#حواديت ايممى

اسكريب ( فتاة ملجأ)

اسكربت

احساس صعب اوى لما تكون عايش 20 سنة مع ناس و انت مفكرهم اهلك وفى الاخر طلعو متبنيينك من ملجأ
20 سنة باكل وبشرب و بتفسح معاهم و هما مش اهلى
20 سنة بيأكلونى و يلبيسونى و يعلمونى من على حسابهم و هما مش اهلى
20 سنة بينصحونى ايه الصح من الغلط و هما مش اهلى
و بكل بساطة جم قالولى انتى لازم تعرفى الحقيقة ان احنا مش اهلك
حسيت ان هما بيطردونى بس بطريقة شيك
رغم معاملتهم الحسنة ليا و ان عمرهم ما نخلونى زعلانة
كانو بيبسيطونى بأحسن الطرق
دخلت اوضتى و عيط و نمت
صحيت واخدة قرارى انى لازم اهرب
اهرب !!! اهرب اروح فين !!!! انا معرفش حد غيرهم
لانى كنت بتكسف اتعرف على ناس جديدة
بس بردو مرجعتش فى قرارى
لازم اهرب و اعرف مين اهلى اللى ممكن يرمونى فى ملجأ !!!
معقولة هونت عليهم يرمونى فى ملجأ !!
بس هعرفهم ازاى ....
وانا ماشية فى الطريق حد ادانى ورقة
كان فيها عنوان لشركة اجنبية كبيرة هتعمل فرع هنا فى مصر و كان مكتوب عنوانها
سبحان الله ! الورقة جت فى معادها
خدت الورقة و ركبت اتوبيس و روحت مكان الشركة فعلا
و لانى كنت فى هندسة معمارى فروحت قدمت
لما روحت كنت حاسة انى وحيدة معرفش حد عكس الناس اللى كانت مربيانى كنت بحس انهم ماليين عليا حياتى مش عايزة حد يدخلها غيرهم
جه دورى و دخلت و انا خايفة ... اخ يارب استرها
فعملت انترفيو واتقبلت الحمدلله
و طلع فى سكن تبع الشركة دى و بالفعل اخدت شقة فى السكن
بس اكيد مكنتش لوحدى
كان معايا بنت اسمها ملك
هى بنت من مستوى متوسط بس معندهاش حاجة تجبرها انها تشتغل بس هى بتحب الشغل
المهم اتصاحبنا
و صاحبت بنت كمان فى الشغل اسمها مرام و من كتر ما حبتها حكتلها حكايتى
استغربت ان معاملتها ليا متغيرتش
هى هى نفس المعاملة
فعلا اللى بيحب حد بيحبو مهما كانت عيوبه
فى يوم عرفت ان اهلى اقصد الناس اللى مربينى بيدورو عليا
بالرغم انهم لما جم علشان يقوليلى انى كنت فى ملجأ
كانو اكنهم بيطردونى
فمهتمتش انى ارجلهم
فى يوم الصبح بعد ما خلصت شغل
و كنت فى كافيه انا و مرام
مرام : ياابنتى اسمعى الكلام و تعالى معايا نقى معايا قاعة فرحى
( بالمناسبة انا اسمى لينا )
لينا : دى حاجة بتاعتكوا انتو ربنا يكملكم على خير
مرام : دماغك دى فيها فران والدة
لينا بتضحك : ماشى
تليفون مرام رن و لما شافت الاسم ابتسمت
لينا : اخرب يا عم
مرام : اخويا على فكرة
لينا بتغمز : يابت
مرام : اه والله اخويا و سامى جايين
( سامى خطيب مرام ) .... طيب يلا نستناهم برا
استناناهم فى كراسى على الطريق
جت عربية وقفت قدامنا
نزل واحد منها مز مز يعنى
كنت هزعل اوى لو كان خطيب مرام
بس الحمدلله طلع اخوها 😂😂( اسمو مالك )
لينا بصوت واطى مرام سمعتو : احييه مين المز دا
مرام ضحكت : اسكتى يخربيتك اخويا
لينا بفرحة : احلفى ... يعنى مش خطيبك
مرام بضحك : لا مش خطيبى

