براء:يله حَــبيبي الساعه بـ١٠ تأخرنه هسه عمه تنتضرنه
ايهم:يله امشي كملت
طلعنه من الفندق وصعدنه بلسياره واني الابتسامه شاگه وجهي
شوي ووصلنه للبيت
تلگتنه عمه هلهلت وذبت جگلت ودانيه بصفهاا
ردت ادخل للبيت
ام ايهم:لا اوكفي حبيبتي
ولككك ماهرررر وينك
ماهر:اجيتتت
اجه ماهر وطلع دقايق وجاب الذباح وويا خروف جمدت بمكاني من الخوف غمضت عيني وعصرت ايد ايهم حيل
لان اني اخاف من شي اسمه حيوان
ذبحو
وعمه هـم رجعت هلهلت بوستني
ام ايهم:حبيبيتي الف مبروك بحضنج ولد نشالله
براء:الله يبارك بيج عمه حبيبتي
ام ايهم:حبيبي هومي مبروك شايف الخير ديربالك عليها جاي اوصيك على بتي ولك ديربالك تزعلها
ايهم:شبيج يمه توصيني على بنتي
وباس راسها
اني طفرت على دانيه حضنتها وبوستها
دانيه:شني شتاقيتلج مامتعوده هـيج تعوفيني صالج ١٢ ساعه بره البيت
براء:يااا حتى حاسبتلي الساعات لا حبيبتي بعد ما طالع يمج
دانيه:اي هو هـيج الحجي
براء:عمه وين عمامي وعماتي
ام ايهم:راحو الصبح بـ٦ طلعو
براء:يوصلون بلسلامه
دخلنه عمه سوت ريوك ونزل علاء باركلنه
وماهر ڪل دقيقٰۿ يجي يكول
ماهر:مبروك مرت اخي
براء:عرفت الله يبارك بيك كاافي
ماهر:ثول موزين ما جاي اتباركلج ترى حماج اني تحترميني لازم
براء:دروح ولي من وجهي حماي هو
الكل ضل يضحك علينه
تريكنه كلنه جمعه وحده
خلصنه ردت اغسل مواعين ماقبلت عمه كالت
ام ايهم:نچبي عوفي من ايدج صعدي الغرفتج
براء:يا ليش خل اساعدكم
ام ايهم:لا حبيبتي بعدج عروس لاحگه
براء:ههههههههه اوكي
ايهم صعد للغرفه
واني لحكته
براء:حَــبيبي اريد اروح انام
ايهم:ماتنامين كاضج!
براء:ياااا نسيت احنه متزوجين ايي تذكرت
ايهم:ثوله
دخلت سبحت ولبست نفنوف بسيط ابيض وسرحت شعري
ونزلت يمهم
كعدنه اني ودانيه
نسيت شي اسمه نتائج
وهسه يله تذكرت ورانه نتائج
أنت تقرأ
خطايا بريئه
General Fictionفتاه تدفع ثمن خطأ التي ارتكبته امها وتقع هي الضحيه افتحو ابواب قصتي لتعرفوا ماذا سيحصل..؟
