- لا تخخسر ڪِرآمتک وﺈنت تحآول 🥀🚶♂
- ﺈلاهتمآم بشخص لا يهتم لفقدانک 🌞🙂
هِاجر/كتلك اعلى ما بخيلك اركبا وسديت تلفوني واني كلي ارجف دموعي تصب وخاله ايدي
ع كلبي من الي راح يصير ادري بي حقير ومو هين وراح يسوي شي جبير
سمر/خليت ايدي ع ايد هاجر وكلتلها لاتخافين. اني وياج والله يساعدنه انشاء الله وماطول
انتي ندمانه ع السويتي الله ما راح ينسانه
قصور/جنت اريد اطلع عساس عدنه كعده وي وحده من العشاير. صعدت بسيارتي وستوني فار السويج
امجد/ههههه هلا بشيخ قصور.
قصور/التفتت ع الواكف هلا بيك اتفضل
امجد/والله يا الله شيخ وعكاله يهز الكاع وبنته ومرته لاعبات لعب
وليد/اني جنت جاي ع قصور لان اتعودت بين فتره وفتره اتردد عليه بس هو ماينطيني وجه
لاكن هذا الشي مو بيدي صديقي وما اكدر استغني عنه وعسى ولعلى يجي يوم ونرجع مثل
قبل بس شفته جاي يحجي وي واحد ونزل عصبي من السياره وكفت ابمكاني كلت خل ايخلص
كلامه
قصور/رجفن رجليه من حجايته شنووو نزلت من السياره ودمي فاير شنوو شنوو كلت ولزمته
من قميصه
امجد/وخر ايدك ياشيخ ودفعت ايده اي السمعته بنتك عدها علاقه وياي ومرتك طلعتلي
بنصاص اليالي
قصور/هذا انت ياااااااكلب وهجمت عليه بس هو فاجئي ورفسني ابطني وطحت ع الكاع
وطلع مسدس وطااااااخ🔫. اسمعت الطلقه بس ماحسيت بحرارة الرصاصه كل ضني اني
ميت بس العجيب اني فتحت اعيوني وكل الم مابيه بس احس بحمل ثكيل علي باوعت وشفت
وليد فوكي ومدمي
فاضل/احنه سمعنه الاطلاقات طلعت بر وشفت الشيخ اوليد. بالكاع ماعرف من المتصوب بيهم
بس شفت الولد ايذب اسلاحه وصعد سيارته ونهزم اني اخذت سيارة الشيخ وتبعته وخابرت ع
شكم واحد لحكوني حتى انلزمه
قصور/لزمت وجه وليد بيدي وباوعت عليه اي هذا اخوي اي هذا وليد. هاذا رفيقي هذا
صاحبي هذا بير اسراري اي هو هذا دم وليد. ع ملابسي اي هذا الي صديت عنه هواي وجنت
اكابر واني ابأمس الحاجه اله اي هو الي جنت اتمنه اشتكيله وهو يطبطب علي بس كبريائي
ماسمحلي هذا هو الي اتشرف يصير زوج اختي بس غروري منعني اعترف وحكمت علي
بالغلط اي اتذكرك انت كتلي وسويتها اتذكر. من جنه نمشي واحنه بعدنه بسن المراهقه
كتلي. قصور. اني مستعد افديك بهذا وانت تأشر ع كلبك واني كتلك نفس الحجي بس
انت وفيت. واني ابيش جازيتك بالاحتقار اني ما استاهل هذا منك وليد وليد. يخوك كوم انت
ماميت كوم خل انكمل سوه كوم معقوله تتركني وحنه من الطفوله سوه وشبينه سوه خلينه
نكبر ونشيب سوه ولو لفه الموت هم نمشيله سوه كوم خل ازفك بيدي واسلمك اختي وخليها
بيدك واتشرف بيك وليد. لاتكسرني بيك صدك اني شيخ وشايل عشيره ع جتفي بس محد
يكسرني. غيرك. كوم ولاتكسرلي ضهري ترا محد ايشيلني غيرك محتاجك يخوك كوم
اجوي الناس واخذوه من عندي وشالو. ورحت وياهم للمستشفى
فاضل/كدرنه نلزم الولد. وجبنا البيت الشيخ وحبسته بغرفتي
اسراء/فاضل. شلي صاير.
