🌹🌹القصص و الاقتباسات متنوعة 🌹🌹

كورونيك باللهجة الجزائرية

كورونيك مقتبس مش الي ولكن عجبني كثير و
نوال وكريم 😘
فوت وكومنت

الحلقة_1

انا اسمي نوال في عمري 18 سنة هاد العام عندي البكالوريا و نقرا دروس خصوصية من 6 تاع العشية حتى 9 تاع الليل مننساش هديك الليلة لي تعرضت فيها لاغتصاب و ما يحس بيا غير لي عاش هاد المأساة...عايلتي متكونة من بابا العصبي الي يعتبر البنت للزواج و شغل الدار برك و عندي ماما الحنينة لي دايما تشجعني نقرا و نخدم و نكون مستقبلي و نكون مهمة في المجتمع كان حلمها تشوفني طبيبة و عندي خويا الصغير لي نحبو نموت عليه....هداك النهار جيت خارجة على 6 لعشية كي لعادة باه نمشي لليسي نقرا قلت لماما مكلاه تستنيني في الليل نقدر نرجع وحدي و الشارع يكون عامر بالناس و صحباتي يكونو معايا وبعد ماقنعتها رحت كانت ماما تقطعلي قلبي كي نلقاها تستنى فيا في البرد ..المهم فتت على صحبتي مريم لي تعرفت عليها في عامين و فيساع دخلتلي قلبي قربنا من بعضنا و ولينا كي لخواتات بصح هداك النهار مكانتش عاجبتني غير ساكتة و مشنفة انا قلت بلاك عندها مشاكل مع دارهم و من بعد وحدها تجي تحكيلي كلشي خاطر اسرارنا عند بعض قرينا و كملنا و خرجنا..
..حلقة_2 🌹
في الطريق قالتلي مريم يا الله نفوتو من هاد الطريق باش نوصلو فيساع للدار...سمعت لهدرتها و مشيت معاها قعدت نحكيلها و نضحك و هي متردش بعد مدة حسيت واحد من ورانا قالي ايي انت حبسي راني محتاجك...انا مديتهاش فيه قلت بلاك غير يتمسخر كي يشوفنا عاقلات يروح شوية هكا هربت مريم و خلاتني وحدي استغربت كيفاه خلاتني وحدي و علاه مدافعتش عليا كانت مريم ادا تبعنا واحد في الشارع متخلي ما تقوله و يخافو منها و انا دايما كي نكون معاها منخافش بصح هديك الليلة هربت ..كملت طريقي و مديتهاش فيه عاود قالي راني نقولك حبسي لا تندمي...درت باه نشوف شكون كان طويل و عريض و صوتو خشين بصح مشفتش فوجهه...شدني من يدي و بلعلي فمي و قالي متخافيش امشي معايا انا فهديك اللحظة مقدرتش نتحرك خاطر كان قوي عليا و فشلت من الخوف طلعني للوطو تاعه كانت كحلة و كبيرة بلع الباب و خلاني نعيط بصح حتى واحد ما سمعني خاطر الطريق خاوية و الباب مبلع قعد يسوق و انا نقولو الله يخليك علاه حرام عليك اعتبرني اختك و نبكي و هو مش مقيمني...قعد يسوق تقريبا ربع ساعة حتى وصلنا للفيلا تاعه كانت كبيرة حل الباب و جبدني من يدي بالجهد انا قعدت نعيط ...قالي متعييش روحك هاد الجيهة مساكن فيها حتى واحد دخلني و طلعني للشمبرة بلع عليا و خلاني قعدت نتحلل فيه و نبكي بصح بلا فايدة خلاني نخمم وش راح يصرالي و دارنا يكونو تقلقو عليا جات 12 تاع الليل دخل و قعد يتبسم لي اول مرة نركز في وجهه كان شباب بكل ما تحمل الكلمة من معنى شعرو اكحل خفيف و لحيته خفيفة و عينيه يهبلو قعد يقرب و انا نبعد قالي متخافيش ديري كيما نقلك و قعدي عاقلة قلتله بعدني انت رخيس انت مش راجل...كي قلتلو هكا تقلق عليا و اغتصبني ناض ضربني بركلة و قالي انتوما هادا وش يليق بيكم خلاني غارقة في الدم و بلع عليا كي جات 3 تاع الصباح جبدني دخلني اللوطو و قاسني في البلاصة لي داني منها و راح
الحلقة_3 🌹
رماني و خلاني في حالة رجليا و يديا جمدو من البرد و بسيف نتمشا جيت رايحة للدار بصح خفت من ردة فعل بابا هو مقلق بزاف ممكن يطلق ماما و لا يمرض بصح وش ندير لازم من هنا للصباح نلقى حل قعدت هكا نخمم حتى جا فايت راجل رايح للجامع قرب مني قالي يا اخـي رأكي مليحة قلتله وش دخلك قالي نوضي معايا نوصلك للدار تتهلا فيك مرتي قلتله انتوما الرجال حيوانات حتى انت باغي تبروفيتي قالي استغفر الله راكي كي اختي راح نتمشى قدامك ...قعد يتمشا و انا ملقيت حتى حل غير نتبعه من بعد قالي متدخليش لداري حتى تشوفي مرتي و تطمني طبطب في الباب حلت مرته تخلعت قاليها راني لقيتها مرمية في الشارع تهلي فيها حتى نجي ...انا خفت تعيط عليا بصح هيا قالتلي ارواحي ارواحي يا بنتي و دخلتني..سبحان الله مزال كاين الخير في الناس...دخلت عطاتني ندوش و بدلت قشي جابتلي ناكل بصح مقدرتش قالتلي احكيلي بلاك نعاونك قعدت نحكيلها و نبكي ملقات مترد عليا من بعد قالتلي لازمك تهدري مع داركم يكونو مقلقين عليك..قلت ليها وش نقوليهم عطاتني التلفون ردت ماما قالتلي الوا نوال
