ياسيدة الغرور

البارت 4

#سيدة الغرور
البارت الرابع
آلُكآتٌبْه وآلُروآئيَه بْنْيَنْ آلُبْصٍرآويَ

قٌدِ يعٍوُدِ الُِماضي يوُماً ما
وُتفُتحٍ تلُِڪ الُِحٍڪايات من جٍدِيدِ ..!
رٍبَما نخـسرٍ الُِڪثيرٍ ..؟
وُنتألُِم بَصمت!
وُتبَدِئ الُِدِموُعٍ فُي سيلُِان لُِا ينتهـي
رٍبَما نترٍڪ ڪلُِ شُي وُحٍتﮯ الُِابَتسامهـ
لُِاننا حٍقٌاً سنتغيرٍ معٍ قٌدِوُم الُِايام وُحٍقٌيقٌهـ مايخـفُيهـ الُِآخـرٍوُن فُي قٌلُِوُبَهـم

البارت 4

زينب بحده ...
احجيلي منو كوثر؟ وشنو ماضيكم القذر المتريدونا نعرف بيه شنو الذنب الي ارتكبه بابا او عمامي قبل؟

الام -
نجبي ولججج طاااايحه الحض لا تمسلتين كااافي وولي خليني اكمل طبخي انا منا دايخه وانتِ تردين تحققين!

زينب-
هااا يعني صدگ اكو صخام صاير بـ (الماضي) ...؟

- گتلج انجبي وولي واكلي تبن كااافي اسكتي ديري بالج اجيبين اسم كوثر يم ابوج ترى تتعاقبين ع شي انتِ بغنا عنه!

- اوك ماما اني رايحه بس لا عبالج اسكت ع الموضوع والله لو صارله الف سنه هم ابحوش وعرفه

- وليييي ام راس اليابس يمه منج ومن عنادج طايحه الحض امداج لا طلعتي عليه ولا ع ابوج كل خير مابيج فالحه بس تصيح النهار كله
وهاااا يكون بعلمج انتِ انسانه فاشله ومراح تحققين اي هدف بحياتج تعرفين ليش؟
بسبب عنادج وعصبيتج المالها داعي
هو انتِ انسانه بلايه هدف مخلصه حياتج اكل
نوم
وصياح

- شبيج ماما شسالفه شهل العداوه والكلام القاسي هذا شنوو كله ضامته بقلبج والله حسيتج مرت ابوي مو امي كلامج مثل السم

- سم ايسمج حيوانه دووولي

زينب ...
صعدت واحس راسي يريد ينفجر من كثره التفكير والقلق والزاد الطين بله كلام امي العزيزه حطمتني والله!
ليش هيج اني بتها مو عدوتها!
اول مره اشوف ماما تحجي وياي بهل اسلوب؟

.................................

زينب ...
مضت الايام مثل ماهي احسها بدون طعم استمر زعلنا اني وماما اسبوع وحتى لا اكل وياهم ولا اگعد يمهم
بس قررت اروح لانسانه تحبني ووواكيد حتتفاهم وياي
اي اي عمتي ام قيس
مره مؤمنه وتگول الحق لو ع گطع رقبتها اكيد هي حتفهمني الموضوع بس خلي اشوفلي طريقه اروح بيها ...؟

جاي افكر ودخلت فاتن ووياها بنيه حلوه ومبينه بعمرها

فاتن -
كيفك ياحلوووه اعرفج صديقتي رند ويايا بـ المدرسه صارلها سنين

رند -
السلام عليكم شلونج زينب؟

- وعليكم السلام هلو حبيبتي الحمد لله تمام تشرفت بمعرفتج