سلام عليكم انا بنت من تلمسان جيت نحكيلكم استوار حقيقية المهم منطولش عليكم نبدا وانشاء الله تعجبكم باغية نوضح شي حوايج الجزء اللول ماشي كلشي فيه حقيق100ب100 زدت فيه شي حوايج باش تحسوا بالمتعة مي الجزء التاني صحيح 100ب 100
المهم كالعادة ياسادة نضت صباح مرنكة مكشردة الرفاي يصوني على 7تاع الصباح باش نروح نقرا نضت غسلت وجهي لبست صوالحي انا منشربش قهوة منبغيهاش خليت غي خويا يشرب المهم قرينا الصباح من 8.00 ا12.00فلعشية دخلنا 13.30 وخرجنا 16.30 كان نهار لخميس خرجت كيفي كيما الناس انا و2 صحاباتي طالعين لديارنا كنا نتمشاو ونضحكوا ونشوف واحد الارتيس واحد البوقوص ياتيري من بعيد ضارب حطة لاريني نواضر تاع الشمس ....وانا وصحاباتي لي يفوت علينا نمنشروا فيه يليق هادي هي عادتنا ههه بيانسيغ مام هو منشرنا فيه لي بايرة تقول هدا بقوص وارتيس كيفه فزين مكاناش ولي اونكوبل تقول هدا مافيه لازين لا والو حنوني بوقوص عليه ههه المهم هو كان هاود يتلاقا صاحبه وهدا صاحبه هو واحد يقرا معايا ايا هو فات عليا كيشغل توشاني قالي سمحيلي ختي قتله معليش خويا وانا فخاطري نقول.يعطييك لخلا ماشي ختك انا ههه فيه واحد الريحة تهبل ريحت لبارفان ماشي ريحت لولاد تاع كلاصتنا ريحت دخان لي يكميوه وريحت لعرق يزيدولها لبارفان وريحت رجلين البنت لي يفوت عليها تفقد حاسة الشم بهاديك الريحة ههه ايا هو كي فات عليا صاحبه لي كان جاي باش يتلاقاه كان من مورانا يتمشا ايا هو قاله باغي ندوموندي هادي زعما عليا ايا لي يقرا معايا لغالي
قالي .ملاك
قتله.مالك
قالي.دومونداك واحد
قتله .من دورك قوله لا
قالي .غي شوفي شكون
قتله.منشوفش مي انا شفته ههه
قالي.علاش وقعد يحلل فيا
قتله .الكلمة التالية لا
ودرك قاع تتسالو علاش قلت لا ولد عمي كان واقف قدام الباب تاع حانوته وقاعد ويشوف فيا على بيها قلت سيما خصرلي لافير ههه .
المهم كملت طريقي انا وصحاباتي وهوما كانوا يتمشاو مورانا وعاود سبقونا .المهم فاتت الجمعة والسبت جا نهار الاحد نضت صباح ....قريت صباح لعشية خرجنا 16.30 كالعادة ونشوفه واقف عند الباب تاع ليكول دبت فبلاصتي خرجت من الباب ودرت روحي قاع مشفتهش بغا يهدر معايا مخليتهش ايا طلعت مع صحاباتي وهو قاعد يتمشا مورانا هو وصاحبه وانا مكنت عارفة بلي راهم يتمشاو مورانا كي قربت نوصل لدار صحاباتي قالولي ملاك دوري موراك شوفي شكون راه مورانا قلتلهم شكون قالولي دوري درك تعرف درت لقيته هو صدمة كبيرة ههه تما دارنا نسيتها وين جات نتمشا وندعي ياربي مايمشيوش مالطريق لي نمشي منها انا وربي استجاب دعوتي ممشاوش مالطريق لي نمشي منها انا وصلت لدار صرا الروتين لي موالفة نبدل كسوتي ....جا غدوة نهار الاثنين كالعادة نضت صباح ...واحد الضربة كنا نقراو لونغلي لي يقرا معايا قالي ملاك فلان عاود دومونداك شفت فصحبتي الشوفة تاع واش نقبل هزت راسها زعما قبلي الصم البكم نهدروا غي بالاشارات باسكو الاستادة تاع لونغلي كلشي تشوفه وتسمعه رادار خخخ ايا
