غزل:اني غزل عمري 17 طالبه سادس
من النوع الخجوله زياده عن اللزوم و مو اجتماعيه ابد عندي بس صديقه وحده اسمها نور والي اعتبرها اختي من كد ما قريبه عليه وهي نفس عمري .
عندي اخ واحد اسمه علي عمره 21 طالب كليه صيدله
واهلي عايشين الحمد لله
حياتي هادئه وحلوه كلش.
******************
كرار :اني كرار عمري 19 طالب معهد طبي
اهلي من النوع العشاير وابوي الله يطول بعمره هو متولي العشيره وعنده اخوي الجبيرو الي يعتبره ايده اليمنى لان معتمد عليه بهواي اشياء وهو الي راح يستلم الشيخه من بعده .
اني من النوع الي ما اهتم بسوالف العشيره ومالي علاقه بأحد مجرد مهتم بدراستي وعايش حياتي بهدوء
عندي اخوات اثنين وحده اسمها قمر عمرها 23 متزوجه والثانيه اسمها شهد عمرها 16 صغيره ممتزوجه
كعدت على صوت شهد
شهد :كرار كرار يلا كوم وصلني للمدرسه تره اتأخرت وعندي درس اضافي بال7 وانت وراك جامعه كوم يلا
كرار:يبووو اي اي كمت شهل خلك من الصبح
شهد :ديلا كوم بسرعه
كمت غسلت وبدلت ونزلت
كرار:صباح الخير
ورحت بست راس امي
ام كرار :هلا يمه صباح النور تعال تريك هذا الجاي حار وكيمر
شهد:يمه يا الجاي حاار خلي يوصلني ونوب يرجع ياكل.
كرار:شكد غثه امشي يلا
وصلتها وتريكت ورحت للجامعه
بالطريق اتصل عليه ابوي كال محمد ابن عمي بالمستشفى
صح علاقتي وياهم مو قويه بس مهما يكون لازم اروح
رحت وصلت للمستشفى شفت محمد رحت سألت عمي
كرار:شصار وياه !؟
ابو محمد:واحد كلب ضربه بالسياره وهسه لكيته جايبه للمستشفى
كرار:لا حول الله طول بالك عمي ان شاء الله خير
اجه الدكتور كال:الوضع ميبشر بخير عنده كسر بالعمود الفقري واحتمال راح يأثر على مشيه
ابو محمد خطيه انهار وضل يصيح
ابو كرار:طول بالك خويه والله راح اخذله حقه
ابو محمد :والله راح اسويها عشاير ودم بدم
************************
أنت تقرأ
فصليتي الخجوله
De Todoغزل:اني غزل عمري 17 طالبه سادس من النوع الخجوله زياده عن اللزوم و مو اجتماعيه ابد عندي بس صديقه وحده اسمها نور والي اعتبرها اختي من كد ما قريبه عليه وهي نفس عمري . عندي اخ واحد اسمه علي عمره 21 طالب كليه صيدله واهلي عايشين الحمد لله حياتي هادئه وح...
