قسوة شاجور

البارت 26

ﮪۛــ̷̐ـــٰ۪۫لا؛ء⁞(🌝❤️)ֆ
شلونكم ❤️🤫

#قسوة_شاجور

#للكاتبة_اسيل✍🏻

~~~~~~~~~~~~~~

وعدتُكِ أن لا أحبك
ِ ثم أمام القرار الكبيرِ جبنت
و عدتُكِ أن لا أعود..و عُدتْ
و أن لا أموت أشتياقاً..و مُتْ
و عدتُكِ أن لا أقول بعينيكِ شعراً..و قُلت
و أن لا أكون ضعيفاً..و كُنت
فلا تأخذيني على محمل الجد
مهما غضبت،مهما أنفعلت
مهما أنشعلت،مهما أنطفئت
لقد كُنتُ أكذبُ من شدة الصدق
و الحمدلله أني كذبت

~~~~~~~~~~~~

رحيق: كالي راح اروح اخذه ركبت تكسي ولحكته وصل قبلي لكيته واكف بالباب صار عصبي دفعني راد يفوت ونسمع صوت عياط بالبيت احس رجلي خدرت اريد امشي ماكدر هو فات بسرعه طب نباوع المطبخ يطلع منه نار بدو يطفون بي اني اريد ابني كعدت بالكاع ابجي وعمي واكف يهدي بيه الولد كلهم طبو يطفون خابر على الاطفائية اجتي وره شوية طفوا المكان طلع شاجور امي لازمه بي وحاضن ابني اباوع ايد امي نصها محتركه بسرعه اخذناها للمستشفى لقسم الحروق وايهم بس يبجي خبلني وآسر يخزر بيه اسكت بي ماكو ميسكت تالي اجه اخذه مني وطلع بي طبيت جوه شفت ماما سوده عليه لافين ايدها لف اخذناها وطلعنا اباوع آسر ماكو تخبلت بسرعه اجه على بالي اخذ ابني وراح حصرتني البجيه هديته ماما ورحت ادور عليه مثل المخبله بالمستشفى ايييي اخذه مني رجعت ل اهلي بابا صافن عليه كالي شبيج بابا كتله بابا ايهم ماهو كالي شبيج بابا يم بت عمتج كتله هاا وين كالي اخذته للبيت كتله شلون تاخذه بابا مو تدري ماعوفه يم احد ركبت السيارة وصلنه للبيت بس اريد اشوفه طبيت
طبعاً بيت عمي الثاني احنه كلنه تجمعنه اهناك وطاك دينضفون بي هو بس المطبخ اضرر وصلت رحت ركضت حضنته وكعدت اشم بي
هسه ردتلي روحي حتى نسيت منو جان كاعد باوعته لكيت آسر كاعد وعابس وجه كتلعم عن اذنكم طبيت جوه رضعت ايهم ونيمته وطلعت لكيته ماكو اشرتلي بت عمي كالتلي بره بره رحت
طلعت شفته واكف يدخن تحمحمت مااندار كالي

آسر : راح ارجع اني اذا تردين تجين ويانه مكانج موجود بس مراح يكون مثل قبل راح تكونين ام ل ايهم فقط واذا ماردتي تجين ايهم اخذه منج

رحيق: مو بكيفك تاخذه منيييي

آسر : ذبيت الجكاره ودستها برجلي انداريت
عليها كتلها جربي منعيني اذا تكدرين

رحيق: اي امنعك مو انت الي تعبت وتحملت الوجع علموده انيييي وتريد تجي على الحاظر تاخذه

آسر : اي هاي انتي كلتيها اخذه ف هسه كدامج
نص ساعه متجين بكيفج واطلكج مثل ماانتي تردين

