بعد طقينا وستفنا بطوناة بدينا نجهز لي الحفله بعدين وعملنا ماسكات واتظبطنا ومشينا الكوفير مع العروس واتمكيجنا وظبطونا شديد طبعا تالين وانت ﻻبسين فساتين ب الكوبي واﻻبيض ومعانا رنين ويقين بنات خالتو دينا ومعانا بنات ختلو عﻻء ريفان وريفال يﻻ كلنا مطقمين ب الكوبي والفضي فساتين وصنادل بي الفضي وعملو لينا نفس التسريحه والعروس لبسوها وبقينا جاهزين جانا خالو عمر ساق عروستو ومشي وبعدها جاء خالو عﻻء ساق بنات خالتو دينا وبناتو وانا وتالين ركبنا مع ابوي ووصلنا الصاله وطبعا عملنا رقصه 💃💃💃🌸كده عجيبه يﻻ كيف ( يﻻ نحن البنات بي الكوبي حولين العروس بي اﻻطراف كده وهي وسطنا ﻻبسه ابيض و ماسكه ورده ب الكوبي وهي بتتمايل وبعد وصلناها الكوشه رجعنا بعدها جو اصحاب العريس ﻻ بسين بدل ب الكوبي وقمصان سوداء محوطين العريس الابس بدله ب الاسود وقميص كوبي ووصلوه الكوشه وقعد جمب العروس ورجعو طبعا الدخله بي رقصه كده رهيبه ومنظر ارهب 😍❤️ قولو ما شاء الله )
ويﻻ بعد كده الفنانه زنقت الحفله وﻻ كضبنا انا وتالين ملصنا صنادلنا وختيناهم تحت الكوشه عشان م يضيعو 😆😆✨ وربيناها صاح حتينا قرض لما الحفله انتهت وعملنا الجرتق وكده وخﻻص اي ناس طلعو علي بيوتهم وناس خالو عمر ناس بابا وخالاتي قدمو المطار .يﻻ عشان ابوي ساق العرسان قال لي خالتو دينا توصلنا معاها وهم بي هناك من المطار برجعو البيت يﻻ م اللخمه والجوطه والوداع اتذكرنا الصنادل رجعنا نجيبها وجينا انا وتالين لقين مافي زول يﻻ ناس خالتو دينا نسونا الليله وب نعمل شنو بقينا قاعدين في طوب كده كبيره بره ومنتظرين يفقدونا ويرعو لينا واصﻻ نحن عملنا الحفله عصريه ﻻنو خالو عمر مسافر يﻻ قاعدين ومستكينين ونقطع في الناس وﻻ هامينا بث فجأه ظهر قدامنا ولد طبعنا نحن زي م وريتكم عيلتنا صعبه شديد يعني ممنوع ومحرم تتكلمي مع ولد يﻻ 😳😳😳 احساس ده منو وعايز شنو وﻻ اتفاهمنا معاهو طوالي خمخمنا فساتينا وجرينا دخلنا الصاله وطوالي تحت طربيزة كده ةوهو اتاري من اصحاب خالو شافنا وقال يجي يحل لينا مشكلتنا (معاقين اجتماعيا م علينا 😂💔) يﻻ دخلنا تحت الطربيزة ومغمضين عيونا وبندعي 😂😂💔 بث فجأه جاء ودنقر ورفع المفرش من الطربيزه 😂😂المسكين عاوز يتفاهم معانا وﻻ اديناه فرصه قعدنا نصرخ ونصرخ طبعا ال security قاعدين وحتي الserver بتاعين الصاله جونا جاريين يﻻ السكيورتي كلبشو ليك الولد وواحده من السيرفز طلعتنا من تحت الطربيزه ونحنا بصرخ والدموع م تديك الدرب 😭😭 الود اتفاهم معاهم وضرب لي خالو وضربو لي ابوي يﻻ بعد ابوي جاء طلعنا ليهو وجري ركبنا العربيه ابوي اعتزر من الولد وجانا ومشنا البيت 😴🌞
يﻻ وعدت اﻻيام ومرت
واليوم الموعود جاء قصدي يوم النتائج 🙂😐 يﻻ توتر م عادي وقلق يضرب انحاء البيت السعيد والحمد لله جبنا نسب مشرفه ﻻنو نحن اصلا مجتهدين وقدمنا جامعه الخرطوم طب وجراحه يﻻ طبعا في غنى عن اني اوريكم احساس البرالمه الفرحانين المخلوعين ب الجامعه 😂😂😆✨ يﻻ م اقتراب موعد الاستئناف نزلو السوق ﻻزوم القشر وكده ياخ دي الجميله المستحيله ❤️😍😍 (من مروة تحيه لناس جامعه الخرطوم ) يﻻ مخلينا لون طاير م اشتريناه يﻻ عشان م يبرلمونا مشينا الجامعه قبل موعد البرالمه ولفينا فيها تمام وعرفنا اﻻماكن والقاعات يﻻ وبقينا علي اهبت اﻻستعداد للجامعه ❤️
.
.
.
