قسوة شاجور

البارت 6

هلووووو حبايبي❤️
بارت بارت🔥🔥🔥
باجر استراحه مو تنسون😂
جمعه وسبت النشر اوك بال١١ باليل 🙄
ارجع واكرر النشر يومين بيوم استراحه❤️
قراءة 📖 ممتعه

#قسوة_شاجور
#للكاتبة_اسيل✍🏻

~~~~~~~~~~~~~~~~~~~~~~~~~
مره ارياگنه وما نعرف عليمن
اذا بالعمر ما نرتاح جا بيمن !؟
~~~~~~~~~~~~~~~~~~~~~~~

رحيق: سمعت صوت رجال بره مو صوت شاجور
شاجور: شكو
اسحاق: غير ضابط استلم القضية وهذا منكدر نرشي يكلك
معروف يعني سالفته رزاق عاصيه
شاجور: لزمته من قميصه جايلي لهنا تكولي هل كلام
اسحاق: شبيك شاجور يعني داسوي الي اكدر عليه اذا هذا
الضابط حقنه
شاجور: منو هذاااااا الضابط شسمه
اسحاق: الضابط اميرا
شاجور: اجيبلي سلالته السابع عشر فتهمت
رحيق: عززززه بس لا امير اخو زينب لا لا عادي قابل بس هو امير
حسيته راد يطب رجعت للجربايه ملحكت اغطي روحي سويت نفسي نايمه كمت اسمع صوت طكطكه انداريت وغطيت روحي وطلعت عيني
شفته فاتح الابتوب ويكتب مادري شنو رجعت عدلت نومتي استغفر الله الصوت دقني اريد انام كمت رحت يمه وسديته الابتوب هو صفن
شبيك طكطك طكطك اكلت راسييييي راح ينفجر كول اكو حيوانه تريد تناااااام
شاجور: تدرين شنو سويتييييي هسه
رحيق: لارد
شاجور : كمت كفختها هل تصرفات مال مزعطه بطليها فتهمتتتتتتتتي
هااا وصدوك تعاي منو سمحلج تنامين اهنا مجهزلج غرفه خمس نجوم جريتها من ايدها وشمرتها
رحيق: اباوع مخزن صغير وماكدر انام بي كلش صغير يادوب يكفي
اقرفص روحي واكعد بي باوعتله وكتله عود راح تخوفني سد الباب عليه وجانت ظلمه بس شباكه صغير كلش وصاير بعيد مالوحله شايفين الصندوك اني بهيجي مكان جانت الكاع قذره وريحه كعدت بيها ورجلي اطخ بالحايط ضحكت بقت على هاي والله يالله مفتحه عيني
جان ظلام قاتم احس الجدران مقهوره عليه مثل مااني مقهوره على نفسي ضليت كاعده مادري حتى بيش الساعه وراها اباوع ضوه من الشباك فات عرفت صارت الدنيا صبح انفتح السركي فتحتها وطلعت لكيته كاعد وضحك
شاجور: هاي كل متكعدين راحه اشمرج بيها شلون نومه حلووه مووو
رحيق: لارد ...ردت اطب اسبح اذكرت ماعدي ملابس شفت سله بيها ملابس صفنت هاي ملابس نسائي باوعت اكو تيشرت نص ردان وعليه كتابه حتى جان قياسه اكبر من قياسي بهواي ولكيت ستريج اخذتهن وطبيت للحمام جانت الريحه بي تكتل داغسل وذكرت اصار بيه
باوعت جسمش كله مشوه صاير من الخراميش اباوع ايدي كلها مجرحه والدم يابس عليها واظافري مكسره حتى اظفر مخلوع
ذبيت مي عليه جسمي يحركني متحملت المي شلون مجان طلعت بس جان جسمي وايدي يحركني حرك لفيت الخاولي على راسي
جان التيشرت يوصل فوك ركبي بشويه باوعت مجان موجود رحت كعدت على التخم باوعت على السكف واني اتخيل لو هذا السكف ماكو ونكدر نشوف السما حتى واحنه ونايمين رفعت ايدي باوعتلها عدل واذكرت من لزمني من ايدي نزلت دموعي وشلون هجم عليه بس يريد يشبع غريزته وشهوته الجنسيه النكس شلون الهم نفس يوصخون انسان طاهر
شلون تتقبلها نفسهم شنو السبب الي خلاهم يصيرون هيجي
ليش ميعيشون حياتهم مثلنه ليش يروحن لطريق الحرام طب عاف الاكل رحت شربت بس مي شلون عايشه بدون اكل اني نفسي مادري
خلال هاي الفتره اني جنت هادئه وبعد ابد متقربتله بس هو جان منتظر الزله حتى يطيح حظي جنت اشرد للفراش والمخده تشهد على
