حـورية_الضابط أيـهاب

بــ☄ــارت _33_

.
.
.
.
.
⁽ ميار ⁾
رجعت من الدوام لازمه گلبي بيدي ماعرف ليش خايفه
نزلنه من الخط جانن وياي ايات وقمر / اشوف هوسه يم باب بيتنه وكومه ناس معبالي بيتنه اله لمن باوعت مره ثانيه بس شنو دايخه ورجليه مشيلني اريد اوصل ماكو تالي سحبتني قمر ودخلنه / انصدمت من شفت النسوان هاي تلطم وهاي تعيط وهذيج تبجي شكوو....!!!
انصدمت بـ ماما كاعده يم تابوت وصافنه ودموع بعينها
رحت كعدت كدامها...

ميار ← ماما شبيج ليش تبجين
هذا تابوت منو
منو مات

⁽ ميار ⁾
ماحس غير ام ايات تحظن بيه وتكلي البقيه بحياتج ابوج مات
كلتلي هيج وسودت الدنيا بعيني ووگعت / غسلت ايات وجهي وكعدت ممصدكه عبالي حلم بس من شفت النسوان يعيطن يعني صدك وبابا راح وعافني...

ميار ← ايات صدك بابا مات

⁽ ميار ⁾
تباوع عليه وتبجي / رحت ع التابوت وكعدت كباله
وضليت احجي وياه بلا وعي طبعاً مجنت واعيه بس ايات سولفتلي شنو سويت...

ميار ←بابا ليش عفتني هاا
موو اني حبيبتك اكعد يلا
فدوووه لتعوفني

⁽ ميار ⁾
بقيت حاضنه التابوت وابجي...

ام حيدر ← الام وبنتها يكتلن الاب ويكعدن
يبجن عليه وخرري عوفي اخويه
من وراجن مات

⁽ ميار ⁾
تريد توخرني من التابوت وگمت عليها...

ميار ←_بصياح_
كااافي اشش لتدخلين
خليني احجي ويه بابا

ام سمر ← فوگاها ممتربايه

ميار ←كافي كلت شنو مسمعن

آيات← ميار كافي اصيحين منا النسوان عيب

⁽ ميار ⁾
ردت اشوف وجهه لـ اخر مره بس مخلوني
وسحبني النسوان واني بس اصرخ...

ميار ←عووفني فدووه بس اشوووفه
خااف يختنك ليش مخلينه هيج

⁽ آيات ⁾
من كالت يختنك ضليت ابجي عليها صدك فقدان الاب صعب كلش لان محد يكدر يعوض مكانه الله يساعدها...

‌‌━━┅═( ❤️ )═┅‌‌━‌‌━

⁽ أيهاب ⁾
من لفظ اخر انفاسه جنت يمه وصاني عـله عائلته
امنهم يمي / عمي ثاني واحد يلفظ انفاسه واني يمه الاول جان اخوي مهاب من وصلت اله ولگيته يعالج ومات بيدي/
من اجت ميار للبيت والصدمه مبينه بـ وجها بعدها متعرف بـ ابوها هيه دخلت للبيت واسمع عياطها وبجيها / وكفت يم باب الصاله اريد اخذ عمي للنجف واشوفها يم التابوت حاظنته والنسوان تريد توخرها العدو يلين گلبه من يشوف هيج منظر / كعدت يمها...

ايهاب ← ميار يلا كافي خل اخذه

ميار ←شنووو
ليش تاخذه بابا هنا مكانه يمنه
_بصياح_
شنوو تاخذه فهمني شلون اعيش بدونه كلي