رحيق: طبيت جوه وقفلته باب الغرفه عليه وحضنت ابني ماخليك تاخذه والله يدكون الباب عليه ماافتح صارت ساعه واني بالغرفه حسيت صار هدوء فتحته الباب شويه باوعته ماكو احد بس البنات رجعت قفلتها لو ادري احبس روحي وماخلي ياخذه ماكدر بدونه والله قطعه مني هذا
شلون يريدني اطيهيا باليل طلعت رحت شفته ماما سوده عليه هملتها ونسيتها كعدت يمها كتلها شلونج كالت زينه بستها من راسها وكعدت يمها وراها كتلها نامي عود شويه واجي اشوفج رحت للغرفه فتحت كماط ايهم وخليتها شويه يحرك جسمه جان الكماط مقيده لزمته خشمه وحلكه وخدود كمت ابوس برجله واشمشم بي اخر شي خليته بحضنه ورضعته ثاني يوم كعدت اتريكت وياهم يسولفون شلون ديعدلون البيت ساعدتهم ورحت غيرته ل ايهم حفاظته وبدلتله جنه كاعدين على الغده واندكت الباب كام عمو يفتح الباب اهناك وفات كال كوموا سو طريق يله جاينه ناس كام واحد يباوع على الثاني طبينه للغرفه وراها نسمع صوت اعياط مال زلم اجه ابن عمتي سئلوا شكو باوعلي ودار وجه كاللهن معليجن فوتن يله لطلعن بعدين جتي بت عمي جان تسوي جاي كالتلي لج تدرين منو جاي كتلها منو كالت هذا مدري شسمه البارحة الجان يمنه كتلها شنوووووو كالت اي والله وجايب شيوخ وياه مدري شنو يريد اني اهنا لو تذبحوني قطرته دم متلكون بيه شيريد يسوي هذا ياربي طلع جايب عمامه وجاي حتى ياخذ ابني وكابه العيطه بين عمامي وبينهم طارديهم  ثاني يوم هم رجعوا بس جايبين شيخ وياهم وجان هدوء هل مره بس كلبي نغزني ياربي شنو ديصير جوه طلع بابا ضايج وعمو هم باوعلي بابا ودار وجها كعدو يحجون بس ماسمع شنو يحجون وراها رجعوا طبو جوه يمهم كعدت انتظر وماما يمي تهدي بيه وراها صاحني بابا كعدنا وحدنا اني وياه كالي .. شوفي بتي رحيق اني مقصرته عليج بشي تدرين جنت اخليج اسوين الي تردي لان اريدج انتي تختارين حتى تتحملين مسئوليته قرارج الصراحه تدرين بيه ابداً مقبلته بزواجج من آسر لان ماكو أب يقبل بته تتزوج مجرم وماانسه حرمنه منج اربع سنين ترى مو شويه وخلانه نصدك انتي ميته كل هاي سواها وهسه جاي يريد ياخذ ابنه .. شفته فرك عيونه رحت كعدت يمه بابا حبيبي اني اسفه والله مو قصدي اخليك بهذا الموقف كلشي صار مو بيدي والله لا بيدي حبيته ولا بيدي شي بابا اني من عقد عليه جنت مجبوره خفت عليك من شفته شلون خاطفك نسيت نفسي وفكرت بيك بابا اني على تربايتك ماتغيرته والله حتى مسويته شي حرام حتى ابني جبته بحلال مو حرام و هو تغير واني قبل ماابدي حياتي وياه كتله يعوف كلشي اذا معافهن مسحيل اصير اله وهو بده يعوف شغله علمودي وبعد تدري شنو صار من اخذته الشرطه شسوي احبه بابا يمكن تعالجته بس صدك من يجي اليل تهيج كل مواجعي اكره روحي حضني بابا كعدت ابجي بحظنه وراها مسح دموعي كتله بابا لتطي ابني فدوه ماكدر بدونه علموده اني عايشه لزم ايدي كالي ... يريدج هو يكول اذا تريد تجي واذا متريد ابني الي ... كمت على حيلي لا ماكو هيجي شي هذا ابني بابا ابني ماطيهيا .. رحيق صارت كعده تدرين وشيخهم رجال جبير حلها بس اني حطيت شرط اذا رجعج يزوجج بالمحكمه حتى ابنج يأخذ اسمه .. شفته حجاها بتعب .. بس اني ماكدر ارجعج اله .. بابا قنعهم ميأخذو .. عمامج يكولون الاصح يأخذه لان راح اصير مشكلة بس اني مقابل على كلامهم ف انتي فكري عافني بابا