حُب.

" خَيبة ٧ "

.
.
.

رعد وهو يحاول يشوف الشخص اللي ماسكه بالمستودع : فكني ميييين أنت
حس بيد الشخص على شفته : اشششش
رعد : والله بصارخ والله بصارخ ترا المدير عند المستودع
شغل نواف النور وهو ملبق برعد
رعد : بسم الله خرعتننيييي
نواف : لازم نتكلم
رعد : انهببلت !!! طيب كلمني برا ليش حركات الدراما هذي
نواف : رعد مالي خلقك الحين تشرح لي وش بينك وبين
الحمار عزام
رعد : مابيني وبين الحمار عزام ايييي شيي !!!
نواف يلبق فيه أكثر : رعد شفتكم وانتهى
رعد : أنت غبي وماتفهم
نواف : وأنت رخيص ومخفه كلمه توديك وكلمه تجيبك
رعد يبلع ريقه ويحاول يمنع دموعه من انها تنزل
نواف أستوعب كلامه وحس انه فعلا يجرح
: انا اسف رعد انا اسف
رعد يقاومه ويحاول يبعده عنه
نواف مسك بيده وجه رعد وباس شفته بقوه
رعد استسلم ودموعه صارت تنزل
نواف بعد عنه : أنا أحبك رعد افهمني
رعد وعيونه معلقه بعيون نواف وكلها دموع مسح شفايفه من بوسه نواف ومسح دموعه
رعد : افتح بطلع
فتح نواف الباب وعيونه تراقب رعد ب قلق وندم
طلع رعد بسرعه وهو يركض
اما نواف اسند ظهره على الجدار والندم ياكله على كلامه
.
.
عند تميم اللي طول ماهو بالصف ما شال عينه عن جاكيت عادل
وشوي الا يفز برسالة من عادل
تميم يمسك على قلبه بعد ما فز :  لا لا هذي مو فزه قلب اكيد هذا خوف .. خرعني
يفتح جواله ويقرأ
عادل : تميم أقدر أقابلك اليوم ؟
تميم : اي
عادل أبتسم وقلبه يرفرف
وشاف تميم بعده جاري الكتابة
عادل : " ياقلبي اللي يكتب ابوس اصابعك وحده وحده "
قام بسرعه يختار ملابسه على ما توصل رساله تميم
وفجأة ... وصلت
ركض للجوال والابتسامه شاقه وجهه وبدأ يقرا
" اذا بتجي لبيتنا عشان تاخذ جاكيتك .. اي ، بس ماراح اطلع معاك "
عبس وجه عادل وكتب : مو مشكلة بجي لبيتكم
تميم يقفل المحادثه وهو يندب نفسه
" اف اف ليش اسلوبي كذا احسه غلط "
" ما راح تهتم لامره ياتميم !!! تذكر مرضك !!"
.
.
وجدان وهي تنتظر سيلار تخلص محاظرتها
وجلست تغير بلون الروج وتعدل شعرها وتتعطر
اخذت وجدان كرسي وجلست قدام باب الكلاس حق سيلار و مقابل وجهها وركبت سماعاتها وظلت تتسمع وهي تتأمل سيلار
اما سيلار كانت مركزه بالكتابه للدرجه الي ماخلتها تلاحظ وجدان
رفعت راسها وشافت وجدان تتأملها ..
