لماذا انا

البارتات13___14

#لماذا_انا. 13
#البارت_الثالث_عشر
#عبير_السراي

الى ان يوم اندك باب الغرفة ودخلت. رهام...

تفاجات.... رهام ... تفضلي...
رهام:: مرحبا.ادخل لو تطرديني..
اية:: لا ليش اطردج.. هاي مو اخلاقي...تفضلي اهلا وسهلا...
رهام:: زاد فضلج... شنو علي طالع...
اية :: ايي والله طالع... كعدت على الجرباية. وعيونهة تلعب منا ومنا.. تباوع على تفاصيل الغرفة... بس اني توترت لان ادري وراهة شي مجاية خالية ..
رهام:: شخبار الحمل وياج..
اية:: الحمد لله تمام... ماشي..

رهام:: عرفتوا ولد بنية..

اية:: لا بعده ممبين بس نبضه بين ..

رهام:: بين نبضة ؟؟ ليش شكد عليج...

اية:: هاا... شهرين ...

رهام :: شلون شهرين.. ليش صارلكم شكد متزوجين ....
اية::  تقريبا شهرين....

رهام:: بس النبض ميبين من شهرين اقل شي شهرين ونص. .او 3 اشهر... وحتى طلعت عندج بطن مال وحدة داخلة بالثالث...مو بالثاني ..

اية:: مممااعرف بعد...

رهام :: تذكريني بسواية وحدة اجتي لبيت عيالهة  وهي حامل... تصوري شكد.. منحطة..

اية بتوتر :: واني شدخلني بالوضوع....

رهام:: منو كلج الج دخل دااكولج ذكرتيني...

اية:: اهااا...
رهام :: اكولج اية...فدووة سؤال محيرني..
...مثلا اذا وحدة غلطت ويه واحد وتزوجهة وحبلت قبل الزواج الطفل ابن حرام لو حلال...
اية:: ضليت صافنه بوجههة .. معرفت شنو اجاوب ..فعلا خفت منهة ...
:: مااعرف.!!
رهام:: لازم واحد يسال... شتكولين.....

اية:: خفت احجي استفزهة وتجرحني بكلامهة ...سكتت.. ...هزيت راسي. بمعنى ايي..
ورحت للثلاجه مالتي طلعت عصير وقدمته الهة مردتهة تشوف ردت فعلي.. وتوتري...

رهام:: اكولج علي فرحان بحملج..

اية:: شي اكيد ..يعني كيان مفرح من حبلتي برسل...
رهام:: طاار من الفرحة.. فديته يمووت عليه .. يكلي انتي اشرف وحدة شفتهة...

اية:: يعني قصدة من بيت اهلج اشرف وحدة لو شنو...
رهام:: شنو تقصدين يعني اهلي ماعدهم شريفات...
اية؛: لا مو اني الكلت انتي الكلتي... اساسا كلامج مبي كل  ربط... عندج شي تردين تكولينه كولي وبلا لف ودوران...

رهام:: اهاا يعني احنه موشريفات..على الاقل..محد بينه سلمت نفسهة لواحد غريب.. واخذ الي يريدة منهة  وستروهة.كووة واجتي حامل. من بيت اهلهة.....

اية:: اطلعي برى.. لا اراويج. وجهي الحقيقي..... تقربت عليهة.
رهام:: بله راويني... شتسوين...؟؟ اراويج اني شسوي..
اية:: انتي شتردين مني  مايوم ضوجتج لو سمعتج حجاية... ...
رهام:: اخذتي علي من اختي ... وتدرين اختي تحبه...
اية:: واني شلون اعرف اختج تحبة...