سمعتو بالتفجير يلي صار في جنزور
شوفو اني جنزورية ونسكن ورا مصحة الضياء يعني قريبة علي التفجير هلبا
طبعا كان الضي هارب وفاتحين الرواشن بدي الصوت يضرب ويزيد بالشوية بعدين بدي تقربيع علي مقواااااه نضنا حني طووول اني اول حاجة درتها لبست مصلية 😂 حتى كان متت نموت مستورة 😂المهم كان تشوفو هداكا الصواريخ يطايرو في السماء ماتشوفو كان الدخان الاسود والنار الحمرة فوق المهم الصوت كان عاااااالي والله تقول السماء بتنشق امي والله إلا تحساب يوم القيامة لان يوم القيامة لما تفتحي المصحف ماتلقيش القرآن تلقي كان الأرقام متع الآيات المهم ماما تشبحله وخايفة تفتحه المهم احني كلللنا طالعين برا المهم حوش جيرانا يلي ورانا هما كانو العمام كلهم ساكنين فوق بعضهم يعني دوار علي فوق والصغار كلللهم طالعين لي البلاكونات المهم جت تقربيعة علي مقواهااا وبدو الصغار عياطات حاله لين طلعتلهم مراء قعدت تكشخ عليهم وتقلهم خششششو حي عليكم تموتو اني خلاص من الضحك مش قادرة طايحة لوطا ونضحك العيلة يقيمو فيا علي الكرسي ويقولولي نوضي مش كويس ليك واختي تقولي الموت قريبة منك وأنتي تضحكي هداكا اليوم حصلناها رعشة علي الصبح من الساعة 8 يوم عيد ميلادي قالولي عيلتي أهم احتفلو بيك ودارولك العاب صاروخيه مرة وحدة مش نارية😂😂
طبعا هما مخلفات حرب
حقا 😡😡
القنوات يلي يكدبو ويقولو أن هلبا وفيات وجرحى من كتيبة فرسان جنزور
وهلبا اضرار بشرية ومادية راهوو كدب متصدقوش مافيش ولا واحد مات كان نيجري جاته شضية علي رقبته وتوا اموره تمام التمام
ولي يقولو طائرة ضربت لا طائرة لادبابة
صار مس كهربائي
ياسركم كدب ياااااااااسر 😠😡
