وكأنه هو

الحب الذي لم يكتمل 💔

Part6✨💙
[11/‏7 16:59] Zeynep ♥️🌊: نيره:ايي!!؟؟
زين :بحبك اه بحبك يا نيره من اول مره انتي فوقتي فيا مشاعر كانت ماتت خلاص خلتيها ترجع تعيش تاني نورتي حياتي بعد ما كانت ضالمه انا نفسي مبقتش عارف حصلي اي فالشهرين دول اتغيرت خالص 180درجه بسببك بقيت بخاف عليكي مع اني مكنش بيهمني اي حد خلال السنين الي فاتت دول بس خفت من الحب ايوه خفت زين سعد الدين الي مش بيخاف من حاجه خاف من الحب خاف يخسر الي بيحبهم خاف من وجع الحب خفت اخسرك زي ما خسرت الي قبلك انا لعنه مش انتي انا لعنه علي اي حد بيحبني انا عامل شبه النار بتمسك فاي حد بتولع فيه فعشان كدا خفت بس للاسف خسرت المواجهه مع قلبي ومشاعري غلبوني يا نيره نيره انا فعلا بحبك نفسي اعيش حياتي تاني نفسي أرجع اضحك وانبسط زي زمان مهما كانت النتايج انا حتحملها الا نتيجه واحده اني اخسرك عشان كدا لازم تفضلي جنبي علطول متبعديش لحظه عني انا مقدرش اعيش من غيرك
نيره مش عارفه تنطق بكلمه ومش مستوعبه هي فعلا بتحبه وبتحبه اوي كمان بس كأن لسانها عجز عن الكلام نهائي
زين:نيره انتي مبترديش لي؟!
نيره مردتش بلسانها بس ردت بحضن مليان حب ومشاعر احترام وعشق لزين
وزين حضنها جامد بردو.. الفرحه مش سيعاهم هم الاتنين زين لأول مره بعد سنين عرف معني الحب اي ومعني الامان والطمأنينه وهو فحضن الي بيحبهم.. الحب والحنان الي اتحرم منهم بس ربنا عوضه بنيره الي رجعتله كل المشاعر دي
زين:مردتيش يعني؟!
نيره:اقول اي بعد كلامك يا زين انا كمان حبيتك جدا من اول مره منكرش اني كنت بكره تصرفاتك وتكبرك دا بس كان الجانب الحلو فيك حبك لوطنك وكرهك للظلم وتحقيق العدل ودا كان كفايه  انه يخليني احبك
زين:متبعديش عني لحظه واحده
نيره:ولا انت ..اي طب انا جعت علفكرا
زين وهو بيبعد عنها :وانا كمان..
نيره:بس مش حناكل هنا.. تعالي انا اوديك
واخدته من ايده وطلعو برا اتمشو عالنيل وجابت ساندوتشات شاورما
زين:يعني دا الي حيشبعنا مثلا
نيره:بحبه يا اخي
زين:وانا بحبه كمان وبحب الي بتحبه
نيره:حسألك سؤال كدا كلمني عنك اكتر ازاي وصلت لمنصبك دا واي الي جابك هنا
زين :مصممه بردو
نيره:جدا مش الي بيحب حد لازم يعرف كل حاجه عنه ماضيه وكله
زين:تمم حككيلك..انا يستي اسمي زين سعد الدين
بابايا كان شغال فالمخابرات بس كان شغله سري جدا قضايا كتير محدش يعرف عنها حاجه كنا اسره بسيطه الام محاميه والاب استخباراتي وطفل صغير عنده 12سنه فيوم كنا خارجين عادي مع بعض خرجنا واكلنا واتفسحنا ووروحنا
تاني يوم بابا راح شغله عادي جدا ‘قال انه شغله مطول ومش راجع قبل يومين
عدا يوميين تلاته واربعه ومفيش خبر منه
ساعتها انا كنت برا كنت بجيب حاجه حلوه وطلعت بيها عند واحد صاحبي ساكن جنبنا فجأه لقينا عربيه إسعاف تحت البيت عندنا وبيطلعو جثه تخيلي مين امي.. عرفت بعد كدا ان بابا فالمهمه مات لانهم اكتشفو انه استخباراتي وللأسف ملحقوش ينقذوه وانهم قررو يقتلو العيله كلها بس انا فلت وكبرت واتعرفت علي قاسم فالثانويه العسكريه كبرنا مع بعض وكنا مع بعض علطول فالترقيات وكله لحد ما بقينا قوات خاصه
فيوم جالنا عادي بلاغ بوجود قنبلتين فمكانين مختلفين فكذا مجمع معروف ولقينا مكالمه من واضع القنابل انه لو مدفعناش مليار جنيه حيفجر القنابل ولو حاولنا نخلي المكان حيفجرها انا رحت للقنبله الأولى وفككتها وكان قاسم هناك وفككها وقدرنا نخلي المبني بس للأسف الراجل اتصل مع ما عرف انه تم إخلاء المبني وهددنا انه عاوز المليار جنيه كنا ساعتها حددنا مكانه وهو بيعدي الطريق خبطته عربيه فمات بعديها بدقايق القنبله التانيه الي فالمبني الي فيه قاسم انفجرت وقاسم مات قاسم مكنش مجرد زميل ليا وخلاص دا كان اخويا وصاحبي وكل حاجه عرفنا بعديها انهم كانو شخصين وانهم كانو عايشين مع بعض وانه لما الاول مات افتكر المجرم التاني اننا السبب فحب ينتقم ففجرها
