وكأنه هو

شئ من الماضي 💙

[9/‏7 16:35] Zeynep ♥️🌊: روايه وكأنه هو🦋
نيره الحناوي:عنصر استخباراتي مهم جدا ومن اكفئهم عايشه لوحدها مع أختها باباها كانت ضابط كبير جدا اسمه شريف الحناوي وهي ورثه حب الشغل من باباها بس باباها متوفي وهي مصممه انها تنتقم شعرها اسود قصير عينها خضرا مديه علعسلي كدا بشرتها بيضه
زين سعد الدين:ضابط كبير وليه مكانته استاذ تفكيك قنابل اي قضيه واي حاجه تعتبر شبه مستحيله هو بيحلها معتبرينه ادهم صبري كدا
لي صاحب وحيد وهو قاسم....شعره بني ناعم وسيم جدا عينه بني شخصيته عنيده جدا وتشوفه من بره تلاقيه متحجر وعديم المشاعر او الاحساسيس وبارد وردوده ابرد منه بطريقه مستفزه
قاسم:صديق عمر زين وبيعتبرو اخوات معندهوش فالحياه غير زين وزين معندهوش غيره عينه خضره وشعره اسود طويل شحصيه مرحه وبتحب الهزار جدا بس وقت الجد جد استاذ تفكيك قنابل زي زين ويقدر يفك اصعبها قنبله
هشام:عنصر استخباراتي مش حكلم عنه لانه حيظهر بعدين بس الي اقدر اقوله انه شبه زين جدا كأنهم توأم
محمد:صديق هشام التوينز علطول مع بعض فالمهمات وبرا المهمات
عائشه:صديقه نيره بردو التوينز
.....................
Part1💙✨
6/3/2014قبل ست سنين فمكان مليان عربيات داخليه وضباط وكل افراد الامن الي تتخيلوها قدام مبني معروف
زين:تعالي يبني قلعني البتاعه الخنقه دي دنا الموت عندي اسهل من لبسها (قصده عالبدله بتاعت الي بيفككو القنابل) ..هو الضابط قاسم لسه مخلصش الهديه بتاعته ولا اي
العسكري:لا يفندم
زين:طب هاتلي اللاسلكي دا
زين:ايوه يبني انجز دنا زماني فكيت 5ونا واقف
قاسم:اتهد يبني البتاعه دي مش سهله كل ما اطلع من حاجه الاقي نفسي دخلت فحاجه اسوأ
زين:طب خلي بالك وانت بتفك الصاعق غلطه واحده حطير فالهوا
قاسم:عيب هو نا عيل نا اخلص الهديه دي ونروح ناكل لحسن نا جعان بس فيها للاسف im
زين: فخاخ اهتزازيه غلطه واحده او هزه واحده غلط تطيرك اخلص يبني حطير فالهوا
قاسم :يعم خلصت متخافش نا خارج اهو
زين:اخلص قرفتني
قاسم فجأه:فضو المكان بسرعه... للأسف العد رجع تاني ومتوقفش
زين:قاسم في اي الي بيحصل هناك؟
قاسم:زين معلش يصاحبي كان نفسي اكمل معاك مشوار حياتك بس القدر مكتوب فيه انك حتكمل لوحدك  وفجأه حصلت هزه جامده اوي والدخان والنار انتشرو فكل حته
زين:قااااسم..وجرا عالمبني وسط الدخان وهو ماشي خبط فحد وكان قاسم..