قتله.اوك
قالي.نعطيه الفيس تاعك
قتله.هداك الفيس راحلي تسينيالا
قالي.متعييش روحك وتحلي فيس دك نقوله يحلك
قتله.اوك
قالي.دك نهار لخميس يجي وتلاقاو
قتله.اوك
المهم انا درت لافيرههه فات الثلاثاء والاربعاء جا نهار لخميس خرجت لعشية 16.30هو واقف عند الباب تاع ليكول كيشغل حشمان باش يجي يهدر معايا وانا تاني كيشغل وجه الحشمة حنا نحشموا ههه مانيش عارفة كيفاش حتى تلاقينا وهدرنا وينوضوا يضربوها برقصة ويتسماو عشيق وعشيقة ههه المهم مديروش عليا فيا واحد لمرض سميته لهبال وين حبستلكم اييه حد لي تلاقينا هدرنا مطولناش بزاف كملنا الهدرة هو طلع مع صاحبه وانا مع صحاباتي هو كونت قتله حليلتلي الفيس قالي نسيت قالي مي دك نسيفطهلك مع صاحبي انا منقدرش نجي عندي صوالح قتله اوك المهم من موراها سيفطهلي رحت لدار طرت ديراكت لتيليفون باش نحل الفيس مي دوماج كلما ندخل الايميل والكود مينحلش يكتبلي بلي راني غالطة فالايميل وقتها كرهت لغدوة رحت نقرا وبغيت نهدر مع لي يقرا معايا باش نقوله بلي الايميل راك غالط فيه مي ملقيتش فرصة كيفاش مرات منلقاهش والى لقيته نلقا بزاف تاع ولاد قاعدين معاه قعدت على هداك الحال شي يامات جاو الاختبارات دخلنا نهار الاحد باش الاساتدة يريفيزيونا شوية دروس دابزت مع استادة السيمانة باينة من بدايتها مرنكة الاثنين رحت قريت ليكور تع العلوم وليت لدار مع 19.30ويصرا مالم يكن فالحسبان ههه منبع الحنان ماما لقات الورقة لي فيها الكود تاع الفيس و الايميل حصلت معاها بقات غي تصقصي فيا دارتلي استجواب حسيت روحي فلكوميسارية يديرولي لونكيت ههه والموصيبة الايميل كان فيه السمية تاع الولد والكود فيه سميتي سيما هنا قاع باينة بلي هداك صاحبي مدهلي بقيت نرجف غي وحدي وهي تصقصي وانا نجاوبها بالكدبة مور ختها ههه ايا قاتلي غاديك نعطيك نص ساعة تخمي ياتقوليلي لي كاين ول نقولها لباك انا عارفتها بلي متقولهاش لبابا باسكو ...بلا منقولكم يرتكب فيا جريمة ههه وانا نقول فعقلي هيا سير متقولهاش لبابا زعما واش دير الى مقالتهالهش زعما تسلخني ول كيفاه ههه ايا خممت فواحد الكدبة شابة ههه كيشغل عطيتها شويا صح وشوية كدوب درت العدل بين الكدب والصح قلتلها واحد دومونداني وهبلي قالي عطيني فيس قتله معنديش ايا غدوة جا وعطاني هاد الورقة باش ميهبلنيش شديتها عليه كيشغل تاقتني وماتاقتنيش ايا وبلعنا الموضوع مزادتش جبداتهلي ايا والولد كان يجي شحال مرة باش يتلاقاني مي اانا منعطيشهش فرصة وكملت معاه ديجا حالتنا ماكنتش حالت وحدين اونكوبل وانا ماكنتش متعلقة بيه ول نبغيه غي عجبني وهنا كملت ليستوار تاع البوقوص وملوكة مي ليستوار تاعي مزال مكملتش باقي الجزء التاني
