كريم :#آحببتها_مجنونه 🙆 جديد في المقدمه 😂🙆
كريم : تي كنهاا تعيط هذي صوتها واصل للشارع
زينب تبكي : مش عارفه كنها بنتي يا وليدي لزتني من الدار وقعدت تعيط وتبكي وحالتهااا حااله
كريم : شنو توا نوريها الحيوانه هذي وعديت كسرت الباب عليها وخشيت لقيت الغرفه مظلمه ومزالت تعيط قربت كريتها من شعرها بعد شعلت الضي
كريم : عليش تعيطي يا حيوانه هااا ردي
هنادي : من انت اطلقني وخبشتني وقعدت تعيط
كريم : تستعبطي انتي والله شنو انا خوك شنو هالتصرفات هذينااااا وضربتها كف علي وجهاا
هنادي قعدت تبكي زي الاطفال وانا مصدوم كنها تغيرت هك هذي شنو يلي صاير معاها
زينب تبكي : مش عارفه كنها من اول ما قلتلها ان خوك وافق علي صاحبه يلي يبي يناسبه وانقلبت 180% واتقول يبي يقتلني وتعيط
كريم انصدمت وبحتت فيها : من يبي يقتلك شنو تخرطي با هنادي بلا حركات اعقلي الراجل بكرا حايتفق معايا عشان يجيب عيلته يخطبوك رسمي
هنادي : ووووووو عليا ووووووو وعدت تجري من حدايا انصدمت لحقتها فتحت باب الباب الحوش وطلعت تعيط في الشارع عديت نجري وكريتهاا واول ما خشيتها جوا انقني ضربتها طريحه فشيت غلي فيهااااا وامي تكر فياااااا : اطلقها يا وليدي اختك شكلها مسحوره مش بوعيهااااا كنك انت
كريم : اي اي سحر يا ماما هذي ما فيها شي زي الجن امبدري في الصبح لقيتها تتفرج عالمسلسل تركي هالحقيره وتسهوك وانتي مصدقتيهاااا
زينب : انا بعد هي كملت المسلسل عديت وحكيتلها علي صاحبك ومن وقتها وهي تعيط
هنادي : وووو عليا يبو يقتلوني ووووو عليا وقعدت تخبش في روحها وعدت خشت تحت السرير
فتحت فمي 😮 : توا هذي هنادي الغبيه قعدت هك
زينب : يانعليا يا بنتي مزالت صغيره من يلي سحرها يا ويلهم من ربي حسبي الله ونعم الوكيل فيهم
كريم : يا امي بلاها الدوا هذي مافيش لا سحر لا شي وهنادي حانوريها وسلحت سيري توا نخليها تنوض
زينب : لالا يا كريم اذا ضربتها مش حانسامحك حرام عليك خيتك هذي
كريم : تي كيف هك حقيها الكلبه تعيط وكارسه تحت السرير نبي نضربهااا خليهاا تنوض تفطن لروحها عمرها 22 سنه شنو هالهبال هضااا
هنادي : يبو يقتلوني يمي يمي وطلعت من السرير وعدت تجري شور المطبخ انا مصدوم لحقتهاا شفتها كارسه تحت الطاوله وفي يدها موس 🔪
هنادي : تقربو مني نقتلكم وعطتني نضره شرسه
كريم 😮 : تقتلتي من تي وحق ربي كما وريتك وكريتها مع شعرها وفكيت منها الموس وقعدت نكر فيها شور غرفتها وامي تعيط وتبيني انوقف ونطلقها بس انا ما عدلتش واول ما خشيت بيها الغرفه قعدت نضرب فيهاااااا وهي تعيط بزياده وهربت مني وجات وراه امي مسكت فيهااا
هنادي : ساعديني هضا شرير يبي يقتلني
كريم : ناويها يا حقيره حانقتلك كما تردي لعقلك والله شنو شكلك دايره علاقه مع واحد صح عليش انهرتي لما صاحبي طلب يناسبني ماتبيش تتزوجيه تي وحق يلي خلق الكون في ست ايام ما يزفك الا هو
هنادي : يبو يقتلوني وعدت تجري كرست في الزاويه عالساس وتعيط يبو يقتلوووووني
زينب : حرام عليك يا كريم خيتك هذي يتيمة الاب دير بالك عليها مش هك تجبرها علي شي هي ما تبيه
كريم : تي كذابه وبعدين حتى انا يتيم يا امي وانا مش مقصر معاها لكن هي حقيره بنتك عارفتيها لسانها 10 ميترو وبعد قررت نزوجها لصاحبي دارت روحها مريضه وتجعون ولكن هالطروحات ما يمشو عليا انا بنتك ونعرفها كويس راه اتمثل ديما اتقولي حلمي نقعد ممثله مش غابي فيها انااااا