نيره:ربنا يرحمهم كلهم.. ومن ساعتها احنا بنستلم كل سنه ورقه فيها رقم فمعاد محدد كل سنه والمعاد السنه دي بكرا
زين:ما هو دا سبب مجيي هنا لاني مستني اليوم دا عشان اقبض عليه واخلص من الالم الي فيا يا نيره
نيره:حياتنا متشابهه نوعا ما
زين :فعلا.. تعالي نحلي بعد الشاورما في مطعم حلويات حلو اوي
نيره:غالي بردو
زين:مش حقبل اعتراض يلا
وراحو وطلبو الحلو
زين:تسمحيلي بالرقصه دي
نيره:طبعا يا زين بيه
واشتغلت اغنيه we meet again (remembering)
وقضو الليله مع بعض وكانت اخر ليله ليهم مع بعض لان بكرا مستنيهم يوم جميل
تاني يوم الصبح فالمكتب
نيره:عيشه ابعتيلي الملف 507لو سمحتي
عيشه:ثواني
كريم:نيره تعالي بسرعه الرساله بتاعت كل سنه وصلت
نيره وزين وعيشه جرو علكريم عشان يقروها
زين:اقراها يكريم
كريم :انا الحزن الي بعد الفرح انا الي حقضي علي فرحكم وححولو لعذاب لسنين وسنين عذابكم حيبدأ مع الصواريخ الي حتنور سما البلد مستنيكم فالعربيه 12 عشان نلف مع بعض سوا لو عاوزين تعرفو انا مين تعالوا
نيره:انا مش فاهمه
زين:انتي بتستملي كل سنه واحده فيها رقم 3قبل 3سنين واتنين قبل اتنين وواحده من سنه حليت اللغز العد التنازلي للقنبله الاولي بدأ
واخد شنطته وطلع علبرا
نيره:زين استني رايح فين
زين:الملاهي القنبله فالقلابه
نيره:القلابه!؟ قصدك المرجيحه الي بتلف دي
زين:بالضبط وقصده  العربيه 12 انه فيها القنبله
ووصلو المكان
وكانت القنبله الاولي انفرجت وفقدو التحكم فيها بس قدرو ينزلو كل الناس
زين:العربيه 12فين
الراجل:داخله عالارض اهي
وزين جرا عليها
نيره:زين انت بتعمل استنا انا جايه
زين :خليكي برا سيبي المرضوع لأصحاب الخبره
وكان ساعتها المدير اسماعيل وعيشه وكريم وصلو
وساعتها حصل انفجار تاني وقف اللعبه خالص وعربيه زين كانت فالهوا
نيره كلمت زين بسرعه
نيره:زين انت كويس
زين:كويس كويس متخافيش بس الهزه دي حركت دراع الزيبق ولو لامست السلك حطير فالهوا
نيره:حتعرف تفكها
زين:دا سؤال بردو امال حتفرج عليها يا نيره مثلا
..اكراما لضابط الشرطه الشهم حساعدكم تعرفو مكان القنبله التانيه وحيظهر المكان اخر 3ثواني قبل الانفجار تصبح علخير الكلام دا ظهر عالشاشه الي متوصله بالقنبله
نيره:قصده اي
زين:استدرج حد فينا واصطاده هنا عشان يبقي الطعم
نيره:قصدك انك..  لا يزين لا اياك تفكر تعمل كدا
زين:معلش يروحي بطاريه الموبايل قربت تفضي حبعتلك التلميح فرساله.. اه بحبك معلش كان نفسي نكمل حياتتنا بس للاسف القدر كدا
نيره:لا لا زين لا  يا زين  فكها وانزل لا ودموعها بتنزل
زين قفل السكه
وقعد عالكرسي وحط رجل علرجل
كريم:فاضل دقيقه فضو الممكان بسرعه والناس بدأت تجري
ونيره منهاره وبتحاول تجري ناحيه اللعبه بس كريم مانعها
كريم:اهدي يا نيره اكيد في حل
نيره:اكيذ مش حنسيبه يموت ابعد يا كريم هو لسه فوق لا مش حسيبه هو كمان يموت
واخر 10ثواني
وزين جهز الرساله وظهر المكان فالشاشه وبعتهالها
زين فاخر كلماته:معلش يحبيبتي حسببلك الم مستحيل تنسيه
وانفرجت... بين صدمه نيره وحزنها الي قطعه صوت تليفونها فحت التليفون ولقت الرساله
المدير اسماعيل:حددو مكان القنبله التانيه بسرعه
نيره:مستشفي ****..زين عرف ورتهم الرساله
Now
نيره:اه يا زين رحت ومسبتش وراك غير رساله فيها اسم مستشفى وبحبك سامحيني آه يا زين
Part7💙💫
[13/‏7 04:24] Zeynep ♥️🌊: نيره روحت نامت لإنها كانت تعبانه جدا
حقتله.. حيموت.. مش حتقدري تحميه..
