أحببتك وكأنك أثمن ممتلكاتي

البارت الرابع

مروة : بس انا مش موافقة
الدكتور عمر : نعم يا روح أمك ، هو اي اللي مش موافقه انا هتجوزك بمزاجك أو غصب عنك
مروة : اي روح امك دي ما تحترم نفسك ياض انت وبعدين قولتلك انا مش موافقه ومحدش هيغصبني علي حاجه
الدكتور عمر : انتي بتقوليلي انا ياض طااااايب انا مش هخرج من هنا غير أما اكتب كتابي وانتي اللي جبتيه لنفسك
مروة : قولتلك مش هتجوزك يعني مش هتجوزك
والد مروة : خلااااااااص صدعتووووني أي انا قاعد في حضانه
مروة والدكتور عمر ضحكوا
الدكتور عمر : ممكن تسيبنا لوحدنا شوية يا عمي
مروة : لا يا بابا متسمعش كلامه انا قولتلك مش موافقه ومش هتجوزه
الدكتور عمر : ممكن يا عمي !!
والد مروة : حاضر يبني بس بالراحة واستهدوا بالله كده
الدكتور عمر : متقلقش يا عمي
والد مروة خرج وسابهم لوحدهم
الدكتور عمر : ممكن نتكلم بطريقة جد شوية
مروة : تقصد اي ان انا مهزئة وبتكلم بطريقة لا تليق بواحده عندها 19 سنة
الدكتور عمر : والله إن جيتي للسن انا كإني بتكلم مع واحده عندها 10 سنين
مروة بضحكة ساذجة : انا واحده بتعامل مع كل واحد علي اد سنه
الدكتور عمر : بقي هو كده يا مروة
مروة : اه إذا كان عاجبك
الدكتور عمر : ما هو انا لازم اسكت واستحمل عشان انا اللي جبته لنفسي الصبر من عندك يا رب
مروة : ربنا يصبرك ياخويا
الدكتور عمر : يا رب يختي حاسس اني قاعد في سوق بس ما علينا لازم استحمل ، قوليلي بقي أنتي مش موافقه لي
مروة : هو كده مزاجي بيقولي متوافقيش
الدكتور عمر : يخربيت مزاجك اللي هيودينا في داهية شبهك ده
مروة : هو في داهية عسل كده
الدكتور عمر : يا رب الهمني كمان شوية صبر من عندك ومرارة كمان يا رب
مروة وهي بتضحك : يا رب اللهم آمين
الدكتور عمر : مروة بجدد انا بحبك وعاوزك تبقي حلالي
مروة : حلالك ولا كوباياتك هههههههه
الدكتور عمر : يا زبالة قولتلك متقلشيش قلش رخيص تاني
مروة : هو انت
الدكتور عمر : عندك اي أسئلة قبل ما اكلم المأذون يجي
مروة : انت عرفت طريق بيتي ازاي ،  اه صحيح تلاقيك كنت بتراقبني ولا بتتسنط عليا
الدكتور عمر : بكلم طفلة يا ربي اي التفكير اللي ملوش معني ده همشي وراكي لي أنا وهتسنط عليكي لي طفل انا بحب جموسة
مروة : هتشتم تاني
الدكتور عمر : خلاص خلاص بصي يا ستي....
مروة : ستك قرعة تلاقيها كانت بتلعب مصارعه هههههه
الدكتور عمر ضرب بإيده علي دماغه : اي اللي انا عملته في نفسي ده يا ربي بصي يا مروة فاكرة لما قولتلك هاتي الكارنيه بتاعك وانتي اديتهولي
مروة : اه
الدكتور عمر : خدته وشوفت اسمك بالكامل ودورت في السجلات بتاع طلاب الكلية ولقيت فيه عنوانك وسألت عنك ووصلتلك
مروة : اي الذكاء ده كله مكنتش اعرف انك ذكي كده
الدكتور عمر : الله اكبر ياختي بتقرّي عليا في وشي
مروة : طب انت اتقدمتلي ليه اكيد عشان تنتقم مني انا عارفه
الدكتور عمر : هنتقم منك لي أنا ، والله انا اللي انتقمت من نفسي يوم ما جيت اتقدمتلك وطلبت اقعد معاكي لوحدنا
مروة وهي بتضحك : انت لسه شوفت حاجه ربنا يكون في عونك هههه
الدكتور عمر : يا رب يختي
مروة : طب انت بتحبني؟!
الدكتور عمر : هو انتي مصرّة تبقي غبية يعني هو انا لو مش بحبك هتقدملك لي أنا
مروة : اه صحيح ازاي مفكرتش في كده
الدكتور عمر : مش عارف انا الغباء عاوز منك اي
مروة : اتلم احسن والله هقول مفيش جواز
الدكتور عمر : خلاص خلاص والله ، اي ده لحظة بس يعني انتي موافقه
مروة : لا مين قالك كده
الدكتور عمر : انتي اللي لسه قايله دلوقتي
مروة : لا لا بتهيألك
الدكتور عمر : لا والله انتي اللي قولتي كده دلوقتي عشان خاطري وافقي بقي
مروة : عمر
الدكتور عمر : نعم!!
مروة : انا موافقه
الدكتور عمر قام وقف بلهفة وفرحه : بجد
مروة : اه بجدد
الدكتور عمر فرح جدا ونده علي والد مروة
الدكتور عمر : يا عمي يا عمي
والد مروة : نعم يبني عملتو اي
الدكتور عمر : مروة وافقت الحمدلله ونزل سجد لربنا سجدة شكر
مروة كانت مذهولة من فرحته ومن ردة فعله
والد مروة : بجدد يبني الف مبروك
الدكتور عمر : الله يبارك فيك يا عمي
والد مروة : بس برضو يبني لازم نعطي العروسة فرصة تانيه انها تفكر عشان دي عادات وتقاليد ولازم نمشي عليها
الدكتور عمر: بس يا عمي العروسة موافقة اهي
والد مروة : معلش يبني بس دي عادات احنا اتربينا عليها ولازم برضو هي تصلي استخارة
الدكتور عمر : حاضر يا عمي بس متتأخروش عليا في الرد
والد مروة : يومين بإذن الله وهنرد عليك يبني
الدكتور عمر : وانا مستني تليفونك في اي وقت يا عمي استأذن انا بقي
والد مروة : في رعاية الله يبني
والدكتور عمر مشي وكان قلقان بس في نفس الوقت فرحان أن هي وافقت وان هي هتوافق المرة دي كمان  وعدي اول يوم ومروة صلت استخارة واتقبلت الحمد لله وكانت مرتاحه جدا وجه تاني يوم ووالد مروة راح اوضتها يسألها علي رأيها
باب اوضة مروة بيخبط
مروة : مين
والد مروة : انا يا بنتي
مروة : اتفضل يا بابا
والد مروة : اي يا بنتي قررتي اي عشان المفروض ارد عالدكتور عمر انهارده
مروة بصت في الارض وهي مكسوفة
والد مروة : انا شايفك مبسوطة ومرتاحة للموضوع
مروة:.....
والد مروة : السكوت علامة الرضا وانا شايفك موافقه عالموضوع يا بنتي هروح اكلم الدكتور عمر افرحه بقي
مروة : بس انا مش موافقه علي الدكتور عمر
والد مروة وهو مصدوم من ردها : لي يا بنتي الدكتور عمر واحد ما شاء الله أنا سألت عليه وكله بيحلف بأخلاقه وأدبه وانا شايفه محترم جدا وموافق عليه انا ومامتك
مروة :.......

إسراء عواد