . ﻫﻬﻬﻬﻬﻬﻬﻬﻬﻬﻪ
><<
ﻋﺒﺪﻭ :: ﻋﻤﺎﺩ ﺍﺭﺟﻮﻙ . ﺍﻻ ﺍﻟﺸﺮﻃﻪ ﻭﺍﻟﻔﻀﺎﺋﺢ . ﺍﺭﺟﻮﻙ . ﻳﺎﻋﻤﺎﺩ . ﺍﺳﺘﺮ ﻋَﻠِﻴﻨﺎ
ﻭﻭﻋﺪ ﻣﻨﻲ . ﺭﺍﺡ ﻧﺨﻔﻴﻬﺎ ﻣﻦ ﻭﺟﻪ ﺍﻻﺭﺽ .
ﻭﺳﺒﻢ؛؛ ﻋﺒﺪﻭ . ﺧﻠﻲ ﺍﻟﺮﺍﺟﻞ ﻳﻔﺶ ﻏﻠﻴﻠﻪ . ﺭﺍﻫﻲ ﺳﺒﺐ ﺩﻣﺎﺭ . ﺣﻴﺎﺗﻪ . ﺗﻲ ﻫُﺬِّﻱ ﻣﺠﺮﻣﻪ . ﺳﺒﺒﺖ ﻓﻲ ﺃﺫﻳﺔ ﻣﺮﺍﺗﻪ
ﻋﺒﺪﻭ : ﺍﻣﻲ ﺗﻌﺒﺎﻧﻪ . ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ . ﻭﻭﺿﻌﻬﺎ ﺻﻌﺐ ﻟﻮ ﺻﺎﺭ ﻣﺎﺻﺎﺭ . ﺗﺮﻳﺢ ﻓﻴﻬﺎ .
ﻋﻤﺎﺩ ﺍﺭﺟﻮﻙ ﻋﺸﺎﻥ ﺧﺎﻃﺮﻱ
ﻋﻤﺎﺩ :: ﺣﻂ ﺍﺧﺘﻚ ﻓﻲ ﻣﺴﺘﺸﻔﻲ ﺍﻻﻣﺮﺍﺽ . ﺍﻟﻌﻘﻠﻴﻪ .
ﺍﺧﺘﻚ . ﻣﺠﻨﻮﻧﻪ ﻭﻋﻨﺪﻫﺎ . ﺍﻟﻌﺪﻭﺍﻧﻴﻪ . ﺗﺨﻮﻑ
ﻧﻌﻤﻪ : ﻋﻤﺎﺩ ﺷﻮﻑ ﺑﺘﻄﻠﻊ ﺑﻴﻮﺳﻒ
ﻋﻤﺎﺩ :: ﺧﺸﻴﻨﺎ ﺑﺴﺮﻋﻪ
ﻧﺠﺎﺡ :: ﻋﻤﺎﺍﺍﺍﺍﺍﺩ
ﻧﻌﻤﻪ :: ﻳﻮﺳﻒ ﺗﻌﺎﻝ
ﺳﺤﺒﺘﻪ ﻣﻨﻬﺎ ﻭﺭﻓﻌﺘﻪ
ﻋﻤﺎﺩ :: ﻣﺴﻜﺘﻬﺎ ﻣﻊ ﻳﺪﻫﺎ . ﻭﻋﻄﻴﺘﻬﺎ ﻛﻒ ﻃﺎﺣﺖ ﻣﻨﻪ
ﺣﻄﻴﺖ ﻛﺮﺍﻋﻲ ﻋﻠﻲ ﻳﺪﻫﺎ ﻭﺿﻐﻄﻄﻄﻄﻂ ﺑﺎﻟﻜﻨﺪﺭﻩ
ﺍﻳﻮﻩ ﻋﻤﺎﺩ ﻳﺎﻣﺠﺮﻣﻪ .
ﻋﻤﺎﺩ ﺍﻟﻠﻲ ﺣﺒﻚ . ﺣﺐ ﻣﺠﻨﻮﻥ .
ﻋﻤﺎﺩ ﺍﻟﻠﻲ ﻛﺎﻥ ﻣﻌﻤﻲ ﺑﻴﻚ ﻭﻣﺶ ﺷﺎﻳﻒ ﻋﻴﻮﺑﻚ ﻭﺃﺧﻄﺎﺀﻙ
ﻋﻤﺎﺩ ﺍﻟﻠﻲ ﺑﺎﻉ ﻫﻠﻪ ﻭﻣﺪ ﻳﺪﻩ ﻋﻠﻲ ﺧﻮﺗﻪ ﺑﺴﺒﺒﻚ
ﻋﻤﺎﺩ ﺍﻟﻠﻲ ﻳﺎﻣﺎ ﻋﻄﺎﻙ ﻭﻣﺨﺪﺵ ﻣﻨﻚ ﺍﻱ ﻣﻘﺎﺑﻞ
ﺍﻧﺎ ﻣﺴﺠﻞ ﻛﻞ ﺷﻲ ﻓﻴﺪﻳﻮ . ﻭﻟﻮﻻ ﺧﻮﻙ ﺭﺍﻧﻲ ﺭﻣﻴﺘﻚ ﻓﻲ ﺍﻟﺴﺠﻦ
ﻧﺠﺎﺡ :: ﺍﺍﺍﻩ ﺣﻮﻝ ﻳﺪﻱ
ﻋﺒﺪﻭ :: ﻋﻤﺎﺩ ﺍﻧﺎ ﻧﺨﻔﻴﻬﺎ ﺯﻱ ﻣﺎﻗﺘﻠﻚ . ﺧﻼﺹ ﺧﻠﻴﻨﻲ ﻧﻄﻠﻊ ﺑﻴﻬﺎ
ﻭﺳﻴﻢ :: ﺧﻠﻲ ﺍﻟﺮﺍﺟﻞ ﻳﻄﻠﻊ ﺣﺮﺗﻪ
ﺍﺧﺘﻚ ﺩﺭﺗﺶ ﺷﻮﻳﻪ .
ﻭﻻ ﺑﺰﻳﺎﺩﻩ . ﺑﺘﺨﻔﻲ ﻭﻟﺪﻩ
ﻋﻤﺎﺫ :: ﻳﺪﻙ ﺗﻮﺟﻊ ﺻﺎﺭ . ﻭﻫﻜﻲ
ﻧﺠﺎﺡ : ﺍﺍﺍﺍﻱ . ﻭﺳﻴﻢ . ﻋﺒﺪﻭ
ﻋﻤﺎﺩ :: ﻻﻻ ﺻﻮﺗﻚ ﻣﺰﺍﻝ ﻃﺎﻟﻊ .
ﻧﺰﻟﺖ ﻋﻠﻲ ﺭﻛﺒﺘﻲ ﻭﺣﻄﻴﺖ ﻳﺪﻱ ﻋﻠﻲ ﺭﻗﺒﺘﻬﺎ
ﺍﻧﺘﻲ ﻟﻔﻌﻪ ﺍﻟﻠﻲ ﺳﺎﺭﻩ ﻳﺎﻣﺎ ﺣﻠﻤﺖ ﺑﻴﻬﺎ
ﻟﻔﻌﻪ ﺳﺎﻣﻪ ﺑﺨﻴﺘﻲ ﺳﻤﻚ ﻭﺩﻣﺮﺗﻴﻨﺎ
ﺧﻼﺹ . ﺗﻮﺍ ﺟﺎ ﺩﻭﺭ ﻗﻄﻊ ﺭﺍﺱ ﺍﻟﺤﻴﻪ
ﺍﻧﺎ ﺍﻟﻠﻲ ﺭﺍﺡ ﻧﻘﺘﻠﻚ ﻳﺎﻧﺠﺎﺡ ﻭﻧﺨﻠﺺ ﺍﻟﺪﻧﻴﺎ ﻣﻦ ﺷﺮﻙ
ﻧﻌﻤﻪ :: ﻻ ﻋﻤﺎﺩ ﻭﺧﺮ . ﺣﺮﺍﻡ ﻋَﻠِﻴﻚ ﻋﻤﺎﺩ . ﻓﻜﺮ ﻓﻴﺎ . ﻓﻜﺮ ﻓﻲ ﻳﻮﺳﻒ ﻭﻫﻠﻚ . ﺳﻴﺒﻬﺎ . ﻣﻨﻬﺎ ﻟﻠﻪ
ﻭﺳﻴﻢ :: ﺿﻐﻄﺖ ﻋﻠﻲ ﻳﺪﻳﻪ
ﻭﻓﻜﻴﺘﻬﺎ ﻣﻦ ﻳﺪﻩ
ﻧﺠﺎﺡ :: ﻋﻤﺎﺩ ﺍﻧﺎ ﺍﺳﻔﻪ ﺍﻧﺎ ﻛﻞ ﻫﺬﺍ ﺩﺭﺗﻪ ﻋﺸﺎﻥ ﻧﺤﺒﻚ
ﺍﻧﺖ ﻟﻴﺎ ﺍﻧﺎ ﺑﺲ ﻋﻤﺎﺩ . ﻫُﺬِّﻱ ﺗﺤﺒﻜﺶ ﺯﻳﻲ
ﻋﻤﺎﺩ :: ﺍﻧﺘﻲ ﺍﺣﻘﺮ . ﺇﻧﺴﺎﻧﻪ ﻧﺸﻮﻓﻬﺎ ﻓﻲ ﺣﻴﺎﺗﻲ
ﺍﻧﺎﺍﻟﻠﻲ ﺍﺳﻒ ﻋﻠﻲ ﻛﻞ ﻳﻮﻡ ﺿﻴﻌﺘﻪ ﻣﻌﺎﻙ ﺍﻧﺎ ﺍﻟﻠﻲ ﺍﺳﻒ ﻳﺎﻧﻌﻤﻪ ﻋﺸﺎﻥ ﻓﻀﻠﺖ . ﺍﻟﻘﺬﺭﺓ ﻫُﺬِّﻱ ﻋَﻠِﻴﻚ
ﺍﻃﻠﻌﻲ ﻣﻦ ﺣﻴﺎﺗﻨﺎ ﺧﻼﺹ ﻣﻌﺶ ﺗﺤﻠﻤﻲ ﺗﻌﺒﻨﻲ . ﺣﻮﺷﻲ .
ﺑﺮﺍﺍﺍﺍ ﺑﺮﺭﺭﺭﺍﺍﺍ
ﻋﺒﺪﻭ ::
ﺍﻣﺸﻲ ﻳﺎﺣﺸﺮﻩ . ﻟﻌﻨﺖ ﺍﻟﻠﻪ ﻋَﻠِﻴﻚ
ﻗﻌﺪﺕ ﻧﺴﺤﺐ ﻓﻴﻬﺎ ﻣﻦ ﺷﻌﺮﻫﺎ ﻭﻫﻲ ﺗﻌﻴﻂ
ﻭﺳﻴﻢ : ﺍﻧﺎ ﺑﺠﺪ ﺍﺳﻒ
ﻋﻤﺎﺩ : ﺣﺼﻞ ﺧﻴﺮ . ﺣﺼﻞ ﺧﻴﺮ
ﻭﺳﻴﻢ : ﺑﻜﺮﺍ ﺍﻟﻔﺎﺗﺤﻪ .
ﻋﻤﺎﺩ : ﻫﻬﻬﻬﻪ ﻓﻲ ﻣﻮﻋﺪﻫﺎ ﻣﺘﺨﻔﺶ
<<~><
ﻋﺼﺎﻡ :: ﺳﺎﺭﻩ ﻧﺒﻲ ﺩﻓﺘﺮ ﻳﻘﻌﺪ ﻓﺎﺿﻲ . ﺿﺮﻭﺭﻱ ﻋﻨﺪﻙ
ﺳﺎﺭﻩ :: ﺍﻧﺎ ﻣﺶ ﻓﺎﺿﻴﻪ ﻋﺼﺎﻡ ﺧﻠﻴﻨﻲ
ﻋﺼﺎﻡ :: ﺳﻤﻼ ﻋﻠّﻴﺎ ﻓﻲ ﺩﻓﻌﻲ ﻣﺎﺩﺭﺗﻮ ﻫﻚ
ﺟﻤﻴﻠﻪ : ﺍﻭﻝ ﺷﻲ ﻫُﺬِّﻱ ﻓﺎﺗﺤﻪ ﻭﺩﻓﻊ ﺗﺨﺘﻠﻒ
ﺛﺎﻧﻲ ﺷﻲ
ﻳﺎﻋﻴﻮﻧﻲ ﻫُﺬِّﻱ ﻋﻠﻲ ﻫﻞ ﺍﻟﻌﺮﻭﺱ ﺷﻦ ﺩﺧﻠﻨﻲ ﺍﻧﺎ
ﻋﺼﺎﻡ :: ﺗﻮﺍ ﻧﻮﺭﻳﻬﺎ ﻛﻴﻒ ﺩﺭﻭﺵ ﺟﻮ ﻫﺬﺍ
ﻫﻼﺀ : ﻳﺎﺣﻤﺎﺭ . ﻭﻃﻲ ﺣﺴﻚ ﺗﺴﻤﻌﻚ ﻣﺤﺒﻪ
ﺗﻲ ﺍﻟﻨﺎﺱ ﻋﻠﻲ ﻗﺪ ﺣﺎﻟﻬﻢ ﻣﺶ ﺍﻣﺘﺎﻉ ﺟﻮ ﺍﻟﻔﺨﻔﺨﻪ ﻫﺬﺍ ﻃﺮﻭﺡ ﺍﺧﺘﻚ ﺍﻟﻔﺸﺎﻛﻪ
ﺳﺎﺭﻩ :: ﻃﺒﻌﺎ ﺣﺒﻴﺒﻲ ﻛﻨﻲ ﻣﺎ ﻧﻔﺸﻚ ﺣﺘﻲ ﺍﻧﺎ ﺳﺎﺭﻩ
ﻋﺼﺎﻡ : ﻳﺎﻋﻴﻨﻲ . ﻭﻣﻦ ﺗﻄﻠﻊ ﺳﺎﺭﻩ ﻛﻠﻬﺎ ﻋﻠﻲ ﺑﻌﻀﻬﺎ . ﻗﻄﻮﺳﻪ .
