من مور لي فوتنا الاختبارات جات كورونا كتروا الاصابات بيها دينا فاكونس قعدت قريب سيمانة فدار قتلني الفيد والكوفيد تفكرت بلي كان عندي العام لي فات 2019 كونت اسمه صبايا كنت حالة كونت اسمه ملاك الامورة ول شي حاجة كيما هاك دخلتله بدلتله اسمه رديته Malak DZ ايا دخلت ليقروب فيه بديت نقصر معاهم فليل نضحكوا ونشطوا فوت يومين على هداك الحال جا واحد النهار دخلت عندي بنت بريفي قاتلي انضمي لهاد لقروب نقسروا فيه قلتلها اوك دخلتله هدرت معاها شوية كان معانا واحد الولد تما من موراها بربع ساعة دخل واحد لهداك لقروب لي هو صاحب السعادة لي دايرة عليه قاع هاد ليستوار مبعد نفهمكم علاش سميته صاحب السعادة المهم قعدنا نهدروا وهو كيشغل لفت انتباهه مانيش عاقلة كيفاش دخلنا وبقينا نهدروا بريفي ايا هدرنا فلقروب تعرفنا على بعضياتنا شكون سيليباتير وشكون اونكوبل مي قاع كنا بايرين قاع سيليباتير ههه وهو يهدر ويمعني بلي راني عاجباته وانا دايرة روحي قاع مادايتهاش فيه هدرت معاه شحال منهار مانيش عاقلة ماشي بزاف مي معقلتش حسيت روحي عرفته وعرفت عقليته المهم هدرنا بريفي نحيكلكم على صوالح لي راني عاقلة عليهم
قتله.وين تسكن
قالي.فقلبك
قتله .احححم
قالي.متزعفيش ني نزعق معاك
قتله.وي ني عارفة
مي انا مزعفتش تما عاد زادت رشقتلي ههه حكالي على لبنات لي كان اونكوبل معاهم وبزاف حوايج واحد الضربة كنا نهدروا فلقروب وبغا يعترف بالمشاعر تاعه ههه مي كيشغل مخرجتلهش لافير باسكو منبع الحنان لغاتلي
قاتلي .ملاك رواحي غسلي هاد لماعين
قتلها.منجيش
قاتلي.تجي ول نجي
قتلها .لا صايي نجي وبقات تضحك ههه
قتلها .تلغاي غي فالوقت لي مخصكش تلغاي فيه
قاتلي.وعلاش شاكنتي ديري طلعي سوارخ متلا
قتله.لا غي ...صايي والو
المهم غسلت لماعن ف5دقايق مي ماشي غسيل غي لغسيل تاع لقلق من بعد قاع عاودتلهم ههه رحت للبيتي عاود شعلت البيسي وحليت الكونت لقيته هو يهدر غي وحده ومولات لقروب مبعد حسيته كيشغل نتقر رحت عنده بريفي
قتله.علاش ماراكش تهدر فلقروب
قالي.ماراكمش متهليين فيا
قاتله.رواح انا نتهلا فيك
قالي.راني جاي
ايا جا لقروب وهدرنا عادي كيما العادة هويمعني وانا مديتهاش فيه ولي عجبتني يجي غي بالحيلة ميجيش فاص ويقولي باغي نكون اونكوبل معاك ول المهم جا ليوم المنتضر 19 مارس هداك هو اليوم المنضتر