وراح كعدت افكر بالي كاله ادري ب آسر زعلان عليه حتى لو ارجع مراح يسامحني ماخذ موقف مني وادري بي كلشي ولا واحد يجرحه لا ماارجع شيريد يسوي خلي يسوي مراح نكون سعيدين ماكدر اعيش هيجي اني خلي يعيش حياته هو ويه الانسانه الي تستاهله خلي ينساني كلت اكول ل بابا جوابي ثاني يوم اليل كله مكدرت انام بس افكر احس دماغي راح يطك ومن اذكر شنو سويته اكره روحييي اكثراباوع على ايهم واذب حسرات فوكاها اريد احرمك من ابوك راح تكدر تسامحني ماما كعدت وصحت بابا وكتله كوله ماارجع بابافرح لان مجان راضي برجعتي دز خبر الهم جنه كاعدين على العشه اندكت الباب دكه قوية فزينه كلنه وراها كام ابن عمي يفتحها مااشوف اله آسر فوك راسي وبابا وياه اشر  لماما تجيب ايهم اني تخبلت اطاهيا باوعت على بابا شديسوي طلع واخذه رحت اريد الزمه لزمني بابا  فرفح كلبي على ابنييي آسررررر عوفه الله يخليك آسرررر لتاخذه بعده صغيرررر ايهم ماما عمامي مكدرو يسون شي سكتو كعدت بالكاع ابجي عليه خلييييي يرجع ابني بابا فدووووه بعده صغير ميتحمل بابا كله يرجعه ولكم ليش مسون شي هاااااا كمت ادك على صدري فرفحته ابني اخذه شسويت انيييي ليشششش بابا تطيهياااااا ليشششش تسوي هيجي بيه بابا شلون كدرت تسوي بتك هيجيييييي هاااااااااا شلون تخلي ياخذه اشرلهم يطبون وبقينه بس اني وياه وماما لازمتني .. اطيتهيا حتى يسكت مو كلتي مارجع
وهو ميكدر يداري ف لتخافين يرجعه الج لان مراح يتحمل يشوفه يبجي ... لا باباااااا لا شنو ميرجعه هذا عادي يجيبله ١٠٠ وحده ترضع ابنه انتتتتت كسرتني بابا ... كاااافي رحيييق آسر مصيرين اله واذا رحتيله تنسين ابوج ..ضليت ابجي احس بعد ماكدر اتنفس اسمع صوت بابا وماما بس الدنيا مغوشه نمت مستشفى كلبي كام يأذيني واني عدي خفقان ضليت يومين بالمستشفى حتى صدري يأذيني صار يومين مراضع وبابا زعلانه منه سجلولي خروج طلعت كوه امشي كتلهم ودوني اله بابا صفن عليه واما تأشرلي اسكت كتله ودينييي ل ابني اني قابله ... اذا رجعتيلي تبجين وتكولين ماريده بيدي اخذج اله فتهمتتتتتتتي بعد اني مالي دخل بيج لان متحترميني وكلامي عدج لا شيء تكسرين كلمته ابووووج علموده .. صعدنه رجعنه للبيت شويه وفاتت ماما بيدها ايهم اني شفته لو فقدته اخذته اشمشم بي وابوس بي امي كامت تبجي اخذته رضعته بس شنو ميته من الوجع العب بيده وابوس بيها نيمته وراها ماما كالت اطينياه كتله شنوو اطيجيا كالت ابو يريده كتلها شنوووو يريده ماما مشوفي نايم مااطيهيا والله .. رحيق ماما لتسوين مشكله موزين جابه الج تشوفي .. كله من وره بابا ماما .. لتحجين هيجي ابوج يريد مصلحتج علمودج مو علموده ترى هو خابرله كاله جيبه واجه تشوفي .. ميهم ماما ابني مااطي اندكت الباب بابا واكف ضايج مني اشرلها لزمت ايدها ماما حبابه لتاخذي والله اموت اخذته مني وطته ل بابا طلعت وراهم كتله آسر هو اندار كتله هاي الغطه غطي خاف يبرد بالطريق جان شايله بحضنه لفيته وشميته حيييل باوعتله دار وجه ركب السيارة وراح طبيت للغرفه ابجيي لزمت ملابسه الي بدلتهن اله وشميتهن حيييل ليش هيجي قلبك قسه عليه آسر من تشوفني مقهوره عليه ليش ميحن قلبك عليه ليششش تسوي هيجي قبل متهون تشوف دمعه بعيني هسه عادي عدك شلون تكدر تحرمني منه صرت اشوف ابني بس باليل يجي يجيبه الي ارضعه وياخذه وضليت على هاي الحال اسبوعين انتظر شوكت يجي اليل اليوم ماكو ضل بالي ليش مجابه كلت ل ماما تكول ل بابا يشوفه احس كلبي يأذيني مختنكه احس صاير شي ضليت الوب خاف صاير شي بي بعدين جتي ماما كالت لبسي