ﺳﺎﺭﻩ :: ﻳﺎﺑﺎﺍﺭﺩ
ﻋﺼﺎﻡ :: ﺍﺳﻤﻌﻲ ﻧﺒﻲ ﺩﻓﺘﺮ ﻫﻴﺎ
ﺳﺎﺭﻩ :: ﻓﻲ ﺭﻑ ﻣﻜﺘﺒﺘﻲ ﺗﻼﻗﻴﻪ ﻣﺠﻤﻮﻋﻪ ﺧﻮﺩ ﻭﺍﺣﺪ
ﻋﻼﺀ :: ﻭﺷﻦ ﺑﺘﻜﺘﺐ ﺍﻥ ﺷﺎﺀﺍﻟﻠﻪ
ﻋﺼﺎﻡ : ﻧﻜﺘﺐ . ﻓﻲ ﻣﺼﺎﺭﻳﻔﻲ
ﻭﻧﻜﺘﺐ ﻓﻲ ﺍﻟﻬﺪﺍﻳﺎ .
ﻭﺍﻟﻠﻲ ﻣﺎﻳﻬﺪﻳﻨﻲ . ﻣﺎﻧﻲ ﻧﺎﺳﻴﻪ
ﺳﺎﺭﻩ : ﻳﻲ ﻗﺼﺪﻙ . ﺗﺒﻲ ﻣﻨﻲ ﺣﺘﻲ ﺍﻧﺎ ﻫﺪﻳﻪ
ﻋﺼﺎﻡ :: ﺍﻫﺎ ﺍﻧﺘﻲ ﻭﺭﺍﺟﻠﻚ ﻧﺘﺬﻛﺮ ﺯﻣﺎﻥ ﻫﺪﻳﺖ ﻋﻠﻴﻜﻢ ﺩﻳﻜﻮﺭ ﺍﻟﺸﻘﻪ
ﺳﺎﺭﻩ :: ﻭﺍﺍﺍﺍﻭﻭﻭ ﻃﺢ ﺳﻌﺬﻙ ﻳﻠﻲ ﻣﺎﺗﻨﺴﺎ ﻫﻬﻬﻬﻪ
ﻋﻼﺀ : ﻭﺍﻧﺎ ﺷﻦ ﻫﺪﻳﺖ ﻋﻠّﻴﺎ ﻧﺴﻴﺖ
ﻋﺼﺎﻡ :: ﻫﺪﻳﺖ ﻋَﻠِﻴﻚ ﻣﻜﺘﺒﻪ
ﻭﻋﻤﺎﺩ . ﻫﺪﻳﺘﺶ ﺻﺢ ﻋﻤﺎﺩ ﻧﺒﻴﺶ ﻣﻨﻪ
ﻭﻣﺤﺒﻪ ﻧﺒﻲ ﻣﻨﻬﺎ .
ﻣﺤﺒﻪ : ﺗﻘﺮﻣﻮ ﻓﻴﺎ ﻛﻨﻲ
ﻋﻼﺀ : ﻗﺎﻝ ﻳﺒﻲ ﻣﻨﻚ ﻫﺪﻳﻪ ﺷﻦ ﺟﺎﻳﺒﻠﻚ
ﻧﺤﺒﻪ :: ﻃﺢ ﺳﻌﺪﻙ . ﻳﺎﺑﺨﻴﻞ
ﺟﻤﻴﻠﻪ :: ﻳﻨﺎﻋﻠﻴﺎ ﻣﻌﺶ ﺍﺩﻳﺮﻭﻟﻪ ﺳﺮﻳﺐ
ﻋﺪﻱ ﺍﻧﺘﻠﻒ ﺩﻭﺭ ﺍﻟﺪﻓﺘﺮ . ﻭﺳﺠﻞ
ﻭﺭﺍﻙ ﺗﻨﺴﺎ .
ﺗﺴﺠﻞ ﺍﻣﻚ ﻫﺪﺍﺗﻚ ﺻﺤﺘﻬﺎ ﻭﻋﻤﺮﻫﺎ ﻭﺣﻴﺎﺗﻬﺎ
ﻋﺼﺎﻡ :: ﻻ ﻋﺎﺩ ﺟﻤﻮﻟﻪ . ﺷﻦ ﺑﺘﻬﺪﻱ ﻋﻠّﻴﺎ
ﻋﺎﺩ ﻓﻠﻮﺱ ﻋﺮﻡ ﻋﻨﺪﻙ ﺍﻧﺘﻲ
ﺍﻫﺎﺍﺳﻤﻌﻲ ﺯﻱ ﻣﺎﻫﺪﻳﺘﻲ ﻋﻠﻲ ﻣﺤﺒﻪ ﻋﻘﺪ ﺍﻣﺘﺎﻋﻚ
ﻟﺒﺴﻲ ﻣﺮﺍﺗﻲ ﻋﻘﺪ ﻣﻦ ﺍﻣﺘﻌﺎﺗﻚ
ﻋﺎﺩ ﻣﺶ ﺧﻴﺮ ﻣﻨﺎ ﻣﺮﺕ ﺍﻟﻜﺎﺑﺘﻦ
ﺳﺎﺭﻩ :: ﺑﺎﺵ ﻧﻌﻤﻪ ﺗﺰﻋﻞ ﺟﺪﻳﺎﺕ
ﺟﻤﻴﻠﻪ : ﻳﻲ ﻋﻠﻲ ﻫﺬﻙ ﺍﻟﻌﻘﺪ . ﻫﺰﺑﺘﻨﻲ . ﺍﻟﻬﺒﻠﻪ
ﻋﺼﺎﻡ : ﻻﻻ ﺧﻼﺹ ﻣﻌﺶ ﻧﺒﻲ
ﻧﻌﺪﻱ ﻧﻜﺘﺐ ﻫﺪﺍﻳﺎ ﺍﺻﺤﺎﺑﻲ .
ﺧﺸﻴﺖ . ﻟﻠﺪﺍﺭ ﻧﻘﻠﺐ ﻓﻲ ﺍﻟﺪﻓﺎﺗﺮ
ﻭﺍﻭ ﻛﻞ ﻫﺬﻳﻦ . ﻗﺮﻃﺎﺳﻴﻪ ﺩﺍﺭﻫﺎ
ﻣﺴﻜّﺖ . ﺩﻓﺘﺮ .
ﺟﺬﺑﻨﻲ
ﻛﻠﻪ ﺻﻮﺭﻫﺎ ﻭﻫﻲ ﺣﺎﻣﻞ ﻭﻣﻜﺘﻮﺏ ﻓﻴﻪ ﻣﻮﺍﻗﻒ ﻭﻳﻮﻣﻴﺎﺗﻬﺎ
ﻣﻜﺘﻮﺏ ﻓﻲ ﺍﺧﺮ ﺻﻔﺤﻪ
ﻟﻴﺲ ﻫﻨﺎﻙ ﺃﺻﻌﺐ ﻣﻦ ﺟﺮﺡ ﺍﻟﺤﺒﻴﺐ، ﻭﻟﻴﺲ ﻫﻨﺎﻙ ﻣﺎ ﻳﺆﻟﻢ ﺃﺷﺪ ﻣﻦ ﺍﺑﺘﻌﺎﺩﻩ ﻭﻓﺮﺍﻗﻪ، ﻓﻤﻦ ﺃﻋﻄﻴﺘﻪ ﺍﻟﺤﻴﺎﺓ ﻗﺪﻡ ﻟﻚ ﺍﻟﻤﻮﺕ، ﻭﻣﻦ ﺑﻨﻴﺖ ﻣﻌﻪ ﺃﺣﻼﻣﺎً ﻫﺪﻣﻬﺎ ﺑﻠﻤﺤﺔ ﺑﺼﺮ، ﻭﻣﻦ ﺃﻋﻄﻴﺘﻪ ﻗﻠﺒﻚ ﻭﻭﺟﺪﺍﻧﻚ ﻣﻨﺤﻚ ﻭﺣﺪﺓ ﻭﻇﻼﻡ :
ﺃﻧﺎ ﺃﺣﺎﻭﻝ ﻛﻞ ﻳﻮﻡ ﺃﻥ ﺃﺭﺳﻢ ﻭﺃﻭﺷﻢ ﺟﺮﻭﺣﻲ ﻋﻠﻰ ﻭﺭﻕ، ﺃﺣﺎﻭﻝ ﺃﺗﺮﺟﻢ ﺇﺣﺴﺎﺳﻲ ﻭﻣﺸﺎﻋﺮﻱ ﺍﻟﺘﻲ ﺫﺑﻠﺖ ﻭﻟﻜﻦ ﻓﻲ ﺍﻟﻨﻬﺎﻳﺔ ﺍﻛﺘﺸﻔﺖ ﺇﻧﻲ ﺃﻛﺘﺐ ﺻﺪﻯ ﺟﺮﻭﺣﻲ ﻋﻠﻰ ﺭﻣﻞ .
ﺧﺪﻳﺖ ﺍﻟﺪﻓﺘﺮ ﻣﻌﺎﻳﺎ
ﻭﻃﻠﻌﺖ ﺩﺍﺭﻱ
ﺣﺴﻴﺖ ﺳﺎﺭﻩ ﻋﻨﺪﻫﺎ ﺍﻟﺤﻖ ﻓﻲ ﻛﻞ ﺍﻟﻠﻲ ﺩﺭﺍﺗﻪ ﺩﻣﻌﺖ ﻣﻦ ﺍﻟﻜﻼﻡ
ﻭﻟﻘﻴﺖ ﺭﻭﺣﻲ ﺭﺍﻥ ﻋﻠﻴﻪ ﻭﻃﺎﻟﺐ ﻧﻘﺎﺑﻠﻪ
~><
ﻭﺳﻴﻢ ::
ﻍ
ﺷﻦ ﺍﻟﺠﻮ ﻋﺼﻮﻡ
ﻋﺼﺎﻡ :: ﺿﺮﺑﺘﻪ ﺑﻮﻧﻲ ﻋﻠﻲ . ﻛﺘﻔﻪ
ﻟَﻴﺶ ﻳﺎﻭﺳﻴﻢ ﻟﻴﺸﺸﺶ
ﻭﺳﻴﻢ : ﻃﺤﺖ ﻣﻦ ﻗﻮﺓ ﺍﻟﺨﺒﻄﻪ
ﺣﻄﻴﺖ ﻳﺪﻱ ﻋﻠﻲ ﻛﺘﻔﻲ ﺍﺍﺍﻩ
ﺗﻲ ﻛﻨﻚ ﺷﻦ ﻓﻴﻴﻴﻲ
ﻋﺼﺎﻡ : ﺗﻤﻨﻴﺘﻪ ﻛﻒ ﻋﻠﻲ ﻭﺟﻚ ﺗﻤﻨﻴﺘﻪ ﻣﻮﺱ ﻏﺮﺳﺘﻪ ﻭﻃﻠﻌﺖ ﻗﻠﺒﻚ . ﺍﻟﻘﺎﺳﻲ
ﻭﺳﻴﻢ :: ﺻﺒﻴﺖ
ﺷﻦ ﻓﻲ ﻧﺠﺎﺡ ﺩﺍﺭﺕ ﺣﺎﺟﻪ ﺟﺪﻳﺪﻩ ﺍﻧﺎ ﻣﺶ ﻓﺎﻫﻢ ﺷﻲ
ﻋﺼﺎﻡ :: ﻭﺍﻧﺎ ﻟﻼﺳﻒ ﻫﺬﺍ ﻭﻳﻦ ﻓﻬﻤﺖ .
