شنوو هوه العراق، بلاد ما بين النهرين.ولماذا سمي ببلاد النهرين؟لانو فيه نهرين وهل نهرين اسمهم دجله والفرات ومو بس نهرين تعالوو معي نرجع للوراء بسنه 65 ما قبل الميلاد عندما كان العراق بأحسن حالاته كان في كهف اسمه (شاندر) ويلي موجود للان بشمال كردستان وكان يعيش فيه انسان اسمه(نياندر تال) وكان المسكين هموو بس يصيد حيوانات وياكل على نيته، نمشي شوي لسنه 11 قبل الميلاد اول ما ظهرت الزراعة والماشيه لاول مرة بالعالم كثرت صناعة الاوعية الحجريه والجبس والجير المحروق بدأ الانسان القديم يفكر ويصنع ادوات تساعده في الزراعة والتجارة نتقدم كم سنه لمن ظهرت حضاره سومر وبدأ طيحان الحظ😂😂امتدت الحضارة3000 سنه وكانت عاصمه سومر المدينه اورك،وبهاذي الفترة اخترعوا التاير الي هوا العجلات وصارو يصنعون سايبه الي هي مثل وسيله نقل وصارو يصادرون لبلاد فارس وبعد ما لاصهة الملك سومر وخلاها خرابه تاليته صار چكاير اجوي ملوك الاكديين واستعمروا بلاد مابين النهرين وعلمونا اللغه والذبح.. ونفس طيحان الحظ. راحو الاكديين اجوي الاشوريين ادعبلوو الاشوريين😂 اجوي البابليين هنا اجه حمورابي قال كافي خلي نتوحد كان يوحد ارض الممالك السابقة الاكد وآشور والبابل يقلك هاي مابين 1940/2002 قبل الميلاد وكان يجي شمشي ويحرقلك الگاع حرق اي اي ويغزيلك الامه العربية كلها انقتل شمشي وراح بالزلك واجه زمن الامبراطوريه البابليه الحديثة، وبسنه620 قبل الميلاد هنا الكلدان ساعدو نبوخذ نصر حتى يسيطر على المدينه، وراها استلملك يهوذا (مملكه اسرائيل القديمه فلاحه ملاجه ويجيبلك اسرى من عندها، ويبنيلك الحدائق المعلقه اي(الجنائن المعلقه) من عجائب الدنيا السبعة انتهى زمن نبوخذنصر واجه ورا ناس زريبه من بلاد فارس احتلونا وكان اسمهم الاخمينيه، اجه اسكندر اللوطي ابن اللوطي ديحهم وحكمنا انعلس اسكندر واجوي الرومانيين واحتلونا سلون سالفه بايخه هاي... لو ظالين على العصر الحجري ولا هل مذله هاي، خل نطفر للقرون الوسطى لان القرون القديمه كلها قتل بقتل خل نستقر شويه عاد، وكان تجي الخلافه الراشديه اجه ابو بكر الصديق وكان يغزوا بلاد فارس ويطردهم من العراق بقيادة خالد بن الوليد بس همين رجعو الفرس وبعدين اجه عمر بن الخطاب بدأ هجمه ثانيه بقيادة
سعد بن ابي وقاص سنه 636 ميلادي وكان ينتصرون بمعركه القادسيه انتهت الخلافه الراشديه وكان تجي الخلافه الامويه ابتدت من سنه 662 الى 750 ميلادي ثاني خلافه بتاريخ الاسلام، اجه معاويه بن ابي سفيان ونقل العاصمه الامويه من الكوفه الى دمشق اكبر حدث صار بالدوله الامويه في واقعة الطف بكربلاء بشهر اكتوبر 680 ميلادي، كانت بين الحسين بن علي بن ابي طالب عليه السلام ابن بنت نبي الاسلام محمد صلى الله عليه وسلم
