احببت متزوجه

البارت الرابع
رجعت امي وابوي على بيت وطلب مهند منهم نروح لزيونه نتعشى ونرجع وياخذوني معاهم
بابا وافق وامي رفضت روحتي مهم بالاول ولكن قرب غزوان من ماما كدر يقنعها اروح

مهند: حنان اذا كملتي شغل اصعدي جهزي نفسج راح نطلع نتعشى ، غزوان انت هماتين

حنان : حاضر

غزوان : حاضر

صعدت ل غرفتي وجهزت نفسي ولبست بنطرون كابوي شويه عريض وقميص ازرق سمائي وتركت شعري مفتوح ولبست سوار بابا وتراجي وقلادة ماما

ونزلت

مهند : طلعت قمر يا حنان

غزوان : بطريقة المزاح ، هل تقبلين بهذه الرقصه معي؟

حنان: هههه تأخرنا يلاا نطلع

طلعنا وأجر مهند سيارة وصعدنا لبيت ماما سليمه كان قريب بينا منطقتين فقط

وصلنا ودك الباب مهند فتح الباب شخص طويل تقريبا بطول مهند ولكن ضخم ما مثل مهند ولا غزوان هذا الشخص حمودي

حمودي: اتفضل منو حضرتك ؟
مهند : انا مهند وهذا اخي غزوان وهذه اختنا حنان

حمودي: اهلا وسهلا ، الماشالتكم الكاع تشيلكم عيوني هلا والله اتفضلو

دخلنا البيت اكو ممر صغر وضيق بحث حمودي وكف على بايت الدرج وانا وغزوان بالباب ومهند داخل الممر وموجود سخان ماء ماما سليمه ساكنه بالطابق الثاني

صعدنا حمودي ودخلنا ، بيت ماما سليمه عبارة عن غفرة وداخلها مطبخ وصحيات بصف الغرفه ونهاية البيت غرفه مابيها لا شباك ولا متهوايه

كان ماما سليمه تصلي ولابسه جادر صلاة ، خلصت الصلاة وحضنتنا احنا الثلاثه وصارت تبجي

ماما سليمه : مهند شلونك شخبارك صحتك دوامك الغربه

مهند : يا ماما سليمه الغربه عذاب وشغلي تمام

ماما سليمه : الحمدلله ،غزوان انت شخبار دراستك

غزوان : اخر سنه وراح اخلص واتوضف

ماما سليمه : ان شاء الله تتوضف وتصير افضل ناس وتصيرون بشوات بحق اهل البيت

حنان : من هم اهل البيت ؟

ماما سليمه : اولاد فاطمة الزهراء عليهم السلام وفاطمه تكون بنت الرسول محمد نبي المسلمين عليه واهله افضل الصلاة والسلام

حنان : مااعرف ، زين ليش تكولين عليهم السلام وليش تكولين بحقهم

ادخل غزوان المشاكس المزعج🤦‍♀️

غزوان : حنان مو وقت فضولك

ماما سليمه : هههههه حقها غزوان تعرف،، والتفت اليه فد مرة نكعد انا وياج وافهمج شنو نسيتي قصص الانبياء الي اسولفهم الج