Unicode
မနက်ခင်းမှာ ဆူညံပွက်လောရိုက်နေတဲ့ အသံတွေကြောင့် Yibo တယောက် အိပ်ရာက လန့်နိုး လာခဲ့တယ် နိုးလာတာနဲ့ သူဟာချက်ချင်းပဲ ဆတ်ခနဲ ထောင်မတ် လာတယ် ခေါင်းပြောပါတယ်
ဒီနေ့က ရှားရှားပါးပါးသူ့ရဲ့ duty off လေးမို့ အပြတ်အိပ်ပစ်မယ်စိတ်ကူးထားတာ အခုတော့ပျက်ပြီ
ဆက်အိပ်လို့မရတော့တာမို့ အိပ်ရာပေါ်က ကုန်းရုန်းထပြီး ပြတင်းပေါက်ဆီ သွားကြည့်လိုက်တယ်.....
Yibo ရဲ့အိမ်က နှစ်ထပ်အိမ် သူ့အိပ်ခန်းက အပေါ် ထပ်မှာရှိတယ် အိမ်က တယောက်ထဲ နေတဲ့ Yibo အတွက်တော့နဲနဲကျယ်တယ် ဒီအိမ်က တကယ်တော့အမွေရထားတာ ပါးပါးနဲ့မားမားက တဦးတည်းသောသား လေး ကို တယောက်တည်း စောစောစီးစီး ထားသွားကြတယ် ထားလိုက်ပါတော့ ဒီအကြောင်းတွေ သူပြန်မတွေးချင်ဘူး စိတ်မကောင်းစရာတွေ သူ
ပြတင်းပေါက်အပြင်ကို ကြည့်လိုက်တော့ လူ တအုပ်က ပစ္စည်းတွေ သယ်နေတာ တွေ့တယ်
ေသြာ် သူ့ရဲ့ဘေးအိမ်ကို လူအသစ်ပြောင်းလာကြတာပဲ အဲ့အိမ်ကလည်း နှစ်ထပ်အိမ်ပဲ ဒါပေမဲ့လူမနေတာ ကြာပြီ ခုမှ လူပြောင်းလာကြပုံရတယ်
အိမ်နီးနားချင်းကောင်းတွေ ဖြစ်ဖို့တော့ ဆုတောင်းရမှာပဲ
ဒါပေမဲ့ အခုဟာက အိမ်ပြောင်းတာ လေးကို အဲ့လောက်ထိ ဆူညံဖို့လိုလား အထူးသဖြင့် ကောင်လေးလား ကောင်မလေးလား မသိတဲ့ ဆယ့်ငါးဆယ့်ခြောက်လောက် ဟာ လေးက အသံစာစာ နဲ့ စကားအကျယ်ကြီး အော်ပြော နေတာ သူ့အိမ်ထိပါကြား ရတယ် တရုတ်လိုတွေရော အဂ်လိပ် လိုတွေကော ဘာတွေမှန်း မသိ ကုန်းအော်နေတာပဲ အဲ့ဟာလေးကလည်း ဆံပင်ရွှေရောင် အုပ်အုပ်လေးနဲ့ဆိုတော့ ထူးတော့ ထူးထူးခြားခြားလေးပဲ
Yibo လည်းမစပ်စုချင်တော့တာနဲ့ ပြတင်းပေါက်လိုက်ကာကို ချပြီး ကုတင်ပေါ်ပြန်တက်လိုက်ရင်း ဂိမ်းဆော့ဖို့ ပြင်တယ်
အလုပ်အားရက် ဒီလောက်တော့အပန်းဖြေရမှာပေါ့....။
Yibo တယောက် battle ဆိုင်နေတုန်း အောက်ထပ်က ဘဲလ်တီးသံ ကြားရတာမို့ စိတ်ပျက်ပျက်နဲ့ ဖုန်းကြီးကိုင်ပြီး ဆင်းလာလိုက်တယ်.... ။
တံခါးဖွင့်တော့ ဟိုဟာ လေး ပြောရရင် စောနက အော်ဟစ်နေတဲ့ ဟိုဘက်အိမ်က ဟာလေး ဒီဟာလေးက သူ့ကို နှောင့်ယှက်ဖို့များမွေးလာသလား ပဲ အခုမှ မြင်ဖူးပေမဲ့ ဘယ်လို အကျိုး ပေးမှန်းမသိဘူး အမြင်ကပ်စရာလေး....
အနီးကပ်ကြည့်မှ အဲ့ဟာလေးက ယောကျာ်းလေးတယောက်မှန်းသိရတော့တယ်
သိရဆို လည်စေ့က အပြူးလိုက်ကြီးနဲ့ကိုး...... မျက်နှာလေးက တော့ မိန်းကလေးရှုံးအောင် လှတာ တော့အမှန်
အသားအရည်လေးက ဖြူတာထက်ပိုပြီး ပန်းရောင်လေးသန်းနေတယ် နှာတံပေါ်ပေါ်လေးနဲ့ မျက်လုံးကတော့ တရုတ်တွေလို မို့မို့အစ်အစ်လေးပဲ
ထူးထူးခြားခြား ဆံပင်တွေက ရွှေရောင်လေးတွေ....ကြည့်ရတာ
ကပြား ဖြစ်ပုံရတယ်
