جزء بدون عنوان 1

خيبه

#خيبه-4
..اليوم خميس يرا
..الخميس الونيس😂
..تخيرك تسوق تقول تمشي ع طبق دحي زيد السرعه
زاد السرعه كانت سرعتهم جنونيه
الشاب:ووقف وووقف ت وققققف
بس مقدرش يتحكم ف السرعه وفجأه بوووووم
نزلو ال3 من السياره
الشاب:ماتت😨
..ت اسكت عليا ترا شوفها تتنفس ولالا
نزل يتفحص فيها
الشاب:ف فف في نبض
..شن هلمصيبه ياربي
..المرا كبيره ف العمر خل نسعفوها قبل متموت ونكملو نص عمرنا ف الحبوسات
الشاب.وكان تموت ف الطريق؟
..احسن شي نكتحو ولا شفنا ولا سمعنا
بالنسبه للجميع كان هاذا الحل الوحيد بش ينقدو روحهم بعدوها من ع الطريق وركبو ف السياره وطلعو
——————————
ميس:مشيت لدار اللي قالي عليها وهنايا كانت الصدمه😧
كل شي مكسر دبش ملوح سرير مقلوب ومرش مكسر ف كل مكان زاد خوفي اكتر واكتر وبديت نرعش ورجليا يخبطو ف بعض ليش الدار هكي شن صاير جيت نبي نرتب الدار مقدرتش نتحرك كويس من اللي لابساته اكتفيت بإني نقعمز ع طرف السرير وندعي لين سمعت صوت الباب نفتح  💔
حسن:خش ومعاه شنطة الدخول حدف الشنطه لين جت جنب ميس
ميس:كان صوت خبطة الشنطه قوي لين سكرت وداني بيدي
حسن:لملمي الدار وغيري حوايجك وارقدي اني بنرقد ع الصالون
ميس:هزت راسها وباين ع وجهها انها مرعوبه
حسن:فتح الدولاب وخدي بطانيه ومخده وسكر الباب وطلع
ميس:سكرت الباب بسرعه ومن الصدمه حتي مقدرتش تبكي ولا تدير ردة فعل غيرت حوايجها لبست توته حرايريه وبدت تحاول تنضف الدار والافكار حتلت تفكيرها ليش تعامل معاي هكي من اول يوم هوا اللي دار هكي ف الدار بس ليش وقعدت ع هلحال لين كملت ضمان الدار واتكت ورقدت من التعب 💔
———————————
صالحه:اااه يارجليا
تقوى:نحت الكعب وقعمزت ع الكرسي .لاكن لعروس طلعت مشالله 
ساجده: لاكن حسيتهم جاهلين شوي شفتي لبس اختها اللي تقول جايه لعزي ولا مرت بوها اللبسه اللي لابستها حناي لبستها ف عرسها وتوا قريب يحطوها ف المتحف الوطني😂
صالحه:شنو ياكنتي لكبيره نسيتي الوز والبط اللي خشلنا ف الخيمه لما جينا بنروحو بيك
تقوى:ولا خوتك الصغار اللي قعدو يجرو وراي بدجاجه روحت صنتي تقول متمرمده ف حضير🙂
ساجده:جتها ف السنون كلمه مقالتهاش طول ركبت لشقتها وهيا منفوخه قريب تطربق
——————————-
عند عيلة ميس✨
سعاد:الحمد الله كل شي مشي زي كاتبو واحسن
اروى:اي وهل لعريس باين عليهم ناس ذوق وهكي حسيتهم كويسين
بشرى:متصدقيهاش هاذا كله ع خاطر حصلت طرف من عيلتهم😂
سعاد:طرف شنو
اروى:نخصت بشرى.متدوريهاش هاذي ان شالله تبرا🙂
سعاد:هي خل نمشي نرتاح ارقدو بكري بش تعاونوني خل نكملو لحوايه بكري ونمشو للمحضر