ياك قلت ليها نعم ماما هادي انا قالتلي وينك تقلقنا عليك باباك مساتني مجيهة البابقلت ليها كي جيت خارجة من الليسي فاتت لوطو في صحبتي و ديناها للسبيطار و ملقيتش كيفاه نقوليكم نجي الصباح منخليش صحبتي من بعد سمعت ماما تفهم في بابا و هو يقول ليها شفتي البنات وش فيهم غير وجع الراس تحسبني صغير تحشيلي شوفي بنتك مع من كانت...انا قطعت الاتصال و رقدت بلا ما نفيق كي جا الصباح حليت عينيا لقيت هديك المراة تشوف فيا و تتبسم قالتلي وجدتلك قهوتك نضت شديتلها ايديها و قلت ليها انت وعدتيني توقفي معايا قالتلي نعم نوقف معاك بصح كيفاه قلت ليها روحي معايا للدار و قوليلهم كنت معايا في السبيطار قالتلي سمحيلي منقدرش كي شافتني نبكي قالتلي خلاص نعاونك و ربي يسامحني مشات معايا هديك المراة للدار و حكات لبابا كيما فهمتها و بابا قاليها علاه تشقي روحك بنتي و نعرفها منخافش عليها هاديك تربيتي ههه...انا قلت لي فت فيه كان ابتلاء من عند الله و لازم نصبر و نركز في قرايتي و نرجع لحياتي الطبيعية بصح كنت غالطة كانت القصة مزال مكملتش ل
حلقة_4 🌹
كملت حياتي عادي صحبتي مريم جبدت عليا مولاتش تهدر معايا و دايما تقولي راني مشغولة كنت نتمنى تقعد معايا و نحكيلها وش صرالي بصح مخلاتليش الفرصة وحد النهار كنت في الليسي نلعب في الرياضة و عييت بزاف حتى دخت ...كي حليت عينيا لقيت روحي في السبيطار لقيت الطبيب يشوف فيا قلتله واقيلا مكليتش مليح حتى دخت قعد يشوف فيا شوفة غريبة قلتله نقدر نروح قالي اعطيني نمرو تلفون تاع باباك و لا ماماك قلتله معندهمش في زوج...انا كدبت عليه خفت تكون عندي حاجة شينة و يخلع ماما قالي لازمني نهدر مع اهلك راكي حامل ...قلتله ههه راك غالط قعدت نضحك كي لمهابيل من بعد تفكرت هديك الليلة قعدت الارض دور بيا ....نضت قعدت نسلم على يديه و نقوله و الله انا خاطيني الله يخليك متفضحنيش حتى دخلت الفرملية قالتله دكتور محتاجينك في العناية مشا يجري و نساني انا جاتني مليحة و خرجت لقيت ماما جاية قالتلي يا بنتي تقلقت عليك عيطولي من الليسي و قالولي دختي و جابوك هنا قلت ليها ماكاين والو غير مين مكليتش مليح قالتلي خلاص دوك نحبس طاكسي و نروحو للدار قلت ليها يا ماما قلتلك مكان والو وش بيك ..راني رايحة لليسي نجيب وراقي على صحبتي و نجي
قالتلي كش نهار تجيبيها في صحتك من لقراية هاكي هاد الدراهم شري حاجة في الطريق تاكليها قعدت نتمشا و كل مرة ندخل فواحد مخي مكانش يخدم رجعت لهديك المراة معنديش بلا بيها طبطبت حلت عليا عنقتها و قعدت نبكي و قلت ليها راني حامل...تخلعت قالتلي لازمك تعرفي شكون لي اغتصبك باه يجي يتزوجك قلت ليها لوكان حتى يجي انا منقبلش بيه قالتلي يابنتي انت مزالك صغيرة و متعرفيش صلاحك يتزوج بيك غير في الوراقي تضمني حقك و حق ولدك و تطلقو قلت ليها انت وقفتي معايا و عاونتيني و نسيت حتا نسقسيك على اسمك تبسمت و قالتلي اسمي صبرينة و راجلي اسمو عمار بصح مش هادا موضوعنا لازمنا نلقاوه فيساع قعدت نخمم معاها حتى تفكرت صحبتي كيفاه خلاتني هديك الليلة و هربت و كيفاه قطعت علاقتها بيا و كيفاه راها تتهرب حكيتها لصبرينة قالتلي روحي جيبيها هنا..و صح رحت طبطبت حلت عليا قالتلي غير لخير علاه جيتي قلت ليها علاه جاتك عجب موالفة نجيك و تجيني المهم راني تعرفت بوحدة سكنت جديدة حدانا و قالتلي عندها سيجيات الباك تع هاد العام صدقتني و قالتلي يا الله بصح منطولوش وصلت دخلت جابت ليها صبرينة القهوة شربتها و قالتلي وين راها صحبتك قالت ليها صبرينة انا هي
