هلاو حبايب شلونكم
الي عنده أصدقاء يسويلهم تاك(منشن) حته يقرون القصة
شيخ حاتم واحفاده
للكاتبه 🌟نبأ ميثم 🌟
...... ❤️❤️........
ريحانة. انتي متأكده
استبرق. أي ليش
ريحانة. هيج
جمانه. شبيج وياه؟
ريحانة. مابيه شي رحت للمطبخ اشتغل ويه البنات سفره الزلم وحد واحنه النسوان وحد
كعدت اثرم خيار وطماطه اجت استبرق وكعدت يمي تثرم حته نخلص بسرعة
ريحانة. استبرق( بهمس احجي)
استبرق. ها شبيج شو تحجين بهمس
ريحانة. أي حته محد يسمع اريد احجي وياج على انفراد بس كون ماموجود احد
استبرق. ماشي
دخل ابن عمي بلال ورجله بيه حرك لأن رافع الدشداشه شفته بس الحرك قديم
لازم اعرف منو هيج سوه وشنو مصلحته
اخذ الصينيه وطلع رحت يم اخته سكينة
ريحانة. اكولج سكينة
سكينة. كولي عمري
ريحانة. اخوج شبيه رجله
سكينة. قصدج الحرك
هزيتله راسي بأي وج خيه هاي اني الثوله قبل يومين كلي جيبيلي جاي وجا وكعت القوري على رجله خطيه شاغت روحه
ريحانة هااا خطيه
جمانه. ليش تسألين
ريحانة. شلج دخل شنو هاي
جمانه. خاف معجبه بي تحجي بياس
ريحانه.ليش ماتولين من وجهي
ريحانة. ماعولت خلصنه غده وهاي الهوسه وجايات وسولف كدرت انعزل وأخذت استبرق وياي طبينه بغرفة مابيه احد ماعرف إذا راح اسئله أو لا
حجيت من دون مقدمات كلشي واضح هي السبب
ريحانة. انتي جذبتي عليه
بخوف ردت بشنو جذبت
ريحانة. الحرك الي برجليج مو بل تنور مثل ماكلتي هاي بسبب حريق البستان
استبرق. لجذبين منيلج هل حجي وبعدين وين الكه البستان حته احترك بي
ريحانة. بابتسامة اول شي اني مو ثوله وهيج أجي اتهمج بلا دليل البارحه شفت كلشي وشفتج شلون تحركين البساتين
ومن وكعتي ونار أكلت ذيال الدشداشه هاا هم نكري
استبرق. كتلج مو اني
ريحانة. ليش متعترفين احنه وحدنه وقابل شراح اسويلج
استبرق. هه شيضملي متحجين واصلاً ليش تردين تعرفين
ريحانة. يمكن اكو شي مشترك بينه حسب مامبين من وجهج انتي تكرهي الشيخ صح لو لا
استبرق. أي
ريحانة. حلو واني هم اكرهه مصلحتنه وحده
استبرق. أي لو افتهم شدخل المصلحة
ريحانة. هسه احجي ليش هيج سويتي يجوز نحركه مره ثانيه وضحكت
استبرق. اني راح احجيلج وإذا كلتي الأحد ميهمني
لأن اصلن حياتي مو الي بيد نسوان أبويه اني حركت البستان البارحه وبعد احركه مره ثانيه وثالثة ورابعة
ريحانة. تفاجئت من شخصيته القوية ليش هيج
استبرق. تدرين ليش لأن احنه خدم عند ولده واحفاده تدرين اني حياتي شلون بيت أبويه شوفي راوتني آثار ضرب جسمه احمر ومن غير علامات قديمة مارايحه
أنت تقرأ
شيخ حاتم واحفاده
Mystery / Thrillerملازم رائد....... شيخ جاسر (مكتملة) في ضل عادات وتقاليد عراقيه سلف الشيخ حاتم يصدمه زلزال يخرب كل مابناه والصدمة الكبرى هذا الزلزال فتاة تبلغ من العمر الثامنة عشر ريحانة عشيرة حاتم للكاتبة 🌟نبأ ميثم 🌟
