اللهم صلي وسلم علي سيدنا محمد
صحيت الصباح بدري انا وتالين وفرحانين الليله حنمشي السوق نشتري حاجات العرس وكده الفرح داير يكتلنا وجري مشينا اتجهزنا ..انا ولبست لي اسكيرت اسود مورد ب البمبي تحت الركبه شويه ومعاه بلوزة بيضاء فيها ورده بي البمبي في الكتف وطرحه اما تالين لبست بنطلون جنز وقميص رمادي وطلعنا مع عمو خالد الشوفير حقنا ومشينا م خلينا حته وﻻ سوق او مول م دخلنا خمينا الدنيا دي كلها اسكيرتيات وفساتين واسبورتات واكسسوارات وعطور التقول شيله المهم رجعنا البيت منهكين وتعبانين شديد عمو خالد دخل معانا الحاجات واشترينا ليهو ريحه وقميص ووبنطلون فرح بيهم شديد وطوالي ي النوم جاك😴😴 زول م صحينا اﻻ تاني يوم 🌞
طبعا العرس ببدأ الليله عرس خالو عمر حبيبي 😍😍 وبدينا نتجهز شي عروكات وشي ماسكات اتحبسنا عديل 😂😬😬
دقيق دقيقه نحن م اتعرفنا
يﻻ انا اسمي ﻻرين واختي بت خالتي الله يرحمها اسمها تالين وربتها امي واصﻻ فرقنا يوم واحد انا ب النسبه لي هي اي حاجه دي اختي الماولدتا امي غرفتنا عواحده وافكارنا واي حاجه يﻻ نحن عيلتنا غنيه شديد يعني مرتاحين شديد وضعنا فوق الممتاز واي حاجه عاوزنها بنحصل عليها امي اميره وابوي فيصل عندو مكانه في وزاه التربيه والتعليم العالي وعندو شركات واراضي المهم م نحن ممتحنين تالته شهاده سودانيه 🥺🌸علينا دي نبذه بسيطه عني والباقي حتعرفو قدام طبعا انا وتالين بنتشابه شديد وجميلين تبارك الرحمان لون وشعر عادي بنقعد في ..😴😴
يﻻ الليله الحنه بتاعت خالو عمر يﻻ رحلنا عديل مشينا البيت الكبير بت جدو ابو امي وخاﻻتي وخﻻني كلهم واتلمينا والجو ظابط ونسات وجبنات ومشينا الكوفير انا وتالين علي اساس انو العروس قريبتنا وكده عملت شعري ب اللون الكبدي مدرج لي اﻻحمر تحت كان مبالغه ولبسنا فساتين زي بعض ب اللون اﻻسود حد الركبه مع لون جسمنا حاجه مبالغه من تحت منفوش وقابض مع الخصر حاجه في قمه الوب علي ✨✨🌸 يﻻ بقينا زي اﻻميرات الفي اسيستون ديلك وعندو بي الجمبه كده ورده فضيه ومعاه جزمه كده مفتوحه من قدام وعاليه ب الفضي ورسمنا في ايادينا ومشنا الصاله وربيناها ربه صاح م قعدنا خالص لما الحفله💃💃💃💃💃💃 انتهت واهلي طبعا صعبين ومحافظين حتي الصاله مقسومه جزئين واحد للنسوان والتاني للرجال يعني تلبسي البعجبك مافي رجال ويﻻ رجعنا البيت مع خالتو دينا ب سيارتها 😴😴✨
تني يوم الصباح 🌞🌞
وانا ماشه علي الوضايه لقيت بت صحبت امي صغيرونه كد شبكت فيني مرت خالو مرت خالو اجي ي البرقش فجأه امها جات سلمت علي وقالت لي والله بصراحه ي ﻻرين انتي عاجباني وعاوزاك لي اخوي اسامه 😍
اتفاجاته شديد طبعا 😳
يﻻ م اشتغلت بيها كتير اتوضيت وخلصته وصليت وحكيت لي تالين طبعا م بندس علي بعض اي شي
الحيوانه قعدت تزغرد وتغني حننو حننو واغاني سيره كده المهم حسستني انو الناس عقدو علي عديل 😂😂😂💔 فلقتا بي المخده عشان تسكت قامت زغرتت بصوت عالي طوالي تاني ضربتها بي مخده واخدنا لينا معركه وسادات ظابطه وطلعنا نفتش طقه ناكلها 🙈❤️
ي تري الحيحصل شنو تابعونا ..