ﻛﻨﺘﺶ ﻣﺘﺼﻮﺭ ﺍﻟﻠﻲ ﺻﺎﺭ ﺑﻌﻴﻮﻥ ﻭﺇﺣﺴﺎﺱ ﻭﻗﻠﺐ ﻭﻋﻴﻮﻥ ﻭﺭﻭﺡ ﺳﺎﺭﻩ
ﻳﺎﺭﻳﺘﻨﻲ ﺍﻭﻝ ﻣﺎﺷﻔﺘﻚ ﺿﺮﺑﺘﻚ ﻭﻛﺴﺮﺗﻚ ﻭﻓﺸﻴﺖ ﺧﺎﻃﺮﻫﺎ
ﻳﺎﺭﻳﺘﻨﻲ ﺳﻤﻌﺖ ﻛﻼﻣﻬﺎ ﻭﻣﺎﺍﺳﺘﻘﺒﻠﻨﺎﻙ ﻓﻲ ﺣﻮﺷﻨﺎ
ﻭﻻ ﺿﻴﻔﻨﺎﻙ ﻭﻻ ﺣﺘﻲ ﺳﻠﻤﻨﺎ ﻋَﻠِﻴﻚ
ﻛﺎﻧﺖ ﺗﻌﺒﻂ ﺑﻌﻠﻮ ﺣﺴﻬﺎ ﻭﻛﻠﻨﺎ ﻟﻤﻨﺎﻫﺎ ﻭﻛﻨﺖ ﻣﻊ ﻧﻔﺴﻲ ﻧﻘﻮﻝ ﻛﺎﻧﻬﺎ ﻣﺰﻭﺩﺗﻬﺎ
ﺑﺲ ﺍﻟﻠﻲ ﺩﺭﺍﺗﻪ ﺷﻮﻱ ﻓﻲ ﻳﻠﻲ ﺍﻧﺖ ﺗﺴﺘﺄﻫﻠﻪ
ﻭﺳﻴﻢ :: ﻗﻌﺪﺕ ﻧﺒﺤﺖ ﻓﻴﻪ ﻭﻫﻮﺍ ﻳﺤﻜﻲ ﻭﻳﺒﻜﻲ ﻭﻣﺘﻮﺗﺮ .
ﻣﺶ ﻓﺎﻫﻢ ﻫﻮﺍ ﻛﻨﻪ ﻫﻜﻲ ﺗﻮﺍ ﺧﻄﺮﻟﻪ
ﻋﺼﺎﻡ :: ﺍﻛﻴﺪ ﺗﻘﻮﻝ ﻛﻨﻪ ﻫﺬﺍ ﺗﻮﺍ ﺑﺲ ﺧﻄﺮﻟﻪ
ﻳﻌﻴﻂ ﻭﻳﻀﺮﺏ ﻭﻳﺒﻜﻲ
ﺍﻟﺴﺒﺐ ﻫﺬﺍ . ﺍﻟﻜﺘﺎﺏ ﻫﺬﺍ . ﺍﻟﻠﻲ ﻛﺎﻥ ﻣﻤﻜﻦ ﻳﻤﺪﻩ ﻟﻚ ﻣﺆﻳﺪ ﻭﻻ ﻧﻮﺭ
ﻭﺍﺧﺘﻲ ﻣﻴﺘﻪ ﺍﻗﺮﺍ ﻳﺎﻭﺳﻴﻢ . ﺳﺎﺭﻩ ﻛﻴﻒ ﻛﺎﻧﺖ ﻋﺎﻳﺸﻪ
ﻭﺷﻦ ﺣﺎﺳﻪ ﺍﻟﻠﻲ ﻗﺎﻫﺮﻧﻲ ﺍﻧﻲ ﺍﻧﺎ ﺗﻮﺃﻣﻬﺎ . ﻣﺤﺴﻴﺘﺶ ﺑﻴﻬﺎ
ﻭﺳﻴﻢ : ﻣﺴﻜّﺖ ﺍﻟﻜﺘﺎﺏ
ﺧﻮﺍﻃﺮ ﺳﺎﺭﻩ
ﻋﺼﺎﻡ : ﺟﺮﻭﺡ ﺳﺎﺭﻩ ﻣﻌﺎﻧﺎﺓ ﺳﺎﺭﻩ .
ﺍﻗﺮﺍﻫﻦ ﻭﺳﻴﻢ ﻋﺸﺎﻥ ﺗﻌﺮﻑ ﺗﺤﺲ ﺭﻭﺣﻚ ﻣﻬﻤﺎ ﺩﺭﺕ ﻣﺴﺘﺨﻴﻞ ﺗﻘﺪﺭ ﺗﺒﺮﺭ
ﻋﺸﺎﻥ ﺗﻌﺮﻑ ﻳﺎﻏﺒﻲ . ﺍﺧﺘﻲ ﻛﻴﻒ ﺗﺤﺒﻚ ﻭﺣﺒﺎﺗﻚ .
ﻭﻣﺰﺍﻟﺖ ﺗﺤﺒﻚ . ﻭﺗﻌﺘﺒﺮ ﻣﺎﺩﺭﺍﺕ ﺷﻲ ﻋﺸﺎﻥ ﺗﺒﺮﺩ ﻧﺎﺭﻫﺎ
ﻭﺳﺒﻢ :: ﻋﺪﺍ ﻭﺳﻴﺒﻨﻲ
ﻣﺴﻜّﺖ ﺍﻭﻝ ﺻﻔﺤﻪ
ﻭﺑﺪﻳﺖ ﻧﻘﺮﺍ ﻓﻲ ﺍﻟﻜﻼﻡ ﻭﻛﺄﻧﻲ ﻧﺴﻤﻊ ﻓﻴﻬﺎ ﺗﺤﻜﻲ ﻭﺗﺒﻜﻲ
ﺍﻧﺼﺪﻣﺖ ﺑﻴﻠﻲ ﻗﺮﻳﺘﻪ ﺷﻌﻮﺭﻫﺎﻓﻲ ﺍﻻﻭﻝ . ﻛﻠﻪ ﻋﺘﺎﺏ ﻭﺭﻳﺎﻑ ﻭﺷﻮﻕ
ﻗﻌﺪﺕ ﻳﻮﻡ ﻛﺎﻣﻞ ﻧﻘﺮﺍ ﻭﻧﺘﺄﻣﻞ ﻓﻲ ﺻﻮﺭ ﺑﻄﻨﻬﺎ ﻓﻲ ﻛﻞ ﺷﻬﺮ
ﻛﺎﻧﺖ ﺣﻠﻮﻩ ﻭﺯﺍﻳﺪﻩ ﺟﻤﺎﻝ ﻓﻲ ﺣﻤﻠﻬﺎ
ﺑﺲ ﻭﺟﻬﺎ ﺣﺰﻳﻦ ﻭﺫﺍﺑﻞ
ﻭﺻﻠﺖ ﻓﻲ ﻃﻼﻗﻬﺎ . ﻫﻨﺎ ﺣﺴﻴﺖ ﺑﻜﻤﻴﺔ ﺍﻟﺠﺮﺡ ﺍﻟﻠﻲ ﺳﺒﺒﺘﻪ ﻟﻬﺎ
ﺣﺴﻴﺖ ﺑﻘﻬﺮﻫﺎ ﻭﻋﺬﺍﺑﻬﺎ .
ﺣﺴﻴﺖ ﺑﺈﺣﺴﺎﺱ ﻋﺼﺎﻡ ﻓﻌﻼ ﻣﻜﻨﺘﺶ ﺣﺎﺱ ﺑﻴﻬﺎ ﻭﻧﺴﺘﺎﻫﻞ ﺍﻟﻠﻲ ﺩﺭﺍﺗﻪ ﻓﻴﺎ
ﺳﺎﺭﻩ : ﺍﺳﺘﻐﺮﺑﺖ ﻣﺮﻧﺶ ﻋﻠّﻴﺎ
ﻗﺒﻞ ﻛﻞ ﺷﻮﻱ ﻳﺘﺼﻞ .
ﺧﺸﻴﺖ ﺍﺩﻭﺷﺖ
ﻣﺤﺒﻪ : ﻳﺎﻋﻴﻨﻲ ﻳﺎﻋﺮﻭﺱ ﺷﻦ ﺍﺩﻳﺮﻱ
ﺳﺎﺭﻩ :: ﺗﺮﻃﻴﺐ ﻟﺠﺴﻤﻲ
ﺗﻌﺎﻟﻲ ﺟﺎﺑﻚ ﺭﺑﻲ ﺍﺩﻫﻨﻲ ﻇﻬﺮﻱ
ﻣﺤﺒﻪ :: ﻫﻬﻬﻪ ﺟﺪﺩ ﺍﻟﻜﺮﻳﻤﺎﺕ . ﻫﺬﻳﻦ
ﺳﺎﺭﻩ : ﻃﺒﻌﺎﺍﺍﺍ ﺑﺮﻭﺣﻚ ﻗﻠﺘﻴﻬﺎ ﻋﺮﻭﺱ . ﻻﺯﻡ ﻧﺒﺪﺍ ﻧﻬﺘﻢ ﺑﺒﺸﺮﺗﻲ
ﻣﺤﺒﻪ : ﻭﻟﻴﺶ ﺗﻜﺎﺑﺮﻱ ﻓﻲ ﺍﻻﻭﻝ . ﻭﺗﻘﻮﻟﻲ ﻛﺎﺭﻫﺘﻪ ﻃﺎﻟﻤﺎ ﻟﻠﺪﺭﺟﺔ ﻫُﺬِّﻱ ﺗﺤﺒﻴﻪ
ﺳﺎﺭﻩ :: ﻛﻨﺖ ﻣﻘﻬﻮﺭﻩ ﻣﻨﻪ ﻣﺶ ﻛﺮﻩ
ﻭ ﻫﻮﺍ ﻧﻘﻄﺔ ﺿﻌﻔﻲ ﻭﻗﺪﺭ ﻳﺤﻨﻦ ﻗﻠﺒﻲ ﻭﻳﺠﺪﺩ ﺍﻟﺤﺐ ﻓﻴﻪ
ﻣﺤﺒﻪ :: ﺑﻜﺮﺍ ﺗﺮﺩﻱ ﻣﺮﺍﺗﻪ ﺷﻦ ﺷﻌﻮﺭﻙ ﻓﻲ ﻓﺮﻕ ﺑﻴﻦ ﻓﺎﺗﺤﺘﻚ ﺯﻣﺎﻥ ﻭﺗﻮﺍ
ﺳﺎﺭﻩ :: ﺍﻣﻤﻤﻢ ﺑﺪﻭﻥ ﺷﻚ ﻓﺮﻕ ﻛﺒﻴﺮﺭﺭﺭﺭﺭ
ﺍﻻﻭﻝ ﻛﻨﺖ ﻣﻐﺼﻮﺑﻪ . ﻭﻗﻠﺒﻲ ﻛﺎﻥ ﻣﻊ ﻏﻴﺮﻩ
ﺑﺲ ﺗﻮﺍ ﻣﻠﻬﻮﻓﻪ ﻭﻗﻠﺒﻲ ﻣﻠﻜﻪ . ﻫﻮﺍ ﻭﺑﺴﺴﺲ
ﻣﺤﺒﻪ :: ﺑﺠﺬ ﻳﺎﺳﺎﺭﻩ ﺍﻧﺘﻲ ﺑﻨﺖ ﻏﻴﺮ ﺑﻨﺎﺕ ﺗﻮﺍ
ﺭﺑﻲ ﻳﺤﻔﻈﻚً .
ﻟﻮ ﺍﻱ ﻭﺣﺪﻩ ﺛﺎﻧﻴﻪ ﻣﻜﺎﻧﻚ . ﺭﺍﻫﻮ . ﺩﺍﺭﺕ ﺍﻟﻌﺎﺭ ﻭﻛﻤﻠﺖ ﻣﻊ ﻣﺤﻤﺪ ﻭﻣﻬﻤﻬﺶ ﺣﺪ
ﺑﺲ ﺍﻧﺘﻲ ﻭﺛﻘﺘﻲ ﻓﻲ ﺍﻥ ﺍﻟﺨﻴﺮﻩ ﻓﻴﻤﺎ ﺍﺧﺘﺎﺭﻩ ﺍﻟﻠﻪ ﻭﻛﺎﻥ ﻇﻨﻚ ﻓﻲ ﻣﺤﻠﻪ
ﺍﻫﻮ ﺣﺒﻴﺘﻲ ﻭﺟﺒﺘﻲ ﻋﻴﺎﻝ ﻭﺑﺎﺫﻥ ﺍﻟﻠﻪ ﺍﻟﺠﺎﻱ ﺍﺟﻤﻞ
ﺳﺎﺭﻩ : ﻓﻌﻼ . ﺍﻧﺎ ﻣﻦ ﺍﻻﻭﻝ ﻛﺎﻥ ﻫﺪﻓﻲ ﻣﻨﺪﻳﺮﺵ ﺷﻲ ﻳﻐﻀﺐ ﺭﺑﻲ
ﻭﻛﻨﺖ ﻧﺪﻋﻲ ﺭﺑﻲ ﻳﺒﺪﻝ ﺍﻟﺤﺐ ﻓﻲ ﻗﻠﺒﻲ ﻻﻧﻪ ﺑﺲ ﺍﻟﻘﺎﺩﺭ ﻭﺍﻟﺸﻲ ﻫﺬﺍ ﺑﻴﺪﻩ
ﻣﺤﺒﻪ :: ﺳﺒﺤﺎﻥ ﺍﻟﻠﻪ ﻓﻌﻼ ﺍﻟﺜﻘﻪ ﻓﻲ ﺍﻟﻠﻪ ﺷﻲ ﻛﺒﻴﺮ
ﻭﺍﻧﺎ ﻋﻨﺪ ﺣﺴﻦ ﻇﻦ ﻋﺒﺪﻱ ﺑﻲ ﺭﺑﻲ ﻳﺤﻔﻈﻜﻢ ﻭﺗﻌﻮﺿﻮ ﺍﻳﺎﻡ ﺍﻟﻔﺮﺍﻕ
ﺳﺎﺭﻩ :: ﺍﻣﻴﻴﻴﻦ ﻳﺎﺭﺏ . ﻭﻳﻬﻨﻴﻚ ﺣﺒﻴﺒﺘﻲ ﺍﻧﺘﻲ ﻭﻋﻠﻮﺃﻩ .
