صحى من الصباح عمل الروتين الطبيعي و لبس قميص بالابيض و بنطلون اسود و جزمة اسبورت سودا سرح الدقن و الشنب لبس الحزام الاسود و مرق ❤️
لقى كوباية شاي دافية و ايها بوخ خفيف كدة ❤️ابتسم بلجمبة و ج يشيلها ..
جات طالعة من من المطبخ لابسة قميص نوم عادي و رابطة شعرها بي اشارب 😂❤️
سوزان: صباح الخير ❤️
خالد : صباح النور ع الحلوين ❤️❤️
قعد شرب الشاي في نص ونسة و ضحك و قرقرة 😂❤️❤️❤️و طلع الشغل ..
*عارفة م فاهمين حاجة*
*مسافة يصل افهمكم*
خالد ٣٠ سنة مهندس الكترونيات في شركة عالمية للاثاثات
و اليد ال يمين لي أ.مجدي (والد سوزان )
*نرجع*
خالد وصل الشركة بي الموتر حقو ركن و دخل الشركة ..
موظفة الاستقبال:صباح الخير ي مستر خالد
خالد : صباح النور
و مشى بي اتجاه المكتب حقو و هو بصبح ع اي زول بمر عليهو بي ابتسامة ❤️و بسلم
لغاية م وصل مكتبو لقى السكرتيرة في وشو
خالد: صباح الخير
السكرتيرة : صباح النور مستر خالد الليلة الشغل بسيط شديد معندنا حاجات كتير
و ابتدو مشاغلهم و حاجاتهم لغاية م خلص و طلب من السكرتيرة انو م تدخل اي زول و يواصلو شغل عادي ..
مرقت السكرتيرة و قفلت الباب وراها ..
____
خالد سرح شوية و بقى يتذكر كان وين و كان كيف و بقى شنو و وين ❤️❤️❤️
كان ترتيب من ربنا انو كل الحاجات دي تحصل ليهو عشان في النهاية يكسب كل شي ❤️❤️❤️
و مكتوب انو يعاني في نقاط معينة عشان تجيهو التعويضات دي كلها❤️❤️❤️
ابتسم بالجمبة و اتذكر
*فلاش باك*
طفل قاعد في ركن غرفة و ببكي و بصرخ من كمية الضرب ال اضربو هرمون الادرنالين بيتدفق بكميات كبيرة في جسمو و معارف يتصرف كيف جسمو كلو برجف
سوسن : تعال تعال ي سيد ي فاضل تعال شوف ولدك ال فرحان بيهو يشاغل في بنات الناس لولا اني اتدخلت هسي كان تلقاو ميت حرقان ولا غرقان🙄👋🏻
عبد الله: فشنو؟؟
سوسن : اتفضل اسمع
خالد: يبابا انا ......
سوسن : انا شنو انا انت ليك عين كمان تقول انا ؟!
نيني يطرشقك يقليل الرباية
السيد قبضوهو بشاغل في بت الجيران سارة بتعرفها
و عارف اخوانها انت ..من شافو واقف معاها و معديها ضحك و قرقرة مسكو دايرين يضربو الا خالتي نفيسة قالت لي الحقي قبال م يقتلو
و لفحت توبي و جريت عليهم الا حلفت ليهم انو تاني م حيقرب لي بتهم 👋🏻
يعني نحن م نعيش فب سلام جوا البيت و برا البيت لي يعني
عبد الله : خلاص ي سوسن خلاص تعال معاي ي خالد
خالد(بي رعب) : لا لا
عبد الله (عاين ليهو بتحذير): تعال معاي قلت
خالد بي انكسار مشى وراو و دخلو غرفة و عبد الله قفل الباب بالمفتاح
خالد(بي ترجي): ي ابوي اسمع مني ي ابوي عليك الله ي ابوي
و من دون نقاش عبد الله قلع القاش و نزل في خالد ضرب بدون رحمة بدون رافة