زين:قاسم  يصاحبي انت كويس قاسم :زين
زين :اهو انت كويس وبتتكلم يلا بينا عالمستشفي دي كام خربوشه وحروق بسيطه وحتخف ونروح ناكل مع بعض
قاسم :لا يزين نا مش حاسس بحاجه خلاص ه خلصت لحد هنا زين متنسنيش وكانت اخر كلماته مستشفي القوات المسلحه
زين:قاسم قاسم رد عليا قاسم قاسم يقاسم لا انت بتهزر انا عارفك بتحب تمقلبنا بطل هزارك دا يقاسم حضربك والله جامد وهو في حاله صدمه واقع عالارض زي الحجر وقاسم علحجره ومش بينطق
المدير العام جلال دخل
جلال:البقاء لله يا زين
زين مبيردش ومش بينطق وقام من سكوت وخرج وطلب فرقه معاه وراحو المستشفى لان في اخر ثواني ظهرت اسم المبني الي حينفجر فيه القنبله وفكو القنبله
وبعديها راح المشرحه عشان يستلم جثه اخوه وصاحبه عشان يستعدو لمراسم الدفن والجنازه العسكريه الي حتتعمله
زين وهو بيبص لقاسم وقابض ايده :والله العظيم يقاسم لأجيب الي عمل كدا وادفعه الثمن غالي وغالي اوي كمان بس لي انت سبتني اكمل الطريق لوحدي الظاهر اني فعلا لعنه علي اي حد بحبه اديك انت كمان مت بسببي بس والله العظيم منا ساكت وحقلب الدنيا ومش حسيب حجر فوف حجر الا واجيبه ويتعدم واخده فحضنه وبدأ يعيط زين سعد الدين رغم جموده وانه الي يبصله يقول دا حصن مستحيل يتهد وعديم الرحمه الا انه اتهد قدام موت قاسم
زين طول الجنازه زي جسد من غير روح وعينه مليانه حقد وكره وانتقام
روح البيت وفتح البوم صورهم وطلع هدوم قاسم ورماها ورمي نفسه عالسرير وبدأ يعيط بحرقه بطريقه رهيبه كأنه معيطش من يوم ما اتولد لحد ما نام
تاني يوم الصبح الباب بيخبط زين صحي علخبط الباب ليتفاجئ بالمدير العام جلال
زين:جلال باشا اتفضل
زين كان بالبدله ومتبهدله وشعره متبهدل وحالته صعبه
جلال: نا اسف اني جاي من غير معاد بس مقدرتش اسيبك كدا بص يزين دي اجازه ليك لمده اسبوع وقابله للتجديد لو احتجت بس فعلا احنا محتاجينك خاصه فالوضع الحالي بعد الحادثه الأخيرة الناس خايفه تنزل والوضع الامني غير مستتب ومحتاجينك فعلا نا مش بجبرك بس احنا فحاجه ماسه ليك
زين:نا اصلا يفندم كنت حقوم البس عشان انزل الشغل متتوقعش مني اسكت علي حصل نا مستعد اعمل اي حاجه بس الاقي الي عمل كدا فقاسم  واحط حبل المشنقة حوالين رقبته
جلال :ودا عشمي فيك بردو يزين اجهز ونا مستنيك عشان نروح الشغل مع بعض
عدا تلت سنين وزين بيحاول يوصل لأي طرف خيط ومش عارف والقضيه للاسف اتقفلت ومعرفوش يفتحوها تاني الا بعد الي حصل
في صباح يوم من الايام استلمت احدي مباني الوزاره فاكس فيه تهديد ان في قنابل حتنفجر قريب
زين:نت متأكد من الي بتقوله
الضابط :ايوا يفندم مبني ***استملها النهاردا الصبح وهم الي حيتولو باقي القضيه بعد ما اخدو اذن انهم يفتحوها
زين:طب روح انت
الضابط:تمم يفندم
زين راح علطول علمكتب المدير العام
زين :جلال باشا انا عاوز انقل بسرعه مبني ***بتاع الداخليه الي فالقاهره
جلال:انت لحقت تعرف الاخبار زين انت عارف ان دا صعب بس اوعدك ححاول
بعد محاولات أخيرا عرفو ينقلو زين لان زين كان فاسكندريه
جلال:حتروح علطول حتلاقي كل شي جاهز وكلهم علي علم انك رايح وكله جاهز بس يزين اديني بقولك حذااري تعمل اي حاجه تضيعك
زين:متقلقش حيضيع اي اكتر من الي ضاع
جلال:توصل بالسلامه تبقا سلملي علي اسماعيل باشا المدير هناك انا موصي عليك نت أساسا مش محتاج اسمك مسمع فكل حته
زين:شكرا يا باشا سلام
وسافر زين وطول الطريق مش شايف غير انه حيروح يقبض علي الي عمل كدا وبس
..................