ﺑﺲ ﻏﺮﻳﺐ ﺣﺴﻨﻲ ﻣﺸﻐﻮﻟﻪ ﻋﻠﻲ ﻭﺳﺒﻢ ﺭﻧﺶ ﺍﻟﻴﻮﻡ .
ﻣﺤﺒﻪ : ﺭﻧﻲ ﺍﻧﺘﻲ ﻋﻠﻴﻪ ﻻﺯﻡ ﻫﻮﺍ ﻳﺮﻥ .
ﻋﻴﺸﻲ ﺍﻻﻳﺎﻡ ﻫُﺬِّﻱ ﺗﻬﺒﻞ .
ﺳﺎﺭﻩ :: ﻣﺶ ﻏﻴﺮ . ﺗﻬﺒﻞ
~~>~
# ﺭﻭﺍﻳﺎﺕ _ ﻣﻨﻘﻮﻟﺔ
ﻭﺳﻴﻢ :: ﺭﻥ ﺗﻠﻔﻮﻧﻲ ﺳﺎﺭﻩ . ﺭﺩﻳﺖ
ﺍﻧﺤﺒﻚ .
ﺳﺎﺭﻩ :: ﻭﻟﻴﺶ ﻣﺎﺭﻧﻴﺖ ﻃﺎﻟﻤﺎ ﺗﺒﺤﻨﻲ
ﻭﺳﻴﻢ : ﻭﻟﻴﺶ ﻭﻟﻴﺶ ﻣﺪﺭﺕ ﺣﺎﺟﺎﺕ ﻭﺍﺟﺪ
ﺳﺎﺭﻩ ﺍﻧﺘﻲ ﺗﺴﺘﺎﻫﻠﻲ ﺍﻧﺴﺎﻥ ﺧﻴﺮ ﻣﻨﻲ ﺍﻧﺎ ﻣﻨﺴﺘﺎﻫﻠﻜﺶ ﺣﺎﺱ ﺭﻭﺣﻲ ﺍﻋﻌﻊ ﺑﻜﻞ ﺣﺎﺱ ﺭﻭﺣﻲ ﻓﺮﺥ ﺻﻐﻴﺮ ﻣﻜﻨﺘﺶ ﺭﺍﺟﻞ ﻣﻌﺎﻙ
ﺳﺎﺭﻩ : ﺍﺳﺘﻐﺮﺑﺖ ﻣﻦ ﺻﻮﺗﻪ ﻛﺎﻧﻪ ﺑﺎﻛﻲ
ﻭﺳﻴﻢ ﺷﻦ ﻻﺯﻣﺖ ﺍﻟﻜﻼﻡ ﻫﺬﺍ ﺗﻮﺍ ﺧﻼﺹ ﻣﻠﻒ ﻭﺻﻜﺮﻧﺎﻩ ﻭﻣﻌﺶ ﺑﻨﺤﻜﻮ ﻓﻴﻪ ﺧﻠﻴﻨﺎ ﻧﻌﻴﺸﻮ ﺍﻟﻠﺤﻈﺎﺕ ﺍﻟﺤﻠﻮﻩ ﺑﻜﺮﺍ ﻓﺎﺗﺤﺘﻨﺎ
ﻭﺳﻴﻢ :: ﺣﺎﺱ ﺭﻭﺣﻲ ﻣﺶ ﻟﻚ
ﺣﺎﺱ ﺭﻭﺣﻲ ﻧﺬﻝ ﻭﻣﻨﺴﺘﺎﻫﻠﺶ ﺯﻭﺟﻚ ﺯﻳﻚ ﻭﻻ ﻟﻴﺎ ﺍﻟﺤﻖ ﻓﻲ ﻋﻴﺎﻟﻚ
ﺳﺎﺭﻩ ﺍﻟﻠﻲ ﺩﺭﺗﻴﻪ ﻓﻴﺎ ﻛﻠﻪ ﺣﻘﻚ
ﻓﻌﻼ ﺑﺎﻱ ﻭﺝ ﺟﺎﻱ ﻧﺒﻲ ﻋﻴﺎﻟﻲ ﻭﺑﺎﻱ ﻭﺝ ﺟﺎﻱ ﻧﺒﻲ ﻧﺮﺩﻙ . ﺗﻲ ﺍﻧﺎ ﺑﻴﺎﻉ ﻣﻔﻴﺎﺵ ﺍﻣﺎﻥ
ﺳﺎﺭﻩ :: ﺷﻨﻮ ﻭﺳﺒﻢ ﺑﺘﺨﺬﻟﻨﻲ ﺍﺧﺮﻱ . ﺑﺘﺴﻴﺒﻨﻲ . ﻣﻌﺶ ﺗﺒﻴﻨﻲ ﻭﺗﺘﺤﺠﺞ
ﺍﻧﺎ ﻧﺴﻴﺖ ﻛﻞ ﺷﻲ ﺍﻧﺎ ﻣﻌﺶ ﻣﺪﻭﺭﻩ ﺍﻟﻤﺎﺿﻲ . ﻭﻓﺮﺣﺎﻧﻪ ﺑﺎﻟﺤﺎﺿﺮ
ﻭﺳﻴﻢ . ﺍﻧﺎ ﺍﻧﺤﺒﻚ ﻭﻣﻌﺶ ﻗﺎﺩﺭﻩ ﻧﻜﺒﺖ ﺍﻛﺜﺮ ﻧﺮﺍﺟﻲ . ﻓﻲ ﺍﻟﺴﺎﻋﺎﺕ . ﻋﺸﺎﻥ ﻧﺮﺩ ﺣﻼﻟﻚ
ﻧﺮﺍﺟﻲ ﻓﻲ ﺍﻻﻳﺎﻡ . ﺗﻤﺮ . ﻋﺸﺎﻥ ﻧﺮﺩ ﻟﻤﻜﺎﻧﻲ
ﻣﺮﺍﻳﻔﻪ ﻋﺎﻱ ﺻﺪﺭﻙ ﻭﺳﺒﻢ ﻣﺮﺍﻳﻔﻪ ﻋﻠﻲ ﺣﻨﺎﻧﻚ ﻭﺻﻮﺗﻚ . ﺍﻟﻬﺎﺩﻱ
ﻭﺳﻴﻢ : ﺣﺒﻴﺒﻲ
ﺍﻧﺎ ﻗﺮﻳﺖ . ﺩﻓﺘﺮ ﺫﻛﺮﻳﺎﺗﻚ
ﺳﺎﺭﻩ :: ﺩﻓﺘﺮ ﺍﻱ ﺩﻓﺘﺮ
ﺻﺒﻴﺖ ﺑﺴﺮﻋﻪ ﻟﻠﻤﻜﺘﺒﻪ
ﻭﺳﻴﻢ :: ﻣﺘﺪﻭﺭﻳﺶ ﻻﻧﻪ ﻗﺎﻋﺪ ﻋﻨﺪﻱ
ﻳﺎﺭﻳﺘﻚ ﺑﺪﺍﻝ ﻣﺎ ﺗﺤﺮﻗﻲ ﺩﻣﻚ ﻭﺗﺰﻳﺪﻱ ﺗﺘﻌﺬﺑﻲ ﻣﻦ ﻏﺒﺎﻳﺎ ﻭﻭﻗﺎﺣﺘﻲ
ﺭﻣﻴﺘﻲ ﻓﻲ ﻭﺟﻲ ﺍﻟﻜﺘﺎﺏ
ﻛﻨﺖ ﻣﺘﻌﺒﺘﻜﺶ ﻭﺗﺤﺸﻤﺖ ﻋﺎﻱ ﻭﺟﻲ ﻭﺭﻭﺣﺖ ﻣﻦ ﻭﻳﻦ ﺟﻴﺖ
ﺳﺎﺭﻩ : ﻭﺍﻧﺎ ﻧﺒﻴﻜﺶ ﺗﻤﺸﻲ ﻛﻨﺖ . ﺑﺲ ﺗﺒﺮﻳﺪﺍﺕ ﻋﻠﻲ ﻗﻠﺒﻲ
ﻭﻛﻨﺖ ﺍﻟﻠﻴﻞ ﻧﺒﺘﺴﻢ ﻭﻓﺮﺣﺎﻧﻪ . ﺍﻧﻲ ﺷﻔﺘﻚ
ﺣﺒﻴﺒﻲ ﺧﻠﻴﻨﺎ ﻧﻨﺴﻮ ﺍﻟﻤﺎﺿﻲ . ﺧﻠﻴﻨﺎ ﻧﻌﻮﺿﻮ ﺑﻌﻀﻨﺎ ﻋﻠﻲ ﺍﻻﻳﺎﻡ ﺍﻟﺸﻴﻨﻪ ﺧﻼﺹ ﺍﻓﺮﺩﻫﺎ ﻭﺧﻠﻴﻨﺎ ﻧﺤﻜﻮ ﻓﻲ ﻳﻠﻲ ﺟﺎﻱ
ﺃﺑﺪﺍﻫﺎ ﻣﻦ ﺑﻜﺮﻩ ﻣﺴﺘﻌﺪ ﻳﺎﺯﻭﺟﻲ ﺍﻟﻌﺰﻳﺰ
ﻭﺳﻴﻢ :: ﺍﺑﺘﺴﻤﺖ ﺑﺲ ﻧﺤﺐ ﻛﻠﻤﺔ ﺭﺍﺟﻠﻲ ﺍﻧﺎ
ﺳﺎﺭﻩ :: ﺑﺎﻩ ﻳﺎﺭﺍﺟﻠﻲ ﺟﻬﺰﺕ ﺟﻼﺑﻴﺘﻚ
ﻭﺳﻴﻢ : ﺍﻫﺎ ﻭﺗﺘﻬﺎ ﻟﻴﺎ ﺍﻣﻲ
ﺳﺎﺭﻩ :: ﺍﻟﻌﻄﺮ ﻭﺳﻴﻢ ﺭﺍﻙ ﺗﻨﺴﺎ ﻧﺒﻴﻚ ﺗﺨﺶ ﻟﻠﻤﺮﺑﻮﻋﻪ ﻭﺍﻟﻌﻄﺮ ﻳﻮﺻﻠﻨﻲ . ﻓﻮﻕ
ﻭﺳﻴﻢ : ﻫﻬﻬﻬﻪ ﺣﺎﺿﺮ . ﺍﺻﻼ . ﺗﻌﻮﺩﺕ ﻧﻜﺜﺮ
ﺳﺎﺭﻩ : ﺳﻴﻤﻮ ﺟﺒﺖ ﻟﻤﺆﻳﺪ ﺯﻳﻚ
ﻭﺳﺒﻢ :: ﺍﻫﺎ ﺟﺒﺘﻠﻪ ﻧﻔﺲ ﻟﻮﻧﻲ ﺑﺪﻟﻪ ﻏﺮﺑﺎﻭﻳﻪ ﺯﺭﻗﻪ ﺍﻟﺼﺒﺢ ﻧﺤﻄﻬﺎ ﻟﻚ
ﺑﺲ ﺍﻧﺎ ﻣﺴﺘﻐﺮﺏ ﻏﺮﻳﺐ ﺳﺄﻟﺘﻴﺶ ﻣﻦ ﻋﻄﺎﻧﻲ ﺍﻟﻜﺘﺎﺏ
ﺳﺎﺭﻩ : ﺍﻛﻴﺪ ﻋﺼﺎﻡ ﻻﻧﻪ ﺧﺶ ﺩﺍﺭﻱ ﻃﻮﻝ ﻭﻃﻠﻊ ﺑﺴﺮﻋﻪ ﺍﻧﺎﺩﻱ ﻋﻠﻴﻪ ﻳﺒﻴﺶ ﻳﺮﺩ
