رحت للداوم عادي بالمعهد رجعت من الدوام لكيت الجو متوتر اجه ابوي صاحني
كرار:ها بويه أأمرني
ابو كرار:شوف ابني انت تدري محمد ضاربيه بسياره واحنا اخذنا فصليه و اخوك متزوج ف انت الي راح تاخذها وبعد اسبوع راح تعقدون شيخ
كرار:بويه شنو هالحجي صلي على النبي لا تورطني ببنت الناس اني بعدني جاي ادرس ويا دوب مدبر حالي نوب تجيبلي مره ما ادبرها
ابو كرار :العقد الاسبوع الجاي وانتهى الموضوع
كرار:بويه اسمعني خلي مصطفى ابن عمي اسماعيل ياخذها يعني اخوه الي متضرر احنا شكو ناخذ الفصليه!؟
ابو كرار:بويه تدري مصطفى ابن عمك طايش وما يتحمل مسؤليه بنت الناس وبعدين هي راح تبقى يمنا بس سنه ونرجعها لاهلها ف انت اخذها وتدير بالك عليها احسن من مصطفى خاف يسوي شي للبنيه ويورطنا
كرار:الله كريم بويه
************************************
بعد ما ماما شرحتلي شنو فصليه خفت وما اعرف ليش, يعني اني طالبه سادس وهالايام يخلصن امتحاناتي ويطلعون النتائج واخاف ما يخلوني اداوم جامعه لان سمعت خبر ان همه معقدين وميخلون البنات يكملن
انطونا مهله من اخلص امتحانات يودوني
مرت الايام وخلصت امتحانات والبيت كله مقهورين ومتوترين لان بعد مده ياخذوني
ابو غزل :عيني هاي فلوس روحي جهزي كلشي لغزل لا تخليها تحتاج شي
ام غزل: ان شاء الله
الصراحه ماما اكثر وحده مقهوره عليه, 24 ساعه ضايجه ودمعتها بطرف عينها بس تحاول متبين هالشي
ام غزل :ماماتي غزوله امشي خلي نروح للسوك حتى نجهزج
غزل:اوك ماما بس خلي اتصل على نوره صارلنا هواي مملتقين ف خلي اشوفها بلكت تطلع ويانه
ام غزل:اوك حبيبتي
...................
نور :لحظه لحظه هاي منو متصله !؟شنو حلمانه بيه لو تردين تموتين !؟لج مشتاااقتلج يولي وين جنتي مختفيه
غزل :لج بابا علكيفج اكلتيني حاصل فاصل
نور:دكولي شصاير وياج حتى هيج اختفيتي
غزل:راح اتزوج
نور:شنوووو !؟؟؟يا ادبسزز يا حقيره هاي راح تتزوجين واني ما ادري وهاي عود اني اقرب وحده الج مووو !!
غزل:لج مو زواج زواج راح ياخذوني فصليه
نور:تتشاقين اكيد, يا فصليه يمعوده اكو ناس بعدها بهالتفكير المتخلف
غزل:سكتي يمعوده ونبي نفسيتي زفتت ومكسور خاطر على اهلي ,المهم تعالي خلي نطلع نجيب ملابس وحبشكلات صارلي هواي مشايفتج وهم تساعديني
نور:اوك حبيبي بس شوكت نطلع !؟
غزل:هسه بدلي وراح نمرلج بعد شويه
نور:اوك يعمري يلا باي هم يالله اتحضر
رحنا للسوك اشترينا طن ملابس واحذيه وجنط ودشاديش وتراكات ومكياج وكلشيي
بالاخير طبينا لمحل ملابس داخليه اني متت من الخجل وامي ونور كلساع هذا حلو لو ذاك
ام غزل:ماما لا تستحين بعد كم يوم تتزوجين شلون تضلين بهل مستحه !؟
نور:لج بابا دشوفي الالوان يبووو يجنن زووووجوني حجتها بصوت ناصي
غزل :ماما خلي نطلع وطلعت من المحل .اشو محد لحكتني ضلن بالمحل
امي ونور ضلن يختارن وطلعن محملات علاليك ,شكد جايبات
وصلنا للبيت وويانا نور
صعدنا بدلنا بعدين فتحت العلاليك وانصدمت
غزل:عززززززه هاي شنو
نور:ووجع كمزتيني شكو !؟
غزل:لج هاي شجايباتلي
نور:اهاا قصدج على ذني واشرت على الملابس,لعد لو تشوفين الباقيات فتحي العلاليك وشوفي
غزل :عزه عزه والله ولا البسهن خليهن الجن
نور:لو بيدي جان ما بقيتهن بس تعرفين المن البسهن يحسره
ضحكنا وسولفنا بعدين اجه ابو نوره اخذها واني رتبت الملابس ونمت
************************************
ابو كرار:اسمعوا يابه البنيه راح تجي الاسبوع الجاي, كرار خاف الله بيها هاي امانه وانتي ام فهد ديري بالج عليها واعتبريها حسبه شهد وانتي شهد وفرح روحن رتبن غرفتها وحضرنها ولا تخلن شي ناقص مفهوم !؟
كرار:يابه ومنو كال اني قبلت اخذها كلتلك الله كريم
ابو كرار:يعني تكسر كلمتي كبال الاوادم !؟؟؟
كرار:حشه يبو كرار ما قصدت هيج بس اني زواج ما اتزوج
ابو كرار:ابني انت بس تعقد عليها وهي سنه وراجعه لاهلها ان شاء الله
كرار:الله كريم بويه
..............................................
ما كملت لان ما ردت البارت يكون طويل
اتمنى تعجبكم الروايه
تصويت وتعليق منكم يفرحني
واتمنى تتغاضون على الاخطاء الاملائيه
انتظروني بالبارت الجاي
أنت تقرأ
فصليتي الخجوله
Randomغزل:اني غزل عمري 17 طالبه سادس من النوع الخجوله زياده عن اللزوم و مو اجتماعيه ابد عندي بس صديقه وحده اسمها نور والي اعتبرها اختي من كد ما قريبه عليه وهي نفس عمري . عندي اخ واحد اسمه علي عمره 21 طالب كليه صيدله واهلي عايشين الحمد لله حياتي هادئه وح...