Paer2✨💞
Zeynep ♥️🌊: حقتله.. حيموت.. كل الي بتحبيهم بيموتي انتي لعنه
عائشه :نيره اصحيي يا نيره
نيره:لا بلاش لا وصحت مخضوضه
عائشه :اي كوابيس تاني يا نيره يبنتي روحي ارتاحي وسيبيي الشغل بكرا تكمليه او انا اكملهولك
نيره:لا نا حكمله لازم يخلص بكرا انا حروح ارتاح لأني فعلا تعبانه جدا ومش قادره
وخرجت ولقت رجليها لا اراديا بتوديها الملاهي
نيره:عدي3سنين راح ومشي زي نسمه الريح ومسبش وراه غير صوته الحزين ورساله
Flash back 🔙 3years
زين بعد ما وصل القاعه الي مليانه عناصر استخبارات وضباط عالين المناصب ويترأسهم المدير العام اسماعيل باشا
إسماعيل :اسمحولي اعرفكم علي الضابط زين سعد الدين اتنقل عندنا جديد و..
زين راح مقاطعه
نا مش عيل جديد جاي من الارياف علفكرا علشان كل التعريف دا كفايه يعرفو اسمي وبس انا جاي فمهمه تخلص وحرجع تاني بس ان شاء الله تعرفو تستحملوني واستحملكم
نيره:دا اي التكبر الي جاي هنا دا هو فاكر نفسه فين
عائشه:اسكتي لحد يسمعك
إسماعيل :نيره
نيره:ايوه يفندم
اسماعيل:انتي وزين حتكونو ففريق واحد وحتمسكو قضيه القنابل زين أستاذ تفكيك قنابل وعنده خبره واسعه فالمجال دا وحيكون معاكم عائشه وكريم
نسيت اعرف كريم:عنصر استخباراتي قديم اكبر من نيره وعنده خبره عنها بتعتبره اخوها الكبير والقدوه علطول
نيره:تمم يفندم
نيره فنفسها:اي الحظ المنيل دا
نيره وعائشه وكريم وزين راحو مكتبهم
كريم:اهلا بيك يزين شرف لينا اننا نشتغل مع حضرتك
زين:مفيش داعي لكل دا متقلقوش نا قعادي هنا مش مطول كتير حخلص الي نا عاوزه وحرجع تاني
نيره:براحتك احنا بس حبينا نعرفك الوضع
زين:انا عارف الوضع كويس ومش محتاج توضيح من حد او نصايح انا عارف شغلي كويس ونا مش عيل انا قديم فالشغل وافهم كل حاجه وقعد عالكرسي وحط رجل عرجل وبدأ يشرب سجاير نيره مبتحبش السجاير خالص لأنها بتعملها حساسيه
نيره: ممكن تطفيها
زين:تقدري تتفضلي برا لحد ما اخلص سجارتي
نيره:بس حضرتك مفروض لما تشرب تطلع برا
زين:مزاجي اشربها هنا فالمكتب
عائشه:خلاص يا نيره تعالي معايا في حاجات مهمه نخلصها
نيره:خليتيني اسكوتله لي دنا كنت اوريه
عايشه :بصي دا شكله كبير وله كلمته دا كفايه الوزير بنفسه موصي عليه
نيره:دا متكبر اوي ايدا! ؟؟
عائشه:معلش نستحمل فتره وجوده لحد ما يرجع تاني
عدا اسبوع علوجود زين وهو ونيره في عمليات مع بعض وكان ليهم عمليه مع بعض
زين ونيره وهم فالعربيه
نيره:هو اي سبب وجودك هنا جيت هنا لي يعني
زين :احب احتفظ باسبابي لنفسي
نيره :براحتك نا كنت بفتح كلام بس بدل السكوت دا
ووصلو المكان الي حيبدأو يفتشو فيه لانه حتحصل فيه صفقه مخدرات كبيره ولازم يمنعوها والدعم كان جاي وراهم
نيره:المكان ماله هادي كدا لي
زين:هدوء ما قبل العاصفة
نيره:لما نشوف حنعمل اي
زين:اهم جم
وكانوا بدأو يسلمو
وهنا زين فتح النار عليهم هو ونيره واادعم كان وصل
ونضفو المكان
نيره:اي كميه الهيروين دي كلها دي بمليارات
زين:ما دي بتتوزع عشان يسسممو الشباب ويخلوهم مدمنين ما هم الكسبانين
ونيره كانت بتقرب من العربيه الي فيها ناس من العصابه وبتخرج منها كل حاجه عشان تروح المعمل الجنائي للتفاجئ بان السواق معاه سكينه وبيشدها وواققف
