روايه وعاد قلبي ينبض

خبر حمل

روايه وعاد قلبي ينبض

الحلقه 28

تسريع الاحداث
يعدي شهر علي ابطالنا عدي الازمات والعقبات

منه تصحي من النوم علي وجع ف بطنها
جريت علي الحمام بطنها طردت كل الاكل الي اكلته بقالها يومين اي حاجه تاكلها او تشمهاا تحس ان بطنها مش مستحمله
منه ماسكه ف اديها اختار الحمل : اما اشوف اخرت يطني دي
----
يامن نايم يقوم مفزوع علي صويت منه وهيا ماسكه الاختار ف اديها
وواقفه قدام باب الحمام
يامن : ف اي انتي كويسه
منه : انا حامل هيبق عندنا نونو
يامن بعدم استيعاب : ازاي
منه : مش ناقصه غباء الله يكرمك بقولك حامل حامل
يامن يحضنها ويقول : طب حاسه ب حاجه وجعاكي هنروح للدكتور دلوقت البسي بسرعه
منه : اهدي ف اي يابني
يامن : لازم نتاكد بس امشي براحه تمام
ولا اقولك هغيرلك انا علشان عارفك غبيه
منه بضحك تحضنه : اهدي يا حبيبي
يامن : ازاي بس اهدي ازاي
ويطلع ليهاا دريس
وطرحه
ويساعدها ف اللبس ومنه بتضحك
يامن ميخلهاش تنزل السلالم يشلها
منه بهستريه ضحك : مش قادره هموووت يابني حد قالك اني انشليت انا حامل بس
الكل تحت يتفاجي
ليلي : ف اي مال منه
يامن وهوا طالع علي برا ب استعجال : منه حامل
و
كلهم يتفاجئو
و شهد تزغرط
حسام و مروان واحمد يطلعو يجرو وراه
يامن يركب منه
حسام : يابني طب حصل اي ليها هيا كويسه
يامن : لازم اروح اطمن
ويمشي ب العربيه
مروان : ابنك اتجن يا حج
احمد ب ضحك : الولد من الصدمه مش عارف يعمل اي انا خايف يرمي منه ف اابحر من المفاجئه
يضحكو ب هستريه كلهم
يدخلو يقولو للبنات
يشاركوهم الضحك
احمد يكلم سالم و مالك يعرفهم يقفلو علي استعجال انهم جايين
شهد تكلم اريان ويسيب الشغل ويركب عربيته ويروح علي الفيلا
منه ويامن يطلعو من عند الدكتور
يامن ماسك اديها ومحاط خصرها ب ايده التانيه
وضاممها ليه
منه تفتكر ازاي كان مستمع ل كل كلمه بتقولها الدكتوره وقد اي فرح لما ورته صوره البيبي وهوا بيتكون ف الجهاز الخاص بيها
يركب العربيه
ويقول : حببتي نفسك ف اي اكله او اي حاجه المفرود دي شهور الوحم
منه : حبيبي كفايه انك جنبي منفسيش ف اي حاجه ولله
يامن : طب لو لقيتي نفسك عوزه اي حاجه تقولي تمام
منه : حاضر يا حبيبي اهدي بس الموضوع بسيط خالص
يامن : اسكتي انتي بس
منه بضحك : حاضر
يوصلو البيت منه تنزل
ويامن ينزل بسرعه
ويمسك اديها
منه تبص ليه ب ضحك : ولله انا بعرف امشي
يامن : منه سبيني براحتي
منه : انا بس مش عوزه اتعبك
يامن : لا انا مش تعبان
يدخلو
يلاقو العائله متجمعه
اول م يشوفو منه يهنوهم
سلوي ونهال يقعدوها
منه : يعني انتو ويامن انا كويسه يا جماعه
سلوي : اسكتي انتي
نهال : اعقلي بق هتبقي ام خلاص
رغد : انا وانتي ورا بعض كدا يا علي القدر
منه : الدنيا دي صغيره اوي
ويضحكو
-- اليوم يعدي وكل واحد يروح بيته
يامن يشيل منه يطلعها الاوضه
يقعدها علي السرير
وينزل يجيب ليها اكل
منه تقوم تطلع هدوم
وتدخل تاخد دوش
وتطلع تلاقي يامن دخل الاوضه وحط صنيه الاكل
يبص ليها ب طرف عينه ويقول : بتقومي ليه
منه : اخدت دوش بس وطلعت
مروحتش حته يعني
يامن : طب اقعدي
تقعد ويبداء ياكلهاا
تخلص الاكل
منه تبص تحسه زعلان
يامن : نامي
منه : عوزه انام ف حضنك
يامن يبص ليها
وينام جنبها وياخدها ف حضنه
