🌺:
#أدوار_وهميه 14
مروه:طالعه من المطبخ تاكل في تفاح....مني جي ؟
وقفت في مكانها بصدمه !!!
كانت مروه نسحابه لما الباب تسكر مخش حد 💔
سلمى:اختفت الابتسامه من على وجها وطاحت الصونيه منها تكسرت لي قطع صغيره زي قلبها ❤️
شافت لي مروه بعدين شافت لي بدر وكانت مكسوره ومصدومه بدي جسمها يرجف وطلعت كلمات متقطعه من فمها !
سلمى:و ا و.. و واضح اني جيت في وقت غلط اسفه💔
وفتحت الباب وطلعت حاطه يدها على فمها 💔
بدر:سلمى!!....وحاول يلحقها مسكاته مروه
مروه:متلحقهاش بدر
بدر:نفضظ يده منها....مستوعبه يلي صار انتي !!!!
شافاتك في استراحتي ره!!....وطلع ورا سلمى
سلمى:ركبت السياره وزموعها ينزلو بدون صوت ....بسرعه روح بيا
احمد:خيرك؟!
سلمى:اطلع بي السياره احمد بسرعه الله يخليك
احمد؛ولع وطلع وقلبه على اخته ❤️....خيرك شن صار معاك !؟
غلط معاك في حاجه راجلك ولا شني !
سلمى:تمسح في دموعها يلي ينزلو بدون ملامح بكي ....يا بارد منبكيش
احمد:والدموع يلي ينزلو هادهم شنو ؟
سلمى:طلعو رسمي فيه عمال غير من الجيها الثانيه حارقين قطران ولا مفهمتش متحملش الريحه قالي بدر بسرعه روحي مش باهي ليك
احمد:صدقها لان فعلا كانو دموعها يطيحو بدون بكي ...حليلي يلي يخاف على مرته
سلمى:خبطاته على كتفه وهيا تضحك ....بارد
كان قلبها رماد من كثر ما انحرق في لحضات💔
تراجي بي الساعه والدقيقه امتى تروح لانها كانت حاسه انها في اي لحضه تنهار وتبكي قدام خوها
طول الوقت مسكره على يديها بي قبضه وتاخد في نفس عشان تتحكم في اعصابها!
________________________________
رواد:لااااا!!!!.....لا متقوليش درتها انور
انور:اي خديتها تبيني مخليها قدام الناس بعد ما سيبتها وهيا حامل منك قيس فهمننننني وين عقلك
وواد:الننننننم البنت مش منننننني مش مننني
انور:بصدمه....بنت مني ! ؟؟
رواد:وقف عاطي خوه بضهر وهوا يرجع في شعره للخلف ومش مصدق المصيبه يلي صارت معاه
انور؛وقف ورا خوه....متحاولش تكذب قيس !!
البنت مخطوبه ليك من5سنين وقاري عليها الفاتحه قول انك غلطت معاها وتم الموضوع
رواد:فقد اعصابه .....لااااا الزح وربي ما مسيتها
انور:امالا شنو يلي صار؟علاش خليتها بدون حتى ما تعطي سبب انت هربت هروب قيس
رواد:ملامحه متوتره وبيتفجر....البنت اعتدا عليها ولد خالها !!
انور:شافله بصدمه....ولد خالها !؟
رواد:ومفتحتش فمها لين اكتشفت انها حامل قتلي في اسبوع العرس
انور:كان بي رضاها؟؟
رواد؛هز راسه بمعنى لا ....ولد خالها خامر متع عار وملشيات والقصص هيا
انور:كيف صار !؟
رواد:منعرفش مقدرتش نسمع منها انور !!
ضحك بصدمه....تخيل منضري مقعمز نسمع فيها تحكيلي كيف صار واعتدى عليها بعقلك انت !!!؟
قعمز رواد وهوا يطلع في دخان ويديه يرعشو
ولع دخانه وهوا يحكي .....فضلت نهرب ونطلع حقير ومنفضحش البنت يلي نحبها
انور؛فصل .....ع اساس خليتها في حال كويس !!؟
قيس انت خليتها حامل مفكرتش لما بتكبر بطنها شنو بتقول وكيف يذبحوها اهلها!؟
انت مدرتش حل انت هربت بس
مكنتش راجل وواجهت الواقع !!
رواد:ضحك وهوا قاعد تحت تأثير الصدمه....لا انت كنت راجل وخديتها وهيا حامل بي الحرام هه
انور؛حط يديه على عيونه ثواني وكمل كلامه....كأن ربي خداها عنده لان عارف لا انا ولا انت ولا حتى الناس رح ترحم ملائكه صغيره زيها
رواد:شافله بصدمه.......شن تقصد!؟
انور:البنت توفت اولامس قيس
دارت حادث هيا وامها ....الام عاشت والبنت خداها يلي ارحم مني ومنك .....وطلع
طلع انور وهوا مش عارف من منو مضايق وغاضب؟
أنت تقرأ
ادوار وهميه 💓
Разноеاقوى الروايات الليبيه كل رواية وتحكي ع قصه في منها من الواقع وفي منها م عالم الخيال مابين افضل كاتبات ليبيا ♥ رواية ادوار وهميه للكاتبه اروى الطاهر المسلاتي♥