الحلقة_5 🌹
اول مرة نشوف صبرينة صعيبة حنانتها قاع راحت قعدت تعيط على مريم و تهدد فيها تحكي كلشي و لا توصل لدارهم...حتى قعدت مريم تحكي و تبكي قالتلي انا خاطيني هو هددني ادا ملقيتلهش طريقة يتلاقا بيها فيك يديني انا في بلاصتك و يرميني لكلاب الشوراع ...عطاتنا العنوان و قالت لينا علابالي علاه اغتصبك بصح منقرش نقولك خرجت تبكي و انا و صبرينة قعدنا نضحكو...تفاهمت مع صبرينة نتلاقاو الصباح باه نروحو لهداك الراجل و نتفاهمو معاه رحت للدار و انا طايرة بالفرحة هديك الليلة مرقدتش و انا فرحانة كي ربي لاقاني بصبرينة لي وقفت معايا و دعمتني و فرحانة كي عرفت وين يسكن لي اغتصبني ...ياه يا الدنيا فرحانة كي راني رايحة نتلاقا بالي اغتصبني غدوة ...المهم رقدت و جا الصباح شربت قهوتي صليت و دعيت ربي و كي جيت خارجة قلت لماما ادعيلي يا ماما قالتلي روحي يا بنتي راني راضية عليك متخافيش...اول مرة نحس بقيمة دعوة ماما..خرجت وصلت لدار صبرينة لقيتها تستنا فيا مجيهت الباب و لابسة قشها...ركبنا طاكسي و رحنا دار لي مول الطاكسي قالي مكان حتى حاجة منا الحالة مقطوعة علاه راكم جايين قالتله صبرينة شوف قدامك كلشي تدخلو فيه يا ربي...وصلنا شفت الفيلا تفكرت هديك الليلة
قلبي وجعني كي تفكرت طبطبت صبرينة حلت الخدامة .....الخدامة:نعم تفضلو وش خصكم....صبرينة:خصنا مول الفيلا....الخدامة:سم­حيلي لازم بالرونديفو....صبرينة­:ههه علاه بالرونديفو رانا جايين نشوفو رئيس الجمهورية ....الخدامة:لوكان ديتو رنديفو قاع متشقوش فهاد الوقت خاطر اليوم يجي حتى 6 تاع لعشية روحو و رجعوله من بعد.....صبرينة:عندك الحق حنا نمشو و نرجعوله من بعد....جيت رايحة شدتني صبرينة من يدي و قالتلي وين راكي رايحة يا لكافية لازم نستنوه حتى يجي معدناش حل وخداخر ...قعدنا تحت شجرة و النو كانت تصب خفيفة و الجو يهبل...قعدنا هكا لا ماكلة و لا شراب حتى جعت انا و فشلت ...شوية حتى نشوفو لوطو حبست و هود منها هداك الراجل شافت صبرينة و قالت: يا ربي شحال شباب وش هادا.
صبرينة:هاي هاي انت حبس ...شاف فيها و قال ليها:وش كاين تعرفيني...صبرينة:منع­رفكش...جبدتلي يدي و قالت له: و انت تعرف هادي!!! ...شاف فيا تخلع من بعد قاليها لا منعرفهاش و جا ماشي ...قالتله صبرينة مزال مكملتش الهدرة هاد البنت تعديت عليها هديك الليلة و جرحتها و ضيعتلها حياتها...دار ليها و قال ليها و الله صح ..ههه روحي شوفي شكون لي تعدا على بنتك بعيد وليتو تتبلاو على الناس نورمال ...قعدت صبرينة تعيط من جيهة و هو يضحك و يتمسخر من جيهة و كي شافته رايح قالت له ...راهي حامل منك ..في الاول صدق من بعد قاليها قديمة هادي فوتيها ..حتى انا الارض قعدت دور بيا و دخت ...حليت عينيا لقيته حدايا هو و الخدامة و صبرينة ...قالي كولي كولي قالتلي ماماك راكي مكليتيش من الصباح ...قالتله صبرينة حنين تبارك الله عليك ...قعدت ناكل و يديا يرجفو من الجوع و هو يشوف فيا من بعد قال للخدامة راني طالع ندوش كي تريح شوية يروحو لدارهم ..طلع و خلانا من بعد خرجنا قلت لصبرينة:ياك قلتيلي نعاونك و نوقف معاك شفتيه راح و خليتيه و مدافعتيش عليا...قالتلي:لازم نخلوه شوية راه مصدوم كي قلتله راكي حامل من بعد وحده يرجعلك...قلت ليها كيفاه يرجعلي و هو معندهش نمرو تاعي
الحلقة_6 🌹