دموعي جان كاعد يدخن رحت يمه
شاجور: احجي شتردين مبين من جيتج تردين شي
رحيق: اريد اسمع صوت اهلي
شاجور: ضحكت اي ليش
رحيق: كالي هاج الموبايل اخذته منه شو هذا سحبه
شاجور: بس لا عبالج راح اخليج تسمعين صوتهم روحي منه لا اهلج براشدي الغبيه
رحيق: واحد حقير
شاجور: هاا البضاعه شخبارها
محمود: هذا حسن النذل ديبيعها باقل من سعرنه
شاجور: لا يا ابن الساقـ... عباله عود يكسرنه اني اله بده يلعب بذيله اهوووواي
محمود: شنو نسويله
شاجور: عوفه هل ايام يلعب بذيله وراها اني اعرف شلون اكطمه اله
انييي اله .. شخبار معرض السيارات
محمود: البارحة انباعت 11 سياره وكله حولناها على حساباتك
شاجور: والولد اطيتهم رواتبهم
محمود: اي طبعاً اطيتهم كلهم ... اليوم اروح اشوف رزاق اسحاق دبرلي زياره
شاجور: شوفه خاف محتاج شي خلي يكلك وطي فلوس هم
محمود: اي طبعاً يله اني اروح اكمل شغل
شاجور: سديته وراها دك موبايلي ... شعجب متصل
نسر : اشتاقيتلك واتصلت
شاجور: اختصر
نسر : اريد بضاعه
شاجور: بعد مالك بضاعه يمنه
نسر: انت الخسران اخذ من حسن يبيعها باقل من سعرك
شاجور: ضحكتني وبضاعته مثل جودة بضاعتي روح عيني اشتري منه اخركلام بضاعه الك يمي مااكو يله روح
نسر: بسيطه شاجور تشوف شراح اسوي بيك
شاجور: طبكته بوجه
رحيق: رااااااااح اموووت بعد ماااتحمل ماتحمل الي كااااعد يصير جنت واكفه يم السنك وبيدي سجينه شفته طب بعد مكمل مكالمته كتله مراح تخليني احجي ويه اهليي
شاجور: شبيج بابا روحي انطمري ولتلغين
رحيق: تقربت من يمه وجنت ضامه السجينه وره ظهري مراااااح تخليني احجي
شاجور: لزمتها من وجهه حيل اذا مترحين منه هسه ادفنج واذب جثتج للجلاب ياكلوها والي وره ظهرج اذا متذبي هسه تدرين شيصير
رحيق: طلعت السجينه من وره ظهري وداضربه بيها هو بحركه سريعه وخرها
شاجور : لج انتي ماعون متعرفين تلزمي لازمه سجينه قربت السجينه يم ركبتها شنو رئيج نذبح
رحيق: لارد
شاجور: طلع دم من ركبتها قليل هاااااااا عرفتي شلون تلزم السجينه هسه اول شي متترددين من تردين تقتلين احد اذا ترددتي راح تنلكفين ثاني شي شغله انتي مو كدها مانصحج اجربيها حطيت السجينه بيدها هاج يله ضربي
رحيق: ايدي ترجف شمرتها بالكاع ماكدر انيييي مو مجرمه مثلك فتهمتتتت الله ياخذك ان شاء الله خبلتونييييي شوفو شسويتو بيه ردت اقتلك الله ينتقم منك حتى كمت ماااعرف منوووو انيييييي نسيتني نفسسسي اخاف اصير مثلك عديمة رحمه وقلبي يقسه ويجي اليوم الي هاي الايد الي ذبت السجينه ادخلها بنص كلبك عفته ورحت
هل ايام احس بدوخه وجسمي ينمل ويخدر ااااارييييد اموووت ياربي متأخذ امانتك وتخلصنييييي تعبتتتتت ياربي تعبتتتتت شفته اجه جان كلش عصبي حتى كام يكسر بالغراض
باوعلي اني جنت صافنه اجه عليه
شاجور: شبييييييج هاااا تبااااعين هيييج
رحيق: لارد
شاجور: ليشششششش متجاوبين هااا صفكتها راشدي وراها رفعتها ورجعت ضربتها ملختها من الكتل
رحيق: ضربني ضرب لحد هسه احس جسمي يون عليه من الوجع بس بجيت لا ماااااابجي ماخلي يكيف التزمت الصمت بعد احسن خلي يكتلني بلكت امووووت واخلص منه كمل ضرب كام سد الباب حيل وسمعت شخطت السيارة
