قصة خيالية للكاتبة سالي
•
•
•
كاعدة بغرفة يم شباك اباوع على شارع ... الجهال يلعبون طوبة و مجموعة بنات صغار ملتمين و كاعدين يلعبون بلعبة باربي ... اتمنيت ارجع صغيرة گطع حبل افكاري رنة تلفوني َ(ڳّأُتٌبّةَ سًأُلَيْ )
شفت اسم رديت بأبتسامة
رهف : الو حبيبي شلونك
ادهم : زينة الحمدلله
رهف : ماناوي ترجع ؟!
ادهم : مابقت شي أميرتي ... اتحملي هل 10 اشهر و راجعتلج و هلمرة راح اخذج وياي
نهيت اتصالي ويا اخوي ادهم ، وحيد الي بقى من اهلي ... توفى اهلي بحادث ، جنا اسعد عائلة ... عائلتنة صغيرة ماجان عندي لا خوال ولا عمام ... ابوي من حب امي بيت جدي و عمامي حتى خوالي هم مجانوا موافقين ... ابوي نهب امي و اتزوجوا الوحيد الي ساندة هو صديق ابوي عمو ياسر ...
جان عمري 4 سنوات من توفوا اهلي عمو ياسر و ابوي جانوا عدهم شركات بلبنان و عراق .... ف اخوي كمل دراستة و سافر للبنان علمود يدير شركة ابوي و شركات الي بلعراق عموا ياسر و ايان يديروها
ابوي قبل مايموت بشهرين وصى عموا ياسر علينا ، ف بعد وفات اهلي عشنا يمهم ، عمو ياسر عندة ولد و بنية (ايان و مها ) َ(ڳّأُتٌبّةَ سًأُلَيْ )
مها سافرت لبريطانيا علمود دراسة ماجستير ....
ام أيان : رهف .. رهف وينج ؟؟ تعاي تغدي ماما .
رهف : ماشي ماما ياسمين جاية
نزلت جوة كعدت بمكاني بس استغربن عدم وجود ايان
رهف : عمو وين ايان ؟؟
ابو أيان : راح يم صديقة گال ما اتأخر
اندگ مبايلة و شاله
ابو ايان : ها هياتي ايان دا يخابرني ... ألو ها ولدي ، وينك ليش اتأخرت ؟!! ...... شبيك ابني ؟! ..... شنووووو هسة انت وييين ؟؟ ...تمام تمام جاييك
ماعرفنا شكو ، بابا گام من مكانة راح يبدل ملابسة
ام ايان : ياسر ايان شبييي ؟! شصاااير ؟؟
ابو ايان : ايان داعم بنية و البنية .....ماتت
ام ايان : شنووووو ياالله ، ايان ايان وينة ؟؟ ودينييي يمة الله عليك
ابو ايان : وييين اوديج بنص زلم كعدي و لا تأخريني
طلع عمو ياسر و مامة ياسمين انهارت ارتفع ضغطها وديتها لغرفتها و انطيتها دوا ضغط لحد ليل يالله رجع عموا بس بدون ايان َ(ڳّأُتٌبّةَ سًأُلَيْ )
رهف : عمو شصار وين ايان ؟!
ابو ايان : اه اه بنتي شحجيلج ... وين ياسمين ؟
رهف : گاعدة تصلي
ابو ايان : روحي صيحيها بنتي
رحت صحتها ، اجتي بحيل مهدود و عيون مورمة
ام ايان ببجي: طمنني الله يخليك ؟!
ابو ايان : بشنو اطمننج گليلي بشنووو ، اهل بنية گلبوا الدنيا هلى راسنا باجر الكعدة اروح بلكي الله تنحل بأقل أضرار
ام ايان : اي شي يطلبوا منك سويلهم بس يعوفوا ابني هذا وحيدي اذا صار بي شي انتهي ولله
أنت تقرأ
فصلية ليث (سالي)
Romanceاخذوني فصلية دون سبب .... قصة عراقية _خيالية كاتبة :سالي بداية : 29-1-2022 نهاية : 20-2-2022 لا احلل اي شخص يسرق افكاري او روايتي