قالتله صبرينة يا خويا احنا جينا نصححو الغلطة لي درتها ترضى ولدك يكبر بعيد عليك و ادا مكش مستعرف بيه ضرك كي يتولد نديرو تحليل و يبان كلشي علاه راكم طولو في الوقت...هز الورقة قعد يشوف فيا و يقرا من بعد قاسهالي في وجهي و قالي طيري من هنا منزيدش نشوفك في هاد الدار غدوة نجي نخطب بصح ديري في بالك نتزوجك في يوم و نطلقك في اليوم الثاني و بعدها ترجعي للكوري ليراكي عايشة فيه و صحبتك حسابها كبير معايا ...دخل و دفع الباب في وجهي انا غايضاني عمري و صبرينة تغني و تزغرت ...يا لعروسة يا لعروسة كانت فرحانة تقول هيا راهم جايين يخطبوها
قلت لصبرينة وش نقول لدارنا بين ليلة و نهار يجو يخطبوني و تخيلي راه يكدب و مايجيش و يحشمني و علاه اغتصبني انا و ماشي صاحبتي علاه ...انا نهدر و صبرينة تغني من بعد دارتلي و قالت لي :انت مالك هاكا نكدية جاي غدوة يخطبك راجل طول و عرض و شبوبية و دراهم و برستيج و قاعدة مشنفة و ادا على داركم راني متاكدة يوافقو ميلقوش خير منه و اغتصبك انت بلاك عجبتيه....المهم وصلت للدار و قعدت نخمم كيفاه نحل معاهم موضوع الخطبة حتى عيطتلي ماما نتعشى قعدت في الطابلة اونفاس لبابا و ماما و خويا حدايا قلت ليهم مدامكم مجموعين راح نقوليكم غدوة جايين يخطبوني و قبل ما نكمل بانت الفرحة على بابا خاطر تفكيره غير في الزواج و ماما قعدت تسقسي فيا اسمه عمره وش يخدم و انا غير منعرف منعرف من بعد قلتلهم سقسو صبرينة يعرفها شافني عندها مرة و عجبته ...قالي بابا خلاص يا بنتي انا غدوة نجيب القاطو و انت اتهلاي في بنتك لبسيها مليح قدام الناس ...ناضت ماما و قعدت تسلم عليا فرحانة...قعدت في شمبرتي و انا فرحانة مين راه جايي يخطبني و يسلكني من هاد الموصيبة هديك الليله تاني قعدت نايضة حتى جا الصباح لقيت صبرينة راحت مع ماما للسوق و شراولي غوب نوار سامبل و سباط طالو.
لبستهم كوافاتلي صبرينة شعري و دارتلي المكياج و شفت روحي اول مرة بهاد اللوك خرجت شابة قعدنا نستنو من الصباح حتى لعشية و انا عييت و بابا غير جايي ماششي و يسب و يعاير قالي وين راهم لي جاوو وش هاد التمسخير و صبرينة حشمانة خاطر يحسبوه من طرفها و انا خايفة ...قالي بابا راني خارج من جيهت الدار شوية و نرجع خرج بابا من هنا و سمعت الباب يطبطب مشيت نجري طايرة و فرحانة حليت لقيته هو جاييب القاطو و كان وحده دخل و قعد غير يشوف فيا بلاك عجبته...ماما طارت بالفرحة عجبها من بعد دخل بابا من وراه قالتله ماما هادا هو لي جا يخطب بنتك شاف فيه بابا و وجهه تقلب قعد يضرب فيه لوجهه حتى رعفه و قعد يدفع فيه و يقوله يا كلب يا رخيس وش جابك للداري اخرج برا درق عليا وجهك دفعه و بلع الباب حنا قعدنا مخلوعين مفهمنا والو جاني بابا شدني من شعري و قالي هدا هو لي جا يخطب و الله غير هادا لي متديهش...دخلت لشمبرتي قعدت نبكي متعشيتش و رقدت.
الحلقة_7 🌹
في الصباح قعدت نفطر مع بابا و ماما ...قالي بابا يابنتي متزعفيش مني هداك اللي جا يخطب البارح كبير عليك اكثر من 10 سنين...قلتله هاداك علاه ضربته ...قالي لا مش هاد السبب قعد يحكلي بابا قالي العام لي فات كي تحبست و خرج من خدمتي بسببه هو ...بابا كان يخدم في مصلحة الضرائب جاه مرة راجل و عطاه رشوة قاله امحيلي الديون لي عندي و بابا تقلق عليه سبه و عايره و طرده ..هداك الراجل مشا تفاهم مع المدير و ورطو بابا و ضلموه بعد مدة اكتشفو انو كايين تزوير و تلاعبات في الحسابات و سرقة دارو تحقيق و لقاو بابا ماسح ديون ناس كبار بصح هو كان مظلوم أتحبس عام و من بعد بانت البرائة تاعه كي خرج لقاهم مدخلين واحد في بلاصة بابا و تعاون معاهم ....بابا تقلق و راح لهاد الراجل و تدابزو في التالي هداك الراجل قال لبابا يجي نهار لي ندمك على كلشي درته...قالي بابا هاد الانسان هو لي جا يخطبك منامنش فيه و نعطيه بنتي بعد ما هددني هدا رخيس ...تما فهمت علاه اغتصبني غير باه ينتقم من بابا