ابتسمت سيلار بتردد
وبادلتها وجدان وهي ترسل لها بوسات بالهوا
وهذا اللي خلى سيلار تصير تضحك على تصرفات وجدان الطفولية
استأذنت سيلار وخرجت عند وجدان
سيلار : تكفيييييين مت ضحك عليك
وجدان وهي تتأمل كل شي بوجه سيلار وبصوت شارد : بسم الله عليك
نزلت رأسها سيلار و عم الصمت و للحين وجدان تتأمل وجه سيلار
انتبهت وجدان ومسكت يد سيلار : تعالي بنمشي شوي
سيلار : نتمشى شوي بعدين أرجع الكلاس لأنو كتابي داخل
وجدان : تمام
شدت وجدان يدها على سيلار ومشت فيها بالساحة
ووقفت قدامها
وجدان تطلع جوالها وسماعتها : لحظة بسمعك أغنية
سيلار وقفت وهي تناظر بيدها وتطقهم بهدوء
وجدان قربت لسيلار ورفعت شعرها وراء أذنها وهي تبرر تصرفها لسيلار : عشان أحط السماعة بأذنك
سيلار رفعت عيونها لعيون وجدان وكانت قريبة منها حييل
سيلار بصوت خافت : لا عادي
ثبتت وجدان السماعات بأذنها وأذن سيلار وشغلت أغنية
لفضل شاكر | مين ده اللي ياخذني منك |
بدأ الميوزك ومشت خطواتهم جنب بعض وجدان محاوطه بذراعها على كتف سيلار وتمشي جنبها وكل عقلها وبالها وقلبها مع خطوات سيلار وحاسه نفسها فوق الغييييم
أما سيلار لمحت شهد مع صاحبتها ومن وقتها كل تفكيرها مع شهد ونظراتها مافارقت شهد ثانية وحده
وجدان وهي مفكره أن سيلار معاها وماكنت تعرف أنها جنبها لكن بعييييد عنها وكثير : سيلار أحس بمشاعر لما أكون معاك
سيلار ساكته تتأمل شهد
شهد وبدون إنذار طاحت عيونها بعيون سيلار اللي تتأملها
ظلوا يتأملون بعض
شهد تناظرها بدون اي مشاعر تجاهها
لكن سيلار تناظرها وكل شي فيها يدق وينبض لشهد
وجدان بعد صمت سيلار رفعت عيونها وناظرت سيلار
ولقتها شاااردة عن عالمها .. ناظرت بالمكان اللي عيون سيلار موجهه له ولقتها تناظر شهد وشهد تناظرها
وجدان : سيلار تعرفين شهد ؟
فزت سيلار مع أسم شهد وناظرت بوجدان
: ايه أعرفها أنتي تعرفينها !
وجدان : ايه هي بنت جيراننا
سيلار : صاحبتك !
وجدان وهي تحاول تخفي غيرتها تجاه أهتمام سيلار بشهد المبالغ فيه : لا بس أقابلها بعض الاحيان
سيلار : يا حظك
وجدان ذبلت لمعة عيونها وحست بخيبة شديدة
: ليه يا حظي ؟
سيلار انتبهت : اممم لا ولاشي لازم أرجع الكلاس
خلعت سيلار السماعات و خلعت قلب وجدان معاها
وجدان بدون اي ردة فعل وبكل هدوء أخذت السماعات
ودخلتها بجيبها
سيلار بحماس لأن اخيرًا لاحظتها شهد : بااااي وجدان أشوفك بعد الكلاس
وجدان اكتفت بابتسامة حزينة ورجعت جلست تناظر بشهد بقهر
لاحظتها شهد وجت عندها :
وجدان تعرفين اللي كانت معك ؟
وجدان : اي أعرفها ليش تسألين؟
شهد : لاحظتها تناظرني بس
وجدان : يمكن كانت شاردة هي دايما كذا لما اتكلم معاها تناظر بأي شخص ثاني
شهد : ليش هي تحبك ؟
وجدان بعد تفكير طويل بالإجابة : .. اي
شهد توترت : وأنتي تحبينها !!
وجدان وذهنها شارد مع كذبتها : ايه
شهد قالت بحدة : تتهنون
وجدان خزتها : آمين
.
وجدان بينها وبين نفسها
" يا غبية ليش تكذبين !!! "
" طب يمكن تطلع تعرف سيلار .. الله ياخذك يا وجدان غبية غبية !
.
.
.
سلمان بغرفته ويناظر بصورته مع سعود
سلمان : آه يا سعود عطيتك وعطيت عيالك عمري كله
أحبك لدرجة أني وزعت حبي لك على عيالك كلهم
يتذكر تميم ويتنرفز ويدخل الصورة بعصبية ويقفل الدرج
دخل بالحمام وجلس يتحمم
.
