مابين الاثنين

لمحه عن القصه

مرحبا هذي اول قصه الي هنا واتمنى تدعموني بيهه وتعجبكم وتنبهوني عله الاخطاء وعله الايجابيات والسلبيات بيهه ونشالله تنال اعجابكم راح اتكلم نبذه كبدايه للقصه او بشكل عام ،،،،

انه مو كاتبه محترفه بس اطمح الى ان اكوم كاتبه قصص وروايات محترفه ونشالله احقق هالشي بوجودكم وتفاعلكم وياي ،،

القصه هذي تتكلم عن شاب وبنتين وواللختيار مابينهم البنتين وحده عايشه خارج العراق في اوروبا والثانيه بالعراق والشاب ايضا من العراق لكن مستقر باوربا ،،تعالو اخلي الشخصيات يعرفون عن نفسهم الكم،،،

رهف : مرحبا انا اسمي رهف من العراق واعيش بالعراق من البصره عمري 20 وادرس جامعه كلية العلوم مرحله ثانيه وعندي هواي اهداف بالمستقبل انشالله حابه اكمل دراسات عليا ورا ما اخلص دراستي واسافر واعيش واشتغل بتركيا لان اقاربي اغلبهم هناك انه عايشه وي جدتي بالعراق امي وابوي منفصلين وكل واحد تزوج وشاف حياته انه وجدتي عايشين ببيت واحد وهذي نبذه عامه عني وطبعا انه محجبه ,,,,

ايلين : مرحبا انا اسمي ايلين من العراق واحجي عراقي وي اهلي واقاربي بس انه عايشه بفرنسا قبل اربع سنوات اجينه انه وامي وابوي وخواني  لفرنسا عمري 22 تاركه الدراسه بس عندي شغل احبه وهو اسوي هدايا وابيع عندي صفحه عالانستكرام اسوي هدايا واخوي يوصل للبيوت عندي 2 خوات وانه الثالثه و2 اخوان خواتي وحده عمرها 7 سنوات تدرس ابتدائيه واسمها فرح والثانيه عمرها 17 ايضا تاركه المدرسه واسمها تقى والثالثه عمرها 20 تدرس جامعه مرحله اولى طب اسنان واسمها سوسن اخواني واحد عمره 25 اسمه فهد بس فهد عايش بالعراق مو ويانه متزوج هناك ومستقر وطبعا يدرس كلية علوم والثاني اسمه احمد عمره 30 ايضا مستقر بالعراق ومتزوج وانه مامحجبه وهذي نبذه مختصره عن حياتي ،،،

ليث ؛ مرحبا اني ليث من بغداد لكن مستقر بفرنسا صارلي سنه عمري 26 متخرج من جامعة الاداره والاقتصاد قسم ادارة اعمال عندي اخت وحده اكبر مني عمرها 28 سنه مامتزوجه ويانه عايشه اسمهه اسيل انه وامي وابوي واسيل اجينه  لفرنسا قبل سنه نريد ناخذ الاقامه ونرحع للعراق طبعا اقاربي واصدقائي كلهم هناك انه انسان اجتماعي جدا عندي اصدقاء خير من الله بنات وشباب ومن كل البلدان يعني اله شوي اصير مشهور هههه هذه نبذه عني بشكل عام
_________________

الكاتبه : طبعا تكلمت عن الشخصيات البارزه او الشخصيات البطوله بالقصه والي راح تدور الاحداث حولهم اكثر شي نشالله تعجبكم البدايه او المحه عن هذي القصه ونشالله اذا شفت تفاعلكم ابدي اكتبهه

🌸🌸
🌸🌸

🌸🌸
🌸🌸