صحينا الصباح وشربنا الشاي بي اخر كيف ومزاج نظام البنات الكبار وكده بنات الجامعه وفجأه سمران جات جاريه دي الشغاله وقالت لينا جدو تعبان وقال داير يشوفكم 😳😳 (ابو ابوي ) قمنا جاريين جري ولقينا نفسه متضايق وم قادر يتنفس ومسك ايادينا😔😞😞
وقال لينا انا نفسي قبل م اموت اشوفكم منقبين ي حفيداتي عليكم الله اتنقبو وبعدها مباشرتا نفسو وقف مشو بي المستشفي الحمد لله طلع سليم بث تاني دخل في غيبوبه ونحن رجعنا البت مع عمو خالد الشوفير خلينا ناس امي في المستشفي دخلنا غرفتنا ونحن بنفكر في كﻻم جدو
تالين : انا اخر عمري اتنقب 😡ابقي ﻻفي بي خيمه زي شمله الدخان
ﻻرين:ي بت الراجل الخرفان ده م علينا بيكﻻمو يﻻ وﻻ تشيلي هم ارح نجهز فساتينا بكره اول يوم لينا للجامعه م تعكري مزاجك ثم ثانيا المﻻبس الجبناها دي يلبسا منو 😌🌸
"طقمو الفساتين وطلعو شيتات وقعدو يقرو الليل كلو (م قلت ليكم برلمه فرحانين بعيد مننا 😃😃 ) عشان الدكتور لو سأل يكونو عارفين اﻻجابهة نظام طﻻب طب وكده ونوريهم القد لي النمله اضنينا ولبسا حلق منو المهم الليل كلو بقرو لحدي م نامو يمكن استخدمو كوسيله ينسيهم القالو جدهم ***
الصباح حوالي الساعه 10 ﻻرين صحت ودخلت المطبخ
ﻻرين :سامرين عليك الله كبايتين حليب
وطلعت صحت تالين وقعدو يشربو الشاي ب أخر كيف يﻻ بعده لبسو وكلهم ثقه انو الليله حيبهرو القاعه بذكاءهم ومشو مع عمو خالد الجامعه واخر الدوام رجعو البيت 😴😴😴🌸لقو امهم وابوهم جو اطمنو علي جدهم وطلعو غرفتهم مع العلم انو جدهم م خرجو لسي
فيصل (ابو ﻻرين ): ي بناتي تالين وﻻرين تعالو عاوزكم في موضوع بخصوص موضوع جدكم يﻻ انا عاوزكم تتنقبو عشان خاطر جدكم وهو هسي تعبان يمكن لو شافكم نفذتو وصيتو يتحسن شويه ف ﻻزم تتنقبو 😊😊
.ومشي علي غرفته وتركهم في زهول وانبهار وانهيار مشو غرفتهم وبكو وعزو قدرتهم
ﻻرين :😭😭😭💔واي يعني المﻻبس دي خﻻص حدها الدوﻻ حنوديها وين
# وقعدو يبكو ويتذكرو اﻻحﻻم الورديه الرسموها مع بعض وكيف طاره في لمحه في فج سحيق 💔😔 كلو بسبب الخرفانده وقدو نبذو لي جدو السبعين وحضنو مﻻبسهم ونامو 😔😔💔😭 صحو الصباح لقو سمران جابت ليهم عبايات ونقابات
واي تاني حضنو بعض وقعدو يبكو وبعد نزاع نفسي شديد رضو ب اﻻمر الواقع لكن كرهو جدهم الدبسهم في النقاب ده كره شديد وطلعو الجامعه زعﻻنيين وزهجانين شديد يﻻ دخلو القاعه ومنتظرين الدكتور يجئ وﻻرين من الزعله قعدت تبكي وتالين تصبر فيها يﻻ الزمن داك الدكتور دخل وهم وﻻ جايبين خبر تالين تشيل وتحنس في ﻻرين وﻻ رين خﻻص فاض بيها بث قامت علي حيلها بدون سابق انذار وبدون وعي وبقت تقول لي تالين لي كده 😭😭😭😭😭😭😭💔😡😡 لي يعمل فينا كد ليه 😭😭😭كان داير يموت يموت مع الف سﻻمه وهو ساكت بث مافي داعي يدبثنا الخرفان ولي اصﻻ نحن نسمع كﻻمو هو منو وووووووووووووو وانفعلت شديد وهي بتبكي وتالين بتحاول تهديها ﻻنو انتبهت لي اﻻستاذ لكن بدون فايده خالص ﻻنها م واعي ب نفسها المهم نبذت العجوز قدرتها وم فضلت لي حته يرقد عليها والقاعه كلها مندمجه مع الحاصل وبعض منهم يضحك وفجأه الدكتور قاليهم انتو اﻻتنين بره دي شنو المهزله دي ؟؟
بعدها حتي وعيت علي روحي وطلعنا والناس كلها تضحك فينا ...
ي تري الحيحصل شنو تابعونا
#في الحلقه القادمه
# دي منو ي تري والصرخه دي جايه من وين ؟؟؟
#بدون م اشعر وﻻ حتي اعرف السبب امي جات نازله فيني كفوف .؟؟؟؟
#ﻻ م تموتي ي ﻻرين انا حأعيش كيف من دونك ؟؟؟