.
رعد دخل للصف وتفكيره كله بنواف
وذهنه شارد
وكلام نواف يتردد بأذنه
" أنت رخيص ومخفه كلمة توديك وكلمة تجيبك "
رعد تعب وحط رأسه على طاولته
ونام من كثر البكي
مرت الحصة الرابعة والخامسة
وبالسادسة صحى بصوت نواف اللي يعلم الطلاب بمسابقة الأرشاد الطلابي لأفضل قارئ
الكل مو مهتم لكلامه حتى هو مو مهتم بأي شخص ونظرة كله على رعد اللي صحى بصوته
رعد يرفع رأسه وشعره مبعثر
نواف قطع كلامه وبدون ما يحس : صح النوم رعد
وكأنه ما يشوف اي شخص غيره
الطلاب ناظروا برعد اللي مستغرب من ردة فعل نواف
وناظر بالمدرس اللي لحسن الحظ أنه بعالم ثاني مع جواله
حمد : استاذ نواف استاذ نواف
نواف بعد نظر طويل لرعد التفت للي يناديه
: تفضل وش بغيت ؟
حمد : حتى أنا كنت نايم من شوي
نواف : بس أنت مو رعد
الطلاب : وش معنى رعد يا استاذ
ضحك نواف : لا بس لأني الاحظ اللي مزاجه مو زين من ملامحه
وصاحبكم رعد واضح مزاجه متعكر لازم نراضيه
حمد : وانا بعد مزاجي مو زين
نواف تعكر مزاجه من نشبة حمد
نواف : خلاص طولناها وهي قصيرة اللي نايم صح النوم واللي مزاجه مو زين بيضحك بكره .. فهمتوا موضوع المسابقة ؟
الطلاب : ايييه
نواف : تمام اللي بيسجل يجيني
طلع نواف تحت دهشة رعد وابتسامته اللي انرسمت بشكل واضح عليه
حمد : هااه أشوفك روقت يا رعد ؟
رعد ناظر بحمد وصد عنه ورجع يحط راسه على الطاولة وهو للحين تحت تأثير كلام نواف
.
.
شالت وجدان أغراضها وانتقلت لمكان ثاني بعيد ومطل على المكان اللي تجلس فيه سيلار
وأنتظرت لين تطلع سيلار عشان تراقبها وتشوف إذا تعرف شهد أو لا
طلعت سيلار وهي تتوجه لمكانها هي ووجدان وتدور وجدان
أما وجدان كانت تراقبها من بعيد
شافتها وهي تلتفت يمين ويسار تدور وجدان ثم جلست على المكان وظلت تتأمل شهد وما تدري أن وجدان تشوفها
.
وجدان في نفسها " لييييش تحب تتأمل شهد كذا ! ليه أنا ما تناظرني بنفس النظرة ! ليش بعيونها لمعة ! "
شهد باللحظة هذي انتبهت لسيلار وأستأذنت صاحبتها
أما سيلار توسعت عيونها من الأرتباك وجلست تسأل نفسها
" شهد جااايه عندك يا سيلار !!! لا لا شكلها بتمشي من وراي شكلها تقصد أحد وراي "
التفت سيلار لورا ومافيه وراها غير الجدار ورجعت نظرها لشهد
اللي جت عندها بخطوات ثابتة ونظراتها مثبته بعيون سيلار
شهد وقفت قدامها وسيلار وقفت وقلبها يدق بشكل يخليها خايفه تسمعه شهد
شهد تمد يدها تصافح سيلار : كيفك
سيلار ويدينها ترجف مسكت يد شهد وزاد نبض قلبها
: تمام وأنتي
شهد : وأنا تمام
ممكن أجلس جنبك ؟
سيلار ابتسمت وعيونها تلمع : طبعا أجلسي
جلست شهد جنب سيلار و طلعت من جيبها حلاوه مصاص
مدت وحده لسيلار ووحده لها
: تبين ؟
سيلار ابتسمت : شكرا
شهد : عفوًا
وجدان ظلت تراقب وقلبها يحرقها من الغيرة ..