رادت تنزل دموعي كلت لتبجييييييييييين دربالج تنزليها كاااافي انتي مو رحيق انتييييي بقايه رحيق والله اريد اكوم ماكدر جسمي يأذيني لزمت المخده بعد ماكدر وعصرت وجهي بيها وانهاريت بعدددد حتى احس صارت حاله نفسيه بيييه من وراه كمت اضرب بالمخده اريد امووووووووووووت كااااااافي ارحموني ليش اله اني يصير هيج بيه
شاجور: اجالي اتصال من قتيبه كال اجيت الصبح للمعرض لكيته مفلش والسيارات متكسره الجام مالتهن صاير المعرض خريطه اني اهناااااا شطتتت وكالي هاي جماعة نسر اول مطبيت شفتها كبالي واذكرت اشسوت كمت ملختها قفلت الباب عليها وشحطت السيارة ورحت لبغداد وصلت شفت المعرض خريطه صاير تخبلتتت اجتي الشرطه سوو تحقيق اني رحت للمصنع جمعت الشباب كتلهم اليوم نسوي هجوم على نسررر مفهووووم ماريد واحد يبقى عايش اما نسر فهو حصتي اريدكم تجيبو الي عايش فتهمتووووووووووووووو
الكل: فتهمنه
شاجور: انطلقت السيارات وصنه يم بيت حاوطنا وجان واكفين الحرس مالته اشرت يشمرون رمانه
شمروها وصار مطافرلهم مااله والي احنه هجمنه كمت ادور عليه ماكو عباله يشرد اطلعك اطلعك
طلعت لزمت واحد من الحرس سحبت اقسام وحطيته براسه اله مهله ٥ ثواني اذا متكول العنوان احسب روحك ميت هذا بعدني محاسب خرط العنوان ركبت سيارتي واتجهت بيت دعاره حظرته كاعد بي ضحكت طبيت وشفت النسوان والرياجيل لزمت المديره مال دعاره كتله وينه بس حطيت فلوووس بيدها بسرعه دلتني طبيت وكمت ارمي الكل طفر شفته واكف ب شورته وبعد ديلبس بنطرونه لزمته من شعره وسحلته بالشارع ظهره انجلغ من الحصو الي بالكاع كام يعيط جنه كحـ... رفعت راسه حيل وتفلت عليه منو انتتتت وتنكدك بيه بعدك مبتدئ حبيبيييي اله ازوعك العافيه اخذو شباب شمرو بالسيارة وصلنه للمصنع نزعت حزامي وصلخت جلده بيه وراها جبت صيخ محمي لزكته على صدره كام يكمزز وكمت اضحك عليه وراها جبت مي حار وذبيته عليه
وحطيت رجل على رجل وادخن اباوعله شلون مدد ويلوب جيب مكينت الحلاقه جابوليها ودكيته صفر اخذو شمرو يم بيته مره الثانيه عيدها وشوف صورك انت والكحـ.. يوصلن لمرتك غسلت ايدي وكتلهم يباشرون يصلحون المحل ومن فلوس نسر
محمود: راح ترجع
شاجور: اي شتريد
محمود: علمود البضاعه
شاجور: انعـ.. ابو البضاعه دزلها لخـ... يله رايح اني اذا واحد بيكم دك عليه اجي احرك اهل اهله
خابرت ساره لججج حظري نفسج وسديته منها
نزلت بمكان طكيت بطل وشربته وراها رحت للشقة طبيت لكيتها محظره روحها رادت تتقرب مني دفعتها اليوم متتقربين مني اله انييي اسمحلج فتهمتتتتتي يله ركصي وجيبي البطاله والحبشكلات راحت ركضت عمرت الاركيله وجابت الشرب والحبشكلات وراها اخذتها للغرفه كملت وطلعت الفجرية وصلت للبيت شفتها نايمه طلعت كملت مخابرات جبت اكل وجيت وهي على نفس نومتها رحت يمها دغيتها ماكو متكعد
هي جانت نايمه صفح درتها عدل اباوع وجه مصوفر ضربتها على خدها خفيف ماكو متكعد اخذتها للحمام اغسل وجهه ماكو لا ياااا بت الكلـ..... شمسويه بروحج شلتها وحطيتها بالسياره شفت نبضها بعده وصلت للمستشفى اكو ولد من جماعتي يشتغل اهناك خابرتله كال فوتها من الباب الوره اني شلتها وهو استقبلني اخذها فحصها وكعدت انتظره طلع كال هاي عدها فقر دم حاد هاي ادوية جيبهن وهذا مخذي بس يخلص تكدر اطلعها هاا وانتبه على اكلها خلي تأكل المعلاك زين عليها والكرفس ترى اذا اضل على هل وضعيه تنتكس حالتها كمل المغذي اشرتلي هي تكوم وحدها مكدرت اجيت لزمتها من خصرها حيل وهي خازرتني وتدفع بيه وصلنه للسيارة ركبتها صفيت يم مطعم جبت اكل و ادويه اكو صيدلية وركبت السيارة وصلنه للبيت نزلتها راحت تمددت كتلها كومي اكلي