ﻭﺳﻴﻢ : ﺑﺲ ﺍﻟﻜﻼﻡ ﻳﺒﻜﻲ . ﻭﻭﺍﻋﺮ ﺣﺴﻴﺖ ﺭﻭﺣﻲ ﺍﻋﻌﻊ ﺑﻜﻞ
ﻓﻲ ﻭﻗﺖ ﺍﻧﺘﻲ ﺗﻔﻜﺮﻱ . ﻓﻴﺎ ﻭﺗﺤﺎﻭﻟﻲ ﺗﺸﺎﺭﻛﻴﻨﻲ ﻟﺤﻈﺎﺕ ﺣﻤﻠﻚ
ﺍﻧﺎ ﻛﻨﺖ ﺍﻧﺎﻧﻲ . ﻧﻘﺮﺍ ﻭﻋﺎﻳﺶ ﺣﻴﺎﺗﻲ
ﺳﺎﺭﻩ :: ﻭﺳﻴﻢ ﺧﻼﺹ ﻗﻠﻨﺎ ﻣﻌﺶ ﺑﻨﺤﻜﻮ ﻓﻲ ﺍﻟﻤﺎﺿﻲ
ﻭﺳﻴﻢ : ﻭﺑﺎﺫﻥ ﺍﻟﻠﻪ ﺍﻟﺤﺎﺿﺮ . ﺣﻠﻮ
ﻭﻋﺪ ﻧﻌﻮﺿﻚ ﻋﻠﻲ ﻛﻞ ﻳﻮﻡ ﻧﺰﻟﺖ ﺩﻣﻌﻪ ﻣﻨﻚ
ﻭﻋﻠﻲ ﻛﻞ ﻗﻬﺮﻩ ﺣﺴﻴﺘﻲ ﺑﻴﻬﺎ
~~<~
ﺍﻟﺼﺒﺢ
ﺳﺎﺭﻩ :: ﻧﻀﺖ ﺑﻨﺸﺎﻁ ﻭﻋﻠﻲ ﻃﻮﻝ ﺍﻧﻈﻒ ﻗﻲ ﺍﻟﺼﺎﻟﻮﻥ ﻭﻧﺠﻬﺰ ﻣﻌﺎﻫﻢ
ﻋﺼﺎﻡ :: ﺻﺒﺎﺣﻮ . ﻳﺎﺑﺸﻪ
ﺳﺎﺭﻩ :: ﻋﺼﻮﻣﻲ . ﻟَﻴﺶ ﺩﺭﺕ ﻫﻜﻲ ﻋﻠﻴﺶً ﻣﺪﻳﺘﻪ ﻟﻪ ﺍﻟﺪﻓﺘﺮ ﺍﻣﺘﺎﻋﻲ
ﻋﺼﺎﻡ : ﺷﻦ ﻋﺮﻓﻚ ﻣﺪﻳﺘﻪ ﻟﻪ ﺗﻜﻠﻤﻲ ﻓﻴﻪ ﺍﻣﻼ
ﺳﺎﺭﻩ : ﺍﺭﺗﺒﻜﺖ
ﺍﺍﻩ ﻻ . ﺑﺲ ﻧﺠﻮﻱ ﻗﺎﻟﺘﻠﻲ
ﻋﺼﺎﻡ :: ﻫﻬﻬﻬﻪ ﺗﻲ ﻋﺎﺭﻓﻚ ﺗﻜﻠﻤﻲ ﻓﻴﻪ ﻳﺎﻃﺮﻭﺡ
ﺳﺎﺭﻩ : ﺑﺎﻫﻲ ﻋﻠﻴﺶً ﺗﻌﻄﻲ ﻓﻴﻪ ﻟﻪ
ﻋﺼﺎﻡ :: ﺑﺼﺮﺍﺣﻪ ﺣﺴﺒﺘﻪ ﻻﺯﻡ ﻳﻌﺮﻑ ﻭﻻﺯﻡ . ﻳﺤﺲ ﺭﻭﺣﻪ ﻏﻠﻂ ﻏﻠﻂ ﻛﺒﻴﺮ ﻭﻻﺯﻡ ﻳﻌﺮﻑ ﺍﻥ ﺳﺎﺭﻩ . ﺗﺤﺒﻪ ﺣﺐ ﻣﺶ ﻃﺒﻴﻌﻲ ﻭﻣﺶ ﻻﺯﻡ ﻳﻜﺴﺮﻫﺎ ﻣﺮﻩ ﺛﺎﻧﻴﻪ
ﺳﺎﺭﻩ ﻣﻌﺶ ﺗﻌﻄﻲ ﻭﺍﺟﺪ ﻣﻌﺶ ﺗﺘﻨﺎﺯﻟﻲ ﻭﺍﺟﺪ .
ﻣﺶ ﻋﺸﺎﻥ ﺗﺤﺒﻴﻪ . ﺗﺤﻮﻟﻲ ﺷﺨﺼﻴﺔ ﺳﺎﺭﻩ ﺍﻟﻘﻮﻳﻪ .
ﻻ ﻳﺎﺍﺧﺘﻲ ﺧﻠﻴﻚ ﺯﻱ ﻣﺎﺍﻧﺘﻲ ﺑﺸﺨﺼﻴﺘﻚ
ﺧﻠﻴﻪ ﻳﻘﻮﻝ ﻣﻐﺮﻭﺭﻩ ﻭﻻ ﺻﻌﺒﻪ . ﺑﺲ ﺗﺘﻨﺎﺯﻟﻲ ﺯﻱ ﺯﻣﺎﻥ ﻻ
ﻣﺘﺴﻤﺤﻴﻼﺵ ﻳﻌﻴﻂ ﻋَﻠِﻴﻚ
ﻭﻻ ﺗﺪﻳﺮﻱ ﺣﺴﺎﺏ ﻭﺗﻘﻮﻟﻲ ﻧﺘﺤﻤﻠﺶ ﺯﻋﻠﻪ
ﻃﺎﻟﻤﺎ ﺍﻧﺘﻲ ﺻﺢ ﻭﻣﺪﺭﺗﻴﺶ ﺍﻟﻐﻠﻂ ﻳﺒﻘﻲ ﻓﻮﺗﻴﻪ ﻭﻻ ﺗﺤﺮﻗﻲ ﺩﻣﻚ ﻋﻠﻴﻪ ﺍﻧﺎ ﺭﺍﺟﻞ ﻭﻧﻘﻮﻟﻚ ﻧﺤﻦ ﻧﺒﻮﺵ ﻣﺮﺍ ﺿﻌﻴﻔﻪ ﻗﺪﺍﻣﻨﺎ
ﻧﺘﻔﺮﻋﻨﻮ . ﻭﻧﺴﺘﻘﻮﻭ ﻋﻠﻴﻬﺎ
ﺍﺣﺘﺮﻣﻴﻪ ﻭﻳﺤﺘﺮﻣﻚ ﺑﺲ ﺗﻬﻤﻴﺶ ﺳﺎﺭﻩ ﻻ ﺳﻤﻌﺘﻲ
ﺳﺎﺭﻩ : ﺣﺒﻴﺒﻲ
ﺭﺑﻲ ﻳﺨﻠﻴﻚ ﻟﻴﺎ ﻭﻣﺎﻳﺤﺮﻣﻨﻲ . ﻣﻨﻚ ﻳﺎﻏﺎﻟﻲ
ﻋﺼﺎﻡ :: ﺣﻀﻨﺘﻬﺎ
ﻭﻳﺨﻠﻴﻚ ﻟﻴﺎ ﻳﺎﻧﺼﻲ .
ﺧﻼﺹ ﺍﻧﺎ ﻃﺎﻟﻊ ﻧﺠﻴﺐ ﺍﻟﻠﻲ ﻭﺻﻴﺘﻮ ﻋﻠﻴﻪ
~~><
~~
ﺳﺎﺭﻩ :: ﻛﻨﺖ ﻧﻠﻌﺐ ﻣﻊ . ﺍﻟﻌﻴﺎﻝ . ﻣﺘﺮﺑﻌﻪ . ﻭﺭﺍﻓﻌﻪ ﺷﻌﺮﻱ ﻭﻻﺑﺴﻪ ﺳﺮﻭﺍﻝ ﺍﻣﺮﻳﻜﻲ ﻭﺑﺪﻱ ﺍﺳﻮﺩ . ﺣﺒﻴﺒﺎﺗﻲ ﺍﻟﻴﻮﻡ ﺑﺎﺑﺎ ﻭﻣﺎﻣﺎ ﺑﻴﺘﺰﻭﺟﻮ . ﻭﻗﺮﻳﺐ ﻧﻌﺪﻭ ﻧﻌﻴﺸﻮ ﺣﻮﺵ ﺑﺎﺑﺎ
ﻫﻬﻬﻬﻪ . ﻧﻮﺭ . ﻓﺎﻫﻤﺘﻨﻲ ﺷﻦ ﻧﺤﻜﻲ ﻛﺄﻧﻚ
ﺷﻦ ﺗﻘﻮﻝ ﻣﺎﻣﻲ
ﻧﻮﺭ :: ﻣﺎﻣﺎ ﺑﺘﻘﻌﺪ ﻋﺮﻭﺳﺔ ﺑﺎﺑﺎ
ﺍﺻﻼ ﻣﺎﻣﺎ ﺑﺸﺔ ﺳﻴﻤﻮ . ﺣﺒﻴﺒﻲ
ﺳﺎﺭﻩ : ﻣﻦ ﻗﺎﻟﻬﺎ ﻟﻚ
ﻧﻮﺭ :: ﺑﺎﺑﺎ . ﻗﺎﻟﻲ ﻣﺎﻣﺎ ﺯﻱ ﺍﻟﺒﺸﻪ ﻭﺗﻮﺍ ﻧﺠﻴﺒﻮﻫﺎ ﻋﻨﺪﻧﺎ .
ﺳﺎﺭﻩ : ﺍﻣﺘﻲ ﻗﺎﻟﻬﺎ ﻟﻚ ﻃﺢ ﺳﻌﺪﻩ
ﻣﺆﻳﺪ :: ﺯﻣﺎﺍﺍﺍﺍﺍﺍﻥ ﻋﺮﺭﺭﺭﻡ ﻫﻚ ﻳﻮﻣﺎﺕ
ﺳﺎﺭﻩ :: ﻫﻬﻬﻬﻪ ﺍﻟﻤﺠﻨﻮﻥ
ﺟﻤﻴﻠﻪ :: ﺧﺸﻴﺖ . ﺷﻔﺘﻬﺎ ﻣﻄﺒﺴﻪ ﺗﻠﻌﺐ ﻓﻲ ﺍﻟﻌﻴﺎﻝ . ﺷﻬﻘﺖ
ﻫﺎﺍﺍﺍﻱ . ﻃﺢ ﺳﻌﺪﻙ ﻳﺎﻓﺮﺧﻪ
ﺳﺎﺭﻩ :: ﺭﻓﻌﺖ ﺭﺍﺳﻲ ﻣﻔﺠﻮﻋﻪ ﺑﺴﻢ ﺍﻟﻠﻪ ﻛﻨﻚ ﺷﻦ ﺩﺭﺕ ﺍﻧﺎ
ﺟﻤﻴﻠﻪ :: ﻛﻨﻚ ﺭﺍﻳﺤﻪ ﻣﻴﺘﻪ . ﺯﻳﺎﺩﻩ . ﺍﻻﺳﻮﺩ ﻫﺬﺍ ﻣﻌﺶ ﺗﻠﺒﺴﻴﻪ ﻳﺰﻳﺪ . ﻳﻀﻌﻒ ﻓﻴﻚ ﺑﺎﻳﻨﻪ ﺯﻱ ﺍﻟﻤﺠﺎﻋﻪ . ﺍﻋﻌﻌﻊ ﻋﻈﺎﻡ .