أنا حقيره أنا حقيره ليش رحت ليش ما ظليت بالمكان ليش ماكنت موجودة معاهم
شهد تسأل سيلار : اممم ذكريني بأسمك ؟
سيلار : اسمي سيلار
شهد : تشرفنا ، كنت بنفس دفعتي بالثانوية صح؟
سيلار : ايي
شهد : من متى تعرفين وجدان ؟
سيلار : أممم مالنا أسبوعين من عرفنا بعض
شهد : أووه بس ما ألومك فعلا وجدان تنحب وكثير
سيلار : ما تلوميني على أيش ؟
شهد : على أنك تيكن معاها
سيلار : بس أحنا مجرد أصحاب
شهد : جد ! توقعتك تحبينها
سيلار : لا أحنا أصحاب بس
شهد بأستغراب : قالت لي أنك تحبينها
سيلار تنرفزت وسكتت
أما شهد وقفت وهي تقول : ايًا كان جيت عشان أقولك أن وجدان شخص ما يستحق الأذى وفكرتك تحبينها جيت عشان أقولك انتبهي لها لأنو قلبها من قطن
سيلار وهي حاسة بشعور بشع : تمام باي انا رايحه
وجدان رفعت حلاوة سيلاراللي طاحت من الأرض : لحظة سيلار
سيلار التفتت وقربت منها وجدان ومسكت يدها
وحطت بداخلها الحلاوة : هذي حلاوتك طاحت ، افتحيها بالبيت تعدل مزاجك حسيت أني قلت شي ضايقك
سيلار ابتسمت : شكرًا شهد
دارت ظهرها وابتعدت
وهي تفكر بوجدان بحزن : " معقوله تبي تفرق بيني وبين شهد ؟ "
شهد رجعت لصاحباتها
.
راحت سيلار للبوابة ولبست عباتها وأتصلت برعد
،
أما وجدان ظلت مع خيبتها ورا العمود جلست بخيبة ومددت رجلينها على الأرض وأنولدت بداخل حلقها غصة ماكانت عارفه كيف تتخلص منها
.
رعد طلع من مدرسته وقابل نواف اللي ينتظره عند سيارته
قرب رعد لسيارته  وأبتسم لنواف
نواف قرب بخطوات سريعة ولف رعد وسنده على باب السيارة ولبق فيه وباس شفته
رعد يوخره بخجل : لااا يشوفونا هنا
نواف : أحبك رعد
رعد وعيونه دموع : ما أقدر أدير ظهري لك
نواف : والله ولا أنا .. سامحني
رعد : أبيييك
نواف قال : تعال معي
رعد : لا بجيك بعد ما أوصل اخواني للبيت
نواف: طيب أتصل فيني وقت توصلهم
رعد : أحبك
نواف : أعشقك
ركب رعد السيارة وراح لسيلار
.
:
وجدان جاء سواقها ولبست عباتها ومشت بسرعة من ورا سيلار اللي كانت على جوالها وما انتبهت لوجدان
ركبت وجدان والدموع مغطيه عيونها
لين وصلت البيت
مرت من الصالة بخطوات سريعة وعيونها بالأرض
أختها هنوف : هذي شفيها ؟
طيف : مدري اسحبي عليها
دخلت وجدان غرفتها وقفلت الباب وسندت ظهرها عليه وهي تتنهد وتمسك على قلبها
بدأت نوبة الكحة وألم القلب يرجعون لها من جديد
وبدأت وجدان ترجع لكآبتها
أنهارت بكي وزاد الألم بقلبها
وبدأت تكح بقوة
ركضت وجدان لدرج الأكسجين وبدأت تبخ منه إلى أن هدأت نوبتها
وطاحت على سريرها بكل ثقلها و نامت