▪︎الفيليبين-جزيرة بوراكاي▪︎
جزيرة معروفة بالرمل الأبيض و لي تتمتاز بواحد من بين اجمل الشواطئ فالعالم رغم صغر حجمها الا انها ذات شعبية كبيرة فالفيليبين كونها معروفة بالليالي الصاخبة لي تتجذب السياح و المحليين باش يستمتعو بوقتهوم...و في الشاطئ الأبيض كانو الناس مشتتين بشكل كبيير و كثاافة ملحووظة حيت كان فصل الصيف..الشمس ساطعة و الحرارة عالية كلشي لابس البيكيني ديالو، البنات فمختلف الأعمار و الأشكال كل وحدة ضاربة دوبياس مبيينة بيه تضاريس جسمها المنحوتة ولا العادية و الشبان غير معلقين عينيهوم فلي غادية و لي جاية و من بين هاد الشبان كانو واحد الرباعة متكونين من 4 ديال المغاربة جالسين فوق الرملة لبارح حطاتهوم طيارتهوم فهاد الدولة باش يقضيو فيها عطلتهوم الصيفية و كانت هاد الجزيرة هي اختيار واحد فيهوم لهاد العطلة هادشي عادي و مولفينو هاد أولاد الطبقة الغنية لي تزادو بملعقة ذهب و لقاو كلشي موجود فحياتهوم...
من بين هاد اولاد الطبقة الغنية كان واحد الشاب عشريني لابس شورط السباحة فالكحل و معري على عضلاتو البارزة بفضل ممارسة الرياضة...
زياد: واش ماعييتوش من التحنزيز؟؟
أسامة متبع عينيه لواحد المترمة: خليني اصاحبي هادشي HD هنا
رضوان: وا صاحبي شوف ليك ديك الزعرة (ناض)غنمشي عندها
شدو شكيب: فين غادي مالك زربان؟؟
رضوان: وا طلق مني اصاحبي غتمشي الزعرة
شكيب ناض: وا صبر نمشي معاك گالاك عجباتني السميمرة لي حداها
بتاسم ليه رضوان و تسالمو سلام العشران و مشاو لعندهوم فرحانين...
زياد شد وجهو: واش هاد مول اليخت مزال ماصونا عليك؟؟
أسامة ساهي فواحد الطرف تتلبق ليه مولاتو واقي الشمس...
زياد بصوت عالي: وااا أسامة!!
أسامة فاق من عالمو: اش كاين؟؟
زياد: اش قال ليك مول اليخت؟؟
أسامة ممفاكش تيشوف بنص عين فمولات الطرف: امم قال ليا غنصوني عليك
زياد ناض:انا نمشي نتمشا شوية بينما جا
أسامة مامديهاش فيه: واخا غير سير
مشا زياد تيتمشا غادي وسط الناس حتى بقا غادي مع الشاطئ لي كانت رمالو بيضااء ساهي فالمياه الزرقاااء النقيييية بزاااف بحال زروقية و صفاء السماء شافوه شي دريات و بتاسمو تيوشوشو لبعضياتهوم ولكن هو اخر همو هادشي باغي غير يدوز عطلتو و ينسا ضغوطات الدراسة ديالو عكس صحابو لي جايين خصيصا باش يشوفو التيتيز الفيليبيني و سياحو لي تيجيو سنويا من مختلف بقاع العالم...
أنت تقرأ
حــــلــــم حــــوريــــة البــــحــــر🐚🧜♀️|🇲🇦
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🐚🧜♀ حــــــلـــــــم حــــــوريـــــــة البـــــــحـــــر 🧜♀🐚 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 _____________________________________...