نور اخت نيره دكتوره
نور:نيره يلا قومي حتتأخري عالشغل يا نيره
نيره قامت مفزوعه
نور:كوابيس تاني يا نيره خدي اشربي مايه
نيره:متخافيش انا كويسه الساعه كام ؟
نور:7
نيره:طب يلا عشان متتأخريش علشغلك
نور:ماشي انا عندي ورديه النهارده وعمليات كتيره فحبات فالمستشفي
نيره:ربنا معاكي يلا عشان متتأخريش
نور:سلام وخرجت
نيره راحت عشان تركن عربيتها
هشام:صباح الخير يا نيره
نيره:صب...زين؟!!بصوت مهموس
هشام كان نسخه من زين او هو زين بسبب تسريحه شعره الي غيرها بقا كأنه زين نيره طول السنتين دول بتحاول تتجاهل هشام وانها تبعد عنه لأنه علطول بيفكرها بزين ودا بيزود وجعها كل يوم عن الي قبله
هشام:نيره انتي كويسه ؟؟!
وفجأه حصل انفجار فجروا للعربيه
ولقو كريم مرمي عالارض ودماغه بتنزف جامد
نيره:كريم سامعني انت كويس ؟
كريم:نيره عيشه فين ؟
عيشه جرت لما سمعت صوت الانفجار
(عيشه وكريم اجوزو) من شهر
عيشه:كريم انت كويس رد عليا بالله عليك
نيره:اطلبو الاسعاف بسرعه متخافيش هو بيكلم
هشام:بس استعجلو الإسعاف هو عنده شلل فجنبه الشمال والنزيف دا بيدل علي نزيف داخلي لو استمر وموصلش المستشفي بسرعه حتكون حياته فخطر
كريم:نيره اسمعيني بسرعه خدي الورقه دي فرصتك تتخلصي من الالم الي بيحرق روحك كل يوم مضيعهاش
نيره فتحت الورقه وبدأت تقري: وعدتكم ححرق روحكم وحتتوجعو وتندمو وانا عند وعدي لو عاوزين الوجع دا يبنتهي حنولع مع بعض الصواريخ ونزين بيها سما القاهره والبلد كلها حتتفرج
نيره بدأت تمسك الورقه بغل وكره وحقد مليان فعينها
جت عربيه الاسعاف واخدت كريم وعيشه راحت معاه
هشام:انا حكلم محمد زمانه رجع من المهمه
نيره:تمم وتابع حاله كريم وبلغني بيها اول بأول
هشام:انتي رايحه فين
نيره: في حاجه لازم اتأكد منها انا حروح المكتب ولما حد فينا يوصل لحاجه يكلم التاني
هشام:تمم
هشام كلم محمد
محمد:ايوا يا هشام انت فين في كارثه هنا
هشام:في اي
محمد:واحد من ركاب المترو شك فكيسه ورق ببفتحها لقاها قنبله فضينا المترو وبنفحصها وطلبنا فرقه تفكيك القنابل الغريبه ان مفيش عداد بيعد
هشام:طب خلي بالك
فاللحظه دي انفجرت القنابل وكانت بمب بتاع العيال
محمد :هشام دي طلعت بمب بتاعت العيال
هشام :خليك معايا استني حندخل نيره فالخط
نيره:هشام سمعت عن قنابل المترو
محمد :طلعت بمب يا نيره المجرم بيستخف بينا
نيره:انا فكيت الشفره الي فالرساله القنابل فبرج القاهره انا حتحرك علهناك وتعالى يا هشام
هشام:انا جاي علطول
يا تري اي الي حيحصل؟!