ﺳﺎﺭﻩ :: ﻟﻠﺪﺭﺟﺔ . ﻫُﺬِّﻱ ﻣﻘﺰﺯ ﻣﻨﻈﺮﻱ
ﺟﻤﻴﻠﻪ :: ﺑﻜﻞ ﺻﺒﻲ ﺳﻠﻢ ﺑﻨﻴﺘﻲ ﻏﻴﺮﻱ ﺍﻟﺒﺴﻲ ﻭﺭﺩﻱ ﻭﻻ ﻟﻮﻥ ﻓﺎﺗﺢ . ﻳﻨﺸﻂ ﻭﺟﻚ ﻭﻳﺒﻴﻨﻚ ﺣﻴﻪ ﻣﺶ ﻣﻴﺘﻪ . ﺍﻟﻴﻮﻡ ﻓﺎﺗﺤﺘﻚ . ﺗﺒﻲ ﺍﻟﻨﺎﺱ ﻳﻘﻮﻟﻮ ﻣﻐﺼﻮﺑﻪ ﺯﻱ ﻓﻀﺎﻳﺢ ﺯﻣﺎﻥ
ﺳﺎﺭﻉ .: ﻭﺍﻭﻭﻭ ﻳﺎﻣﺎﻣﺎ ﻋَﻠِﻴﻚ ﺍﺳﻠﻮﺏ . ﺣﺎﺿﺮ ﻛﺮﻫﺘﻴﻨﻲ ﻓﻴﻪ
ﺻﺒﻴﺖ . ﻏﻴﺮﺕ . ﻟﺒﺴﺖ . ﺳﺮﻭﺍﻝ ﻗﻤﺎﺵ . ﺍﺑﻴﺾ ﻭﻋﻠﻴﻪ ﺑﺪﻱ ﺷﻴﻔﻮﻥ ﻭﺭﺩﻱ ﻫﺎﺩﻱ . ﻃﻠﻘﺖ ﺷﻌﺮﻱ ﻭﺩﺭﺕ ﻣﻜﻴﺎﺝ ﺧﻔﻴﻒ
ﻧﻌﻤﻪ : ﻋﻤﻴﻤﻪ ﻭﻳﻨﻬﺎ
ﺟﻤﻴﻠﻪ :: ﻓﻲ ﺩﺍﺭﻫﺎ ﺧﻠﻴﻬﺎ ﺗﻠﺒﺲ ﺣﺎﺟﻪ ﻣﻠﻮﻧﻪ ﻓﺎﺗﺤﻪ ﻭﺍﺳﻮﺩ ﻃﺢ ﺳﻌﺪﻫﺎ ﻓﻲ ﻭﺣﺪﻩ ﻳﻮﻡ ﻓﺎﺗﺤﺘﻬﺎ ﺗﻠﺒﺲ ﺍﺳﻮﺩ ﻧﺎﻭﻳﻪ ﺑﺴﻮﺍﺩ ﺍﻟﻌﻴﺸﻪ ﺑﻌﻴﺪ ﺍﻟﺴﻮ ﻫُﺬِّﻱ
ﻧﻌﻤﻪ :: ﻫﻬﻬﻬﻬﻬﻬﻪ ﺣﺎﺿﺮ ﺗﺤﺮﻗﻴﺶ ﺩﻣﻚ ﻳﺎﻋﻴﻮﻧﻲ ﺳﺎﺭﻩ ﻣﺶ ﻗﺼﺪﻫﺎ ﻏﻴﺮ ﻛﺄﻥ ﺟﺎ ﻋﻼﺀ ﺗﺨﻠﻴﺶ ﻳﻨﺰﻝ ﺷﻘﺘﻪ
ﺟﻨﻴﻠﻪ :: ﻋﻠﻴﺶً
ﻧﻌﻤﻪ : ﺷﻲ ﻫﻚ
ﺳﺎﺭﻩ ﻳﺎﺳﺎﺭﻩ
ﺳﺎﺭﻩ :: ﻃﻠﻌﺖ ﻣﻦ ﺩﺍﺭﻱ .
ﻭﻳﻨﻚ ﺍﻧﺘﻲ ﻭﺳﻠﻔﺘﻚ ﺟﻮ ﺍﺣﺰﺍﺏ . ﺭﺍﻳﺤﺎﺕ ﺗﺘﻜﺮﺳﻦ ﻋَﻠِﻴﻨﺎ
ﻧﻌﻤﻪ :: ﺗﻲ ﻛﻨﺎ ﻧﺠﻬﺰﻭ ﻓﻲ ﺍﻟﺤﻠﻮﻳﺎﺕ ﺑﻄﻠﻲ . ﺣﺴﺲ ﺍﻟﻤﻬﻢ
ﺗﻌﺎﻟﻲ ﺷﻮﻓﻲ ﺷﻜﻞ ﺍﻟﻤﺜﺎﺭﺩ . ﻭﺍﻟﻔﻮﺍﻛﻪ .
ﺳﺎﺭﻩ : ﺭﻛﺒﻨﻬﻦ ﻫﻨﺎ ﻋﻨﺪﻳﺶ ﻧﻴﻪ ﻧﻨﺰﻝ ﻭﺭﺃﻳﺎ ﺷﻌﺮﻱ ﻳﺒﻲ ﺍﺳﺘﺸﻮﺍﺭ
ﻧﻌﻤﻪ :: ﻏﻴﺮ ﺗﻌﺎﻟﻲ ﺑﺲ ﻻﺣﻘﻪ ﺗﺴﺘﺸﻮﺭﻱ ﻣﺰﺍﻝ ﺑﺪﺭﻱ
ﺳﺎﺭﻩ :: ﺩﺧﻠﻨﻴﺶ ﺑﻴﻚ ﺍﻧﺘﻲ ﺍﺩﻳﺮﻱ ﺷﻌﺮﻱ
ﻧﻌﻤﻪ :: ﻣﻦ ﻋﻴﻮﻧﻲ ﻳﺎﻋﺮﻭﺳﻪ ﺗﺪﻟﻠﻲ
~~>.>~
ﺳﺎﺭﻩ :: ﻧﺰﻟﺖ ﺧﺸﻴﺖ . ﺍﻟﺸﻘﻪ ﻣﻈﻠﻤﻪ
ﻣﺤﺒﻪ ﻭﻳﻦ ﻣﺮﻗﺪﻩ ﻫُﺬِّﻱ ﺷﻜﻠﻬﺎ .
ﻧﻌﻤﻪ :: ﺟﻮﺍ ﺧﺸﻲ ﺑﺲ .
ﺳﺎﺭﻩ :: ﺧﺸﻴﺖ ﺍﻟﻈﻼﻡ ﻓﺠﺄﻩ ﺷﺎﺷﻪ ﻭﻟﻌﺖ
ﻓﻨﺼﺖ ﻋﻴﻮﻧﻲ ﺻﻮﺭﺗﻪ
ﻭﺳﻴﻢ : ﺍﻟﺴﻼﻡ ﻋﻠﻴﻜﻢ .
ﺍﻟﻴﻮﻡ ﺑﻨﺤﻜﻲ ﻋﻠﻲ ﻣﻮﺿﻮﻉ ﺍﻟﺪﻋﻢ ﻭﺍﻟﺘﺸﺠﻴﻊ .
ﻣﻦ ﺧﻼﻝ ﺍﻟﺤﺒﻴﺐ ﺍﻭ ﺍﻻﺻﺢ ﺷﺮﻳﻚ ﺍﻟﺤﻴﺎﺓ
ﺑﻨﺤﻜﻲ ﻋﻠّﻲ ﺷﺨﺼﻴﺘﻲ . ﻭﺳﻴﻢ ﺍﻟﺴﻨﻮﺳﻲ ﺍﻟﻠﻲ ﺍﻧﺘﻢ ﺷﺎﻳﻔﻴﻨﻪ
ﺗﻮﺍ . ﻛﻮﻳﺲ ﺻﺢ ﻳﻌﻨﻲ ﻣﺶ ﺛﻘﻪ ﺍﻟﻤﻮﺿﻮﻉ . ﺑﺲ ﻳﻌﻨﻲ ﺳﻤﻮﺡ ﻭﺻﺎﻳﺮ ﻣﻨﻲ ﺯﻱ ﻣﺎﻳﻘﻮﻟﻮ . ﻫﻬﻬﻪ
ﺑﺲ ﺍﻧﺘﻢ ﻣﺶ ﺷﺎﻳﻔﻴﻦ . ﻭﺳﻴﻢ . ﻫﺬﺍ . ﺷﻮﻓﻮ ﺍﻟﺼﻮﺭﻩ ﻧﻜﺒﺮﻫﺎ . ﺷﻔﺘﻮ ﻫﺬﺍ ﻫﻮﺍ ﻭﺳﻴﻢ ﺯﻣﺎﻥ ﻭﻭﺳﻴﻢ ﺍﻟﻠﻲ ﻗﺪﺍﻣﻜﻢ . ﺗﻮﺍ ﺑﻌﺪ ﺍﻟﺘﺤﺪﻳﺚ ﻭﺍﻟﺘﻄﻮﻳﺮ .
ﺷﺒﺎﺏ ﺑﻨﺎﺕ .
ﻧﺤﻜﻮ ﺍﻟﻴﻮﻡ ﻋﻠﻲ ﺷﺨﺼﻴﻪ ﻭﺳﺒﻢ ﺍﻟﺒﺸﻊ ﻫﺬﺍ ﺗﻤﺎﻡ
ﻭﺳﻴﻢ ﻫﺬﺍ ﻛﺎﻥ ﺷﺨﺺ ﺗﺤﺖ ﺍﻟﺤﻈﺮ ﻣﻨﺒﻮﺫ ﻣﻜﺮﻭﻩ . ﻣﻦ ﺧﻮﺗﻪ ﻭﺧﻮﺍﺗﻪ ﻭﻣﺮﺕ ﺑﺎﺗﻪ . ﻛﺎﻥ ﻣﻌﻨﺪﺵ ﺛﻘﻪ ﻓﻲ ﻧﻔﺴﻪ . ﻛﺎﻥ ﺍﻧﻄﻮﺍﺋﻲ ﻧﻮﻋﺎ ﻣﺎ
ﻭﺳﻴﻢ ﻋﺎﺵ ﻃﻔﻮﻟﻪ ﺻﻌﺐ . ﻣﻊ ﻣﺮﺕ ﺍﺏ ..........
ﺗﻤﺎﻡ ﻟﻌﻨﺪ ﻫﻨﺎ ﺣﻜﻴﻨﺎ . ﻋﻠﻲ ﻃﻔﻮﻟﺘﻲ . ﻭﻃﺒﻌﻲ . ﺷﻔﺘﻮ ﺍﻟﻮﺿﻊ ﺍﻟﺴﺊ ﺍﻟﻠﻲ ﻋﺸﺘﻪ
ﻛﻴﻒ ﺗﻐﻴﺮ . ﻭﺳﻴﻢ ﻫﺬﻛﺎ . ﺍﻟﻲ ﻭﺳﻴﻢ ﻫﺬﺍ ﺍﻟﻠﻲ ﻗﺪﺍﻣﻜﻢ . ﺗﻮﺍ
ﺍﻟﻠﻲ ﺻﺎﺭ ﺧﺪﻋﻪ ﺻﺪﻓﻪ ﻗﺪﺭ ﻣﺶ ﻋﺎﺭﻑ ﻛﻴﻒ ﻧﻮﺻﻔﻪ
ﺍﻟﻠﻲ ﺻﺎﺭ ﺍﻧﻲ ﺗﺰﻭﺟﺖ ﻓﻲ ﻳﻮﻡ ﻭﻟﻴﻠﻪ ﻣﻦ ﺍﻧﺴﺎﻧﻪ . ﺟﻤﻴﻠﻪ ﻓﺎﻗﺖ ﺍﻟﺠﻤﺎﻝ . ﺍﻧﺴﺎﻧﻪ . ﻏﻨﻴﻪ ﻓﻠﻮﺱ ﻋﻠﻲ ﻫﻴﺒﻪ ﻋﻠﻲ ﻣﺮﻛﺰ ﺍﺟﺘﻤﺎﻋﻲ
ﺷﻔﺘﻮ ﻭﺳﻴﻢ ﻫﺬﻛﺎ ﺗﺰﻭﺝ . ﺍﻟﺒﻨﺖ ﺍﻟﺠﻤﻴﻠﻪ .
ﺯﻱ ﺍﻟﺤﺴﻨﺎﺀ ﻭﺍﻟﻮﺣﺶ ﻫﻚ ﻗﺮﺑﻮﻫﺎ ﻟﺬﻫﻨﻜﻢ
ﺗﺰﻭﺟﺘﻬﺎ ﻭﺍﻟﻤﺴﻜﻴﻨﻪ ﺍﻧﺼﺪﻣﺖ . ﺃﻧﻐﺸﺖ ﻓﻴﺎ
ﻋﻴﻄﺖ ﻭﺻﺮﺧﺖ ﻗﺎﻟﺖ ﻛﻼﻡ ﺟﺎﺭﺡ . ﻋﺎﺩﻱ ﻋﺎﺩ ﻫﻲ ﺍﻟﺒﻨﺖ ﺍﻟﻤﻐﺮﻭﺭﻩ ﻣﻌﻘﻮﻟﻪ ﺗﺘﺰﻭﺝ ﻣﻦ ﻭﺳﻴﻢ
ﺑﺲ ﺍﻟﻠﻲ ﺻﺎﺭ ﺑﻌﺪ ﺳﺎﻋﺎﺕ . ﻭﻓِﻲ ﻋﺰ ﺑﻜﺎﻫﺎ ﻭﺻﺪﻣﺘﻬﺎ . ﺣﻜﺖ ﻣﻌﺎﻳﺎ ﺑﺼﻮﺕ ﺣﻨﻮﻥ .
ﻛﻮﻝ ﺍﻧﺖ ﻣﺶ ﻭﺍﻛﻞ ﺷﻲ ﻣﻦ ﺍﻣﺲ .
