جزء بدون عنوان 1

#المقدمه(خيبه)

#خيبه
المقدمه🖤
ميس:مقعمزه وسارحه في كل الناس اللي جنبها البنات اللي يشطحو زي لمهبله كل غرضهم يلفتو انتباه بالك تحصل في عريس ولا السلفات اللي مقعمزين يتنافسو من تطلع احلي من التانيه ولا اللي جاي يبي يقصقص وياكل قاطع تفكيري!
اروى:ميس نكلم فيك نخصتها مييس
ميس:نخلعت بفزع ها شنو
اروى: وين سارحه
ميس:ءء لا شي تعب العرس عارفتيني من الصبح مرقدتش
اروى:عندك هليومين يحنه وارقدي لين يطيبو جنابك في حوش راجلك😂😉
ميس:ابتسمت ابتسامه صفرا.ءء اروش باللهي بنتعبك تجيبيلي طاسه اميه
اروى:حاظر هي
وناظت اما ميس خذتها الدكريات القديمه
—————————————-
ف مكان تاني مليشي علاقه بلمكان اللي قبله👆🏻
روعه:ماما خلاص ارحمي روحك واللهي مباهي ليك حرام اللي تديري فيه
العاقله:شاده قماش ابيض كإنه ملوث بالدم بنتي ماتت ماتت عروس مكملتش فرحتها وماتت اااه ياربي قلبي محروق عليها ياربي صبرن
روعه: ليك8شهور ع هلوضع شن استفدتي رجت رجعتيهااا هااا خلااص ماتت مشت لخالقها مشت لدار الحق لو البكى يرجعها ره قعدنا طول عمرنا نبكو
العاقله:مجد يبي يفهمني ءءاني ام ره ام وتخبط ع وجهها وتبكى
روعه:حضنت امها وتبكي منغير صوت .ربي يرحمها ويغفرلها مشت لمكان احسن من اللي حني فيه💔

عبد الباري:ياسر من النقان صبح وليل متعييش
منى:لا متعياش شن واخدني شغاله راني عروس عرووس من يوم مجيت واني زي البنقلا نخدم ف امك وخوتك نضم وتطيب ونغسل ولا فيه حتي من يشكر ولا يقول كلمه طيبه
عبد الباري: يامنى عارف واللهي عارف وحقك عليا لاكن انتي تشوفي في الوضع امي لتوا مش قادره تطلع من الحاله اللي هيا فيها حنعوضك واللهي
منى:امت به امتا ديما نفس الكلام
عبد الباري:حتشوفي اصبري عليا شوي .هي توا بري وري وجهك روعه جايه تزور ف امي
مني:خبطت رجليها الصبر ياربي ولبست ملاية الصلاة وطلعت
اما عبد الباري قعمز فوق الكنبه وحاط أيديه ع راسه ويهز ف رجليه ويفكر
—————————————
#الكاتبه:ola-Àltrabelsi
——————————
في حوش العريس❤️
صالحه:الفرحه باينه من فمها اللي قريب ينغلق من الابتسامه 😂مقعمزه والناس ماشيه جايه تبارك
تقوى:ماما حسن يبيك
صالحه:وين هوا
تقوي:تلقيه ف مطلع الدروج
صالحه:هي شوي وجاياته
صالحه:نخصت تقوي.شن فيه
تقوي:شي غر العريس يبي امه شوي . وانتي علاش تقصقصي
ساجده:لا غر قلت بالك ناقصتكم حاجه نقول ل مصباح يجيبها
تقوي:سلمها مرت خوي الفالحه انتي غر شدي مفرخك اللي تقول مجاعة تشاد لاعمرهم كلو ولا شربو شي ف حياتهم منبو منك شي 🙂ومشت
ساجده:ان شالله تبرا صغاري مجاعه صار تو نوريك ياتقوة الشياطين
صالحه:خيرك وليدي ان شالله خير
حسن:مدلها فلوس وباس خودي اللي ناقصك ياغاليه
صالحه: فرحت كيف ولدها بدي يرجع زي قبل وتذكر ان امه قتله محتاجه فلوس عندها حاجات تبي تشريهم
حسن:هي اني بنمشي كلمت محمد غدوا الظهر وتي روحك تو يرفعك وين ماتبي وباس راسها وطلع
صالحه:برا ان شالله ربي يفتحها قدامك وين ماتمشي ورجعت جمب النساوين
(محلاها دعوات الوالدين بذات لما تكون من داخل القلب محلاها لما تحاول ترجع فتفوته متتشافش من تعبهم عليك رضا الوالدين نعمه❤️)
——————————————-
سُعاد:هي نسمع فيك شن فيه
ميس:لا واللهي مفي حاجه تعب العرس وهكي بابا وين
سعاد(مرت بوها):اسمعيني بوك عارفتيه ليل نهاربمرضعته خارج نطاق التغطيه 😂
ميس:ضحكت ضحكه خفيفه ربي يهدي وخلاص
سعاد:ان شالله بالك تصدف ويدير حاجه كويسه تغفرله ذنب من الذنوب المكدسه😂
ميس:مجاش حتي باركلي مجاش قالي شن ناقصك وربي محنطلب شي بس كلمه طيبه تحسسني ان عندي سند
سعاد: توا سندك هوا راجلك هي توا ياعروسه تعالي اطلعي لناس خير ميبدو يدوو وهما ميصدقو
ميس:ءء حقا كيف حال بثينه(اختها من بوها) خيرها مجتش
يعاد:الوحم متعبها شوي لاكن ان شالله حتجي غدوا هي تعالي
ميس:اها سلامتها وطلعو
—————————————-
ف صباح اليوم التاني🌞
ميس:نظت بكري اليوم حمامي جهزت روحي وتيت لبسه البودري ولوازمها وكيف بنطلع لاكن وقفني!
—————————————-
مصباح:بصوت حاد عالي يخوف تقوى ياتقوى
تقوى: جايه جايه نعم
مصباح:هاذا شنو؟
تقوي :بصوت يرجف ءءء ه ه هاذا و..!
مزال هلبا شخصيات واحداث قعده مطلعتش🖤
لو عجبتكم وتبوني نكملها اكتبو تم وقولو لأصدقائكم تفاعلكم مهم لدعمي❤️