غاضني لحال و حسيت بابا اتطعن في شرفه بلا ما يفيق خرجت قعدت نقرا شوية في الليسي من بعد قررت نروح نرد اعتباري نسبه و نعايره و نقوله بطلت نتزوج بيه و نطيح البيبي الي في كرشي دخلت للفيلا لقيت الباب محلول و سمعته يغني ..هداك وين تقلقت انا نبكي و هو يغني جيت طالعة مع الدروج و هو هاود شافني اتخلع قعدت نضرب فيه و نقوله انت رخيس انت حيوان انت معندكش ضمير كيفاه تنتقم من راجل في بنته الصغيرة علاه علاه قعدت نضرب فيه حتى زلقت رجلي و طحت من الدروج ...حليت عينيا لقيت روحي في السبيطار قالتلي الفرملية على سلامتك بصح البيبي طاح كي قالتلي هكا فرحت يا ربي تهنيت منه جاتني مليحة من بعد دخل الطبيب و قالي ارتاحي شوية راني قلت لباباك يجي يديك ...تصدمت قلتله منين جبت رقمه قالي جابك هنا راجل قال راه لقاك في الشارع حوست في الصاك لقيت نمرو باباك عيطتله و راه جايي...جيت نتفاهم مع الطبيب و نقوله ميخبرش بابا بصح الوقت فات دخل بابا يجري و قعد معنقني و يقولي يا بنتي وش صرالك ...اول مرة نشوف بابا حنين هكا كنت نظنه ميبغينيش ...قاله الطبيب متقلقش روحك يا الحاج تصرا نورمال هي جسمها ضعيف و طاح الحمل ربي يعوضها بابا تصدم عمري مشفته فهديك الحال
قالي:ححححاااممملللل ااانننتتتت مممتتززززوووجججة و طاح مشاو يجرو بيه و ماما قعدت تندب ...بعد مدة قالي الطبيب باباك جاته جلطة و ماتتله جيهة ميقدرش يتحرك و يتكلم ...ياربي لوكان حكيتله من الاول ماكانش مرض علاه هكا جيت خارجة لقيت ماما قات ليها ماما سمحيلي قالتلي درقي عليا وجهك راني متبرية منك الى يوم الدين روحي للي حملتي منه قلت لها ماما انا حملت من هداك الراجل لي جا خطبني قالتلي: قاعدين تخططو من ورانا تاني تفو عليك بعديني ...مشات و خلاتني ملقيتش كيفاه ندير جيت نحكيلها بصح مخلاتليش الفرصة...رحت عند صبرينة قعدت عندها مدة نشوف دارنا غير من بعيد و جا النهار لي خرج فيه بابا من السبيطار رحت طبطبت حل خويا الصغير لقيت بابا يتمشى في الكرسي شافني تقلق كان يهدر بصح بسيف قعدت نسلمله على يديه و رجليه و نقوله الله يخليك سامحني حكيتله كلشي من الاول و ماما قعدت غير تشوف فيا و تبكي خرجت نجري...و كي جيت خارجة لقيت هداك الراجل قالي نوال راني غلطت في حقك و جايي نصلح كلشي حطلي في جيبي نمروه و راح حكيت لي صرالي لصبرينة قالتلي قبلي جا الوقت لي تنتقمي منه قلت ليها بصح بابا ميقبلش...المهم بعد يومين رجعت لدار حلت ماما الباب
الحلقة_8 🌹
قعدنا معنقين بعض و نبكو حتى جا بابا في الكرسي و قالي ررررراااااننننييي ققققااابببلللل تتتززززووووججججييي ببببيييه انا فرحت جا الوقت لي نرد اعتباري انا و بابا ...المهم جا يوم عرسي مفاتش كيما عراس البنات هو صح مخصصني حتى حاجة بصح الفرحة مكانتش و بابا محضرش عرسي كان مبلع على روحه في شمبرته...المهم وصلت و دخلت للفيلا لي دمرت فيها دخلت للشمبرا دخل من ورايا و بلع الباب قلتله اخطيني بعدني قعد يقرب و انا نزقي و نعاير فيه شافني مقلقة خرج و خلاني ...فاتو الايام و انا و كريم كي الغرباء كل واحد عايش في بلاصة حتى صباح الخير مكايناش بيناتنا وحد النهار جا قالي لوكان متتسقديش معايا و تديري وش نطلب منك نتزوج عليك ...قلتله اتزوج حتى 10 معلاباليش بيك روح حوس على وحدة توالمك انا منوالمكش ...و صح هدا لي صرا جا نهار عرسه دخلو لعروسة قدامي كانت شابة عينيها زورق و شعرها اصفر و رقيقة كي لببوية كاين فرق كبير بيناتنا فاتت عليا و قعدت تضحك عليا..فات اسبوع و انا مبلعة على روحي شمبرتي كنت مخليتهم على راحتهم و وحد النهار طليت من التاقة كان يفطر معاها في الجردة و هي تعيط عليه قالت له:علاه راك تعامل فيا هكا انا نقرب و انت تبعد معجتكش.