رحيق: ماريد وخر
شاجور: كومتها غصب عليها وحطيت الاكل كبالها كتلها اذا اكلتي اخليج تحجين ويه ابوج
رحيق: هاا
شاجور: بكيفج راح اشيل الاكل
رحيق: جيبه اريد أكل كعدت أكلت كوه كتله يالله خابرله
شاجور: بس تسمعين صوته متحجين
رحيق: ايييي والله مااحجي
شاجور: دكيت على ابوها واطيتهيا
رحيق: هو كال الوو منوو لو حسيت روحي رجعت شكد مشتاقه لصوتك بابا ميته عليييييك والله ضل يكول منووووو اريد اكله اني رحيق بابا مكدرت وراها كال جاوووب منووو اخذه شاجور مني و كسر السيم كارت وذبه كمت ابجي شكو شي بكلبي طلعته حتى نسيت الكانونه بيدي طكت ايدي دم هو طلع بره عافني وحدي بعد مفتح مواجيعي حبيبي بابا ابو صووت الحلوو فدوه لكلبك بابا مشتاقتلك والله ياربي اجمعني بي فدوه ياربي ابويه هذا ماكدر اضل بعيده عنه هلكد دخل شاجور كعد على التخم ويدخن
شاجور: كافي عااااد تبجين
رحيق: عفته يحجي ويه نفسه
شاجور: هااا شتريد
محمود: لازم ترجع للبستان الولد كامو يشتغلون اعوج وخاف واحد بيهم يسويليه عمله وحسن
ديدور على مكانك
شاجور: خـ.. بيكم وخـ.. ب حسن اذا مااكتبه بيدي ماارتاح لهل نذل روح روح بس الاخبار التعبان تجيبليها سديته كومي لبسي حذائج خلي نروح
رحيق: كمت لبسته وصعدت اباوع هذا مو الطريق نفسه للبستان كتله وكفففف السيااارة
وكفها كتلك والله اشمر روحي هسه منهااااااا
شاجور: بت الخـ... شبيج تخبلتيييي والله انزل هسه اسحلج بالشارع
رحيق: والله مارجع لذاك المكان والله اقتل روحي واطب بخطيتي اريد افتح الباب قافلها كمت اضرب بيه على جتفه نززززززززززلنيييييييييييي
اخر شي وكف السيارة ونزل فتح باب مالتي وسحلني من السيارة
شاجور: لجج فهميني انتي متخااافين اموتج اهنااااااااا
رحيق: ماا اخااف ماارجع اهنااااك ماارجع كعدت بالكاع بالشارع حط ايده على عيونه
شاجور: كوومي
رحيق: ماااكوم والله
شاجور: اجفي الشر وكووووووووووومي
رحيق: تريد ترجعني لذاك المكان مووو وانت شفت اصار اهناك مارجع هل مره منو يستفرد بيه تريد روح انت اني ماروح
شاجور: اصعدي راح افرغ المسدس براسج
رحيق: لارد
شاجور: انتي بس بالاهانه تمشين شو تعاي رفعتها من الكاع وركبتها السيارة وربطت ايدها ورجلها وسديت حلكها هسه ارتاحيتي موو وصلت للبستان هيج وقت ينامون اخذتها للبيت شلتها وحطيت على الجربايه وفتحت حلكها وبعدين ايدها دافتح رجلها
رحيق: جريته من شعره انييييي شكتلك
هااا والله اله اخلي حياتك جحيم مثل مرجعتني اهنا
شاجور: جريت ايدها وصرت فوكاها حيات منو تحوليها بتيي
رحيق: وخررررر نكس انت مثله متفرق عنه
شاجور: لو تظلين اخر وحده بالعالم ماتقربلج تدرين ليش لان تكش نفسي منج كمت عنها
رحيق: عدلت ملابسي حيوان الله ياخذك لو ياخذني كتله انتتتتت تنااام بالكاع اني ماانام
راد يطلع صحته وين رايح
شاجور: من شوكت تسئليني وين رايح هااا
رحيق: متطلع
شاجور: منو انتي وتأمريني
رحيق: لتطلع
