أحببتك وكأنك أثمن ممتلكاتي

البارت الثالث

الدكتور عمر : اي مالك مش عارفه تردي لي القط أكل لسانك
مروة : لا بس ... اصل... هو ..يعني
الدكتور عمر ضحك جامد من كلام مروة ومروة اول مرة تلاحظ أن ضحكته حلوه بالطريقة دي واتكسفت وبصت في الأرض
خديجة : حقيقي والله يا دكتور مش عارفه اقول لحضرتك اي  انا بعتذر ليك جدا عاللي حصل
الدكتور عمر قاطع خديجة وبص لمروة : اتفضلي يا دكتورة الكارنيه بتاعك وسابهم في صدمتهم ومشي
مروة : خديجة انا لازم اروح دلوقتي هكلمك اول ما اوصل وخدت حاجتها بسرعه ومشت
خديجة : استني بس يا مروة يوووه دا انتي مصيبه أما اقوم اروح خليني اشوف حل لمشكلة الدكتور دي بدل ما يشيلنا مادته
وصلت مروة البيت وسلمت علي والدتها
مروة : اومال بابا فين يا ماما
والدة مروة : لسه مجاش من الشغل ادخلي غيري هدومك وصلي أما يكون باباكي وصل
مروة : حاضر
دخلت مروة غيرت هدومها وصلت وخرجت تقعد مع مامتها تستني باباها
جرس الباب بيرن
مروة : اكيد ده بابا انا هقوم افتح
فتحت مروة الباب وحضنت باباها
مروة : الحمد لله على سلامتك يا بابا
والد مروة : الله يسلمك يا حبيبة بابا
مروة : هااا قولي بقي يا استاذ بابا جبتلي الشيكولاته ولا نسيت زي امبارح
والد مروة : مش وقته يا حبيبتي نتكلم في الموضوع ده بعدين عشان...
مروة قاطعت كلامه وهي بتمد بوزها : اه قول انك مجبتش ونسيت زي كل مرة وراحت رزعت باب الشقة قفلته
والد مروة : مروة استني معايا ضيف برة
مروة : ضيف؟! ضيف مين ؟!
والد مروة : ادخلي انتي بس البسي حجابك وتعالي عشان تسلمي عالضيف
مروة : مين الضيف ده ؟!
والد مروة : البسي حجابك الاول وتعالي وهتعرفي كل حاجه
مروة دخلت تلبس حجابها ووالد مروة فتح الباب لقي الدكتور عمر فطسان من كتر الضحك
والد مروة بإحراج مع ضحكة : انا اسف يبني عاللي حصل هي حركاتها طفولية كده مش عارفه اي اللي عاجبك فيها اتفضل ادخل يبني
الدكتور عمر بضحك : والله يا عمي ما حببني فيها غير طفولتها ودبشها دول
والد مروة بضحك : الله يكون في عونك يبني بس افتكر اني قولتلك بلاش وانت اللي صممت عليها
هههههههه
الدكتور عمر ضحك ووالد مروة خد عمر دخله في الصالون
والد مروة : اتفضل اقعد هنا يبني لحد ما اشوف مروة خلصت لبس ولا لا
الدكتور عمر : شكرا يا عمي بس زي ما اتفقنا متعرفهاش أن أنا اللي موجود هنا
والد مروة بضحك : ربنا يستر من دماغك دي ومن ردة فعلها عليك لما تعرف
وضحكو الاتنين ووالد مروة راح عرف والدة مروة كل حاجه  ووقالها تدخل تشوفها جهزت ولا لسه وتجيبها
والد مروة : ام مروة راحت تشوفها يبني ومتقلقش عرفتها كل حاجه وقولتلها متعرفهاش
في أوضة مروة..
والدة مروة بتخبط عالباب
مروة : مين ؟!
والدة مروة : انا يا مروة باباكي بيقولك خلصتي ولا لسه ؟!
مروة : أيوة يا ماما خلصت اهو بس مين الضيف اللي لازم اسلم عليه ده
والدة مروة : معرفش يا بنتي مشوفتش بس يلا روحي عشان باباكي قال متخليهاش تتأخر