بشرى:ارقدو.قصدك اروى بتبات😑
اروى:اي سلم عمتي سعاد كلمت خوتي نقعد معاها الليله بش غدوه نعاونها😌😏
بشرى:نتفكه من كلطه تجيني كلطه دبل 2🙂
اروى:خطأ تصحيح.ياهارب من الغوله ياطايح ف سلال لقلوب😂✌🏻
سعاد:سكرت الدار عليهم وخلتهم ف نقاشاتهم اللي متمش وطلعت
—————————-
صباح اليوم التالي🌞
ميس:فتحت عيوني شفت الساعه لقيتها ال9:30 نضت غسلت وجهي وصليت الصبح وزدت ضميت الدار وفتحت الباب وطلعت دورت ب عيوني ع حسن ملقيتاش بس تليفونه ومفتاحه موجود اكيد ف الحمام(اكرمكم الله)
خشيت للمطبخ وبديت نوتي ف الفطور حاولت نخلي روحي عاديه ونشوف شن يصير
حسن:طلع من الحمام ينشف ف شعره
ميس:صباح الخير☺️
حسن:صباح النور
ميس:ءء وتيت لفطور قلت بال
حسن:افطري انتي اني فطرت
ميس:به
حسن:اسمعي
ميس:اسمي ميس
حسن:المهم ياريت لو محد يسمع باللي شفتيه لا امك لا امي ولا شخص
ميس:ءءء اي اي ولا يهمك
حسن:به مليح .امي شوي وتجيك خلي روحك عاديه واي سؤال تسألهولك جوابي ع قد السؤال بس
ميس:اي شي تاني☺️
حسن:كيف
ميس:لا قصدي معندكش طلبات تانيه
حسن:تو كان تذكرت شي نقولك
ميس:به😊
حسن:خش لدار لقي الدار كإن مش صاير فيها شي خدي زبونه وغير حوايجه ونزل لحوش امه
اماميس حطت لفطور ع الطاوله وبدت تاكل————————————
عبد الله:منى منى
منى:اممم
عبد الله:ت نوضي
منى:قعمزت تحاول تصحصح هااا شن فيه من صبح ربي ان شالله خير
عبدالله:خالد ومرته قريب يوصلو نوضي ديري دوره ع حوش امي وشوفي امي بالك تبي شي
منى:الصبر ياربي قصدي حتي ف يوم الجمعه منرتاحش
عبدالله:سكري فمك وبلا تفتفيت زايد ونوضي وخش لدوش
منى:بصوت واطي النهار الأسود اللي جيت فيه لهلعيله الغبره.وناضت
——————————
وصلو وصلت سعاد وأروى وبشرى  وعمتاتها ال2 حوش ميس خشو سلمو ع ام حسن وأخته ومرت خوه وركبو مع بعض
ميس :فتحتلهم الباب بعد ما كملت غسل ماعون .تفضلو
صالحه:خشت هيا وبنتها لدار الضيوف
سعاد:شدت ميس.سلمي و اسبقيني ع المطبخ
ميس:هزت براسها بمعني تمام
كملت سلمت ع اختها وصاحبتها ومشت للمطبخ
ميس:نعم
سعاد:هاك
ميس:توسعو عيونها ءء هاذا شنو !!!!
————————
منى:نخلعت من صوت تقربيع الباب اللي قريب يتكسر
عبدالله:طلع من الدوش بسرعه.شن فيه
منى:مم منعرفش
عبدالله:فتحالباب ونصدم لما لقي؟؟!!
——————-
ايوب:وين
حسن:كيف طلعت من الحوش.علاش
ايوب:مصيبه
حسن :شن فيه
ايوب:محمد خوك
حسن:خيره
ايوب؟؟؟!يتبع🔥
.
تفاعلكم ضعيف هلبا قصدي لايك وتعليق مش حياخد منك شي ❤️
لان لو استمر التفاعل هكي معادش حنكمل الروايه هنايا حنكملها ع الوتباد❤️✨