ﻛﻠﻤﻪ ﺳﻤﻌﺘﻬﺎ ﻭﺍﻧﺎ ﻧﻐﻤﺾ ﻓﻲ ﻋﻴﻮﻧﻲ ﺗﺎﻋﺐ ﻧﺎﻋﺲ ﻣﻦ ﺍﺭﻫﺎﻕ ﻋﺪﻡ ﺍﻟﻨﻮﻡ . ﻭﺍﻟﺘﻔﻜﻴﺮ ﻓﻲ ﻣﺼﻴﺮﻫﺎ ﻭﻣﺼﻴﺮﻱ
ﻛﻠﻤﻪ ﺑﻨﺒﺮﻩ ﺣﻨﻮﻧﻪ ﻋﻤﺮﻱ ﻣﺎﺣﺪ ﺩﻭﺭﻧﻲ ﻧﺎﻛﻞ ﻭﻻ ﻧﺸﺮﺏ . ﺑﺲ ﺍﻻﻧﺴﺎﻧﻪ ﻫُﺬِّﻱ ﺻﺎﺣﺒﺔ ﺍﻟﻘﻠﺐ ﺍﻻﺑﻴﺾ . ﻣﻬﻨﺘﺶ ﻋﻠﻴﻬﺎ ﻣﻊ ﺍﻧﻬﺎ ﻣﺶ ﺣﺎﺑﺘﻨﻲ . ﻭﻣﺼﺪﻭﻣﻪ ﻓﻴﺎ
ﻣﻦ ﺍﻭﻝ ﺍﺳﺒﻮﻉ ﺗﻐﻴﺮ ﻟﺒﺴﻲ ﺗﻐﻴﺮ ﻃﺒﻌﻲ . ﺍﻟﻀﺤﻜﻪ ﻣﻠﺖ ﻭﺟﻲ ﺍﻟﻔﺮﺡ ﺳﺎﻛﻦ . ﻗﻠﺒﻲ ﻏﻴّﺮﺗﻨﻲ . ﻭﺣﺴﺴﺘﻨﻲ . ﺑﻘﻴﻤﺔ ﻧﻔﺴﻲ
ﺣﺒﻴﺘﻬﺎ . ﺣﺒﻴﺘﻬﺎ ﺣﺐ ﻏﺮﻳﺐ ﺳﺮﻳﻊ . ﺑﺲ ﻣﻠﻴﺎﻥ ﺧﻮﻑ . ﻣﻌﻘﻮﻟﻪ ﻧﺤﺐ ﻫُﺬِّﻱ ﺗﻲ ﻫﻲ ﺍﻳﺎﻡ ﻭﺗﺴﻴﺒﻨﻲ .
ﺑﺪﻳﺖ ﻧﺎﺧﺪ ﻋﻠﻴﻬﺎ ﻭﻧﻜﺘﺸﻒ ﺷﺨﺼﻴﻪ ﺟﺪﻳﺪﻩ . ﻫﻲ ﻣﻐﺮﻭﺭﻩ ﻇﺎﻫﺮﻳﺎ . ﺑﺲ ﻣﻔﺶ ﺍﻃﻴﺐ ﻭﺃﺣﻦ ﻣﻦ ﻗﻠﺒﻬﺎ .
ﺗﻨﺎﺯﻟﺖ ﻋﺸﺎﻧﻲ . ﻓﻲ ﻋﺮﺭﺭﺭﻡ ﺣﺎﺟﺎﺕ ﻳﻜﺴﺮﻥ ﻏﺮﻭﺭﻫﺎ . ﺗﺤﻤﻠﺖ ﻭﻣﺸﺖ . ﺑﺲ ﻋﺸﺎﻧﻲ . ﻋﻮﺿﺘﻨﻲ ﺣﻨﺎﻥ ﺍﻣﻲ ﻭﺍﻧﺎ ﻛﺒﻴﺮ
ﺳﻤﻌﺘﻨﻲ . ﻭﺧﺎﻓﺖ ﻋﻠّﻴﺎ ﻭﺣﺴﺖ ﺑﺎﻭﺟﺎﻋﻲ
ﻭﺣﺒﺘﻨﻲ ﻭﺍﻋﺘﺮﻓﺘﻠﻲ ﺑﺤﺒﻬﺎ ﻭﺧﺪﺗﻨﻲ ﻣﻦ ﻳﺪﻱ ﻟﻔﻮﻕ . ﻓﻮﻭﻭﻭﻭﻭﻕ ﺑﻜﻞ . ﻗﻌﺪﺕ ﻭﺳﻴﻢ ﺟﺪﻳﺪ . ﻭﺳﻴﻢ . ﺍﻟﺼﻮﺭﻩ ﺍﻟﻠﻲ ﺍﻧﺘﻢ ﺷﺎﻳﻔﻴﻨﻬﺎ . ﻓﻲ ﺍﻟﺼﻮﺭﻩ ﺍﻟﺜﺎﻧﺒﻪ ﻫﺬﺍ
ﺑﺪﺕ ﺗﺸﻜﻞ ﻓﻴﺎ ﺳﻠﻤﺘﻠﻬﺎ ﻧﻔﺴﻲ . ﻏﻴّﺮﺗﻨﻲ . ﻭﻛﻞ ﻫﺬﺍ ﺑﺪﻭﻥ ﺍﻱ ﻣﻘﺎﺑﻞ . ﺍﻧﺎ ﻣﻌﻄﻴﺘﻬﺎ ﺷﻲ ﺑﺲ ﻫﻲ ﻋﻄﺘﻨﻲ .
ﻋﻄﺘﻨﻲ ﺩﻋﻢ ﻭﺭﻓﻊ ﻣﻌﻨﻮﻳﺎﺕ ﻛﺎﻧﺖ ﺗﺸﺠﻊ ﻓﻴﺎ ﻭﻭﺍﺛﻘﻪ ﻓﻴﺎ . ﺷﺎﻳﻔﺘﻨﻲ . ﻏﻴﺮ ﺍﻟﻨﺎﺱ . ﺑﻌﻴﻮﻧﻬﺎ ﻧﺤﺲ ﻓﻲ ﺭﻭﺣﻲ ﺷﺨﺼﺒﻪ . ﻭﺍﺛﻖ ﻣﻦ ﻧﻔﺴﻲ ﺗﻐﻴﺮﺕ ﺗﻐﻴﺮﺕ ﻭﻭﻭﻭﻭﻭﻭﻭﻭﻭﺍﺟﺪ .
ﻫﻲ ﺍﻟﻠﻲ ﺣﺒﺒﺘﻨﻲ ﻓﻲ ﺍﻟﺘﻨﻤﻴﻪ ﺍﻟﺒﺸﺮﻳﻪ ﻫﻲ ﺍﻟﻠﻲ . ﻛﺎﻧﺖ ﺗﻘﻮﻟﻲ ﻳَﺼﻴﺮ ﻣﻨﻚ ﺗﺪﺭﺳﻬﺎ
ﻛﻞ ﺍﻟﻠﻲ ﺍﻧﺎ ﻓﻴﻪ ﺗﻮﺍ ﺑﻌﺪ ﺭﺑﻲ ﺑﻔﻀﻞ ﺍﻻﻧﺴﺎﻧﻪ ﻫﺬ
ﻃﻠﻴﻘﺘﻲ ﺍﻡ ﻋﻴﺎﻟﻲ . ﺍﻟﻠﻲ ﺍﻧﺎ ﺑﻌﺪ ﻛﻞ ﺍﻟﻠﻲ ﺩﺭﺍﺗﻪ ﻣﻌﺎﻳﺎ . ﺧﻴﺒﺖ ﻇﻨﻬﺎ ﻓﻴﺎ
ﺍﻧﺎ ﺗﻮﺍ ﺩﺭﺕ ﻟﻠﻔﻴﺪﻳﻮ . ﻫﺬﺍ ﻧﺒﻲ ﻛﻞ ﺍﻟﻨﺎﺱ ﺗﺸﺎﺭﻛﻪ . ﻧﺒﻲ ﻛﻞ ﺍﻟﻨﺎﺱ ﺗﻌﺮﻑ . ﺍﻧﺎ ﺍﻟﻠﻲ ﻏﻠﻄﺖ ﻓﻲ ﺍﻡ ﻣﺆﻳﺪ ﻭﺍﻧﺎ ﺧﺬﻟﺘﻬﺎ ﻓﻴﺎ
ﻭﺳﺒﺐ ﻃﻼﻗﻨﺎ ﻣﻨﻲ ﺍﻧﺎ .
ﺧﻮﺩﻭ ﺍﻟﻌﺒﺮﻩ ﻣﻨﻲ ﻋﻤﺮﻙ ﻣﺎﺗﻔﺮﻁ ﻓﻲ ﺣﺒﻴﺒﻚ . ﻭﻣﺎﺗﺼﺪﻗﺶ ﺷﻲ ﻓﻴﻪ ﻃﺎﻟﻤﺎ ﺍﻧﺖ ﺷﺎﻳﻒ ﺑﻌﻴﻮﻧﻪ ﺍﻟﺤﺐ ﻭﺍﻻﺧﻼﺹ ﻋﻤﺮﻙ ﻣﺎﺗﺨﻠﻲ ﺍﻟﺸﻴﻄﺎﻥ ﻳﺨﺮﺏ ﻋﻠﻴﻜﻢ . ﺍﺳﻤﻊ ﻣﺮﺍﺗﻚ ﻟﻸﺧﻴﺮ . ﻣﺘﺤﻜﻤﺶ ﺑﻤﺠﺎﺯﻙ . ﻣﺘﺒﻜﻴﻬﺎﺵ ﻭﺗﻈﻠﻤﻬﺎ ﻻﻥ ﺩﻣﻮﻋﻬﺎ ﻟﻌﻨﻪ ﺑﺘﻜﻮﻥ ﻋَﻠِﻴﻚ ﻃﻮﻝ ﺍﻟﻌﻤﺮ . ﻭﺍﻋﺮﻑ
ﺍﻥ ﻭﺭﺍﺀ ﻛﻞ ﺭﺟﻞ ﻋﻈﻴﻢ ﺃﻣﺮﺍﺀﻩ . ﻓﻌﻼ .
ﺍﻟﺰﻭﺟﻪ ﺣﺎﺟﻪ ﻛﺒﻴﺮﻩ ﻫﻲ ﺍﻻﻡ ﺍﻟﺜﺎﻧﺒﻪ ﻫﻲ ﺍﻟﺼﺪﺭ ﺍﻟﺤﻨﻮﻥ .
ﻭﺍﻧﺎ ﻛﺎﻥ ﻋﻨﺪﻱ ﺻﺪﺭ ﺩﺍﻓﻲ ﺣﻨﻮﻥ
ﺍﻧﺤﺒﻬﺎ . ﻭﻣﻨﻘﺪﺭﺵ ﻧﻌﻴﺶ ﻣﻦ ﻏﻴﺮﻫﺎ ﺍﻡ ﻋﻴﺎﻟﻲ . ﺍﻭﻝ ﻓﺮﺣﺘﻲ ﻭﺍﺣﻠﻲ ﻧﺼﻴﺐ
ﻭﺍﻟﻴﻮﻡ ﺭﺍﺡ ﻳﻜﻮﻥ . ﻋﻘﺪ ﻗﺮﺁﻧﻲ ﺍﺩﻋﻮﻟﻨﺎ ﺭﺑﻲ ﻳﺴﻌﺪﻧﺎ ﻭﻳﻬﻨﻴﻨﺎ
ﻭﺧﻮﺩﻭﻫﺎ ﻣﻨﻲ ﻧﺼﻴﺤﻪ
ﻋﻤﺮﻙ ﻣﺎﺗﺨﻠﻲ . ﻣﺮﺍﺗﻚ . ﻭﻻ ﺣﺒﻴﺒﺘﻚ ﺍﻭ ﺧﻄﻴﺒﺘﻚ . ﺗﺮﻗﺪ ﺯﻋﻼﻧﻪ
ﻭﻣﺘﺘﺴﺮﻋﺶ ﻓﻲ ﺣﻜﻢ ﺍﻻﻣﻮﺭ ﺩﻳﻤﺎ ﻋﻄﻲ ﺷﺮﻳﻜﺘﻚ ﺍﻟﻔﺮﺻﻪ ﻭﺍﻟﺤﻖ ﺍﻧﻬﺎ ﺗﺤﻜﻲ ﻭﺗﺸﺮﺡ ﻭﺗﻌﺒﺮ
ﺍﻧﺎ ﻣﺶ ﻣﺘﺤﺸﻢ ﻓﻲ ﺍﻟﻜﻼﻡ ﺍﻟﻠﻲ ﻗﻠﺘﻪ ﻭﻻ ﻣﻨﺤﺮﺝ
ﺍﻧﺎ ﻏﻠﻄﺖ ﻓﻲ ﻣﺮﺍﺗﻲ ﻭﺯﻋﻠﺘﻬﺎ ﻭﺣﻘﻬﺎ ﻋﻠّﻴﺎ ﻗﺪﺍﻡ ﺍﻟﻜﻞ
ﺍﻟﻠﻲ ﺟﺎﺏ ﺳﻴﺮﺗﻬﺎ ﻭﺍﻟﻠﻲ ﻫﻤﺲ ﻓﻴﻬﺎ
ﺍﻧﺎ ﺍﺳﺴﺴﻒ ﻳﺎﺍﻡ ﻣﺆﻳﺪ . ﻏﻠﻄﺖ ﻓﻲ ﺣﻘﻚ ﻭﺣﻖ ﺍﻫﻠﻚ ﺍﻟﻨﺎﺱ ﻭﺣﻖ ﻋﻴﺎﻟﻲ .
