يا صبااح الرعب الساعه 6 وعلي المقيمين خارج مدينة الرعب المحافظه علي فروق التوقيت درجة الحراره في الضل 25 وده كويس للزواحف واحتمال يبقي جو هايل للكسل ف السرير او النوم او اقولك الاحسن عمل تمرينات للمخوفاتيه اصحي يا شلبيييييييي....
ديما: عااااااااااا
رندا امها بتدخل الاوضه علي صوت المنبه وعلي صوت خضت بنتهاا
ديما بتطفي المنبه ياسااتر يارب
رندا: في حد يحط منبه كداا انتي عاوزه تجبيلنا صرع البيت كلو بيصحي علي صوت منبهك والجيران كمان
ديما: مانا لو معملتش منبه صوتو عالي مش هصحي
رنداا: طيب قومي عشان دي تالت مره المنبه يرن واخواتك يطفوه
ديماا: ايييه ايييييه تالت مره يالهووي بتبص في تليفونها بتلاقي الساعه 9.15 يالهووووي معاد المقابله الساعه 9
رنداا: براحتك طيب
ديما قامت من علي السرير تجري في الاوضه وتدور علي لبسهاا
في الشركه
ادهم: شووف يا سليم ديما دي بنت صاحبي وعاوزك تقبلها في الشغل
سليم: لو هي اد مسئوليه مساعدتي الشخصيه هقبلها اكيد وبعدين انا مبحبش الواسطه يا بابا
ادهم: مش واسطه بس دا عشم صاحبي فياا اني اشغل بنتو في شركتنا وانا اديتو كلمه
سليم: يا حبيبي لو هي اد المسئوليه هشغلها النهارده علطول مش قدها ف اعذرني
تحت بيت ديما
ديما بتنزل من بيتها بتجري وهي بتتخانق مع دبان وشهاا بتركب عربيتهاا وتمشي وتقف في الزحمه
ديما بعصبيه بيب بيب وتخرج من شباك عربيتها يالا ياااعم امشي متأخره
الراجل الي قدامها مابرااحه هو انا الي واقف بمزاجي
ديما: يووه بقاا بيب بييييب
الراجل: اسكتي بقاا طرشتيناا
ديما: اخرس يالا بدل ما انزلك
في الشركه
ادهم: طيب انت طالب مواصفات معينه
سليم: عاوزها تكون هاديه وقلبها علي الشغل وبتخاف عليه
ديما: يالا ياعم دا كان شغل اسود
سليم: تكون منظمه اووي
ديما: تليفوني فين الساعه كام راح فين داا بتقلب الشنطه كلهاا بتلاقيه في علبه المناديل
سليم: تكون منظمه في شكلهاا
ديما بتبص في المرايه يالهووي شعري منكووش كدا لي
سليم: تكون محترمه
ديما بييييب والله انزل الزق وشك في كبوت العربيه
سليم: تكون بتتكسف ومش لمضه
السواق: اخرسي بقاا يابت
ديما: بت اما تبتك علي قرعة ستك يا وسخ
سليم: تكون بتهتم بالمواعيد اووي
ديما: ياختاااي الساعه ١٠ ونص
سليم: اقولها اعملي كذا تقول حااضر
سواق وراها ياستي اسمعي منو وخرجي من الودن التانيه
ديما: ليه شايفني صنم دا انا اجيبو تحت العربيه وادوس عليه رايح جاي
سليم: تناقشني بإذن مني مش تتكلم عمال علي بطال
ديما: بيييب بيييب ياعم يالي واقف في نص الطريق يارب تموت
سليم: واهم حاجه تسمع كلامي
سواق ماتسمعي الكلام يا انسه وتقعدي ساكته
ديما: واسمع كلامك ليه كنت ابويا ولا اخويا ولا امي ولا ستي ولا سيدي ولا ابويا ولا امي ولا اخوياا
سوااق: باااس الله يكرمك
ديما: هو شغل مايعلم بيه الا ربناا انا مش عاوزه اشتغل اصلا
ادهم: طيب شوف ياسليم ديماا دي بنت صاحبي زي ماقولتلك صحيح انا اخر مره شوفتها كانت من ٧ سنين بس اكيد يعني هي فيها المواصفات دي
سليم: هنشوف يا حبيبي بيبص في ساعتو اممم الساعه داخله علي ١١ ولسه مجاتش اول باند مش موجود عندها اصلا
ادهم: الزحمه وانت عارف بقاا
سليم: اممم تماام
السكرتيره مروه: سليم بيه مندوب الشركه الجديده مستني حضرتك بره
سليم: طيب دخليه علي ما أنسه دينا تيجي