علاه معجبكش زيني علاه حارمني منك ادا متبغينيش علاه تزوجت بيا...هي تهدر و هو يشرب في قهوته و عايفها ...قالتله:خلاص كرهت وش نديرلك بش تبغيني ...ناض قعد يعيط حتى هو :مديري والو غير خطيني بعديني نفختيلي راسي من الصباح انا منبغيكش جبتك زكارة على نوال انا نبغي نوال فهمتي ضرك مشا و خلاها مصدومة و خلاني انا فرحانة مشي خطر يبغيني لا شفته و هو يتعدب قدامي...فاتو الايام و وحد النهار جيت خارجة من الدوش شعري مبلول و ريحتي صابون شافني حل فمه دخلت لشمبرتي جيت نبلع الباب دفعه عليا و بلع عليا و قعد يقرب مني قلتله اييي بعد و الله و لوكان متخرجش نعيط لمراتك قالي مهيش هنا فالدار و الخدامة راها لتحت متسمعناش انت مكيش باغية تفهمي روحك انت مرتي و ندير فيك وش نبغي فهمتي ...جبدني من يدي و بلعلي فمي و اغتصبني مرة اخرى كي جا خارج قالي اقعدي عاقلة و سمعي لهدرة ميسرالكش هكا...مشا و خلاني نبكي في الليل قعدنا نتعشاو مع بعض قعد يقلش فيا قدام مرته و يقولي كولي ياعمري كولي يا روحي يا عينيا و مرته تشوف فيه تنارفات قلتله طلقني مداهاش فيها و قالي وش فيخاطرك نجيلك يا حبيبتي...زادت تنارفات ناضت لمت قشها و خرجت
كي شفت روحي بقيت غير انا و هو نضت دخلت شمبرتي بلعت الباب بالمفتاح و رقدت جا الصباح رحت لصبرينة حكيتلها انو اغتصبني مرة و خدخرا قالتلي مالازمش تسكتي قلت ليها جا وقت الانتقام خلاص صبرت بزاف خرجت معاها نحوسو على خدامة للدار و جبنا بنت صغيرة عمرها 16 تفاهمت معاها على كلشي...في الصباح قالي كريم وين مشات الخدامة لقديمة قلتله طردتها معجبتنيش جبت وحدة صغيرة و تفهم كلشي قالي كيما تبغي ...المهم فات شهر حبست قرايتي و درت في بالي نكمل لعام لجاي و بابا كان يتحسن كل يوم خاطر كان متبع مع طبيب شاطر كنت نرسلهم دراهم و هو ميقبلهاش خاطر من عند كريم بصح ماما كانت تشدها و تعطيها للطبيب و بابا يظن انو مصاريف العلاج قلال ...كنت نبروفيتي منه نلم الدراهم و جا النهار لي رجع كريم من الخدمة عيان دخل لشمبرته دخلت من وره الخدامة و بلعت الباب و قعدت لاصقة فيه هو يبعدها و هي تلصق دخلت انا و قعدت نصور فيهم و هي تقوله حرام عليك اطلقني علاه ديرلي هكا علاه انا ولية ....و هو مخلوع و مافاهم والو ..قلتله يا كريم فضايحك راهم عندي قعد يقنع فيا بلي هيا لي تبلاته و مفهمش وش راه يستنا فيه مشات هديك الخدامة جرحت روحها فكل بلاصة و كوات يديهال
حلقة_ 9 🌹
ضربت راسها على الحيط حتى زراق و حالتها ولات تشف و الفيديو لي صورتها كان صح يبان فيه هو لي كان يحاول يغتصبها مشيت معاها للابوليس عطيتهم الفيديو دخلو الفيلا جاو دايينه قدامي و هو يقولهم وش كاين وش درت والله غير تخلصوها غالية ...حكمو على كريم ِ4 سنين حبس على محاولة لاغتصاب و تعنيف قاصر و انا كنت شاهدة ضده في المحكمة شفته قدامي محتاجني و مساعدتوش و شفته قدامي مظلوم و يدخل للحبس بافتراء و مسلكتهش كيما دار في بابا و كيما عدبني ...فاتو ايام اكتشفت اني حامل من هديك الليلة و يا ريت محملتش و مبقاتليش دكرى كريم ...بعد عام سجلت الباك و ديته بتقدير جيد و دخلت للجاميعة خيرت طب كيما كانت ماما تحلم رفعت قضية طلاق و ربحتها...ولدت بنتي الاء و ولدي علاء كانو شابين كيما باباهم و فاتو 4 سنين يجرو تغيرت عقليتي وليت عايشة حياتي نحوس نلبس و حتى حاجة مخليتها في خاطري و كنت متهلية في دارنا بلا ما يعرف بابا...جا النهار لي خرج فيه كريم من الحبس شفته كان باين عليه الهم و لحيته طويلة كنت مخرجة بنتي و ولدي من لاكراش جا قرب ليهم سلم عليهم و هوما خايفين قلت ليهم واقيلا هادا هبيل ياالله طلعتهم في لوطوتي و رحنا و هو مزال يتبع فينا بعينيه