منه ب دالال : انت زعلان مني علشان قومت اخدت دوش
يامن : مش حكايه كدا انا خايف عليكي وانتي مش مهتمه
منه : ولله ابدا بس الموضوع عادي انا مش اول واحده تحمل وبشوف الكل بيتعامل عادي
يامن : بس دا اول ابن لينا وانتي عارفه انا بخاف عليكي ودلوقتي بق فيه بيبي ف خوفي بق الضعف لو حصل اي حاجه ليكم انا مش هبق مبسوط والدكتوره قالت اول شهور دي الجنين مبيبقاش لسا اتكون ف سهل ينزل وانا خايف عليكم وعليكي انتي اكتر
منه تبصله ب حب : حاضر ياروحي هسمع الكلام مش هتحرك غير لما انت تقولي
خلاص بق متزعلش مني
وتبوسه من خده
يامن ب بسمه : مش زعلان خلاص
ويقول ليها : غرضك اي من البوسه دي
منه ببرائه : ولله ولا اي حاجه دي قلبه اخويه بريئه
يضحكو هما الاتنين
وتنام ف حضنه
------------- تاني يوم
منه تفتح عنيها علي يامن بيصحيها وجايب ليها الفطار علي السرير
منه : انا بحلم صح
يامن : قومي بقالك كتير نايمه
مردتش اصحيكي علشان ماما قالت ان الحوامل كدا بينامو كتير
منه : طب علشان ماما بق سبني انام كمان شويه
يامن : طب افطري وارجعي نامي
منه : ماشي
وتاخد تفاحه منه
تاكلهاا
ويامن يشربهاا اللبن
تقول : مفايه كدا مش قادره اكل تاني
وتنام
يامن يغطيها كويس
وينزل باقي الاكل
يلاقي سلوي و احمد قاعدين بيشوفو ديكور ل الاوضه الي جنب اوضه يامن هيعملوهاا للبيبي
احمد : طب لما نعرف جنسه الاول
سلوي : نعمل حاجه وسط تنفع دي ودي ولما نعرف نبق نظبطها اكتر
يامن : بتعملو اي
شهد : بينقو ديكور ل اوضه البيبي الي منعرفش جنسه ل دلوقت
يامن : طب ازاي دا
سلوي : ملكش دعوه انت احن هنتصرف
شهد. : انا خارجه معي اريان سلام بق
تسبهم وتطلع
احمد : مش هتروح الشغل
يامن : لا مش هروح لحد م منه تولد اي هشتغل ف البيت الحجات المهمه والباقي مدير اعمالي هيتكفل بيه
سلوي : كويس علشان ناخد بالنا منهاا كلنا
هيا فين صح
يامن : مش راديه تقوم من النوم اكلتها تفاحه وشربتها كبايه اللبن ب العافيه ونامت تاني
سلوي : طبيعي هتفضل كدا شويه كويس انك اكلتها سلمي وليلي جايين
و يبقو يطلعو يحاولو يصحوها كدا
يامن : تمام انا هكمل شغل ف المكتب
------ عند شهد
اريان ياخدها
ويقعدو يتغدو ف مطعم
شهد : طب احن هنعمل اي للبيبي
اريان : نعرف جنسه الاول وهنظبط كل حاجه اشطا
شهد : خلاص يا باشا
اريان ب غمز : عقبالنا يا كبيرر
شهد ب ضحك وكسوف : انشاء الله لما نتجوز ف السنه السوده دي
اريان : السنين بتجري هانت كلها سنتين.
ولا تلاته
شهد : ولا اربعه
يضحكو هما الاتنين
----- عند منه
سلمي وليلي و رغد الي جت تطمن عليها هيا و نهال
البنات بيصحو منه
منه : اووف سبوني بق
رغد : قومي يابت
سلمي : يلا عوزين ناكل شورما قومي
منه تقوم تقعد : فين الشاورما
ليلي بضحك. : اخص عليكي بقالنا ساعه بنصحيكي. واول م نجيب سيره الشاورما تقومي مفزوعه كدا
منه : الاكل اهم
معلش
سلمي : طب قومي يختي
اقعدي معي ماما ومامتك
واحنا هنعمل الشاورما
منه : طيب
تاخد هدومها وتدخل الحمام
سلمي ورغد و ليلي يروقو الاوضه
منه تطلع وتنزل معاهم
وتقول : فين يامن
ليلي : ف المكتب
منه : تمام
تنزل تسلم علي امها وتقعد معاهم
شويه :منه هدخل اشوف يامن كدا
وتخبط وتدخل
يامن يقوم بسرعه
------------
نكمل الحلقه الجايه

"الكاتبه مي _ محمد "