اوراق من خريف العمر 🍁🍂

شهر ابريل

This 😶 is the most emotion that perfectly expressed my Current mood nowadays, Where;No feelings, No reactions, No expectations, No wishes, No wills, No interests , and really a lot of No's inside😶

Mê ♏

✴️✴️✴️✴️✴️✴️

انا اكتشفت أن الفيروس بيتنقل عن طريق الموجات الصوتية - مع بالغ تقديري واحترامي للدكاترة والعلماء 😜 - وبناء عليه كنوع من أنواع الوقاية وتجنب زيادة الاكتئاب فانا باعتذر عن اني مش برد علي اي تليفونات 📳
وللاسف الفون ٢٤ ساعة سايلنت 🔕🔇
مش بارد علي الماسنجر دايما  💬
اللي محتاج يكلمني WhatsApp only يا جماعة  ده لو مكنتش عاملة read recipet off  ونفضتلك 😎
Mê ♏

✴️✴️✴️✴️✴️✴️

الواحد لما  حبه وتقديره بيقل لاي شخص و يبدأ يرجع بذكرياته معاه ،بيبقي عامل زي ما يكون واحد قاعد في مكان ضلمة و جاتله فرصة يفتح الستارة ويشوف النور بس قلبه اللي اتوجع مش عينيه  لما فتحها.
يبدأ يفتكر هو حب ازاي و كرس وقته وحياته ازاي و انتهي بيه الحال لفين ، و سبحان الله حتي ملامحه في عينك بتتغير بتبدا تشوف فيها اللي مكنتش شايفه وقت ما كانت السكينة سرقاك ،و تحس بحاجات عمرك ما كنت حاسس بيها قبل كده .
علي قد ما هو موضوع متعب و صعب جدا انك تتجاوزه وتتعامل معاه بس رحمة من ربنا انك قدرت تفتح الستارة وتشوف النور حتي لو وجعك في الاول هتتعود عليه بعدين ، لان كلنا تقريبا كده بقينا فترات في حياة بعض 😏

#مراية الحب _عميااااااء
#الحب _له دور كبير _ في رسم الملامح ⁦⁦
Mê ♏

✴️✴️✴️✴️✴️✴️

الواحد عمال بياخد صدمات لطيفة اوي والله كفيلة أنه يعمل بلوك لناس كتير كانت غلط انها تاخد الحيز ده من حياته أو تفكيره والله العظيم
و بالمناسبة السعيدة دي فانا عايزة اقول لاي حد حب يخرج من حياتي متنساش تقفل الباب وراك علشان ميترزعش في وشك بعدين
والفترة اللي جاية دي بردو في اوفر حلو جدا اللي عايز يزعل يزعل يا جماعة مش هنراضي ولا نسايس ولا نضيع وقتنا مع ناس متستاهلش .
ارضاء الناس ده فعلا اوحش حاجة في الدنيا ممكن تسعي وراها كفايانا مناهدة علي حساب نفسنا و وقتنا ونفسيتنا ، كل واحد فيه اللي مكفيه وزيادة
وادعاء المثالية وعدم الاعتراف بالغلط ده تاني اوحش حاجة ممكن تشوفها في حياتك ، ربنا ما يجعلنا من الناس دي ابدا بجد
وتاني والله من قلبي حسبي الله ونعم الوكيل وكفي ✋

Mê ♏

✴️✴️✴️✴️✴️✴️