فاتو الايام و انا في نفس الروتين صبرينة فات على زواجها 6 سنين مرزقهاش ربي بالذرية حاولت مع الطبا و بلا فايدة و كانت ناوية ترحل من البلاد ..جا النهار لي رحت ندي فيه ولادي من لاكراش قالتلي لي تخدم تما راها جات عندها مراة و داتهم انا قلت بلاك ماما عيطتلها في التلفون قالتلي مهمش في الدار ..تفكرت صبرينة خاطر كانت مرات تخليهم عندها كانت تبغيهم .مشيت لدار صبرينة حلتلي الباب قلتلها وينراهم ولادي قالتلي مهمش عندي مديتهمش قلتلها كيفاه مديتيهمش وين راحو قالتلي معلاباليش اليوم مخرجتش من الدار ..شكيت فيها راها تكذب و تكون ناوية تديهم و ترحل قعدت نعيط عليها قلت لها ولادي راهم عندك مكانش بلا بيك لي يديهم دخلت ليها لدارها و قعدت نفتش و هي مخلوعة دورت مليح في الدار و جيت خارجة قلت ليها علابالي تكوني رسلتيهم مع كش واحد تعرفيه للبلاد لي راكي رايحالها بصح غير هادي لي متكونش مشيت و انا منارفية ..رجعت للدار و قلت لبابا وش ندير ضرك معاها علاه راها تكدب عليا درت فيها لامان و دارت عليا و غدرت بيا مولاش كاين الثقة فالناس
قالي بابا وش كون قالك هي بلاك كريم قلتله لا راك غالط انا قالولي مراة ..قالي و بلاك رسل مراة تجيبهمله باه ميشكوش فيه ..اه صح كيما راك تقول يكون هو... الرخيس ضرك نروحله ..بابا قعد يقولي استني متروحيش وحدك استني ...و انا مدرتش على هدرته ركبت اللوطو وصلت للفيلا قعدت نضرب في الباب بيديا و رجليا حلت الخدامة دفعتها و دخلت قلتلها وين راه كريم ...قعدت ساكتة حتى هود هو قالي نعم وش تحتاجي...شديته من تريكوه قلتله وين راهم ولادي وين درتهم علاه تخليني مشغول عقلي عليهم ...قالي ببرودة معلاباليش وين حطيتيهم اخر مرة واقيلا راكي مفرطة فيهم و عايشة حياتك متنسيش انت ام و مطلقة المسؤولية كاملة عليك حاولت انا نديهم و مخليتينيش...قعدت ندور في الفيلا و هو واقف قلبتها و ملقيتهمش جمعت في الارض و قعدت نبكي قلتله الله يخليك جيبلي ولادي منجمش نفوت الليلة بلا ما يكونو عندي...قالي مهمش عندي....قلتله صحا ضرك نروح نشكي فيك عند لابوليس
الحلقة_10 🌹
قالي وين راه الدليل و لا راح تصوريني تاني كيما المرة لي فاتت...طلع و خلاني ...طلعت من وراه قلتله كريم قولي وين راهم ولادي و نوعدك نديرلك وش تبغي...قالي قلتلك مهمش عندي واقيلا متفهميش انت ايا خلاص روحي عليا خليني نريح...قلتله منروحش نقعد هنا حتى نعرف وين راحو و انت باباهم علاه راك قاعد هكا مريح بالك...قالي كنت نتمنى نكون باباهم بصح انت مخليتينيش غير هديك النهار قلتيلي ولادي معندهمش اب و ضرك وليت انا باباهم...قعدت نبكي و هو يشوف فيا من بعد قالي...متخافيش ولادك راهم ملاح مخصهم والو و عندك حل من اثنين....درت و قعدت مركزة في هدرته...قالي ولادك راهم عندي اما انك تنسيهم و تخليهم هنا و اما انك ترجعي تعيش معاهم هنا قدامي....قلتله خلاص راهم عندك انت استعرفت وحدك نروح ضرك للابوليس نشكي قالي روحي معندك حتى دليل و و لادك عمرك ما تشوفيهم حتى توافقي على شرطي قلتله علاه راك ديرلي هكا علاه تعذب فيا انا منبغيكش منقدرش نعيش معاك و نشوف وجهك كل يوم قالي و علاه تحسبيني انا ميت عليك انا درت هكا باه يرجعولي ولادي من حقي...قعدت نخمم و نتفكر فالماضي راح نرجع فهاد البلاصة لي فوتت فيها المرار و لا نروح و نخلي ولادي عرفلي نقطة ضعفي و استغلها...قلتله خلاص خليني غير نشوفهم و يقعدو عندك ..قالي اوك استني هنا
خرج و عاود رجع بيهم قعدت نسلم عليهم و نعنق و نقولهم راكم ملاح ...و هوما قاعدين فرحانين...قالتلي الاء ماما هاد الراجل قالينا هو بابا و قالينا راح نعوضكم على كلشي ...جيت نهدر لقيته يشوف فيا قلتلها واه هدا باباكم و يبغيكم كيما انا نبغيكم نخليكم عنده و نولي كل يوم نجي نزوركم هزيت صاكي و جيت خارجة و نشوف فيهم مقدرتش نخليهم رجعت للدار ...قالي بابا لقيتيهم ...قلتله لقيتهم راهم غير عند كريم هو باباهم من حقه يشوفهم...قعدت نخمم فالعرض نتاعه وش ندير وش ندير ...في الصباح مشيت دخلت لقيتهم يفطرو مع كريم و يضحكو واقيلا نساوني ملازمش نخليهم راهم عاد صغار و يحتاجو للرعاية...قالي كريم صباح الخير معليش في اللول تجيك صعيبة تصبري عليهم و من بعد توالفي و يجي النهار لي تبدي حياة جديدة و تنسيهم ...قعدت معاهم فطرت و كريم يضحك عليا و يتمسخر قالي وش مزالك تقري مزال متعرفتيش على كش واحد ....قلتله متعرفت على حتى واحد من بعدك كرهت الرجال و عمري ما نخمم نرتبط بواحد انت عقدتني و دمرتني...قالي اششش متهدريش هكا قدام الولاد و روحي ضرك لخدمتك انا لي نوصلهم و نجيبهم .
