D.A.R.K

first meet (Unicode)

2နှစ်ကြာသော်. . .

ဇာတ်လမ်းတွဲများတွင် စာတန်းထိုးလေ့ရှိသော အချိန်ပြစကားစုသည် 3စက္ကန့်မျှသာ ကြာမြင့်သော်လည်း ရိပ်နွေ၏အချိန်၂နှစ်သည် ဆိုးရွားသောအိမ်မက်ဆိုးများကြား လူးကာလိမ့်ကာကုန်ဆုံးခဲ့ရခြင်း. . .

'ရဲမှူးကြီးအကူအညီဖြင့် "သက်တန့်"အမည်ရသော မိဘမဲ့ဂေဟာသို့ ရိပ်နွေရောက်ရှိခဲ့ရသည်
မိခင်အတွက်တရားနာကြားမှုကိုတောင် သွားမကြည့်ခဲ့သော ရိပ်နွေသည်သိပ်အသည်းမာခဲ့သည်လား. . .

မိဘမဲ့ဂေဟာသို့ စရောက်သည့်နေ့က လူအများကသူ့အား လူထူးဆန်းသဖွယ်ဝိုင်းကြည့်ကြသော်လည်း နောက်ပိုင်းတော့အဆင်ပြေလာပါသည်. . .
သို့သော် . . တပတ်အကြာ. . ဂေဟာရောက်ပြီးတပတ်အကြာတွင် ပြဿနာအကြီးအကျယ်တက်ခဲ့သည်

မိဘမဲ့ဂေဟာတွင် အခမဲ့ပညာလာသင်ကြားပေးကြသောဆရာများရှိသည်
ရိပ်နွေနှင့်အတန်းတူသူများသည် ဆယ့်နှစ်ယောက်လောက်သာရှိသည်
ဆရာစာသင်ချိန်တွင် ရိပ်နွေထိုင်သောခုံ၏နောက်တန်းမှ အသားရည်ခတ်လတ်လတ် မျက်နှာစုတ်ချွန်းချွန်းနှင့်တစ်ယောက်သည် 'ရိပ်နွေ'ဒီရောက်ကတည်းက ရိသဲ့သဲ့အကြည့်များဖြင့်ရိပ်နွေအားစိတ်ကျဉ်းကျပ်စေသူ

အခု အနောက်တန်းမှ ရိပ်နွေနားသို့ကုန်းလာကာ 'ရိပ်နွေ'နားနားသို့ကပ်ပြီ:
'ဟေ့ အပုန်းလေး ခြောက်နေရင်လဲရဲရဲပွင့်ချလိုက် ကျားချင်ယောင်ဆောင်မနေနဲ့ကွ '
'လှတာတော့သိပ်လှတာကွာ မင်းရဲ့နောက်ပိုင်းလေးက'

'ဝုန်း!!'
ရိပ်နွေစားပွဲခုံကိုအားဖြင့်ထုကာ မတ်တပ်ထရပ်လိုက်သည်
နောက်. . စားပွဲပေါ်မှဆွဲလက်စဒေါက်ဆူးချွန်ကိုကောက်ယူကာ ထိုဆုတ်ချွန်းချွန်းကောင်၏လည်ပင်းနှင့်ပုခုံးစပ်ကြားနေရာသို့လှည့်ထိုးချလိုက်သည်

အဖြစ်အပျက်များသည် မျက်စိတမှိတ်အတွင်းသိပ်မြန်ဆန်လှသည်. . .
အထိုးခံရသော ကျောင်းသားသည် ဒဏ်ရာကိုတုန်နေသောလက်ဖြင့်မထိရဲထိရဲလုပ်ကာ တော်တော်သွေးလန့်သွားပုံရ၏
ဘေးမှကျောင်းသူကျောင်းသားများအော်ဟစ်သံများကြားရသည်
ဆရာသည် စာသင်နေရာမှ အပြေးအလွှား'ရိပ်နွေ'တို့နား ကသုန်းကရုန်းပြေးလာနေသည်