مراد : حاضر يا لؤي اهدي بس
وقفل معاه ولؤي دخل البلكونة تاني
*********************
زهرة : الو يا زينة ازيك
زينة : زوزة حببتي ازيك عاملة ايه
زينة صحبة زهرة الوحيده وقريبين من بعض اوي لان زهرة مش معاها اخوات بنات فاهي و زينة اكتر من اخوات زينة عيونها خضراء بشرتها فاتحة
زهرة : مش كويسة يا زينة مش كويسة
زينة بخوف : مالك بس يا حببتي في ايه
زهرة : لؤي كل ما احسه بدا يحبني يعمل موقف يثبتلي العكس
زينة : اهدي يا حببتي متعمليش في نفسك كده هو بس عيونه معميه عن الحقيقه واكيد اول ما يعرف هيحبك
زهرة : يارب يا زينة يارب ده انا بحبه من وانا لسه طفلة ربنا يهدية
فجاءة الباب اتفتح ودخل لؤي وعيونة بتطلع نار من الغضب
زهرة برعشة : ززينة انا هكلمك بعدين وقفلت بسرعة وهو قرب منها وشد التلفون
لؤي بعصبية : مش قولتلك متكلميش حد من غير اذن مني
زهرة بخوف : دي دي زينة صحبتي وبعدين انا حرة اكلم زي ما احب
لؤي ضربها قلم بقوة وقال : انت نسيتي نفسك ولا ايه
زهرة بدموع : انا عملتلك ايه انت بتعمل معايا كده ليه
لؤي ضربها قلم تاني وقال : صوتك ما يعلاش عليا يا بت بشار
وسابها بتعيط وخرج وقفل الباب بقوة
***********************
تاني يوم الصبح
لؤي دخل الاوضة شاف زهرة نايمة في نفس المكان اللي وقعت فيه اما ضربها لؤي جاب المنبه وحطه جنب ودنها
زهرة قامت بخضة وقالت : ايه في ايه مكلمتش حد والله
لؤي : مالك يا بنتي في ايه
زهرة ركزت لقيته لابس قالتله : هو مين حضرلك الحمام
لؤي ببرود : ما الست هانم نايمة كانها مقتوله ويعيني صعبتي عليا من ضرب امبارح قولت خليكي نايمة احسن شوفتي انا طيب ازاي
لسه هتتكلم لقيته طلع حاجة من الدولاب
لؤي : بصي يا حلوة انا صبرت عليكي اسبوع بحاله هاجي في الليل تكوني لابسة البتاع ده وعامله سهرة جميلة
زهرة بخوف : بس بس
لؤي : هتبسبسي كتير
زهرة بتلقائية : الدكتورة قالت اسبوعين
لؤي ببرود : ماليش دعوة بكلام الدكتورة انت اهو بقيتي كويسة وانا سايبك بمزاجي هاجي بليل ولو ما عملتيش اللي قولت عليه ما تلوميش غير نفسك ولسه هتتكلم لؤي سابها وخرج
أنت تقرأ
تزوجنى لينتقم منى بقلم الكاتبة / فرح محمد
Short Storyفى مقولة شهيرة دايما امهاتنا بتقولها الحب بيجى بعد الجواز لكن فى روايتنا الحب هيجى بس هيكون بعد انتقام