جا دايهم قلتله استنى راني قابلة نرجع نعيش هنا بصح على جال ولادي برك متفرحش بزاف...قالي امالي ديري في بالك تاني انا منبغيكش نكرهك فهمتي تزوجتك غير بسيف عليا و زدت كرهتك من نهار لي ورطتيني مع هديك البنت و انا لي راني داير فيك بليزير كبير و خليتك ترجعي تعيشي هنا....مشا و خلاني نبكي و دمعة مبغاتش تحبس....رحت انا و كريم و عقدنا مرة اخرى و رجعت عشت معاه و كي لعادة هو دار و انا في دار و معايا ولادي ....فاتو الايام و حنا مع بعض كان يتبدل بزاف كي يقعد مع الاء و علاء يرجع حنين ..يتهلا فيهم و حتى هوما ولاو يبغوه...غير انا لي مقدرتش ندخله لقلبي...جا اليوم لي رجعت فيه من الخدمة لعشية سقسيت الخدامة ادا جا كريم قالتلي مجاش عيطت فالتلفون لصاحبه قالي داوه لسبيطار ...مشيت فتت على لاكراش ديت ولادي طلعتهم وصلتهم للدار من بعد قلت علاه منروحش نشوف وش بيه





الحلقة_11 🌹
قلت للخدامة متروحش و تعس الولاد و مشيت للسبيطار لي قاعد فيه كريم دخلت سقسيت الطبيب قلتله وش كاين وش بيه كريم ..قالي يا مدام راجلك مقعدلوش بزاف و يموت و معندو حتى حل لوكان دوري بيه الطبا تاع العالم ميبراش بقالو شهورا برك و يموت و الله اعلم قلتله وش المرض تاعه قالي المهم مش مهم مرضه المهم ديري كيما قلتلك اتهلاي فيه و ربي يصبرك و يكون معاك...انا كي قالي هاد الهدرة جاتني عادي كنت نكرهه و قلت هادا و قليل فيه رجع كريم للدار و قعدت نشوفه كل يوم يزيد يبان عليه المرض في لاول كان يخرج و من بعد قعد فالدار بسيف يتمشا و من بعد مولاش يتحرك من سريره تما عرفت صح لي قاله الطبيب و مبقالهش و يموت و يخليني قعدت نسهر عليه الحاجة لي طلبها نعطيهاله و حتى الدوا لي كتبهله الطبيب كان غير فيتامينات خاطر حساب وش قال معندهش دوا ..
و جا يوم لي كان قاعد فيه كريم على السرير و انا مجمعة حداه قالي نوال سمحيلي انا في الاول كنت باغي ننتقم من باباك و نرد حقي خاطر هانني قدام الناس و مع الوقت حبيتك و دخلتيلي قلبي كان يتكلم بسيف و عينيه بسيف يحلهم...قالي كامل نغلطو فهاد الدنيا و ربي يغفر لينا و انت مقدرتيش تنسي الماضي علاه هكا وش حبيتي نديرلك باه تسامحيني ...كي قعد يهدر هكا الدموع قعدو يهبطو بلا ما نفيق قلتله خلاص راني مسامحاتك و اسمحلي حتا انا كنت قاسية معاك و معرفتش قيمتك غير بعد ما حسيت رايح تخليني فاتو هدوك الايام مرار عليا كنت نتفكر كل الحاجات لي دارهم على جالي...بصح كيما يقولو لا نشعر بقيمة ما نمتلك الا بعد فقدانه.......زدت تقربت من كريم و حبيته بصح بعد فوات الاوان





الحلقة_12 والاخيرة 🌹
فااتو ايام و جا اليوم لي قعدت مع كريم و قلتله كريم حتى انا نبغيك و لوكان تبرا و ترجع كيما كنت في الاول نفوتو احسن ايام نخرجو نحوسو نزهاو و نعيشو كيما كامل المتزوجين...قالي خلاص غدوة راني رايح لفرنسا نتعالج تما و نرجع قلتله و ادا مرجعتش قالي متخافيش نرجع و نديرلك كل لي طلبتيه..ودعته في المطار و نسيت كل الايام الخايبة لي فوتها معاه و تفكرت حنانته مع الاولاد و معايا...فات شهر ورجع كريم طبطب في الدار حليت كانت مفاجئة قعدت نعنق فيه بلا ما نفيق و قلتله الحمد لله على سلامتك توحشتك
طلعت هاد الهدرة من فمي بلا ما نفيق بروحي و كريم كان فرحان كملنا حياتنا مع بعض و اكتشفت انو ورا كريم القاسي كاين كريم الاب المثالي الحنين الطيب...و بخصوص صبرينة كانت على اتصال بماما و انا كنت حشمانة نهدر معاها و نعتدر منها حتى جاتني ماما و قالتلي صبرينة راهي حامل عيطتلي ضرك و راهي فرحانة ...فرحت معاها و قلت هادا هو الوقت لي نعتدر فيه منها خاطر تكون فرحانة و تنسا كلشي رحت عندها لبلادها حلت عليا الباب و قعدت مشنفة عليا دخلتني و طلبت منها السماح ...قالتلي انا اصلا مزعفتش منك و عذرتك مشي ساهل تفقدي ولادك بصح بغيت ندلع عليك و جات سلمت عليا و فوتنا حياتنا هانية ...بعد سنين كنت قاعدة مع كريم نتفكرو الماضي لي فات علينا و اعترفلي بسر خطير قالي انا ممرضتش و تفاهمت مع الطبيب غير باه تسامحيني كان اخر حل ليا...نظت و قعد نظرب فيه بالوسادة و هو يضحك و قعدت نضحك معاه بلا ما نفيق ...
🌹💜🌹💜 #النهاية 🌹💜🌹💜
نستنى رااايكم إن شاء الله تكون عجبتكم 😍😍
حبيت تكون خفيف ظريف 😅😅