زينب : مستحيل اتمثل هك حالتها حق وجها يلي مخبش وصوتها يلي انبح حرام عليك علي شان خاطري خلينا نجيبولها شيخ يشوفهاا الله يربحك
كريم : بس قتلك ما فيها شي تكذب
زينب : خلينا نتأكدو وجيبلها شيخ
كريم : اه عليك حاله وخلاص باهي هي توا ماشي نجيب شيخ وتوا انجي وطلعت وانا راقيتلي هالحقيره هذي والله نوريها عديت جبت شيخ للحوش وصوتها واصل للشارع تي يا ويلها مني ديما نقوللها صوتك مانبيش نسمعه عالي ولكن زودتها خشيت الشيخ في المربوعه وخشيت جوا لقيت امي تبي تلبسها وهي تعيط وخلاص سلحت سيري وخوفتها قعدت ترعش وغصبا عنها لبست عبايتها وشالها وطلعت للشيخ وقراه عليهاا وهي تبكي وخلاص بعد وقت طلب منها تمشي وبحت فيا الشيخ
وقال : هي ما فيها سحر
كريم : وهضا يلي قلته مسكرين راسهم ان مسحوره
شيخ : بس متعرضه لصدمه الواضح ومتأثره لازم يشوفها دكتور نفسي هضا شغله مش شغلي
كريم : عليك موضوع تمام يا شيخ اسف تعبتك معايا
شيخ : لا مافيش تعب ودير بالك عليها وجها مخبش وايديها ملطعات بالسير ماعش تضربها تزيد زياده
كريم : ماعمريش مديت يدي عليها الا من اشويه من تصرفاتها عصبني بس ان شاء الله خير
وفي اليوم التاني من بعد ما راسي وجعني من صوت بكاءها شلتها للمستشفي وامي ما عدتش معانا خشيتها جوا وخليتها تقعد اتراجي لاعند ما يجي دورها لان حجزتلها وطلعت برا غرفه هذي قابلني صاحبي يلي طلب يناسبني ابتسمت وعديت
شوره : خير يا طير
بحت فيا عمران وبفرحه : اووو كريم كيف حالك وقرب حضني شنو جوك يا صاحبي
كريم ابتسمت : الحمدلله امتى وصلت انت
عمران : من ساعه غار جيت هنا عشان التحليل يلي طالبينا مني وانت شنو ادير هناااا
كريم : اه اختي مريضه جبتها هنااا
عمران : اها يلي حاتكون خطيبتي 😎
كريم : ههههه اها كم عندي اخت هي وحده
عمران : باهي امتى نجيب امي تطلبها وعاد مقابله شرعيه ضروري منهااا يا طير
كريم : ساهل توا خليها تتحسن وتوا نقولك امتى تجيب امك تمام وألتفتت بحتت في جهت باب الانتظار يلي فيه هنادي لقيته مفتوح بحتت ولقيتها مش قعده انصدمت طلعت بسرعه اندور وعمران انصدم سألني : شنو في كنك
كريم : اختي مش قاعده
عمران : بلكي في الحمام كنك معصب انت وكيف شكلها هي مش شايفها انا
كريم بحتت حواليا ونحرق من جوا طلعت وتجاهلت اسألته وقعدت اندور تحت وهو نزل معايا ويدور حتى هو مع ان مش شايفها بس يدور وخلاص
*عمران* ما نعرف شكلها بس خممت ان خايفه او تبكي وكذا بحتت كويس في الحديقه شفت بنت قعده وراه الشجره عديت اتجاه هالبنت وكانت حاتعيط بس بعد شافتني حضنتني وانا انصدمت وكانت اتجنن
*كريم* شفتهم من بعيد وشديت علي يدي حقيره هالبنت وقربت كريتها مع يدها من عمران وضربتها كف علي وجهااااا بكل قوتي
عمران : كريم ليش هك البنت خايفه
كريم : ما تدخلش يا عمران وهيا خشي عشان الدكتور
هنادي حطت يدها علي خدها وبحتت في عمران وانا مصدوم علي اساس امي قالت انهارت لما علمت ان صاحبي طلبها توا شنو هالتصرفات الحقيره يلي ادير فيهم كريتها غصبا عنها جوا واعيونها علي عمران فضحت بيا الحقيره توا يقول ما تتحشم 😡
#يتبع 😂
ههههههه رايكم وهذي المقدمه
توقعاتكم وليش هنادي تتصرف
هك زعما مريضه فعلا او لا
❤ وتحياتي لكم وجمعتكم مباركه ❤
❤ بقلمي سلطانه كوكي كاتبة روايات متنوعه ❤
