Im Your Filter

CHAPTER - 9

( ATTENTION : ⛑️☑️ chapter - 8 a hnuai lamah ka ziah belh leh a, chapter 8 ni 3 nov hmaa i chhiar anih chuan chapter-8 ka chhunzawm na a la awm e !  ⛑️☑️)

Darkar chanve liam hma hretin hobi leh bang an rawn kal a, ka awm ve na ni chiahin ka hrelo a,  room ka chhuahsan a, pawnah jungkook chu thlan deuh huamin a rawn tlanphei bawk a, a rilru a hah hmel khawp mai.

' a tha em? Engnge a an? ' tiin min rawn zawt a.

Kei chuan a that thu leh a la chauh deuh hrih thu in ka chhang a, a zuk lut veleh nghal a.

Manager chuan a hnu deuhah min ko lut leh ta tho a .

An bulah chuan Chiang deuhin a condition ka zawt a, a thawk a buai chhan erawh chu hriat vat a that ka rin thu ka sawi nghal bawk a. Jimin chu a la chechang lo , mahse a muhil lo tih chu ka hrethiam mai .

Kan vai chuan chau deuhin kan haw a, manager in a car in min thlah a , ka ngui ruih mai.

' a pawi ngawt mai , ka hlauthawng hman lutuk a, sponsorship an rawn cancel ang tih ka hlau hman lutuk a...' a ti a, za lo deuh hian anui a.

Ka rilru te te chuan tunah jimina hrehawm takin a awm a, stage atang hialin a tlu ania, engtinnge chung mai mai te chu a lo la sawi theih ? E...chuvang chu animaw? A lo hrawk deuh hrep ni a hma khan. Ani chiang lutuk.

Keichuan rang takin ' manager , chutiang chu kan buaipui tur ani hrihin ka hrelo , amah a la hrisel that phawt a ngai ang ' tiin ka chhang a.

Ani chuan ' ni e... ' ati a.

Kan ngawi dun vung vung a, ka thusawi chu a pawm chiahin ka ring lo .

'  naktuk chu chhun lamah kan chhuak dawn a , flight kan nanglo hlauh ange , makeup crew rualin lo kal mai la, member ho media in an kawm duh a, keini chu a hmunah lo thleng hmasa ila, airport ah luhaiin a tlu tawh lo em ang chuh!' Ati a.

Chubawk chuh! Jimin hi a ngaihven hlawl lo, sum chiah ani sum chiah . Ka lainat khawp mai , min tizak viau mah se.

Chhan let ngaihna ka hre tawh biklo. Ka be peih vak lo bawk nen , ka lu ka bu ngawt a, ka khi deuh vur vur a, chu zawng chu.

Ka hotel room ka thleng chu ka chau lutuk , ka thlan vek , mahse ka inbual peih hlawllo, vawiin thil thlen hnem dan em em hi , ka khum ka si chiah a, ka muttheih ka rinloh tehlul nen , ka chau ve ngang aniang, Hospital patients round ai pawn a hahthlak zawk , pressure tam si , ka hriatloh laiin ka kawr pawh thlak lovin ka lo muthlu daih a.

------------------------------------

Vannei tak ka ni.
Dar 7 ah alarm ka kam hrim hrim thin vangin min chhanhim , hobby tha tak ani. Hangover nei ang mai ka ni, ka lu a na deuh bûr mai.

Ka luna damdawi chu ka ei thuai a, rei tawk ka inbual a, engnge ka hriat ka hrelo , ka awih theilo , atlanta ah ka kal dawn , chuvang te chu aniang, ka hawaiin kawr pawl par bahna sin deuh nei , ka khup chung vela fual a kawng suihna mawi zet nei chu ka ha ngei a, phur tawkin car min nghaktu lamah chuan ka chhukthla a, ka bungrua ka keng kim lo ngailo . Ka check vek e.

Crew ho chuan min enduh riauin ka hria a, ka kawr hak vang nge  ka chanel lipstick temper red ka hman ve ngei vang zawk pawh ka hrelo .
Ka nui liam mai mai a, eunhi kha awm ve se aw, kan inkawm tawk ve ber asin.

Airport ah chuan media ho an lo tam khawp a, member ho aiin darkar 1 in kan kal hmasa a, an lo awm kim vek tawh ang ani , an lo lar hle ani e, BTS ho hi.

Mi te ruala ka phei chu ka inla pawimawh riau mai , engnge? Ka pawimawh alawm ! Mahse midang en chuan an ngai neih , phur hmel pawh an pu lo, an zinga kawr dum ha vek bula awm chu a hranpaa atlanta-a vacation hmang tur hrim hrima kal tum te pawh ka ang zawk alawm. Ka hmai ka hliah tlat , sunglass ka bun bawk a, media bul vel kan thlen chuan tinge mawni ka kawr pawl par hak leh sunglass bun vang vel chu aniang, celeb emaw min ti anih ka ring ...haha, thla an rawn la sup sup a, ka bula crew kal ho pawh chuan a ngaihna kan hrelo hlawm takzet ani.