براء:صار تريدني اكلك صار مصدك روحك انته
براء..راد يتقدم عليه تفلت بوجه
براء:وخررر مني يا منحط يله موتني يله
جعفر:خوش
شال المي البارد وشمره بوجهي مره لخ وجاب الصونده وضل يضرب ويغلط ويفشر ودفرني وطلع حاولت افك روحي من الحبل بلكوه كدرت افكه كمت مـن الكرسي واني ارجف من البرد والوجع اشوف اديناتي مشوهات من الحرك والضرب هذا الضرب الي ديضربوني كل ضنهم اني مو بنت اخوهم اني بنت حرام بقيت لليل بلمخزن وحار والفيران يفترون عليه واني ميته خوف منهم وبردانه وملابسي مبلله وجوعانه ماكو احد حن عليه ويجيبلي شي اكله اخر شي ايست محد بكلبه رحمه عليه نمت كعد بليل على صوت عمتي نعيمه
نعيمه:ولج كومي نضفي
براء:ها عمه ترا اني بت اخوج
نعيمه:منين اجيتي بنت اخوي ولج انتي بت حرام
براء:اسئلو ماما نجاه لان هيه وي بابا من سوولي تحاليل
نعيمه:نجبي لج اكيد تدافع عليج كومي نضفي وتفو عليج
براء..ضليت اصيح بصوت عالي
كافي الله يخليكم كافي موذنبي ذنب امي وقتلولتها خلص تردون تقتلوني قتلوني يله قتلوني ماريد اعيش شنو هلتخلف العدكم شنو الشي اليثبت اني موبنت اخوكم كافي الله يخليكم كافي ضلم وانتو متعرفون شي واولادكم حركو جسمي الله لا يوفقكم تفووو عليكم متتخلفين
جاسم وبصوت رج البيت رج
جاسم:ولج تعلين صوتج بنت ال.....
براء..يضرب ويغلط ويتفل القذر ضليت مابجي لان جسمي خدر من الضرب وبس الوجع الي بداخلي اكبر من كلشي ضربني على خشمي وضل ينزف وطلع بس ماقفل الباب عبالي نساه بس هذا ابد ما رجع يقفله كمت للمغسله اغسل وجهي من الدم شفت عمتي سهيله
سهيله:شطلعج
براء:عمه بس جاي اغسل لان خشمي دا ينزف شوفي
سهيله:ياايااا غسلي بسرعه وطبي لا يشوفوج ويموتوج
براء:عمه خليهم اني اريد اموت اني بعد ماتحمل اكثر من هـيج عذاب
براء..عمتي سهيله مو مثل عماتي البقيه حبابه بس تخاف من عمامي غسلت ورجعت دخلت جوه للمخزن وقفلته من جوه خاف يطبون عليه بليل ضليت اخاف حته من خيالي قفلته وكعدت اباوع على جسمي كله اثار وخشمي بعده ينزف اذكرت بابا شلون يحبني وميخلي احد يمسني بس ليـش راح كال العمامي هوه ديموتني بلموت البطيئ كعدت ابجي شوي وندك الباب صوت جعفر ابن عمي محمد
جعفر:فتحي الباب
براء:مافتح
جعفر:جبتلج سم
براء:ماريد سم
جعفر:تفتحين لۉ اكسر
براء:مافتح ولي تكدر علي سوي
جعفر:حلو
براء..مافتحت الباب ادري جـذاب يريد يطب يمي ضليت ابجي بصوت عالي واشهك واسمع تدفيرات بلباب يريد يفتحه جسمي كله ضل يرجع واشهك وابجي بصوت يبجي الصخر بس همه قلوبهم اقوه من الصخر
جعفر:لا تفتحينه بس من افتحه اني موتج على ايدي يصير
براء:مافتحه روح منا شتريد مني عليك بداعت ستر خواتك عوفني
جعفر:انعل ابوج لابو خواتي فتحي الباب
براء:منححط ماعندك تربيه ماعندك ذره غيره على شرفك تفوووو ولك بنت عمك اني شرفك بس انت واحد سرسري اهلك ممعلميك شنو الاخلاق
جعفر:منين اجيتي بنت عمي ولج هسه اخلي اهلي يعلموج شنو الاخلاق
أنت تقرأ
خطايا بريئه
General Fictionفتاه تدفع ثمن خطأ التي ارتكبته امها وتقع هي الضحيه افتحو ابواب قصتي لتعرفوا ماذا سيحصل..؟
