احتواء'ي انت .. 💜

بارت " 20 "

الصباح °-°

صحيت و مشيت الجامعة و صلت و سلمت ع البنات و كده و دخلنا المحاضرة عادي و طلعنا و مشينا فطرنا و انتهينا و دخلنا المحاضرة البعدها و انتهى الدوام و بقينا طالعين
انا : اممم بنات انا ماشة ل سنفورة😅
نور : خلاص ماشة معاك 😁
انا : اممم ضروري ؟!
نور : 😒😒
انا : اممم طيب يلا
نور : اساسا طيب😒
مشينا كلية طيران و سلمنا ع سنفورة

نور لاحظت لي انو انا م معاهم و بتلفت زي الزول الرايحة ليهو حاجة

نور : بيان انتي بتفتشي ف شنو 🤨
انا : ااا اممم انا لالا مف حاجة 😅
نور : متأكدة ؟!
انا : يب
وقفنا شوية مع سنفورة و نحنا راجعين
انا : ااا نور😄
نور : يس
انا : اممم انتي طارق الليلة جا ؟!
نور : وااو من متين بتسألي عنو ؟!
انا : ي جزمة ح تجاوبي ول لا ؟!
نور : الليلة م جا
انا : ليه😃
نور : بتسألي ليه انتي ؟!
انا : يلا بسرعة البنات برة { غيرت الموضوع }

طلعنا لل البنات و اي وحدة ع بيتها

وصلت البيت و سلمت ل بابا و اتغدينا مع بعض و اثناء الغدا
بابا : حبيبتي؟!
انا : ايوة ي بابا
بابا : انا الليلة ماشي ناس عمك وليد 😄
انا : اها ؟!
بابا : ح تمشي معاي ول لا ؟!
انا : اسفة ي بابا بس م عايزة امشي
بابا : بس عمك قال انو حبوبتك ح تجي و ح يعمل ليها بكرة ضبيحة و لازم الأسرة كلها تجتمع
انا : معلش بس ي بابا انا م حابة امشي
بابا : و اخليك هنا مع منو ؟!
انا : اشوف لو احمد و ضياء ح يجو 😄
بابا : لا . احسن انتي تمشي عندهم
انا : يسسسس خلاص اتفقنا😙

بس لاحظت انو بابا زعلان مني انو مح اجي

قمت مشيت عليهو و بستو ع راسو و قولت ليهو
_ عشانك ي غالي و عشان جدو انا ح اجيكم بكرة بعد الدوام😙
بابا : ربنا يحفظك لي
انا : اميين😃
بابا : يلا يلا من وشي انا ماشي اتكلم مع حبيبتي😎
انا : سجمممي😱 بتحب من ورا ماما ؟! الليلة النار ح تاكلك
بابا : 😂😂 مجنونة حبيبتي منو غير امك ي هبلة
انا : الله الله ع الحب🌚
بابا : بيان انقلعي😒

جريت غرفتي و اتصلت ل احمد و كلمتو انو ح اجيهم بعد شوية بس قولت ليهو م تكلم حد

قعدنا شوية و صلينا المغرب و اتحركنا ع بيت ناس فطوم

وصلنا و بابا دخل و سلم عليهم و هو و خالو محمد دخلو الصالون و بدو الونسة عن السياسة🤦🏻‍♀️ ترامب قال و ايران حصل فيها كده و كوريا الشمالية فيها حرب و كلام السياسية الكتير دا 🤦🏻‍♀️🤦🏻‍♀️

انا دخلت و قعدت مع ناس فطوم
ضياء : انتي مالك عاملة لينا وجع وش ؟!  يخ مش كنتي هنا الصباح
انا : خلاص راجعة
فطوم : انتي بتشغتلي ب الغبية دي انا م صدقت انك رجعتي
انا : حبيبتي ي فطوم😙
ضياء : مشششم😏
انا : شامة ريحة حريق انا 🙃
ضياء : يحرق راسك متخلفة😒
افاق : بيااان😐 ممكن تجي معاي شوية
فطوم : خلي بت الناس ترتاح
افاق : ي ماما بليزز الموضوع ضروري
انا : طيب يلا

مشينا غرفتها و قعدت قدامي
افاق : بياان ؟!
- ايوة
افاق : حصل حبيتي قبل كده ؟!
- لا 😃
افاق : طيب شوفي ف ولد ف مدرسة قريبة ل مدرستنا مرة الترحيل اتأخر و انا مشيت مع احمد يلا هو لاقاني اليوم داك و كان بعاين لي انا طوالي دخلت المدرسة و بعدها ب كم يوم تاني لاقيتو و حاول يتكلم معاي بس مشيت خليتو و بعدها حاول معاي كتير صحباتي قالو لي اديه فرصة سمعت كلامهم و اتكلمت معاهو و شوية شوية بقينا أصحاب و شوية شوية بقينا نحب بعض نحنا بقينا ادمان بعض
انا : وتفك 😱😱 و بعدين من متين الشفع بقو يحبو 😂
افاق : بيان😒
انا : طيب م بقول ليك انك غلطانة لانو الحب فطري بس برضو اعملي حسابك و م تثقي فيهو ثقة ١٠٠ اوكي ؟!
افاق : اوكي
انا : اسمو منو ؟!
افاق : غسان
انا : اششي ع مرت غسان😉
افاق : اااي😎
انا : لا خجلة لا حياء
افاق : حيا ول موت😂
انا : هبلة😂

طلعت منها و انا مبسوطة ليها شديد بس خايفة عليها كمان

منها كان ف موضوع ف راسي و لازم أواجه احمد بيهو

مشيت ليهو ف غرفتو و قعدنا

انا : خبراتوو
احمد : مف خبر + بطلي كلامك الغريب دا 😒
انا : عندي ليك سؤال بس لااااازم الصراحة😒
احمد : استر ي رب اها احكي
انا : احلف انك ح تقول الحقيقة 😁
احمد : اوووف اللهم طولك ي روح اها والله ح اقول الحقيقة
انا : بتحب نور ؟!
احمد : .....................

كاااااااااااااات  -_-

يتبع ...

باااي😄