و على كدة نامو
الصباح اصبح كالعادة الروتين اليومي
بس خالد خالص م فتح خشمو لا بي كلام لا بي ابتسامة ولا شي
شرب كوباية الشاي و مرق نشى الشغل
*في الشغل*
وصل المكتب اشتغل الشغل ال كان راجيهو كلو
من غير اي وقت بتاع راحة ولا اكل و بعدها اخد اجازة مرضية
و هو ماشي في طريقو على البيت غير السكة
(يعني م مشى بي نفس السكة ال بتودي البيت)
بس تاني وقف على جمب الطريق
و كالعادة جات ذكرى مارة على بالو 💔
______
*فلاش باك*
كان بعد الزفاف و كل شي مشى كويس و بطريقة اظبط من ظابطة ❤️❤️❤️❤️
سوزان بقدر القدرة ال عندها بتساعد خالد و واقفة معاو ❤️❤️
بس بعد الزفاف سوزان و خالد مشو شقة ايجار عشان بكرة بعد يومين طيارتهم ..
ف وصلو و اي واحد ادوش و غير هدومو و الشي الطبيعي البحصل ..
و كانو اصلا طالبين بيتزا و هم فطريق الرجعة
خالد كان فلغرفة ..
سوزان: خالد !! الاكل ؟
خالد ج طالع و هو مبتسم ❤️❤️❤️
و قعدو الاتنين في الصفرة بتاعت الاكل و ابتدو ياكلو
سوزان: بداية جديدة ها ؟
خالد عاين حوالينو كوييس و زي قلبو قبضو ف اخد نفس عااااالي و طلعو براحة
خالد: احم احم ايوة
سوزان اكتفت بي ابتسامة و واصلت اكل ❤️❤️
خلصو اكلهم لملمو حاجاتهم و دخلو غرفتهم سوزان قعدت في طرف السرير و ساكتة ساي
خالد: انتي حتفضلي ساكتة كدة كتير؟؟ 😂😂😂
سوزان: ماف كلام اقولو لكن 😂😂
خالد: ياخ م اتعودت عليك ساكتة
بعد شوية خالد جاتو تاني قبضة لمن خت يظو على صدرو و اخد نفس عالي شديد و طلعو تاني مرة كرر الحركة
سوزان(بصدمة): خالد؟ انت كويس؟
خالد: انا انا محقدر محقدر اظلمك معاي محقدر اجرك للعالم ال انا عايش فيهو م م...
و قبل يتم كلامو طلع من الغرفة و طلع من الشقة خالص حتى م شال معاو لا جزلان لا مفتاح ولا شي
سوزان وقفت و بقت تعاين بي استغراب و خوف في نفس الوقت
و سالت نفسها
سوزان: يربي عرست مجنون؟؟ و انا معارفة د شنو د ؟
و اتفقعت بالبكى خوفة ساي ..
----
*بي جهة خالد*
كان ماشي في الشارع و انفاسو عالية شديد زي ال زول ال كان جاري في ماراثون
و متحرك لمن في النهاية وقف في شارع فاضي اتكل في حيطة و خت يدو على صدرو بالم
و انفاسو بتطلع حاااارة م قادر ياخد نفسو زي الناس معارف يتصرف كيف
مضايق بس الحل يكورك ولا يعمل شنو
اتذكر انو الدكتور نضحو كل م تجيهو الحالة دي يجيب كيس ورقي او حاجة مقفولة و يفضل ياخد نفس و يطلعو لغاية م يهدا
اتذكر انو خاتي كيس في جيبو طلعو و عمل نفس الكلام ال قالو الدكتور لغاية م هدا
و زحا الكيس و دموعو جرت 💔💔
------
بعد زي ساعة و نص كدة خالد رجع الشقة و فتح الباب
مشى على اتجاه الغرفة ال كانو قبيل قاعدين فيها و حاول يفتح الباب بس مقفول
م كرر المحاولة خت راسو على الباب بي وجع و غمض عيونو اخددد نفس عميييق و طلعو
و اتحرك رقد فلكنبة و مليون فكرة بتضرب في راسو نليون كلام مليون موقف حصل ليهو من م كان صغير لغاية م كبر
كان فاكر انو اتخطى كل الحاجات دي بس فجاة لي رجعت لي بتطاردو ؟
_
*نرجع*
خالد فجاة انفاسو ابتدت تعلا بس من غير م يفكر لقى يدو مشت على جيب البنطلون و اتصل على سوزان
و انفاسو بتعلا بتهبط بسرعة
خالد: س س سوز سوزان
سوزان(بخلعة): خالد فشنو ؟! تاني رجعت ليك النوبات دي
خالد انفاسو علت زيادة
سوزان(ببكى): خالد حبيبي اخد نفس براحة اهدا ❤️❤️❤️نوبة بسيطة و حتروح سريعة ❤️❤️
متذكر لمن كررنا شهر العسل حقنا في بورتسودان❤️❤️
متذكر البحر متذكر كيف كنا مبسوطين ❤️❤️
دي ياها حياتنا فعلا ❤️❤️
نوبة بسيطة و حتروح ❤️❤️❤️اضبط نفسك و انا معاك
خالد شوية شوية نفسو ابتدا يرجع بس م رجع خالص
سوزان: احسن ؟؟
خالد(و نفسو لسة فيهو شوية تقطيع): ا ا اي ايوة
سوزان: بتقدر تجي البيت ؟؟
خالد: ج ج جا جاي
سوزان: خلاص ركب السماعة و خليني معاك فلخط ❤️❤️
و د الحصل لغاية م وصل و طلع بالمصعد و وصل الشقة لقى الباب و سوزان راجياهو
اول م دخل حضنتو ❤️❤️❤️
و اتفقعت بكى
خالد: سو سوزان ا ا انا كو كويس
سوزان: تعال
فعلا مشى معاها قعدتو فلكنبة و مشت جابت كوباية موية و جات ادتو شرب بعد خلص
اكتفت بي انها ادتو نظرة عتاب 💔و حضنتو ❤️❤️❤️❤️❤️❤️❤️❤️
يتبع.....