السواق:اي حركه كدا ولا كدا حتموت
زين:انت كدا كدا ميت
السواق:علي الاقل مموتش لوحدي
نيره:فاكر نفسك مين عشان تهددني راحت زقاه جامد وضربته طلقه فدماغه مات
زين:مكنتش اعرف انك صياده شبه باباكي (كان لقب باباها الصياد بسبب دقته العاليه فاصابه الهدف)
نيره:من شابه اباه فما ظلم
عدا اسبوع والتاني وهم بيخرجو فعمليات مع بعض
فمكان مجهول
الهدف1:البت دي بقت خطر علينا وبتبوظ شغلنا الي بقالنا فيه سنين
الهدف2:نا مش عارف اشوف شغلي بسببها هي والبيه التاني مش كفايه ابوها بوظ شغلنا زمان طلعت هي كمان
الهدف1: لازم نخلص منها فاقرب وقت هي والتاني دا دولت مفيش طلعه بيطلعوها الا وبيخدو البضاعه
الهدف2:انا شغل الاعضاء عندي واقف خالص والسوق علي اخره
الهدف 1:عندي فكره بس محتاجه تنفيذ دقيق جدا ومن غير غلطه
الهدف2:سمعك
عند نيره وزين
كريم:ما تيجو نخرج نغير جو في مطعم جميل اوي تعالو نخرج احنا الاربعه وفرصه نتعرف اكتر علي زين
عائشه:معنديش مشكله خالص
نيره:ولا انا موافقه
زين:لا روحو انتو انا مليش فجو الخروجات دا خالص
كريم:تعالي ومش حتخسر حاجه صدقني لو محبتش الأجواء روح
زين :حفكر واشوف
كريم:تمم مستنيك فمطعم***الساعة 8
زين:ان شاء الله
نيره روحت البيت
نور :حمدا عالسلامه يا نونا
نيره:الله يسلمك ينور
نور:الاكل جاهز يلا عشان تتعشي
نيره:لا انا حتعشي برا وعائشه جايه كمان شويه فاجهزي وتعالي معانا
نور:لا يستي خروجاتكم كلها كلام شغل وضرب ونا ورايا شغل.. هي دكتوره
نيره:براحتك
نور:مالك في أي
نيره:لا بس دماغي تعباني حبه
نور:طب ريحي واعتذري وبلاش خروجه
نيره:لاعيب انا وعدت كريم خلاص.. والباب خبط
وفتحت لقت عائشه لابسه ومتشيكه
نيره:اهلا بملكه جمال الاستخبارات
عائشه:انتي لسه مجهزتيش لا نتي ولا نور
نور:لا يست عيشه انا مش رايحه نا ورايا شغل روحو انتو
نيره:انا حطلع البس
عائشه :استني خديني معاكي اعدلك الميكب واعدل الميكب بتاعي وسلفيني جزمه كعب من عندك لحسن نا معنديش خالص
نيره:ما طبعا ما انتي كل جزمك كوتشي كوتشي كوتشي
نيره وهي بتلبس الحلق وسرحانه:اي الاخبار مع كريم
عايشه:والله مش عارفه ساعات احس انه مهتم بيا وساعات احس انه مجرد زميل والله منا عارفه يمكن سكوته الطويل دا هو الي عامل كدا
نيره:علفكرا بيحبك
عيشه:واي الي يثبتلك دا
نيره:حتعرفي قريب
عيشه:لما نشوف.. اه صح هو زين متعرفيش عنه اي حاجه غير الي نعرفها مثلا جه هنا لي واي السبب وحيرجع لي
نيره:زين دا انسان غامض كدا حواليه اسوار من الاسرار متعرفيش عنها حاجه اما اهو استخباراتيه بس مش عارفه اخد منه حاجه كأنه قافل علنفسه
عيشه:معاكي حق وتحسيه بارد كدا ومنعدم الشعور والرحمه انتي مشوفتيهوش وهو بيقتل بوحشيه ازاي حتا مفيش مجال للغلط عنده
نيره:الله اعلم بيه يلا حنتاأخر كريم حيموتنا
وخرجو كانو الاتنين قمرات فعلا
كريم:منورين اتأخرتو لي
نيره:اسألها اللكاكه الي هناك ذي مبطلتش لك طول السكه
كريم:عادي عادي.. هو زين مش جاي
نيره:معرفش هو نت مكلمتهوش
كريم :فونه مقفول
..تفتكره زين جاي؟!