شاجور: شنو مسمعتج
رحيق: حباب لتطلع اخاف وحدي اهنا خاف احد يجيلي لتروح ممكن
شاجور: لتخافين ميصير بيج شي قفلت الباب وطلعت رحت شفتهم ديشتغلون وكفت كتلهم تعالو كلكم شنو الي سمعته هاااا ليش البضاعه مدتجهززز هاااااا عبالكم من اروح ومارجع تتصرفون على راحتكم قنـ... كل واحد ينقطع نص راتبه والي يجي يعترض اشـ... شـ... البضاعه اذا ماوصلت لمحمود اليوم اسوي بيكم مقبره جماعيه وتدرون اذا كلت كلمه انفذها دارجع للبيت تلكتني ام محمد
ام محمد: يا يمه كرار شلونك يمه رحت وختفيت بالي يمك
شاجور: بعد صارت عدي شغله
ام محمد: شلونها مريتك خطية يمكن الحمل متعبها
شاجور: لا يمه مو حامل وديتها
ام محمد: ياااا يمه يالله الله يعوضك لتنقهر
شاجور: اني اروح عفتها وحدها
ام محمد: روحلها لهاي الفاهيه لتروح تحرك البيت
شاجور : طبيت للبيت شفت الادويه مشموره رحت لزمتهن كلهن فارغات خـ... بيج بس لا انتحرت دفرت باب الحمام برجلي نفتحت فتت شفتها واكفه تغسل ايدها
رحيق: شكو شبيك اكو واحد يدفر الباب هيج دكها عفت وطلعت مخبل والله مو صاحي جرني من ايدي شتريد
شاجور: وين الادويه
رحيق: ذبيتهن
شاجور: لخمتها على حلكها شنوووووووو ذبيتيهن
رحيق: شبيك خايف عليه ؟؟
شاجور بت القـ.. انتي منو واخاف عليج عساج بالمرض الي ينهش اعظامج ضلي هيجي يطبج طوب ام وجه الاصفر
رحيق : يله عساس شلونه وجهك تكول وجه الچوب
شاجور: لساااانج
رحيق: شبي
شاجور: اكصه الج
رحيق: لا شكراً زين طوله اذا تريد تكدر تقصر لسانك
شاجور: روحي من يمي وجهي لا اكفر بيج
رحيق: ترى انت واكف يمي مو انيي
شاجور: شمرت المخده عليها
رحيق: شكراً جنت متعاجزه اروح اجيبها حطيتها وتمددت على الجربايه هو نام بالكاع وضل كلساع يتكلب ويغلط
اي حس بالي جنت احسه من انام بالكاع كون تطلعلك
حيه وتكرصك وتخلصني منك
شاجور: كعدت الصبح ظهري يوجعني من نومت الكاع الكلـ... شلون نايمه مرتاحه اني الج طلعت شفتهم ديحملون البضاعه حتى يوصلوها انتبهوا من الطريق عيونكم فتحوها اقل غلطه امحيكم من الوجود
طلعت الشاحنات دكيت على محمود حتى يستقبلهم ويحظرون روحهم وراها رحت للشباب كتلهم حظرو روحكم هل اسبوع نحول لغير مكان بدو يحظرون شويه شويه حتى محد يحس رحت خابرت جماعه اعرفهم حتى يرتبون الوضع نرشي السيطرات ويعبروهم بس اطيهم جم فلس يمشون امورك الوو هااا اسحاق شصار على رزاق
اسحاق: اليوم واحد هاجم عليه وهو تدري بي ميسكت كام ساحله
شاجور: شلون بي هذا تكول يكلك شاجور اذا متلزم روحك ادفنك بالسجن والخلقك
خو مااتأذى
اسحاق: بس عينه مورمه لتخاف شي خفيف
شاجور: اتواصل ويه خالد الي بالسجن كوله شاجور يطيك الي تريده بس اهم شي متتأذى شعره من رزاق
اسحاق: باجر اقابله واوصي
شاجور: شكد المبلغ الي يريده اطيهيا من حسابي مفهوم
اسحاف: مفهوم
شاجور: شصار على الضابط امير
اسحاق: بعده ديدور دربالك انتبهى حاول متنبقى باماكن مفتوحه ويفضل تطلع خارج العراق احسن هيج ميكدر يوصلك
شاجور: تريد اشرد
اسحاق: علمودك شاجور
شاجور: معليك بيه انت اني اعرف شلون اتصرف
اسحاق: تمام
شاجور:طبيت شفتها مغركه الغرفه هم رجعت ذبت مي بيها ...انتيييي
رحيق: شنو
شاجور: شنو هاااي شمسويه
رحيق: دانظف مشوف لو صرت اعمه
شاجور: لسانج بت الكلـ...
