جيت وجبتلكم معايا الجديد #الحب اسيدي اك فاهم حكايتي انا وصاحب السعادة مزال مكملتش ومزالها مستمرة باسكو الحب يغلب المهم بلا منطول نبدي من بعد مافاتوا يامات وشهور ودارت ليام تلاقيت صاحبه شهين لي قتلكم عليه من قبل فواحد لقروب خاص غي الجزائريين دخلت لقروب قلت سلام ايا قعدت مقصرة معاهم شوية ايا هو كان مسمي اسم تاع الكونت تاعه mouataz مالقري هو اسمه شهين قالي ملاك نتي من تلمسان قتله وي قالي عرفتيني قتله كيشغل انا كان عند بالي هو معتز صاحب اكرام باسكو إكرام من موراها تسيبارات مع شهين ولات مع واحد اسمه معتز قتله وي عرفتك قالولي عليك غيار بزاف قالي واه نغييير وبزاف ايا وبقينا نهدروا قالي انا ماشي صاحب اكرام قالي انا صاحبه وراني حال كونت باسمه قتله اييه اوك قالي مي نقولك حاجة انا مإسميش شهين فالحقيقة اسمي صالح انا تصدمت وتخلطت عليا ايا بقا يفهمني قتله سيما نت اسمك الحقيقي صالح ومعتز هو صاحب اكرام وسميت شهين مكانش منها قالي وي ايا شوية بشوية جبدنا الموضوع على صاحب السعادة لي هو فالاصل اسمه منير ايا انا قتله كي راه منير قالي راه غايا لباس....وراه مزاله يبغيك قتله اممم مام انا نبغيه قالي زعما مكانش امل توليو لبعضياتكم قتله موحال قالي هو يبغيك ونتي تبغيه علاش متوليوش ايا انا قتله ماشي كان اونكوبل قالي لا ماراهاش اونكوبل كي انا قتله هاك غي باش نعرف واش كان اونكوبل من مورايا ول لا ههه .....تستمر الاحداث
من هداك النهار انا وصالح كل يوم نهدروا ميفوتش نهار بلا نهدروا انا دايراته كيما خويا وهو دايرني كيما خته وكان عزيز عليا بزاف كان يحكيلي كلش فنهاره من بعد انا لقيت عفسة كيفاش ندير ونرد الفيس لي نسيت الكود تاعه وكالعادة كي ندير حاجة فراسي يسموني نديرها بيانسيغ رديت الفيس وسيفطت لمنير ميساج قتله سلام حسيت بواحد الفرحة قاع وحدها وقلبي بدا يضرب مي هو فهاداك الوقت مكانش يحل الفيس رحت عند شهين وقتله بلي سيفطت لمنير ميساج ... قالي راني هدرت معاه فتيلفون قتله شاحكيتوا قالي هدرنا عليك...قتله اوك المهم فاتت سيمانة تقريبا ايا رد عليا قالي وعليك سلام قتله توحشتك وبغيت نشوفك قالي مام انا راني متوحشششوك .... راكم عارفين تمعشيق ههه المهم من تما ولينا غايا كاين غي الحب وتمعشيق مي مكانش يحل الفيس بزاف ايا واحد النهار قتله علاش ماراكش تحل الفيس سيما راك ترد الصرف تاع الوقت لي مكنتش انا نحل ايا من بعد كي حل الفيس قالي علاش كاين شي واحد يقدر يسمح فعينيه نتي عينيا قتله اممم اوك قالي غي تيليفون لي عندي غادي نبيعه ونشري واحد ايا صالح كي صقصيته قالي لا تيلفونه راه مخصر راه عاد معدلهش قتله مي زعما علاش كدب عليا قالي مانيش عارف قتله اوك ايا من موراها ولا يحل كل يوم ونحكيو عادي شوية تمعشيق وشوية دباز ههه واحد النهار كنا نحكيو انا وصالح فلفيس وهدرة تجيب هدرة يقينا نهدروا على منير ايا حتى قالي ملاك ختي نقولك حاجة منير راه مع وحدخرا غيرك من هادي شحال ومكنتش عارفك هكا على بيها مقلتلكش قتله من نيتك شاراك تقول نت قالي روحي حلي الكونت تاع صبايا نحكيلك تما قتله اوك ايا قتله الى راك تتمسخر غي قول ومتبداش ديرلي كيما هاك انا وقتها انهرت بالبكا بقيت غي نبكي وماقادراش نحبس دموعي ايا رحت حليت الفيس عايرت منير من بعد هو كيشغل حس ول مانيش عرافة ههه هو موالفش يحل الفيس فهداك الوقت قالي شاراكي تقولي .... قتله صالح قالي ....قالي هاد الهدرة مكانش منها ولله ماكان منها ....المهم انا فهداك الوقت امنته باسكو عرف كيفاش يقنعني وقالي بلوكي صالح متزيديش تهدري معاه وانا درت برايه وبلكوتيه مالقري كان عزيز عليا
ايا من بعد قالي عطيني نيميرو نسمع صوتك قتله اوك ايا هدرنا شوية وعادت المياه إلى مجاريها
