.
.
كاعدة ورة الباب ساعة 8 ونص الليل
عماتي خلو بين ايدية هيل
ورجلية بطاسة مي مملية ورد وياس
فستاني اسود وتوربان اسود
البقية واكفات وراية
مكياج محطيتة مبين بس باورد وكحل وحمرة خفيفة
السيد يردد حسنات الزواج
وبدة يعقد كرر كلمات العقد 4 مرات
بعدها سألني حور علي سلمان
تقبلين الزواج من آصف حسان سلمان
على مهر مقدمه كتاب الله وثلاث مليون دينار
ومؤخره مليون دينار
اني هنا طاح الهيل من أيدي والتفت العماتي
عيوني وكفن بيبي خزرتني
حتى شمة الي تكرهني تفاجأت
غلا سوت نفسها ممنتبها
غلا الي مؤخرها 20 مليون وعمرة
اني المؤخر مراح استلمة لأن جنت متأكدة ماكو طلاق
مراح استفاد بس كدامهن فشلتي شكبرها
رجع عاد مرة ثانية أيدي ترجف روحي طالعة
كمل كلماتة وبسرعة رديت
_نعم وانت وكيلي
كمت من الكرسي ونكثت الهيل بدو يعقدون لآصف
عمة رضاب خلت بحلگي نص جوكليتة ذبيتها
رضاب.ليش ذبيتيها
حور.ماريد
بقيت كاعدة يمهم لحد العشرة
مارادو اي مراسم فرح حتى تجمع مقبل آصف يسوون
بالعشرة ونص دخل آصف
لابس بنطرون قماش اسود وقميص أبيض بدون سترة
شال حور باسها بعدين اشر العماتي
رضاب .يلا عمة تعاي نصعدج لغرفتج
هاجر.بعدها ماتعشت
رضاب.عود يتعشون سوة فوك يلا عمةة
صعدت للغرفة وهنة وراي
نفسها غرفة آصف بس الفرشة بنفسجية جديدة
طلعلي سيت اسود وفوكة الروب لبستة
رضاب.نزعي التوربان
حور.لا عمة ابقة لابستة
هاجر.اي أحسن
سوزان.علمتنها لو لا
رضاب.خليها ورا
كعدني ع السرير وطلعن
اني مو جاهلة لهذا الموضوع لأن دارسي بالأحياء
والبنات بالمدرسة يحجن بهيج مواضيع
صح مااشاركهن واسوي نفسي ممنتبها بس أذني يمهن
لكن ماعرف شنو الي يصير بالضبط
دخل آصف قفل الباب والأضوية
اسمع تحركاتة بالغرفة لأن بقيت مدنكة
الخوف تسلل لگلبي لحد ما أتمكن منة
بخفة دفعني
بدون ميراعي رهبتي وخوفي
ولاعمري حتى مخلة بالة توسلي اني صافنة
كمية تفاجأ وألم جريت الغطة احس الغرفة جليد
هو نزل وقفل الباب ورا
طلقتين بالجو حتى يعرفون كولشي تم
رغم احنة ماعدنة هيج شي ودائماً يعتبرو خصوصية
بس شنو ؟؟ اعتبرني فصلية لو شنو قصدة ؟
أنت تقرأ
مابعد ألنهوة
Romanceانطفأت من جديد ، أنا وبعد كُل تلك المسافات كُل أقاويل الحب وقصص العشق التي باتت كاذبة . َ مابعد ألنهوة يُسلب حقي فأعود لسابع أرض لآخر نقطة صمود ، بسنيني العُجاف