رحيق: لتغلط يحجي على لساني ميشوف لسانه بس حجي شوارع ومامترباين هاي الالفاظ عيب اني بنيه مو ولد وتستخدم هل الفاظ ويايه بس ويامن احجي احجي ويه روحي عساس من اكلك عيب راح تستحي على نفسك ومتغلط والله يالله وخر انزع حذائك بره لطين الكاع شبيك صافن روح اكعد على الجربايه وارفع رجلك لتنزلها دامسح
شاجور: انجبي يله ام لسان
رحيق: امسح وارجع ليوره كوه كملت كمت طلعت الماعين النظاف ورجعت غسلتهن كوه دخلت للحمام هم غسلته بس طولت يالله طلعت شفته نايم طلعت يم الباب فتحتها وكعدت بالدجة مالتها اووف يارحيق بعد شكد تتحملين واصبرين هااا بعد شبقه بيج حيل جنتي ماعون متعرفين هسه كمتي تشتغلين غمضت عين ورجعت بذاكرتي بابا عفيه خلي اشوي وياك لا بابا اني اشوي لتحركين روحج ريحت المعلاك يالله بابا كمله جعت ماما جانت كاعده اشيش اله وتطي واني بس اكل جان ديشوي كباب ومعلاك بس اني احب المعلاك اكثر
حسيت احده ورايه باوعت شاجور واكف وديفتح بعينه مدري ليش ابتسمت
شاجور: شسوين كاعده اهنااا
رحيق: داشم هوى لو حرام
شاجور: طلعت الجكاره ورثتها
رحيق: سؤال
شاجور: مامسموح
رحيق: انت ليش هيجي
شاجور: ضحكت شي ميخصج
رحيق: يعني تحب نفسك من تتصرف هيجي يعني متريد تعيش مثل باقي الناس اطب وتطلع وتضحك ويصير عدك اصدقاء
شاجور: برئي طبي نامي احسلج عوفي السوالف التعبانه
رحيق: فتت جوه بسرعه ركضت على الجربايه ليروح ينام عليها
شاجور: شو ماخذه راحتج هل ايام نزلي نامي ماانام بالكاع انيي
رحيق: ليش تخاف تطلعلك حيه لو صرصر
شاجور: احترمي نفسج شنو اخاف
رحيق: معليه ماانام جوه
شاجور : ليششش بله مو دومج تنامين اهنا شغير رئيج
رحيق: دنكت وكتله كرهت الكاع من انام عليها اذكر كلشي صار
هو سكت وفرش بالكاع ونام شفته مامرتاح رحت عليه كتله بصوت ناصي شاجور هو اندار
شاجور: شتردين
رحيق: كوم نام على الجربايه انام اني بالكاع
شاجور: مصخنه انتي
رحيق: لزمت كصتي لا ليش
شاجور: منتبهه لنفسج دتعرضين عليه انام على الجربايه شنو خايفه عليه!!