فاضل. شيخه هذا واحد. صوب ع الشيخ. بس وليد خطيه صار بوجها ويمكن مات.
قصور/دخلو. وليد للعمليات بس حالته ميؤس منها وبهل اثناء خابر علي فاضل
فاضل/الو. شيخ لزمنه الي ضرب وليد
قصور/اي. واخيراً لكيت الي راح اطلع بي حيفي والله ياوليد والله لاخذ حگ خوتنه مربع من
عنده. ورحت امشي وما اشوف كدامي
اسراء/اجت ابالي فكره شريره ابتسمت ابمكر ورحت يم الاجتماع كاعدات كلهن ويسولفن
وضحك.
امينه/ها اسراء. اليوم اهنا
اسراء/اكول ماسمعتو صوت الطلق بره
امينه/اي سمعنه بس تلكينه واحد فايخ ومتاعفي. والمطلوب هسه
اسراء/ ههههه صدك متعافي تدرين ليش لان ضرب وليد خطيه الله يرحمه
امينه/انتي شجاي تحجين.
اسراء/واحد ضرب وليد واليد مات هذا الحجيته
الكل/😳😳😳😳
في/ههههههه😭😭😭
سمر/في ضلت تضحك وتبجي بشكل هيستيري ركضت شبكتها لااسم الله عليج في
امينه/ركضت عليها وشبكتها لايمه لاحبيبتي اكيد هاي جذابها احنه كلنه نعرفها هاي حاقده
حبيبتي شصار عليج اسم الله وضليت اضرب بيها راشديات حتا اصحيها من نوبتها
اسراء/كيفكم يطبكم طوب لاتصدكون ع كلاً هذا فاضل وسئلو ورحت وصحت للخدامه وراي
وكلتلها روحي جيبي الحبوب مالت الاجهاض ماكو انسب من هذا الوكت انسوي بي الخطه
الكل مشغول ومحد راح ايحس بينه
امينه/خابرت ع حيدر كتله تعال اختك في ماعرف اشصار عليها اجه واخذناها للمستشفى
قصور/دخلت. للبيت واني اركض صحت ع فاضل. وين النذل. الحقير
فاضل/شيخ ابغرفتي
قصور/دخلت واني عيوني واصله الام راسي وصوتي مبحوح كضيته من ركبته وخنكته واني
صاك. ع سنوني والله وطحت بيدي يانذل
فاضل/ركضت وبالكوه خلصته من ايدين الشيخ
امجد/ ضليت اكح شفت الموت بعيوني
قصور/بعد ساعات من التعذيب والكتل كتله انت من. دزك علي وليش اجيت البيتي واعترفت ع
روحك ولعبت ع بنتي وحاولت تكتلني
امجد/هااا كلبك احترك انت هم حركت كلبي كبل سنوات. حركت كلبي ع اخوي الي ضاع
دمه ابسببك تذكر. لمن اخوي. انضرب طلقه وماترواحنه ردنه دم الي ضربه اجيت انت طرف
ثالث ع اساس وصرت محضر خير سويت الدم فصل وفلوس شلنه بالفلوس ها
يتبع………
أنت تقرأ
شٍأّيِّبِّ أّخَذّنِيِّ فِّصٌلَيِّةّ
General Fictionthe writer:benin rsool سَأعيد بناء نفسي ألف مرة ، وأجرب ألف طريقةٍ وألف حيلة وسأقطع لمستقبلي ألف وعد وألف ميل مهما كانت الضربة التي أتلقاها قوية سيكون الردُّ أقوى ، قد اتراجع ، قد اخسر لكنني لن أنهزم ، فعزيمتي؛ لا تُقهر 🖤.. -------×----- -------×...