وجيش تابع للخليفة الاموي يزيد بن معاويه ونتج عنها مقتل الحسين واكثر من معه انتهى الحكم الاموي بالعراق بعد خسارة الخليفة الاموي مروان بن محمد لصالح جيوش العباسيين، وهنا تأسست الدوله العباسيه سنه 750 ميلادي حكم الدوله العباسيه من سلاله اعمام النبي وهو العباس بن عبد المطلب نقل العباسيون عاصمه الدوله من دمشق الى الكوفه وبعدها بغداد التي ازدهرت 3 قرون وصارت اكبر مدن العالم واجملها خصوصا في عهد هارون الرشيد انتهى الحكم العباسي في بغداد 1258 ميلادي لمن اجه خولاكو خان وغزا المدينه مابقى مكان ما حرقه، وراها اجوي الجلائريون سنه 1401 ميلادي، بقيادة تيمورلنك، غزوا العراق وقتلوو وبحوو اكثر من مليون عراقي، بعد ما اجه اسماعيل الصفوي من بلاد فارس وسيطر على بغداد سنه 1509 هيه صارت مودة ياهوا يلي يضوج يروح يغزو بغداد، كان يجي السلطان العثماني مراد الرابع قال بقت عليه، احتل العراق هم من 1831 الى 1917 ميلادي،حيث دخلوو البريطانيين العراق، لانه كان تحت سيطرة العثمانيه، بعدها تم تقسيم غرب اسيا وراء الحرب العالميه، بموجب اتفاقيه سايكس بيكو
وبعد هذه الاتفاقيه ظهرت خارطه العراق، استقل العراق بعد ثورة العشرين، وكان يحكم مملكه العراق الملك فيصل الى عام 1932 ميلادي نطفر الى 1958
لثورة 14 تموز بقيادة عبد الكريم قاسم بحيث تحول الحكم من ملكي الى جمهوري ونفس الجماعات الي سوت انقلاب على الحكم الملكي قلبوا على سياسه عبد الكريم قاسم ودعبلوو😂 وكان يجي عبد السلام عارف ويصير رئيس الجمهوريه، انقتل عبدالسلام عارف وكان يجي زمن حزب البعث العربي الاشتراكي سنه 1968،، استلم صدام حسين الحكم وكان يعلن الحرب ضد ايران استمرت الحرب8 سنين والاثنين خسروا،، وراها صدام قال ضوجه وين اروح😂😂 كام يحوص ورجعلك على الكويت سنه 1990،بسبب النزاع الاقليمي اجوي الامريكان وقالوله، شيل جوالاتك واطلع من الكويت عاندهم صدام وصارت حرب عاصفه الصحراء عام 1991 طلعونه من الكويت، وقرر مجلس الامن الدولي على فرض عقوبات اقتصاديه على العراق وحظر تجاري شامل
والشعب مات جوع والرئيس مفرفش، اجتي 2003
تعددت الاسباب لتغيير نظام العراق، وكان يحتلونه الامريكان بحرب الحواسم مابين 2011/2003
قوات الاحتلال الامريكيه فاضه سيطرتها على العراق بالكامل،يسرقون بل نفط بينما الشعب حاير بل طوائف هاذ سني وهاذ شيعي، وواحد يقتل بل ثاني،
ودول الامم المتحدة وامريكا يضحكون، اجتي سنه،2011 العراق شوي استقر، لحد ما اجوي داعش ولاصوها حيلل، ولحد هسة حتى يومنا هاذ، العراقيين واحد يقتل بالثاني وحد يعرف شنوو السبب، الى متى؟؟؟
حبايبي اتمنى عجبتكم قصتي عن تاريخ وطني العراق🌹🌹💕
واتمنى تكونون فهمتو.. العراق مر بأزمات كثيرة
ومثل مشفتو كم مرة انحكم وكم مرة تعرض الغزو
ونتمنى ربي يحفظ العراق وشعبه ان شاء الله💕💕