رحيق: امداك اي والله صوجي اني كتلك يطبك طوب ضل تكلب بالكاع والله يالله سوي خير وشمره بالشط عفته وكمت لفيت روحي ونمت
حيوان
شاجور : صارت الفجرية كعدت خره بالكـ.. ظهري راح غسلت وطلعت شفتهم بعدهم مخمودين عطت بيهم كلهم طفرو هذا الي لبس نعاله بالمكلوب والي لبس تيشرت براسه بمكان الفاف هوسه صارو شووو نااايميين عيني اسفين اذا ازعجتكم تردون اجيبلكم بعد ريوك هااااااااااااااا
دنلعب احنه مدتشوفون الوضع تعبان اريد تكملون بسرعه هاي الساعتين التنامون بيها تكلفني اهووووواي خلي اجي واشوف واحد بيكم نايم مطايه اباوع هذا نايم وفاتح حلكه جبت النعال وحطيته بحلكه هو فز بسرعه وكال هاااا صار هجووم متنه الكل ضحك عليه اي صار هجوم من شاجور اليوم اوكل طن نـ... كوووم كـ... نايم وفاتح حلكه مثل المطي وين سيف كتلكم وينه رحت افتريت لكيته فارش قمصلته ونايم ضربته جلاق على بطنه فزز بسرعه راد يغلط شافني سكت لا لا سيف نااايم اكوم اعبي النـ.. بحلكك احد يكلي ليش عود هاي انت المسؤل عن الترتيب حظرتك منبطح حتى الي اتجيب متنام بكد متنام كووووووم شلعتوا كلبي اركض وره واحد واحد شنو مخلفكم وناااسي متعرفون تكملوكم شغله وحده وحدكم
هاااا قتيبه
قتيبه : المحل دنرمم بي ونسر سلمني الفلوس لو شايف شكله يموت ضحك والله عاشت ايدك يستاهل النذل
شاجور: حاولوا تكملوا بسرعه ماريد تتأخرون جوز بعد كم يوم ارجع اريد كلشي مكمل فتهمت
قتيبه : ترجع وتلكاه كامل
شاجور: شفت خاله ام محمد كاعده يم ابو محمد سلمت عليهم داروح صاحوني
ام محمد: شلونه مريتك يمه
شاجور: بعدها تعبانه
ام محمد: ماتخليها تطلع يم فطيم شويه بلكت اتصير زينه
شاجور: لا متتحمل الجو اخاف تتمرض وهي تعبانه ماريد اتعبها
ام محمد: لعد انتظرني اجيبلك هاي الحليبات اطيهيا بلكي اصير زينه
شاجور : لتعبين نفسج يمه
ام محمد: لا شني اتعب روحي اوكف لا تروح
شاجور: جتي اطتني حليب واكل اخذته وطبيت
حطيته على الميز كتلها هذا الحليب شربي ليخرب وينذب رحت طبيت اذب على روحي ماي بي طبع ملابس مارجع البسهن اضوج بسرعه اذبهن بالزباله رحت طلعت لكيتها صابه كلاص حليب وتشرب وصايره عذه شوارب مال حليب
رحيق: شكووو تباوع
شاجور: ناسي قنـ.. براسج
رحيق: استغفر الله كمت غسلت الكلاص ورجعت
شبيييييك تباوع ترى دقيتني كلشش هيج اني حلووه ومتتحمل اذا متنباوع على جمالي
شاجور: اييي مداتحمل مااباوعلج
رحيق: عاااابت
شاجور: روحي شوفي نفسج بالمرايه راح تعرفين ليش اباوعلج
رحيق: وكفت شفت الحليب صاير على حلكي من فوك مسحته شكد عيب فشلني احم ترى تكدر تكول مسحي حلكج لو صعبه تكولها نسيت انت اذا متضوجني مترتاح
شاجور: استخدمي موس حلاقه حتى يرحن
رحيق: مضحك تره
شاجور: كومي سويلي لفه جوعان بس مو تحطيلي بيها سم
رحيق: لو موجود صدك ماانتظر دقيقه وحده
شاجور: ادري بيج
رحيق: سم بكلبك... سويت لفت جبن واطيتهيا
شاجور : لا كلفتي نفسج
رحيق: والله هذا الموجود اذا تريد اسوي بيضه بس ماانصحك لان تدري شصار اخر مره
شاجور: ندري بطولاتج والجاي وينه
رحيق: مع الاسف ماعرف اسوي جاي
شاجور: ترى هو ماي فوري وحطي مرايدله روحه للقاضي عيب متعرفين اسوين هاي من تزوجين شسوين تهي بهي
رحيق: انت شلك دخل بالي ازوجه اكيد مراح يزوجني علمود يأكل قابل مماكل
شاجور: انت بليلتها يطردج من البيت يرجعج لاهلج يكول نعـ.. ابو الساعه الي عرفتج بيها
رحيق : اللهم طولج ياروح شو جيب الفه اخذتها منه كوم انت سوي لروحك يله عزلنه اخذتها وكعدت اكل بيها هو احتقن وجه
شاجور: صدوك ادبسزز ومتستحين شنو تأخذيها منييي