المهم لقيتو بيقرب علينا و بيكلم مرام و عينو عليا عملت نفسى مش واخدة بالى
مالك : يلا يا مرام
مرام : حمدلله على السلامة
مالك : طب مش تعرفينا
مرام : بعدين يا مالك يلا
مالك : و هنسيب القمر لوحدها ... والله ما ينفع ابدا
مرام : يعم وانت مالك
مالك مد ايدو يسلم عليا بإبتسامة بينت غمازاتو: احم انا مالك
سلمت علية بإبتسامة : وانا لينا
مالك : اتشرفت
لينا : الشرف ليا
مرام : خلصت فقرة التعارف ولا لسه
لينا : طيب سلام يا جماعه علشان متتأخروش
ومشيت
فى العربية بين مالك و مرام
مرام : اومال سامى مجاش معاك لى
مالك : روحتلو الشركة ملقتهوش
مرام : بيخونى الواطى
مالك : بس اول مرة تستنضفى حد و تصاحبيه
مرام : سوق وانت ساكت
و بالفعل مرام و سامى حجزوا القاعه
تانى يوم اتفاجأت لما لاقيت مالك بيوصل مرام لانو اول مره يعملها لانها دايما بتيجى لوحدها
مرام : اتلم بقا و متبصلهاش
مالك : بس ابقى سلميلى عليها
مرام بغضب : امشى يا مالك من هنا
دخلت الشركه
مرام : لينا انا بحذرك من دلوقتى لو مجتيش الفرح
اقرأى على نفسك الفاتحة
لينا : لا يا روحى هاجى متقلقيش
وجت حضنتى و انا بادلتها
كملت شغل و روحت
عدت الايام و كل يوم مالك بييجى يوصل مرام
كان فى سؤال واحد شاغلنى
هل مالك يعرف حقيقتى !!! ان كنت فى ملجأ !
بس اكيد لو عرف كان هيبعد عنى .......
جه يوم الفرح و كنت مبسوطة بصاحبتى جدا
المميز فى اليوم دا ان مطلعليش حباية فى وشى ( سبحان الله ) لا دى حكاية تخوف
روحت الفرح بدريس لونو بيبى بلو و فرت شعرى و حطيت ميكب خفيف
روحت الفرح وطبعا بمشى براحة علشان الكعب اللى لابساه
روحت سلمت على مرام و اتصوت معاها صور كتشييير ( انتو عارفين البنات بقا 😂)
روحت وقفت لوحدى برا القاعه
لقيت حد بيقولى : اى الحلاوة دى
بصيت لقيتو مالك
لينا : ازيك يا مالك
جت واحدة من واره انكجيتو و قالتلو : يلا ياض
استغربت من طريقة كلامها بس ايزى
مالك بإبتسامة و مايلة للضحك : اعرفك خطيبتى اسمها سما
حاولت احافظ على رأكشناتى و ابين انى مبسوطة ومش غيرانة
لينا : ايدا بجد مبروووك
سما : يلا يابنى
و مشيو
قولت اى مش هفكر فى اى حاجة لانى لو فكرت هعيط
بس لو جينا للحقيقة هلاقى ان كل حاجة حلوة ف حياتى مش بتكمل
اهلى اللى كنت مفكراهم اهلى
الشخص اللى كنت مفكراه معجب بيا طلعش معجب بيا
و هل يا ترى فى صدمات تانية و لا كفاية كدا ؟!؟
__________
سما : بص اللى ممكن اقولو فى الحالة دى انها معجبة بيك مثلا
مالك : ابهرينى ... واى كمان يا محلل السياسى بتاعنا
سما : انت بتتريق باين
مالك : لا طبعا هو انا اقدر ... كملى
سما : متروح تقولها ياض و تريحنى
مالك بتفكير : تفتكرى ...... انا من رأىى اسأل مرام
سما :انت اهبل يا مالك هتسألها وهى بتتجوز ... انت مبتفهمش
مالك : شكرا يا اصيلة
سما : العفو يا روحى على اى
مالك : انا رايح
_____
مالك : لينا