نوفيلا ليلة سامر (أيات فرج)

الليلة الرابعة ( عودة للخلف 🙋🏻‍♀️)

الليلة الرابعة
لليلة سامر

ربي اني لا اسألك رد القضاء ولكني اسألك اللطف فيه
ـــــــــــــــــــــــــــــــــــــــــــــــــــــــــــــــ

—: ايه اللي انت بتقوله دا يا فريد طبعاً لا

فريد بجدية وهو يجلس علي مقعد مكتبه —:  اللي قولته يتنفذ يا سامر مش عايز كلام كتير

سامر بعصبية —: علي جثتي انها تيجي الشركة اصلاً

فريد بحدة —: سامر واطي صوتك وانت بتتكلم ومتنساش نفسك

سامر ببعض الهدوء —: انا اسف يا فريد بس انا مش عايزها في الشركة هي اصلاً مش تخصصها هتعمل فيها ايه

فريد بابتسامة خبيثة —: وهنا بقا يجي دورك

سامر بشك —: يجي دوري ازاي مش فاهم

—: يعني ليلة لما هتيجي الشركة هتبقا انت المسؤل عن تدريبها علشان تفهم الشغل كويس

—: لا يا فريد انا مش طايقها في البيت اصلاً علشان استحملها كمان في الشغل

—: سامر اتكلم عدل ومتنساش انك بتتكلم عن بنتي

قام سامر من مقعده ليتجه ناحية الباب قائلاً بضجر —: اعمل اللي يريحك يا فريد انا هروح اشوف شغلي

خرج سامر من مكتب فريد ليخرج فريد هاتفه وضغط علي اسم اينته لياتيه ردها بعد ثواني —: الو يا بابا

فريد بهدوء —: انتي فين

—: انا تحت الشركة

—: تمام اطلعي وروحي علي مكتب سامر علي طول

—: حاضر يا بابا... بس انت قولتله اني جاية انهاردة

—: لا مقلتلوش خليها مفاجاة

—: ماشي يا بابي هقفل انا بقا علشان اطلعله

—: ماشي يا حببتي...  مع السلامة

—: مع السلامة يا حبيبي 

اغلقت ليلة الهاتف لتقول بتنهيدة —:  ربنا يستر بقا
اتجهت ليلة وهي تسير بكل ثقة وهدوء نحو المصعد لتركب فيه وكادت ان تغلق باب المصعد لتجد شاب  نفس عمر سامر تقريباً يتجه الي المصعد راكضاً قائلاً —: استني استني
ليدلف الي المصعد قبل انغلقه بثواني معدودة

نظرت له ليلة بتعجب
ليقول الشاب بمرح —: ههههههه كان شكلي مسخره صح

ابتسامت ليلة علي جملة الشاب التلقائية لتؤمي بالموافقة قائلة —: ههههههه الصراحة اه كان شكلك مسخرة اوي

تحولت نظرات الشاب الي الجدية ليقول بحدة —:  انتي هتهزري معايا يا انسة ولا ايه

تحولت ملامح ليلة هي الاخر الي الذهول والغضب وكادت ان تنطق ليقطعها صوت ضحكات عالية من الشاب الواقف بجانبها