ﺄڪو منچ بعد لـو خـلصوا تشابيهج ؟! 👑♕🤍.
سمر/وفجأه اجتي ابالي فكره كمت مسحت ادموعي طلعت جنطة سفر ولميت بيها اشوي
ملابس الي والغيث وشكم غرض ولميت كل ذهبي ومجوهراتي وكل افلوس الي عندي وسديت
الجنطه ونزلتها خليتها جوه الدرج حياة. عند اهلها دخلت ع هند وهاجر لكيتهن ايدرساً
رحت الماما امينه لازم اشغلها ابشي
ماما اني جوعانه اتكدرين اتسويلي بيتزا مشتهيتها يمكن حامل هههه
امينه/ ماما بالأّول انتي زينه وليش بجيتي
سمر/ ماما سويلي بيتزا وناكل ونسولف خلي اجيب غيوثي خاف يبجي
امينه/ تددللين حبيبتي رايحه اسوي البيتزا
سمر/ طلعت برا كلت الفاضل روح جيب حليب الغيوثي لان حليبته خلصت
فاضل/ صار. شيخه
سمر/رحت طلعت الجنطه ع السريع بدون محد يشوفني اخذتها بالحديقه خليتها ابين
الحشيش وصعدت اخذت غيوثي واخذت عبايتي ونزلت اخذت الجنطه بيدي الثانيه وطلعت
ضليت امشي خطوات اشبه لركض وصلت الشارع الرئيسي اشرت لتكسي وصعدت
ابو التكسي /وين اخذج بابا
سمر/ هسه امشي بعيد عن هاي المنطقه
ابو التكسي/صار.
سمر/ياربي وين اروح اذا رحت الاهلي ماراح يستقبلوني ياربي ماعندي احد بس انت عندي
ساعدني وضليت ابجي
ابو التكسي/ بابا بيج شي احد مأذيج احسبيني مثل ابوج وكليلي
سمر/عمو فدوه اريد مكان اكعد بي يعني ايجار بس يكون رخيص لان اني حياتي بخطر يردون
زوجي واهله ياخذون ابني من عندي وينطونه الضرتي
ابو التكسي/ لا حول ولا قوة اله بالله
زين وين اهلج.
سمر/ اهلي هم واكفين وي زوجي
ابو التكسي/عمي. اكو ناس عندهم غرفه وحمام ومطبخ ازغيرون بس البيت تعبان وبيت
تجاوز بس سعره رخيص
سمر/ اي هذا هو عمو اخذني الهم
جان لازم اجذب هاي الجذبه حتى ايساعدني هذا الرجال حتى يتأثر ابقصتي خفت
اكله الحقيقه وما يساعدني ويطلعني بيها سين وجيم بس جزا الله الف خير لكالي مكان ابتعد
بي اني وابني عن انضار قصور على ما اثبت برائتي وبالفعل اخذني الرجال للبيت وجان
عباره عن خرابه وبيها طابقين قابلت صاحبة البيت حميده ام رنا مره ارمله هي بعمر امينه
تقريباً وعدها اربع بنات وحده٢٠ سنه اوحده١٧ وحده١٥ وحده ١٠ سنوات كلهن بالمدرسه
وحالتهم كلش ضعيفه امهم الي هي حميده موضفه ابشركه انترنت وراتبها يادوب يكفي
مصرف البنات ومسؤليتهن بس هي مامحتاجه الاحد وعدها بالطابق الثاني هاي الغرفه
والمطبخ واحمام تريد اتأجرهم حتى اتزيد من دخلها
أنت تقرأ
شٍأّيِّبِّ أّخَذّنِيِّ فِّصٌلَيِّةّ
General Fictionthe writer:benin rsool سَأعيد بناء نفسي ألف مرة ، وأجرب ألف طريقةٍ وألف حيلة وسأقطع لمستقبلي ألف وعد وألف ميل مهما كانت الضربة التي أتلقاها قوية سيكون الردُّ أقوى ، قد اتراجع ، قد اخسر لكنني لن أنهزم ، فعزيمتي؛ لا تُقهر 🖤.. -------×----- -------×...