مروه: حاضر
ادهم: ديماا اسمها ديما
سليم: اوكاي
ادهم: انا في مكتبي
سليم: تمام
عند ديما: يااربي وبعد ٥ دقايق بتخرج من الزحمه وبتوصل علي الشركه بتنزل من عربيتها في توتر وبتجري
الامن: استني حضرتك بتجري وراحه علي فين
ديما: وسع انا متأخره ومش طايقه نفسي
الامن: بكلمك انا انتي رايحه فين
ديما: عندي ميعاد مع المدير ياخفه
الامن بيبصلها من فوق لتحت انتي معاكي ميعاد مع المدير انتي
ديما: اللهم طولك ياروح بص انا مستعجله والا كنت وريتك انا مين وسع احسنلك وسع بقولك
الامن: مش هدخلك الا لما اكلم المدير اسئلو
ديما اووف وبتبصلو بضحكه شريره وبتقرب منو
الامن: ااه اااه ايدي يا عضاضه ااه
ديما بتسيب ايدو وتدخل جري
بتقف قدام الاسانسير وتطلبو
بعد دقايق بتركب وتطلع الدور التالت
بتروح عند السكرتيره لو سمحتي انا ديما رياض عندي معاد مع استاذ ااا استاذ ااا اسمو اي داا استااذ اا
مروه: استاذ سليم
ديما: ايواا استاذ سليم اسفه بس التوتر بقاا وكداا
مروه: وهي بتبصلها من فوق لتحت لا ولا يهمك بس استاذ سليم معاه ناس وقدامو نص ساعه
ديما بعصبيه: يعني اي عندو نااس هو مش مديني معااد اي الاهمال داا
مروه برفعه حاجب معاد حضرتك الساعه كام
ديما: احم الساعه ٩
مروه: الساعه ١١.٣٠ يا أنسه اتفضلي استني استاذ سليم لما يخلص هبلغك
ديما بتأفف: حاضر
أدهم: ألو
مروه: ألو يا ادهم بيه
ادهم: ديما لسه مجاتش
مروه: جت يافندم وقاعده مستنيه استاذ سليم
ادهم: طيب ابعتيها المكتب عندي
مروه: تحت امرك يافندم
ياا أنسه ديماا ادهم بيه عاوزك اتفضلي المكتب التاني علي اليمين
ديما بغرور اوكااي
مروه: اي البت دي
ديما بتخبط علي الباب
أدهم: اتفضل
ديما: اهلا اونكل ادهم ازيك
ادهم بإستغراب من شكلها وطريقه لبسهاا انا تمام انتي عامله اي ورياض عامل اي
ديما: بخير والله انت عامل اي....والعيال عاملين اي
ادهم: العيال
ديما: والله كنت واحشني وعلي بالي
ادهم: هه ربنا يخليكي والله
ديما: بقاا متسألش علينا خالص كدهو
ادهم: كدهو
ديما: والله زعلت اوي دا بابا كان صاحبك الانتيم نسيت العشره الي بينا
ادهم: عشره اي ونسيت اي منا بكلم ابوكي كل يومين تقريبا
ديما: بس العيب مش عليك انا عارفه الشغل بقا والكبر والسن اكيد بتنسي
ادهم: احم ااه شوفتي بقاا
ديما: الا طنط عامله اي كويسه هي
ادهم: الحمدالله بخير
ديما: الحمد الله وحضرتك بقاا بتعمل اي
ادهم: اعمل اي في اي
ديما: بتشتغل اي يعني
ادهم: منا يابنتي صاحب الشركه دي
ديما: ايواا اسفه اصل بابا مقاليش تفاصيل وكداا
ادهم: ااه
ديما: بس لازم تيجي عندنا والله ولا عشان بابا مسافر نسيتنا بقاا والله ازعل وازعل اووي كمان
ادهم: لا ابدا والله
ديما: لازم تجيب العيله الكريمه وتشرفوناا
الا سليم عامل اي اخر مره شوفتو كان اد كداهوو كبر بقا ولا لسه صغير
ادهم: اد كدهو اي سليم المدير الي انتي هتشتغلي معاه
ديما: والله معلش بقا اصل بابا مقاليش تفاصيل
ادهم: ااه احم
ديما: الايام بتجري والله بقا سليم بقا المدير يا مشاء الله كبر والله
ادهم: سليم اكبر منك ب ٦ سنين انتي هتكبري وهو هيفضل صغير يعني
ديما: معاك حق والله
ادهم: الله يكون في عونك يااسليم مرفوضه مرفوضه
مروه: ديما هانم استاذ سليم خلص اتفضلي
ديما: احم عن اذنك يا اونكل
ادهم: لا اتفضلي ياحبيبتي وبيضحك في سرو
