حب الملائكة ❤

البارت 9 😘

طلعوا فهد و رونق للسيارة طول
الطريق ساكتين فهد كسر السكوت
فهد : رونق
رونق : نعم
فهد : راك بنت خالي كيف اختي ما تحطي شي آخر ف رأسك
رونق : عارفة متخافش
فهد : تمام
وصلوا لبيتهم
فهد : عندك البيت فيه 4 ديران لبرى مربوعه وحمامها وداخل
دار النوم والحمام ل جنبها لك انتي والدار لي حداها لي
ودار لي ع صاله للضيوف
رونق : اوكي

عند معتز
عماد : يام اخطبيلي
جميلة : منو البنت
عماد :حلا
هبة : البنت المغروة الي اليوم فالحفلة
عماد : اي مش مغرورة
جميله : انت وين ريتها
عماد : طلعت سلمت ع منعم و وهاب بنت عمهم جليل
جميله :  وين كانوا قبل
معتز : ماليزيا
هبة متنرفزة : ماشاء الله ع كنتنا
معتز : حتى انا بناخد
جميله : منو سعيدة حظها
معتز : فرح
هبه : فرح احلا مني ومن حلا الصراحه وهي بنت طيبة مش كيف حلا

عند اروي في حوش عزوزتها <<
وردة أخت أسعد : كناتنا حطو الغدي
تهاني بعصبية : باهي

نسيت نعرفكم ع عائلتهم
الأب << طاهر
الام << رنا
خليفة << 86
زوجة خليفة  تهاني << 93
أسعد << 88
وردة << 90
ارتياق اختهم وصاحبة رونق << 2000
مجد << 91
زوجته مودة << 92

عند رونق  
دوشت ولبست شورت بنفسجي وقميص اصفر ودخلت المطبخ
فتحت الثلاجة خديت  منها حاجات
فهد : جيعان
رونق : كول
فهد : ليش مراتي ديريلي
رونق  : باه
درت بطاطا وبادنجان وطماطم و دحي وزيتون وتن وعصير
رونق : هاك سمسم
فهد : حسني كلامك
رونق : مش عاجبك طلقني هدا كلامي وخشيت رقدت

في الصباح 🌅
رونق وتت الفطور ومشت تمكيج
فهد : استشوار ع الصبح
رونق : صباح الخير
فهد : صباح النور
رونق : الفطور ع طاولة

عند عيت فضيل
وهاب : رونق مكانك فاضي
منعم : وهاااب
عامر : وووك منكم إزعاج في الصبح
وهاب : خاطره عليا رونق ليوم لمتها
جتهم ملاك
ملاك : هي الفطور
وهاب : في كريب
ملاك : مادرت
منعم : ليش
ملاك  : مش ضروري
وهاب : سمسام يا فهد تو تأكل في كريب وانا قاعد
عامر : وووك منك يا وهاب
منعم : هي اطلعو
ع السفرة
فضيل : بلا كريب
وهاب : ريت مكان رونق يا  بوي سمسام يا فهد
جليل : نفختلي راسي وانت تسمسم فيه

عند رونق
فهد : نأكل بروحي
رونق : كول
فهد : منحبش ناكل بروحي تعالي كولي
رونق : اووف باه
وجت تأكل
طق الباب فتحت رونق
دلال : استشورتي
رونق : اي
دلال : باش  ع غداء تعالي لقطة حوش عمتي
رونق : باه
دلال : وين فهودى
فهد : نعم دلال
رونق : كملت وكال
فهد : اي طبي السفرة
دلال : باي وطلعت

عند حوش طاهر
مودة : قتلك
اروي : شنو وانتي ديمه باخبارك
رنا : قولي
موده  : يام فرح بيخطوبها
اروي : عارفة
تهاني : انا أطرش في زفة 😂😂
وردة بغيرة : منو العريس
مودة : واحد اسمه معتز
اروي : عزو جمال وتربية وأصول
وردة : من وين تعرفيه انتي
تهاني : وعزو أخرى حي ع أمك يا فرخة 😅😰
رنا : من وين تعرفيه اروي
اروي : يام عزو صاحب وهاب ديما معانا كيف خوتي وصغار خالي هو أخ واعز
وردة : هداكا الي ف عرسها رونق خشلها حضناته
اروي : اي وانتي تهاني لفعة حسابك بعدين

عند رونق <<
لبست وطلعت خيال
فهد : هي انتي
رونق : باهي ولد عمتو
فهد خش : هي
رونق : باهي
فهد منصدم من بياضها وجمالها : مشاء الله
رونق : سلمك هي
فهد : هي
في السيارة
رونق : ليا زمان عن قطة
فهد : يوم مات جدك جيتي
رونق : بس مش للرفاهية
فهد : قطة الزين كله فيها
رونق : حوش عمتي ميلودة الله الله
فهد : اي
رونق : زعمك قاعدة كيف قبل هدرازة قنينة
فهد : من سنه عطاتك عمرها
رونق عيونها دمعوا : ماكنت عارفة الله يرحمها 
 
@ انا : نسيت نقوللكم أماكن السكن سامحوني زودتها النسيان
شن ندير النسيان بلوة الإنسان 😁

يتبع.........

ننسى وخلاص تقول عندي الزهايمر 😂😂😂
نكتة :
2 عزايز عندهم زهايمر مشو لجارتهم عندها زهايمر حتى هي
سكبتلهم  الشاي ونست سكبت أخرى ونست سكبت اخري
وفطريق هم مروحين الأولي : الصمصارة ماسكبت حتى كويسة شاي
التانية : اي هالكحتة 😂😂😂😂😂