ﺳﺎﺭﻩ :: ﻗﻌﺪﺕ ﻣﺼﺒﻴﻪ ﻣﻜﺎﻧﻲ ﻭﻧﺒﻜﻲ
ﻧﻌﻤﻪ :: ﻋﻠﻴﺶً ﺍﻟﺒﻜﺎﺀ . ﻣﻔﺮﻭﺽ ﺗﻔﺮﺣﻲ ﺗﻨﺒﺴﻄﻲ . ﺍﻟﺮﺍﺟﻞ ﻣﺠﻨﻮﻥ ﺑﻴﻚ ﻣﺶ ﺑﺲ ﻳﺤﺒﻚ
ﺳﺎﺭﻩ : ﻣﻦ ﻗﺎﻟﻚ ﻣﺶ ﻓﺮﺣﺎﻧﻪ ﺑﺲ ﻫﻮﺍ ﻳﺤﺎﻭﻝ ﻳﺜﺒﺖ ﻧﺪﻣﻪ ﺑﺎﻱ ﻃﺮﻳﻘﻪ ﺣﺘﻲ ﻋﻠﻲ ﺣﺴﺎﺏ ﺍﺳﻤﻪ ﻭﺷﺨﺼﻴﺘﻪ ﻭﻃﺒﻌﻪ
ﻭﺍﻧﺎ ﺩﻳﻤﺎ ﻧﺤﺴﺲ ﻓﻴﻪ ﺍﻧﻲ ﻣﺶ ﻭﺍﺛﻘﻪ ﻓﻴﻪ ﻭﺍﻧﻲ ﺧﺎﻳﻔﻪ ﻣﻨﻪ
ﺑﺲ ﻭﺳﻴﻢ ﺭﺍﺟﻞ ﻭﺍﺣﻠﻲ ﺷﺨﺼﻴﻪ ﻭﺍﻧﺎ ﺍﻧﺤﺒﻪ ﻭﺍﺛﻘﻪ ﻓﻴﻪ ﻭﻣﻨﺒﻴﺶ ﻣﻦ ﺍﻟﺪﻧﻴﺎ ﺷﻲ ﺍﻻ ﻫﻮﺍ ﻭﺑﺴﺴﺲ
ﻣﺤﺒﻪ :: ﻳﻌﻨﻲ . ﻣﻌﺶ ﺷﺎﻳﻠﻪ . ﻋﻠﻴﻪ ﻧﺴﻴﺘﻲ ﺍﻟﻤﺎﺿﻲ ﻭﻣﻌﺶ ﻣﺄﺛﺮ ﻓﻲ ﺧﻴﺎﺗﻚ ﻭﺷﺨﺼﻴﺘﻚ
ﺳﺎﺭﻩ : ﺍﻫﺎ ﻧﺴﻴﺖ ﻭﻣﻌﺶ ﻧﺒﻲ ﻧﺘﺬﻛﺮ . ﻭﺍﻧﺎ ﺑﻨﻌﻴﺶ ﺑﺲ ﺍﻟﺤﺎﺿﺮ ﻣﻌﺎﻩ
ﻧﻌﻤﻪ : ﺭﻥ ﻋﻠّﻴﺎ ﻭﻗﺎﻟﻲ ﺍﻧﺎ ﻧﺒﻲ ﻧﺘﺄﺳﻒ ﻟﺴﺎﺭﻩ
ﻭ
ﻧﺒﻲ ﻧﺤﻜﻲ ﻛﻼﻡ ﻳﺮﺩ ﺛﻘﺘﻬﺎ ﻓﻴﻬﺎ ﺍﻧﺎ ﺣﺎﺳﺲ ﺳﺎﺭﻩ ﻣﺰﺍﻟﺖ ﻣﺶ ﻭﺍﺛﻘﻪ ﻓﻴﺎ ﺣﺎﺳﻬﺎ ﻣﺘﺨﺰﻧﻪ ﻓﻲ ﻗﻠﺒﻬﺎ ﻭﺫﺍﻛﺮﺗﻬﺎ . ﻓﻌﻠﺘﻲ . ﻭﻭﻻﺯﻡ ﻧﻌﺘﺬﺭ ﻭﻧﺮﺩ ﻧﻜﺴﺐ ﺛﻘﺘﻬﺎ ﻭﻫﻲ ﺗﺮﻓﻊ ﺭﺍﺳﻬﺎ ﻗﺪﺍﻡ ﺍﻱ ﺣﺪ ﺣﻜﺎ ﻋﻠﻴﻬﺎ ﺍﻭ ﺗﺸﻤﺖ
ﺳﺎﺭﻩ : ﺭﻥ ﺗﻠﻔﻮﻧﻲ
ﻫﻮﺍ
ﻣﺤﺒﻪ . : ﺍﻧﺎ ﻭﻧﻌﻮﻣﻪ . ﺑﻨﺮﻛﺒﻮ . ﺧﻮﺩﻱ ﺭﺍﺣﺘﻚ
,~>~
ﻭﺳﻴﻢ :: ﻓﺘﺤﺖ ﺍﻟﺨﻂ
ﻗﻌﺪﺕ ﺳﺎﻛﺖ
ﺳﺎﺭﻩ :: ﺍﻧﺖ ﺣﺒﻴﺒﻲ ﻭﺭﻭﺣﻲ ﻭﻋﻤﺮﻱ . ﻭﻗﻠﺒﻲ ﻭﻛﻞ ﺣﺎﺟﻪ
ﻭﺳﻴﻢ ﺍﻧﺎ ﺍﺣﺒﻚ .
ﻭﻣﺶ ﺩﺍﻋﻲ ﻻﻱ ﺗﻌﺒﻴﺮ ﻣﻨﻚ ﺍﻧﺎ ﻭﺍﺛﻘﻪ ﻭﻣﺘﺎﻛﺪﻩ ﺍﻧﻚ ﺗﺤﺒّﻨﻲ ﻭﺍﻧﻪ . ﻃﺒﻌﻚ ﻏﺒﻲ ﻭﻣﺘﺨﻠﻒ ﻭﺍﻧﺖ ﺍﻏﺒﺎ ﻣﻨﻪ . ﺍﻧﺖ ﺣﺼﻠﻪ ﻭﻣﺠﻨﻮﻥ . ﻭﺍﻧﺎ ﻣﺶ ﺷﺎﻳﻠﻪ ﻣﻨﻚ ﻭﺍﻧﺤﺒﻚ ﻭﺑﺴﺴﺴﺴﺲ
ﻭﺳﺒﻢ :: ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻪ
ﺍﺍﺍﺍﺍﺍﺍﻩ ﻳﺎﻋﻤﺮﻱ ﻭﺍﺧﻴﺮﺍ ﺭﺩﺕ ﻧﺒﺮﺓ ﺳﺎﺭﻩ ﺍﻟﻠﻲ ﻧﻌﺮﻓﻬﺎ
ﺗﻮﺍ ﺑﺲ ﺣﺴﻴﺖ ﺭﻭﺣﻲ ﻣﺘﺮﻳﺢ . ﻭﺍﺧﻴﺮﺍ ﺳﻤﻌﺖ ﺍﺣﻠﻲ ﻛﻠﻤﻪ
ﻭﺍﻧﺎ ﺍﻧﺤﺒﻚ ﻳﺎﺳﺎﺭﻩ ﻭﻣﻨﻘﺪﺭﺵ ﻧﻌﻴﺶ ﻣﻦ ﻏﻴﺮﻙ
ﺳﺎﺭﻩ :: ﺑﻴﺒﻲ ﺧﻼﺹ ﺍﻧﺴﺎ ﻭﻣﻌﺶ ﺗﺸﻴﻞ ﻫﻚ ﺍﻧﺎ ﺭﺩﻳﺖ ﺳﺎﺭﻭﻧﺘﻚ ﻻﻻ ﺗﻲ ﺍﻧﺎ ﺭﺩﻳﺖ ﻭﻳﺮﻱ .
ﻭﺳﻴﻢ : ﺗﺆ ﺍﻧﺘﻲ ﺑﺸﺘﻲ ﻭﺑﺴﺴﺴﺲ
ﻋﻤﺮﻱ ﺳﺎﻋﻪ ﻭﻧﺠﻮ ﻧﻘﺮﻭ ﺍﻟﻔﺎﺗﺤﻪ . ﻭﺍﻟﻠﻴﻞ ﺟﺎﻱ ﺟﺎﻳﺐ ﻋﺸﺎﺀ ﻣﻌﺎﻳﺎ ﺍﻃﻴﺒﻮﺵ . ﺑﺲ ﺟﻬﺰﻭ ﺍﻟﺠﻨﺎﻥ ﺍﻭﻛﻲ
ﺳﺎﺭﻩ :: ﺍﻭﻛﻲ . ﺣﺒﻴﺒﻲ
ﻭﺳﻴﻢ : ﻧﺎﻋﻠﻴﺎ ﺍﻧﺎ
ﻣﺮﺍﺗﻲ coming soon
ﺑﺎﻱ . ﻭﺭﺃﻳﺎ ﺣﺎﺟﺎﺕ ﻧﻨﻬﻴﻬﻦ .
ﺳﺎﺭﻩ :: ﻫﻬﻬﻬﻬﻬﻬﻪ ﺑﺎﻱ .
ﻭﺳﺒﻢ :: ﻫﻬﻬﻬﻬﻪ
ﺗﻔﺼﻠﻨﺎ ﺳﺎﻋﻪ . ﻋﻠﻲ ﺯﻭﺍﺝ ﺳﺎﺭﻩ ﻭﻭﺳﻴﻢ .
ﺳﺎﺭﻩ : ﺑﺎﻱ ﺣﺒﻴﺒﻲ ﻭﻛﻤﻞ ﺣﺎﺟﺘﻚ
~<~><
ﺑﻌﺪ ﻣﺮﻭﺭ ﺳﺎﻋﺎﺕ
ﻭﺳﺒﻢ :: ﻣﺒﺮﻭﻙ . ﻳﺎﻣﺮﺍﺗﻲ
ﺳﺎﺭﻩ :: ﺍﻟﻠﻪ ﻳﺒﺎﺭﻙ ﻓﻴﻚ
ﻭﺳﻴﻢ :: ﻗﻮﻟﻲ ﻳﺎﺭﻣﻮﺷﻲ
ﺳﺎﺭﻩ :: ﻳﺎﺭﻣﻮﺷﻲ
ﻭﺳﻴﻢ :: ﻧﺎﻋﻠﻴﺎ . ﻣﻦ ﺍﻻﺑﺘﺴﺎﻣﻪ ﻭﺍﻟﺼﻮﺕ ﺍﻟﺤﻨﻮﻥ ﻭﺍﻟﻌﻴﻮﻥ ﺍﻻﻟﻤﺎﻋﻪ
ﺳﺎﺭﻩ :: ﺍﺳﺲ . ﻭﻃﻲ ﺻﻮﺗﻚ
ﻭﺳﻴﻢ :: ﻳﻲ ﻧﺴﻴﺖ ﺭﻭﺣﻲ
ﺷﻦ ﺭﺍﻳﻚ ﺗﺮﻭﺣﻲ ﻣﻌﺎﻳﺎ ﻭﺧﻼﺹ ﺧﻠﻴﻨﺎ ﻧﻘﻮﻟﻮﻫﻢ ﻏﻴﺮﻧﺎ ﺭﺍﻳﻨﺎ ﻧﺒﻮﺵ ﻓﺮﺡ
ﺳﺎﺭﻩ :: ﻻﻩ . ﺣﻠﻮﻩ ﻫﺬ . ﻫﻬﻬﻬﻪ
ﺑﻄﻞ ﻫﺒﺎﻝ
ﻭﺳﻴﻢ :: ﺑﺎﻫﻲ ﻋﻠﻴﺶً ﻃﺎﻟﻌﻪ ﺑﻮﺷﺎﺡ . ﺗﻲ ﺭﺍﺟﻠﻚ ﻳﺎﻏﺒﻴﻪ
ﺳﺎﺭﻩ :: ﻣﺰﻟﺖ . ﻣﻌﺎﻗﺐ ﻟﻴﻦ ﺗﺸﻮﻓﻲ . ﺑﺎﻟﻔﻴﻠﻮ . ﻫﻚ ﻣﻔﺎﺟﺄﻩ
ﻭﺳﻴﻢ : ﻻ ﺳﺎﺭﻩ ﻋﺎﺩ ﺑﻄﻠﻲ ﺣﻨﺎﻃﻪ ﺣﻮﻟﻴﻪ .
ﺳﺎﺭﻩ :: ﺻﺒﻴﺖ ﻭﺧﺮﺕ
ﻫﻬﻬﻬﻪ ﻳﺎﻣﺠﻨﻮﻥ . ﺣﻮﻝ
# ﻳﺘﺒﻊ ...
