21
مرت الايام بسلام علي ابطالنا
يوم الحنه بتاعت ساندي كانت ساندي مشغوله
مع جميله في تجهيزات يوم الفرح وكان يوسف
قاعد مش علي بعضه وبيكلم مراد
يوسف ... مش عارف حاجه مش عارف هتجنن
مراد ... ليه يابني في أي
يوسف ... كل ماتكلم مع ساندي القيها بتقفل
في الكلام ولما بقولها نتقابل تتحجج باي
حاجه عشان متقبلنيش أنا خلاص هتجنن
مراد ... طب ما تتكلم معاها ممكن تكون زعلانه
منك افتكر كدا انت مزعلتهاش اخر مره اتكلمتوا
او اتقبلتوا فيها
يوسف ... لاء هي اخر مره كنا مع بعض فوق
في الجناح وماعملتش حاجه تزعلها ولا ممكن
تبقي زعلانه من وسرح في لحظاتهم مع بعض
في الجناح بس هي ماكنش باين انها متدايقه
من اللي حصل
مراد ... ايه يا ابني سرحت في أي أنا من رأي
تروح وتكلمها انتوا فرحكم بكرا
يوسف ... عندك حق أنا لازم اشوفها ونتكلم
وقام من مكانه
مراد ... انت رايح فين دلوقتي
يوسف ... رايح اشوف مالها
مراد ... طب كويس وانا كمان هروح عند مدام فاتن
يوسف ... اه صحيح انتوا عملتوا أي في موضوع
اهلها الصعايده دول
مراد ... مش عارف انا رايح دلوقتي وهعرف
يوسف ... ربنا معاكم يا صاحبي
وخرجوا هما الاثنين وصعدوا سيارتهم وكل
واحد تجه الي حبيبته
وصل يوسف الي القصر عند ساندي وفتحت
له ثريا ... اهلا يا بيه اتفضل
يوسف ... ساندي فين
ثريا ... ساندي هانم في غرفتها مع جميله هانم
يوسف ... طيب ممكن توصليني لغرفه ساندي
ثريا ... اكيد يا بيه بس هقولهم الاول عشان
جميله هانم محجبه
يوسف ... اه طبعا اتفضلي
صعدت ثريا وطرقت غرفه ساندي
ساندي ... ادخل
دخلت ثريا ...ساندي هانم يوسف بيه
تحت وعاوز يقابل حضرتك