مروة : حاضر
راحت مروة الصالون لباباها واستأذنت قبل ما تدخل وباباها اذنلها بالدخول
مروة اول ما دخلت اتصدمت شافت اخر حد كانت تتوقع وجوده هنا في بيتها وانه يكون قاعد مع باباها
والد مروة : اي يا بنتي مالك واقفة كده لي تعالي سلمي علي ضيفنا
مروة : ده مقلب ده ولا اي يا بابا
الدكتور عمر بضحك : بعد اذنك يا عمي ممكن تسيبنا لوحدنا شوية
والد عمر : حاضر يبني
اول ما والد مروة خرج
مروة : انت اي اللي جابك بيتنا ؟!
الدكتور عمر : في واحده تقول لحبيبها وزوجها المستقبلي انت اي اللي جابك بيتنا
مروة  : حبك برص يا شيخ ، انت ايه مبتحرمش
مزهقتش من كتر التهزيق اللي هزقتهولك
الدكتور عمر : لا أصل التهزيق منك بيبقي ليه طعم تاني بيبقي حلو اوي ههههههه
مروة بعصبية : مستفزززز ، انت جاي تعمل اي هنا
الدكتور عمر : جاي أرد الأمانة بتاعتي اللي سايبها مع والدك بقالها سنين
مروة : يا شيخ، ويا تري اي هي بقي الامانه دي اللي تخليك تيجي بيتنا وتخلي بابا يخليني اجي اسلم عليك وتخليه يسيبنا لوحدنا
الدكتور عمر : انتي
مروة بصدمه : انا !!!!
الدكتور عمر بابتسامة : اه انتي
مروة : هو انا امانه عند الناس دول اللي بيقولوا انهم ابويا وامي اه انا كنت عارفه أن أنا مش بنتهم وأنهم لقوني عند الجامع
الدكتور عمر وهو مش قادر يكتم ضحكته : اه يا ربي مانا لو بكلم حمار كان فهم انا اقصد اي
مروة : طب الحمدلله انك عارف ان انت مش بتكلم حمار عشان هما بس اللي بيفهمو لغة بعض
الدكتور عمر : اه يا باردة اول مرة اعرف انك بتعرفي تقلشي ويا ريته ألش غالي ده من اللي بخمسه وسبعين قرش
مروة ولسه رايحه تزعق قصاده ابوها دخل
والد مروة : اي يا ولاد مالكو صوتكو عالي لي وبتزعقو قصاد بعض كده ليه
الدكتور عمر : قولها يا عمي عالأمانه اللي انا جاي أخدها اصل انا بحب في حمار ههههه
مروة : هتقل ادبك تا....
والد مروة : خلاااااص صدعتوني اسكتو شوية ، بصي يا مروة يا بنتي الدكتور عمر جاي طالب ايدك مني
مروة : نعم جاي طالب ايدي ازاي ، يعني هو هياخد ايدي ويسيب الباقي ليك يا بابا
الدكتور عمر بضحك : اااااااه يا ربيييييييي ما شاء الله عالتخلف
والد مروة بضحك : لا يا بنتي هو جاي طالبك كلك مننا
مروة : اي ده يا بابا هو انا تلاجة هتبيعني بالطريقة دي انا كنت عارفه انك مش ابويا وانكو لقيتوني عند الجامع وانا صغيرة
والد مروة : الله يكون في عونك يبني هسيبلك انت المهمة الشاقة دي هتعوز مني حاجه
الدكتور عمر وهو بيخبط بإيده علي دماغه : استني بس يا عمي متسيبنيش معاها لوحدي
والد مروة : متخافش يبني هي مش هتاكلك مروة بتقدر تتحمل الجوع لساعات طويلة
الدكتور عمر : اي ده يا عمي هو انا جاي اتجوز جمل
مروة : انتو نسيتو انكو بتتكلمو عليا وانا واقفة معاكو
والد مروة : يا مروة يا حبيبتي الدكتور عمر عاوز يتجوزك
مروة : بس انا مش موافقة

إسراء عواد