رحيق: بكيفي اني سويتها مو معجبتك روح انت سوي الي يشوفك يكول يعرف يطبخ والله يالله ترى انت حالك من حالي هم كلشي متعرف بالمطبخ
شاجور: انييييي مااعرف ضحكتيني
رحيق: اييي بده الجذب يله بله كوم سويلنه
عشه
شاجور: مو كايم لان طلبتي لا لان اني جوعان بس
من هسه لو تموتين مااطيج كمت سويت مخلمه
رحيق: هذا صدوك طلع يعرف ريحتها طبت بخشمي وهو ماشاء الله طبرها بسرعه شكد ابو نفس دنيه بقي شويه غسل وطلع شاجور مثل كل مره يختفي مره اسبوع وهو ماكو كام يوميه يجي رجال جبير الي عرفته هذا ابو محمد يدك الشباك عليه ويطيني علاكه مال اكل كلت ماطول شاجور ماكو خلي اسمع صوت اهلي اجرب حظي شفته اجه كتله عمو كالي هاا بتي كتله بس تلفونك اريد ادك على كرار هو كالي شتردين منه كتله بس محتاجته بشغله كلش ضروريه هو كالي بس بسرعه احجي وياه عدي شغل لزمت الموبايل ودكيت رقم بابا بس شنو ارجف احس على ساعه يجي ويطيح حظي شويه ابتعدت عن الشباك هو جاوب كتله بسرعه الوووو بابا حبيبي اني رحيق انكطع صوته الوووو بابا بابا ... لارد
سديته ومسحت الرقم وطيته ل ابو محمد وراها
وره مراح طكيتها بجي من اجتي الفرصه الي راحت شبي بابا ليش مجاوبني كمت ابجييييي بس لا مريض لو صاير شي بي اووووف ياربي
نفس الروتين كل يوم كاعده بالغرفة ضايجة احسب شكد صار على سجني اهنا وجان اسمع صوت رمي وهوسه اني من خوفي ختلت جوه الجربايه وطابكه رجلي على بطني ودموعي تنزل كلت راح اموت سمعت الباب انفتحت حطيت ايدي على حلكي احبس شهكاتي اباوع هذا بنطرون شاجور سمعت كال وينج اني طلعت من جوه الجربايه هو جرني كالي لبسي النعال بسرعه اني لبست نعال تك وتك من الخوفه كالي تعاي اوكفي اهنا نزعي التيشرت اني صفنت عليه وعطت بي شنو متستحي احنه بيا حال صك اسنانه مال نزعي بسرعه لا ابتلي بيج ماااا انزع هو لزمني من ايدي ونزعني التيشرت كمت ابجي وجاب مثل الدرع لبسنيا
كتله هاااي شنو شدسوي ولبسني السويتر فوكه وسد السحابه كالي صوتج مااسمعه مفهوم اشرت براسي بمعنى ايي لزمت ايده حيل هو باوعلي ورجع اندار يباوع طلع واحد كبالنه هو بسرعه ضربه ذاك وكع ودم كام يجري اني متتت من الخوف شديصير احس رجلي رخت كالي امشيييي جرني حيل ويكلي نصي راسج
اباوعله مجان خايف حتى من يصوب يصوب عدل عبالك متمرس اسمع صوت الطلقات تفوت من يمي طبعاً اشاهدت كلت هذوه راح اموت اليوم كمت ابجي من الخوف احس روحي بفلم مو حقيقه حسيت شي چك رجلي وصلنه للسيارة وشخطها شاجور بسرعه جان كلساع يرفع عينه ويباوع على الجامه الاماميه واني حاطه ايدي على اذني من صوت الطلقات كصته عركت ويباوع بغضب طلعنه من البستان صوت الطلقات صار بعيد وكلساع جهازه يدك وعيونه حمر وراها اندار عليه كال وخري رجلج ديفتح الجكمجه شو لزم رجلي
شاجور: هااي شنووو الدم وكفت السيارة نزلت فتحت الباب هي شافته الدم ماعت روحها خره بالكـ... رحت لصندوك السيارة لكيت تيشرتي شكيته ولفيته على رجلها يمعوده فتحي عينج اضرب بيها شويه فتحتها غسلت وجه بالماي رجعت ركبت السيارة كتلها لتنامين وهي فاقده كمت اسوق بسرعه لزمت كصتها خاف حرارتها صعدت
رحيق: احس ريكي نشف وشفايفي صارن يابسات واطرافي نملت فتح الباب بسرعه وبعد حسيت اغمى عليه اسمع يحجي يكول لتنامين اتحملي بس خلي نعبر واشوفها كلساع يتلفت عليه نعست كلش
غمضت عيني يكلي لتغمضين فتحي عيونج جان يمشي سريع نزل هو من السيارة بعدين اجه شالنه وطببني جوه طلع رجال كاله فوت فوت فوتني بغرفه سمعته يكله ابو حيدر بس سويلي طريق اغسل طلع واجه بعدين يمي جنت بالكوه مفتحه عيني كال باوعيلي تحملي
ماكدر اوديج مستشفى حط الوصله بحلكي .....

اتمنى عجبكم❤️
#Aseel✍🏻