منقول وبوست طويل بس بيوضح حاجات كتير ويثبتلنا ان اي سير عكس الفطرة وعكس اوامر واحكام الله لا وولم ولن يقود الا للهلاك ويا اما تحترم وتستجيب لفطرتك يا اما هتفسد وحاجات كتير حواليك هتفسد بسببك .. سبحان الله
موضوع شائك للغاية
وهايجيبلي مشاكل ووجع دماغ
كنت متردده اتكلم فيه من فترة بس خلاص
مش قادرة اسكت اكتر من كده وانا وحظي بقي 😀
طول عمري فرحانه بلقب استرونج اندبندنت ومان وتقريبا كان تارجت حياتي
اني اوصل لمرحله اني اناطح الرجل في كل امور الحياه واكسبه وابقي افضل منه
ولو اني مالقتش حد سقفلي لما اخدته بجداره ولا كرموني في الدوله وادوني قلادة النيل
الدهب دي عيار ٢٤ الي هاتحسن وضعي المالي لو خدتها وبعتها وخدت فلوسها 😂
بالعكس حياتي شقي ومازالت
يالا الحمدلله علي كل حال
لغايه اما حصلتلي حاجه غريبه انا مش قادره افهم التغير الفظيع الي حصلي ده ليه
في يوم قاعده في امان الله ❤
في احد الاماكن الي اشتغلت فيها سابقا معمل تحاليل
ولقيت جروب رجاله صعايده حوالي ٥ داخلين ومعاهم ست كبيره وواحده تانيه حوالي ٢٥سنه عروسه جديده لسه متجوزه
فااحد الرجال وتقريبا المتعلم فيهم
هو الي اتكلم معايا والباقي قعدوا بره المعمل
قالي عايزين نعمل تحاليل للعروسه الجديده علشان الحمل اتاخر بيتابعوا هرمونات الخصوبه
قولتله تمام مافيش مشكله واخدتها وقعدتها ولسه هاسحبلها عينة الدم
الرجاله مع الست الكبيره كانوا عمالين يرغوا في موضوع وصوتهم عالي وهما بره
ففجأة لقيت العروسه بتزق ايدي وخرجتلهم تقولهم
هي امل صحيح اتخانقت مع حماتها
اتاريها راميه ودانها مع حوارهم وحب الاستطلاع والفضول قاتلها
فراح واحد من الرجاله
شخط فيها حتة شخطه وقالها وانتي مالك ارجعي شوفي حالك
انا ذات نفسي اتخضيت وكشيت كده وحسيت ان رجلي غرست في الارض من قوة صوته 😂
ولو اني طول عمري جامده ومابخافش بس الي حصل بقي
وطبعا البت رجعتلي زي خيبتها وسحبتلها التحاليل وروحوا مشيوا
بس بعد مامشيوا انا فضلت فتره بعدها حاسه اني مش مظبوطه
الغريب في الموضوع اني اكتشفت اني مفتقده احساس وجود حد قوي الشكيمه في حياتي
يديرها ويفكر شويه بالنيابه عني ويحتويني صح
صوت شخطه الراجل خوفا عليها
علشان ماتشغلش بالها بامور مش هاتفيدها
محسيتش انه ازعجني قد ماحسيت انها في امان راجل واخد باله منها
تسمع ايه وتتكلم في ايه محددلها المفيد بس
حسدتها شويه الصراحه
بس مكنتش عارفه الاحساس الملخبط جوايا ده ايه سببه
في الاوقات العاديه كان ممكن اهزقه علي صوته العالي واعلي صوتي عليه
أنت تقرأ
واجعل لي لِسان صدقٍ في الآخرين
General Fictionخواطر او مواعظ منقولة من صديقة ليا اسمها هاجر سعد