كتله شكو كالت لبسي يله بدلت كتله صاير بي شي مو حسيت والله وصلنه للمستشفى احس روحي انقبضته كتله شبيييييي كولو شفته آسر واكف ومتجي على الحايط رحت يمه هجمت عليه شفتتتت شصاااار بيييي شبييييي ابني شبيييي اباوع حاطين كانونه بيده وهي ايده صغيره شفتها لو تخبلت كمت اضرب بي هو لزمني بعد ماكدر شفته الدكتوره اجت كالت بي ابو صفار لازم رضاعه مستمره زينه عليه وتنبهون اله كلش زين وهاي الحراره تلاحكنه عليه جان صار غير شي بي ف انتبهو من اطلعوا اليوم يبقى وباجر نجيك عليه وتكدرون تاخذو الحمدلله على سلامته باوعتله بغضب ل آسر خزرني ضلينه يوم كامل ابد منمت كلساع اطب اشوفه حسيت بذنب كله من ورايه ديصير هيجي بي اذا صار بي شي شلون اسامح نفسي شفته آسر واكف على صفحه وراها ثاني يوم سجلوله خروج طلع كلت لازم ادوس على كرامتي علمود ابني كتله اجي وياك هو صفن بابا خزرني كتله بابا اريد يم ابني كالي... سوي الي تردي رحيقبس تنسينه .. رحت يمه الزم ايده دفع ايدي ركب السيارة وراح هو وماما ضليت واكفه هو ركب سيارته فتحته الباب وركبت الطريق كله ساكت واني حرت ب ايهم  نص الطريق وكف جاب اكل وصعد اني مااكلت مااشتهي وصلنه للبصره طبينه بفرع جانت بيوته تخبل وكفها يم بيت اباوعله جان حلو ومرتب مو كلش جبير تطلع مساحته ٢٠٠ وبي حديقه اباوع بيها دجاج وطيور جنت شايله ايهم اشرلي اطب للغرفه طبيت جانت غرفه جبيره وبيها جربايه يعني غرفه كامله وبصف الجربايه كريكوت مال ايهم وملابس مال اطفال على الجربايه هو طب اخذ ملابسه وطلع اني نزعته حجابي وتمددت لان ايهم كام يبجي كعدت ارجع بي غفه واني هم غفيت ضليت كل شويه ارضع ايهم مثل مفهمتني الدكتوره سوده عليه صاير اصفر طبيت للحمام غسلتله وطلعت دابدله وكالت الدكتور حلليله كلساع حاولي تخلي يتحرك لتكمطي اهواي وكعدي عفته بدون كماط تمددت بصفه جان ساكت لزم اصبعي بجف ايده اندكت الباب كلت ادخل فات جايب علاليك بيها غراض عافها وطلع وابد مباوعلي ولا حجه كلمه ويايه فتحتهن جان بيهن ملابس الي ول ايهم ومميات وحليب اخذت بجامه جانت برموده لونها نيلي نيمت ايهم وطبيت سبحت لان من اجيت مسبحت مجانت عدي ملابس كملت وطلعت نشفت شعري اباوع اكو صينيه بيها أكل اكلت شويه ولزمته موبايلي دكيت على ماما جاوبتني كتله شلونج ماما كالت زينه اني انتي شلونج كتله زينه بعدين انجر الموبايل منها وبابا كالي لبعد لدكين وسده بوجهي تاذيت حيل كعدت ابجيي تدري بابا مو بيدي ليش تسوي هيجي بيه ليش تخيرني بينكم وبين ابنيييي نمت واني دموعي بعيني فزيت ويه اذان الفجر اباوع ايهم ماكو اخذتني النومه ومرضعته طلعت اشوفه وينه اني ماندل بالبيت لان من طبيت رحت للغرفه بسرعه اباوع اكو استقبال مفتوحه بابه وآسر واكف ويهز بي وكفت وره الباب ميشوفني ابوعله شلون ساكت ويايه بس يبجي غير لوتي وراها حطه على جتفه وكعد يدكدكله اباوع على الميز حاط قوطيته الحليب وممه مبين مطي ممه من جنت نايمه رجعت للغرفه سويت روحي نايمه انفتحت الباب حسيت بي من حط ايهم بصفي وراها تنسدت الباب باوعته ماكو