ديما بتخبط علي الباب في توتر
سليم وهو باصص في اللاب توب: إتفضل
ديما بتفتح الباب احم صباح الخير
سليم: بيبص في ساعتو مسااء النور ويبصلهاا من فوق لتحت ب استغراب
مستغرب هيئتها وطريقه لبسهاا وشكلهاا وشعرهاا غريبه
ديما بتقعد قدامو احم اتفضل دا السي ڤي بتاعي
سليم: بيقرأ الي فيه ب اهتمام وكل شويه يرفع حواجبو ويبصلهاا بإستغراب
ديما كانت بتبص يمين وشمال وبتتفرج علي المكتب
سليم بيقفل الملف براڤو سي ڤي تمام تقديرات كويسه ومكتوب انك كنتي شغاله في كذا شركه قبل هنا
وشركات معقوله سيبتيهم لي
ديما: الرزق رزقي خلص عندهم
سليم: امم تمام جداا هسألك شويه أسئله
أدهم: مروه سليم فين
مروه: جواا يافندم
ادهم: وديما
مروه: مشيت من بدري يافندم
ادهم: دخل لسليم
سليم: اتفضل يا بابا
ادهم: شوف انا عارف وعذرك كمان انا مكنتش اعرف انها كداا بصراحه انا اول ماشوفتها قولت مرفوضه وبصراحه محدش يقدر يعارضك
سليم: مين دي اللي مرفوضه
ادهم: ديماا
سليم: بالعكس دي ممتازه وطلبت منها تبدأ تشتغل من بكره انا مشوفتش حد عندو التقديرات دي كلهاا وبتتكلم كذا لغه لا عجبتني وهاديه اووي هو صحيح هيئتها غريبه وطريقه لبسهاا غريب بس اهم حاجه انها شاطره وهاديه
ادهم: هااا انت متأكد
سليم: ايواا
في بيت ديماا
هاله ودي بنت عمتهاا: عملتي اي قوليلي قوليلي
ديما بترمي الشنطه علي الكرسي اشتغلت يا اوختي
هاله: كداابه
ديما: عيب عليكي اول ما شاف السي ڤي قالي تيجي تبدأي من بكره
هاله: طب احكيلي حلو عامل ازاي
ديما: قمر
هاله: الله
ديما استني هوريكي صورو بتفتح اللاب توب ويقعدو في اوضت ديماا
هاله: هي دي الشركه
ديما: ايواا وجميله احلي من الصور كمان
هاله: طيب هو فين
ديما بتقلب اهوو
هاله: يانهر أبيض انتي بتهزري
ديما بإبتسامه هو والله
هاله: انا لازم اشتغل في الشركه دي
ديما: ينفع نقطع علي شغل بعض يعني عيب عليكي
هاله: هما دول الموظفين
ديماا: ااه كتيير اووي وكل الي شغالين جوا الشركه بناات بس والامن شباب والله كان ممكن يخليهم بنات مش عارفه اي داا
هاله: شكلو بيحب البنات اوي
ديما: ااه باين شركه كبيره عريضه مفهاش غير 5 رجاله
اربعه امن و مدير الحسابات
هاله: بتقرب صوره الموظفين
ديما: اي
هاله: انتي شايفه اللبس الي لابسينو وشايفه لبسك
ديما: مالو لبسي
هاله: مالو اي في اصلا حد يروح مقابله شغل ببنطلون بوي فريند وحزاام زي الطبق الالمونيوم وتيشيرت بنص كم وكوتشي سبورت
ديما: عادي
هاله: عادي اي ومالو شعرك هايش ليه كداا ماطول عمرو ناعم
ديما: مقدرتش اسرحو وبعدين كنت متأخره
هاله: ديما انتي بتهزري داا شغل واجهه انتي شايفه سليم عامل ازاي والبنات الي حواليه عاملين ازاي اهتمي بشكلك شويه عندك هدوم جميله اد كداا وشوزات تحفه بكعب راكناهم ليه
ديما: انا برتاح في دول
هاله: الكوتشي بيبين قصرك البسي كعب يطولك شويه عشان تبقي قمر
ديما: ششش متصدعنيش
تاني يوم
ديما بتصحي علي نفس نغمه المنبه بتطفيه وتقوم تاخد شاور وتفتح دولابهاا وتفتكر كلام هاله
بتقفل الدولاب وتلبس نفس البنطلون وتيشيرت بنص وكوتشي سبورت وتسرح شعرهاا وتنزل
في الشركه
الامن محمد: لما البت الي عضتك يا امير تيجي قولي
امير: هتعمل اي يعني
محمد: هتشوف هعمل فيها اي لما تيجي بس عرفني
امير: اهي جت اهي الي بتركن عربيتها داهي
محمد: اتفرج ياخوياا
ديما بتنزل من العربيه وبتيجي تدخل الشركه
محمد: انتي يا انسه
ديما: اناا يا أخ
محمد: ايواا انتي عضيتي زميلي ليي
ديما: كيفي كداا
محمد: ايواا هي سوكه العبيطه عمال اقول شوفتها فين قبل كداا
ديما: هنهزر ولا اي
محمد: طيب احترمي نفسك ومتقربيش من زميلي تاني
ديما: هقرب
محمد: هزعلك
ديما: زعلني كدا
محمد: بلاش
ديما: وريني هتعمل اي
محمد بيضربها في كتفهاا اهو
ديما انت قد الحركه دي
محمد: ايوا
ديما بتضربو بالرجل وتخربشو من وشو
محمد: ااه يخربيتك اوعي ااه
ديما وهي بتجري تدخل الشركه احسن احسن
امير: كان لازم تعمل فيها راجل اووي احسن طحنتك اهي
في مكتب سليم
ديما صباح الخير يافندم
سليم: صباح النور يادينا اتفضلي
ديما: احم ديما يافندم
سليم: ااه تمام انتي هيبقي مساعدتي الشخصيه يعني اي مكان اكون فيه هتبقي انتي كمان فيه جوا الشركه او برا الشركه
ديما لنفسها: ادخل معاك الحمام بالمره
سليم: بتقولي حاجه
ديما بهدوء: بقول حاضر يافندم الي تشوفو
سليم: تمام اكتبي الي هقولو داا عشان تبعتيه ايميل لشركه تانيه وبعدين تجبيلي ملفات الاجتماع الجديد من مروه وتبدأي انتي تشتغلي فيهم
ديما: حاضر يافندم
سليم بيمليها الكلام
ديما: انت تؤمر يافندم
سليم: عاوزك تكتبيه دلوقتي
ديما: حاضر يافندم
بتقعد وتمسك اللاب توب وتبدأ تكتب الي قالو بعد ٥ دقايق
تمام يافندم كتبتو وعدلتو والايميل جاهز
سليم: اووه براڤو
ديما بإبتسامه هاديه تؤمر ب اي حاجه يافندم هروح اخد الملفات
سليم: اه تمام اتفضلي
ديما: حاضر يافندم
بتخرج وتقفل الباب وراها وتقف قدام مروه
هاتي الملفات بتاع الاجتماع
مروه: اي دا لي منا شغاله فيهم
ديما بغرور سليم بيه هو اللي طلب داا مني
مروه: انا هكلمو
ديما: كلميه بس اكيد هيتكسف يقول في وشك الي قالهولي
مروه برفعه حاجب هو قاال اي
ديما بتعمل حركه انها بتقفل بوقهاا بنظرات سخريه
مروه بتتعصب وتديها الملفات
ديما: ثانك يووو
بتبعد عنها وتفتح الملفات تاخد فكره
بتلاقي محمد وأمير رايحين عند مكتب سليم
ديما بتبرق وتجري عليهم بس بس انتو رايحين فين
محمد: هنقول لسليم بيه علي كل حاجه وهنرفضك ويسوبوها ويمشو
ديما: شش خودو هناا بسسس تعالو هناااا يخربيتكم
في مكتب سليم
محمد: يا سليم بيه
سليم: ايواا يا محمد خير طلبت تشوفني
محمد: حضرتك احنا عاوزين نشتكي من الموظفه الجديده
سليم: موظفه مين
محمد: مش عارف يابيه الي هي بتلبس بنطلون غريب وفيه حزام كبير داا
سليم: ديماا مالها
أمير: عضتني امبارح وضربت محمد النهارده
سليم بذهول: ديماا
محمد: ايواا يابيه
سليم بيرفع سماعة تليفونو ويطلب ديماا
مروه: كلمي استاذ سليم
ديما بتفرك في ايدهاا يارب استرها يارب
بتدخل
ديما: طلبتني حضرتك
سليم: بيشتكو منك انك ضربتيهم
ديما اناا
محمد: ايواا انتي
ديما بدموع مصطنعه ربنا يسامحكو انتو بتتبلو علياا لي
محمد وأمير بيبصو لبعض بصدمه
سليم: بيبص لمحمد وأمير بعدم فهم
ديما: دا انا كل ما بعدي عليكم بقول السلام عليكم كدا خلتوني فجأه ضربتكم وبعدين انا بشاهدك يا استاذ سليم انا هقدر علي شابين يعني
سليم: اي يا محمد ماتقول كلام موزون
محمد: دي دي دي
تليفون المكتب بيرن ف سليم بيرد
ديما بتبصلهم ب شر وتعمل ب ايدهاا حركه والله هوريكم
محمد وأمير بيبصو لبعض يالهووي....
يتبع..♥
